ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 15 - LIFOTNTᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤔᤏᤠ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤀᤣ. ᤂᤧᤏᤧ᤹ ᤁᤧᤛᤣᤛᤣᤍᤧᤴᤏᤥ ᤜᤠᤳ ᤕᤠᤱᤎᤥ᤺ᤰᤔᤠ ᤛᤢᤰᤐᤣ᥅ ᤂᤧᤏᤧ᤹ ᤁᤧᤛᤣᤛᤣ ᤁᤥ᤺ᤰᤔᤠ ᤛᤡᤕᤥᤏᤀᤥ ᤜᤠᤳ ᤕᤢᤱᤔᤠ ᤛᤢᤰᤐᤣ᥅ 2 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹. ᤜᤧᤰᤁᤩᤠᤱ ᤏᤢᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤀᤠᤱ ᤛᤧᤰᤂᤠ ᤏᤢ ᤁᤢᤍᤥ᤺ᤵᤔᤠ ᤐᤠᤴ ᤁᤧᤒᤠ᤺ᤵᤐᤠᤜᤠ᤹ ᤕᤢᤱᤔᤠ ᤔᤧᤄᤥᤖᤥ॥ 3 ᤜᤧᤰᤁᤩᤠᤱ ᤕᤠᤵᤔᤡᤜᤠ᤹ ᤆᤧ᤹ᤕᤠ ᤀᤡᤱᤍᤥ ᤔᤧᤶᤔᤧᤵᤔᤏᤠᤒᤠᤜᤠ᤹. ᤜᤡᤶᤒᤣᤛᤠᤱᤒᤠᤜᤠ᤹ ᤑᤧᤳᤔᤧᤸᤗᤠ᤺ᤶᤔᤏᤠᤒᤠᤜᤠ᤹. ᤜᤧᤰᤁᤩᤠᤱ ᤀᤠᤒᤠᤅᤣ ᤆᤢᤶᤍᤣᤱᤜᤠ᤹ᤖᤧ ᤂᤢᤏᤡ᤹ ᤆᤠ᤺ᤳᤌᤡ ᤔᤧᤴᤍᤣᤔᤏᤠᤒᤠᤜᤠ᤹ ᤕᤢᤱᤔᤠ ᤔᤧᤄᤥᤖᤥ॥ 4 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤏᤠ᤹ᤒᤠ ᤔᤏᤠᤴ ᤁᤧᤈᤡ᤺ᤵᤐᤠᤜᤠ᤹. ᤕᤜᤘᤣ ᤍᤠᤱᤒᤠᤴ ᤔᤡᤱᤛᤥ ᤀᤡᤱᤎᤠᤱ ᤁᤧᤒᤡᤒᤠᤜᤠ᤹. ᤋᤢᤰᤂᤣ ᤗᤠᤰᤂᤣ ᤔᤧᤍᤢᤶᤛᤠᤱ ᤔᤧᤈᤥᤃᤢᤒᤠ ᤔᤠᤱᤜᤧᤰᤁᤡᤴ ᤔᤧᤸᤗᤧᤵᤔᤏᤠᤒᤠᤜᤠ᤹ᤀᤠᤱ ᤕᤢᤱᤔᤠ ᤔᤧᤄᤥᤖᤥ॥ 5 ᤛᤡᤱᤏᤠᤳᤋᤥ ᤕᤠᤱ ᤁᤧᤃᤣ᤺ᤵᤐᤠᤀᤠᤱ ᤁᤢᤛ᤻ᤛᤠ ᤔᤧᤴᤈᤠᤔᤏᤠᤒᤠᤜᤠ᤹. ᤁᤢᤍᤥ᤺ᤵᤔᤠ ᤔᤏᤠᤜᤠ᤹ ᤐᤠ᤺ᤴᤎᤡᤰᤔᤠᤛᤡ ᤑᤠ᤹ᤀᤠᤱ ᤛᤢᤖᤢᤋᤩᤠᤱ ᤔᤧᤴᤈᤠᤔᤏᤠᤒᤠᤜᤠ᤹ᤀᤠᤱ ᤕᤢᤱᤔᤠ ᤔᤧᤄᤥᤖᤥ॥ ᤜᤧᤰᤋᤱᤒᤠ ᤏᤢᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤀᤣ ᤀᤠᤵᤑᤠᤸᤗᤧᤀᤠᤱ ᤔᤧᤴᤈᤥ᤺ᤴᤏᤧᤸᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.