ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 26 - LIFOTNTᤁᤢᤍᤥ᤺ᤵᤔᤠ ᤔᤏᤠ᤺ᤸᤗᤧ ᤆᤥᤃᤢᤒᤠ ᤐᤣᤗᤡ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤀᤣ. ᤀᤠᤱᤃᤠ᤹ ᤀᤠᤵᤋᤡᤰ ᤔᤣ᤺ᤴᤏᤣᤒᤠ ᤆᤥ᤺ᤰᤁᤠ ᤑᤠ᤹ᤀᤠᤱ ᤀᤡ᤺ᤳᤋᤠᤱᤅᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤁᤢᤍᤥ᤺ᤵᤔᤠ ᤗᤠᤶᤔᤥ ᤘᤠ᤹ᤀᤠᤖᤥ॥ ᤀᤠᤱᤃᤠ᤹ ᤀᤕᤠᤰ ᤔᤧᤴᤗ᤹ᤀᤣ ᤕᤜᤘᤣ ᤍᤠᤱᤒᤠᤀᤥ ᤀᤠᤏᤡᤱᤘᤠ᤹ ᤕᤢᤰᤂᤢᤱᤅᤠᤱ ᤘᤠ᤹ᤀᤠᤖᤥ॥ 2 ᤕᤜᤘᤣ ᤍᤠᤱᤒᤠᤀᤣ. ᤀᤠᤛᤡᤰᤗᤢᤱᤔᤠᤴ ᤏᤢ ᤀᤠᤱᤃᤠ᤹ ᤀᤠᤏᤡᤱᤘᤠ᤹ᤀᤡᤴ ᤛᤠ᤹ᤖᤧᤀᤥ॥ ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤰᤋᤱᤒᤠ ᤆᤥ᤺ᤰᤁᤠ ᤑᤠ᤹ᤀᤠᤱ ᤛᤠ᤹ᤖᤠᤱᤅᤧ᤹ᤀᤥ॥ 3 ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤛᤍᤠᤍᤡᤱ ᤂᤧᤏᤧ᤹ ᤗᤢᤱᤔᤠ᤹ ᤁᤧᤍᤢᤰᤁᤠᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤢᤱᤗᤥ. ᤜᤧᤰᤁᤩᤠᤱ ᤁᤧᤛᤧᤰᤂᤠᤒᤠ ᤗᤠᤶᤔᤥ ᤀᤠᤱᤃᤠ᤹ ᤆᤰᤔᤧᤸᤗ᤹ᤀᤣ ᤗᤠᤱᤄᤣ᤺ᤰᤁᤠᤖᤥ॥ 4 ᤀᤠᤱᤃᤠ᤹ ᤀᤡᤱᤗᤧᤰᤁᤩᤠ ᤔᤏᤠᤜᤠ᤹ᤏᤢ ᤔᤧᤘᤠ᤹ᤀᤠᤴᤗᤥ. ᤜᤧᤰᤁᤩᤠᤱ ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤜᤠ᤹ᤏᤢᤀᤠᤱ ᤔᤧᤘᤠ᤹ᤀᤠᤴᤗᤥ॥ 5 ᤑᤧᤴᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤔᤧᤈᤢᤶᤒᤠ ᤋᤧᤴᤏᤥ ᤔᤧᤈᤢᤶᤔᤠᤴᤗᤥ. ᤜᤧᤰᤁᤩᤠᤱ ᤁᤢᤀᤡᤃᤧᤓᤧᤶᤒᤠᤜᤠ᤹ᤏᤢᤀᤠᤱ ᤛᤥᤖᤡᤰ ᤔᤧᤕᤢᤱᤅᤠᤴᤗᤥ॥ 6 ᤕᤜᤘᤣ ᤍᤠᤱᤒᤠᤀᤣ. ᤀᤠᤱᤃᤠ᤹ ᤀᤠᤀᤠᤵᤋᤡᤰ ᤜᤥᤵ ᤑᤠ᤹ᤀᤠᤱ ᤀᤠᤜᤢᤰᤜᤠ᤹ ᤘᤠᤜᤵᤋᤢᤱᤗᤥ. ᤜᤧᤰᤁᤩᤠᤱ ᤂᤧᤏᤧ᤹ᤀᤥ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤡᤴ ᤁᤒᤪᤡᤱ ᤁᤒᤢᤱᤗᤥ॥ 7 ᤏᤢᤃᤧᤴ ᤛᤠᤶᤗᤥᤴ ᤛᤠᤶᤔᤧᤳᤋᤢᤱᤗ ᤀᤠᤱᤃᤠ᤹ ᤁᤧᤈᤥᤃᤢᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤏᤠᤜᤠ᤹ ᤆᤧᤰᤋᤢᤱᤛᤡᤱᤗ ᤗᤠᤱᤄᤣ᤺ᤰᤁᤠᤖᤥ॥ 8 ᤕᤜᤘᤣ ᤍᤠᤱᤒᤠᤀᤣ. ᤂᤧᤏᤧ᤹ ᤁᤧᤘᤠ᤹ᤔᤠ ᤜᤡᤶᤔᤡᤴ ᤏᤢ ᤁᤧᤔᤡᤔᤡᤍᤡᤱ ᤀᤥ᤺ᤵᤐᤠᤍᤧᤴᤏᤡᤴ ᤀᤠᤛᤡᤖᤠ᤹ᤎᤠᤱᤗᤥ॥ 9 ᤗᤠᤕᤥᤒᤠᤜᤠ᤹ᤏᤢ ᤛᤥᤖᤡᤰ ᤔᤧᤔᤧᤰᤂᤠᤱᤅᤧᤴᤏᤧ᤹ᤀᤥ. ᤜᤧᤰᤁᤩᤠᤱ ᤔᤏᤠ ᤁᤧᤛᤧᤵᤐᤠᤜᤠ᤹ ᤂᤢᤶᤍᤡᤱ ᤁᤧᤒᤡᤖᤢᤛᤡᤒᤠ ᤜᤧᤰᤁᤣ ᤔᤧᤔᤧᤳᤋᤠᤱᤅᤡᤴᤏᤧ᤹ᤀᤥ॥ 10 ᤂᤧᤴ ᤔᤏᤠ ᤁᤧᤛᤧᤵᤐᤠᤜᤠ᤹ ᤀᤠᤓᤧᤸᤗᤧᤛᤠᤱ ᤑᤧᤴᤕᤠ᤺ᤶᤒᤰ ᤔᤧᤈᤥᤰᤗᤥ. ᤜᤧᤰᤁᤩᤠᤱ ᤛᤫᤠ᤺ᤳᤋᤠᤱ ᤕᤠᤱ ᤔᤧᤈᤖᤥ॥ 11 ᤁᤖ ᤀᤠᤱᤃᤠ᤹ᤃ ᤀᤠᤵᤋᤡᤰᤁᤥ ᤔᤧᤴᤎᤠᤀᤣ ᤜᤡᤱᤅᤠᤖᤥ. ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤠᤱ ᤛᤧ᤺ᤵᤋᤠᤱᤅᤧ᤹ᤀᤥ॥ 12 ᤕᤜᤘᤣ ᤍᤠᤱᤒᤠᤀᤣ. ᤀᤠᤱᤃᤠ᤹ᤃ ᤏᤧᤏᤧᤒᤠᤍᤧᤴᤏᤥ ᤕᤧᤵᤐᤠᤖᤥ. ᤁᤧᤔᤏᤠᤜᤠ᤹ ᤔᤧᤈᤢᤶᤒᤠᤗᤢᤶᤔᤥ ᤁᤧᤏᤠᤖᤠ ᤑᤥᤛᤢᤱᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.