ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 148 - LIFOTNTᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤏᤠᤖᤠ ᤑᤥᤔᤠ 1 ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ᥄ ᤛᤠᤱᤃᤪᤠᤶᤐᤣᤍᤠᤱᤗᤠᤶᤒᤠ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ. ᤆᤴᤈᤶᤒᤠᤍᤧᤴᤏᤥ ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 2 ᤛᤠᤱᤃᤪᤠᤶᤐᤣᤍᤠᤱᤒᤠ ᤁᤧᤖᤧᤰ ᤁᤢᤔᤠᤱᤗᤠᤀᤡᤱᤒᤠᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ. ᤛᤠᤱᤃᤪᤠᤶᤐᤣᤍᤠᤱᤒᤠ ᤁᤧᤖᤧᤰ ᤁᤢᤎᤰᤛᤢᤒᤠᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 3 ᤏᤠᤶ ᤏᤢ ᤗᤠᤒᤠᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤳᤇᤧ᤹ᤀᤥ. ᤐᤀᤥ᤺ᤳ ᤁᤧᤀᤥ᤺ᤵᤐᤠ ᤂᤣ᤺ᤶᤛᤡᤰᤐᤠᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 4 ᤁᤧᤖᤧᤰᤏᤢ᤺ᤸᤗᤧᤀᤠᤱ ᤌᤠ᤺ᤱᤎᤠᤰᤐᤠ ᤋᤠᤱᤛᤠᤰᤐᤠᤀᤣ. ᤜᤧᤰᤁᤩᤠᤱ ᤂᤧᤴ ᤋᤠᤱᤛᤠᤰᤐᤠᤴᤏᤢ᤺ᤸᤗᤧᤀᤠᤱ ᤌᤥ ᤁᤧᤏᤧᤒᤠ ᤆᤫᤠ᤺ᤳᤇᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 5 ᤂᤧᤱᤜᤠ᤹ ᤁᤧᤖᤧᤰᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤡᤱᤛᤥ ᤁᤢᤎᤠ᤺ᤱᤛᤥ ᤔᤧᤈᤥᤃᤢᤖᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤀᤡᤱᤈᤠᤱ ᤆᤥᤃᤢᤀᤠᤱ ᤂᤧᤱᤜᤠ᤹ ᤁᤧᤖᤧᤰ ᤏᤠᤘᤠᤃᤧᤴ ᤆᤀᤡ᤺ᤳ ᤐᤥ᤺ᤰᤂᤧᤖᤥ॥ 6 ᤂᤢᤏᤧ᤹ ᤛᤍᤠᤍᤡᤱᤗᤧ ᤗᤠᤃᤡ ᤂᤧᤱᤜᤠ᤹ ᤑᤳᤇᤢᤛᤡᤀᤠᤱ ᤐᤳᤗᤥ. ᤜᤧᤰᤁᤩᤠᤱ ᤂᤧᤴ ᤆᤥᤃᤢᤒᤠ ᤐᤠ᤺ᤴᤜᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤰᤏᤧᤴ ᤔᤧᤒᤣ᤺ᤰᤏᤧᤸᤗᤥ॥ 7 ᤆᤫᤠ᤺ᤳ ᤛᤡᤃᤠᤱ ᤁᤧᤕᤠᤰᤐᤠ ᤐᤕᤶ ᤕᤶᤒᤠ ᤐᤠᤎᤢᤱ ᤗᤧ᤺ᤰᤅᤠᤛᤣ. ᤜᤧᤰᤁᤩᤠᤱ ᤁᤢᤍᤡᤶᤒᤣ ᤁᤣ᤺ᤶᤒᤠ ᤘᤖ᤺ᤱᤛᤣ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶᤒᤠ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 8 ᤛᤠ᤺ᤶᤓᤣ ᤏᤢ ᤑ᤺ᤴ. ᤏᤠ᤺ᤱ ᤏᤢ ᤂᤠ᤹ᤔᤡᤳ. ᤂᤢᤏᤧ᤹ ᤁᤢᤒᤠᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤧᤍᤧᤶᤒᤠ ᤂᤀᤡᤰ ᤂᤀᤡᤰ ᤁᤧᤀᤡᤰᤛᤡᤱᤒᤠ ᤛᤢᤖᤡᤳ ᤁᤣᤈᤱᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 9 ᤏᤠᤱᤈᤱᤗᤢᤱ ᤏᤢ ᤁᤧᤖᤧᤰ ᤌᤧᤃᤢᤛᤣ. ᤁᤢᤈᤠ᤹ ᤁᤧᤎᤥ᤺ᤰᤐᤠ ᤛᤡᤱᤒᤢᤱ ᤏᤢ ᤛᤠᤶᤔᤠᤱ ᤛᤡᤱᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 10 ᤋᤠᤶᤓᤢᤱ ᤌᤰᤛᤠ ᤏᤢ ᤁᤧᤖᤧᤰ ᤜᤡᤶᤌᤰᤛᤠᤛᤣ. ᤁᤧᤀᤢ᤺ᤱᤛᤡᤱᤒᤠ ᤁᤧᤛ᤺ᤴᤇᤡᤱᤒᤠ ᤌᤰᤛᤠ ᤏᤢ ᤁᤧᤒᤧᤒᤠ ᤐᤢᤛᤠᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ᥄ 11 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤛᤣ. ᤜᤧᤰᤁᤩᤠᤱ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤛᤣ. ᤂᤧᤒᤩᤠᤱ ᤜᤠᤱᤛᤠ ᤏᤢ ᤁᤧᤖᤧᤰ ᤕᤢᤰᤛᤠᤒᤠᤛᤣ. ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 12 ᤌᤠᤱᤒᤧᤴ ᤏᤢ ᤔᤧᤴᤇ᤻ᤕᤠᤛᤣ. ᤁᤠᤵᤐᤥᤒᤠ ᤏᤢ ᤀᤅᤧ᤺ᤰᤘᤠᤛᤣ. ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ 13 ᤂᤧᤱᤜᤠ᤹ ᤁᤧᤖᤧᤰᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤔᤧᤓᤥᤛᤢᤖᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤔᤡᤱᤅᤡᤴ ᤘᤣ᤹ ᤁᤧᤖᤧᤰ ᤔᤡᤱᤜᤠ᤹ᤏᤢ᤺ᤸᤗᤧ ᤕᤶᤒᤠ ᤆᤥᤰᤗᤥ. ᤂᤢᤏᤧ᤹ ᤁᤢᤔᤡᤔᤡᤍᤡᤱᤅᤡᤴ ᤀᤡᤰᤛᤠ ᤂᤠᤶᤒᤣᤰ ᤜᤧᤰᤁᤩᤠᤱ ᤋᤠᤱᤛᤠᤰᤐᤠᤴᤏᤢ᤺ᤸᤗᤧᤀᤠᤱ ᤁᤢᤎᤢᤱᤎᤥᤒᤠ ᤆᤥᤰᤗᤥ॥ 14 ᤂᤢᤏᤧ᤹ ᤁᤢᤔᤏᤠᤜᤠ᤹ ᤁᤧᤎᤢᤶᤒᤠ ᤆᤥᤃᤢᤛᤡᤖᤥ. ᤁᤢᤏᤡᤱᤘᤠ᤹ᤖᤧ ᤂᤥ᤺ᤵᤋᤢᤛᤡᤒᤠ ᤁᤢᤛᤣᤛᤣ ᤔᤏᤠ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤔᤡᤱᤛᤥ ᤀᤡᤱᤎᤠᤱ ᤔᤧᤒᤡᤖᤢᤖᤥ॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ᥄ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.