ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 142 - LIFOTNTᤁᤧᤛᤠᤰᤐᤥ ᤀᤠᤎᤠ᤺ᤸᤗᤧᤒᤠ ᤐᤣᤗᤡ ᤍᤠᤀᤢᤍᤧᤴ ᤗᤢᤱᤑᤢᤰᤁᤥᤀᤥ ᤘᤕᤧᤸᤗᤧ ᤐᤣᤗᤡᤖᤧ ᤗᤠᤃᤡ ᤔᤛ᤻ᤁᤡᤗ ᤁᤢᤛᤠᤶᤗᤥ 1 ᤕᤶᤒᤠ ᤀᤡᤰᤗᤠᤀᤥ ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠᤴ ᤀᤢ᤺ᤳᤋᤢᤱᤗᤥ. ᤀᤠᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ ᤑᤠ᤹ᤀᤠᤱ ᤕᤜᤘᤣ ᤍᤠᤱᤒᤠᤴ ᤐᤣᤗᤡ ᤑᤠᤰᤋᤢᤱᤗᤥ॥ 2 ᤂᤢᤏᤧ᤹ ᤁᤢᤍᤃᤡ ᤀᤠᤗᤢᤱᤜᤠᤴ ᤐᤠ᤺ᤴᤜᤠ᤹ ᤋᤥ᤺ᤴᤍᤢᤱᤗᤥ. ᤁᤧᤖᤧᤰ ᤀᤠᤍᤢᤰᤂᤣ ᤀᤠᤗᤠᤰᤂᤣᤜᤠ᤹ ᤀᤠᤱᤃᤠ᤹ ᤂᤢᤏᤧ᤹ᤀᤣ ᤆᤧᤰᤋᤢᤱᤗᤥ॥ 3 ᤀᤠᤛᤰᤔᤠ ᤐᤢ᤹ᤀᤡᤸᤗᤧ ᤌᤣ ᤆᤥ᤺ᤰᤔᤠ ᤐᤥᤱ. ᤂᤧᤴ ᤂᤢᤏᤧ᤹ᤀᤣ ᤏᤡᤛᤢᤖᤥ॥ ᤀᤠᤱᤃᤠ᤹ ᤀᤠᤗᤠᤱᤄᤣ᤺ᤰᤔᤠ ᤗᤠᤶᤔᤥ ᤀᤠᤏᤡᤱᤔᤡᤜᤠ᤹ᤖᤧ ᤛᤫᤠ᤺ᤳᤋᤠᤱ ᤀᤡᤔᤧᤕᤢᤰᤋᤠᤱᤅᤠᤱ ᤏᤧᤖᤥ॥ 4 ᤀᤠᤱᤃᤠ᤹ ᤀᤠᤒᤣᤛᤠᤱ ᤕᤠᤵᤔᤡ ᤁᤧᤓᤠ᤹ᤒᤠ ᤔᤏᤠᤜᤠ᤹ ᤁᤥ᤺ᤳᤋᤢᤱᤛᤡᤱᤗᤥ. ᤁᤖ ᤕᤠᤵᤔᤡ ᤁᤶᤒᤪᤠᤱ ᤁᤧᤔᤧᤵᤐᤠ ᤔᤏᤠ ᤀᤠᤳᤋᤡᤴᤜᤠ᤹ᤀᤠᤱ ᤔᤧᤜᤥᤵᤗᤥ. ᤀᤠᤱᤃᤠ᤹ ᤀᤠᤀᤡ᤺ᤶᤛᤡᤱᤍᤧᤴ ᤀᤠᤳᤋᤡᤀᤠᤱ ᤜᤥᤵᤗᤥ. ᤀᤠᤱᤃᤠ᤹ ᤜᤠ᤺ᤳᤗᤧᤀᤠᤱ ᤏᤡᤏᤡ ᤔᤧᤸᤗᤠᤵᤐᤠᤸᤗᤥ॥ 5 ᤕᤜᤘᤣ ᤍᤠᤱᤒᤠᤀᤣ. ᤑᤠ᤹ᤖᤠᤱᤅᤧ᤹ ᤑᤠ᤹ᤀᤠᤱ ᤀᤠᤱᤃᤠ᤹ ᤂᤧᤏᤧ᤹ ᤀᤢ᤺ᤳᤏᤧᤖᤥ. ᤂᤧᤏᤧ᤹ᤃ ᤀᤠᤱᤃᤠ᤹ ᤀᤠᤀᤡ᤺ᤶᤛᤡᤱᤔᤠ ᤍᤧᤴᤏᤧᤖᤥ. ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤜᤡᤱᤔᤴᤏᤥ ᤆᤠᤜᤠᤒ᤻ ᤆᤥ᤺ᤰᤁᤠᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ᤃ ᤂᤧᤏᤧ᤹ᤀᤣᤖᤥ॥ 6 ᤀᤠᤱᤃᤠ᤹ ᤀᤠᤒᤣᤗᤡᤴ ᤂᤧᤵᤛᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤛᤠ᤹ᤖᤡᤰ ᤁᤧᤛᤠᤰᤐᤥ ᤀᤠᤱᤃᤠ᤹ ᤌᤩᤠᤱᤅᤠᤱ ᤘᤠ᤹ᤀᤠᤖᤥ॥ ᤀᤠᤱᤃᤠ᤹ ᤕᤠᤵᤔᤡ ᤁᤧᤏᤠ᤺ᤵᤐᤠ ᤀᤠᤏᤡᤱᤔᤡᤜᤠ᤹ᤗᤠᤶᤒᤠ ᤛᤧ᤺ᤵᤋᤠᤱᤅᤧ᤹ᤀᤥ. ᤂᤧᤱᤜᤠ᤹ ᤀᤠᤱᤃᤠ᤹ᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤁᤧᤎᤢᤶᤒᤠ ᤔᤧᤈᤥᤰᤗᤥ॥ 7 ᤀᤠᤱᤃᤠ᤹ ᤐᤢᤱᤗᤠᤜᤡᤶᤔᤥᤗᤠᤶᤒᤠ ᤗ᤺ᤳᤋᤠᤱᤅᤧ᤹ᤀᤥ. ᤀᤠᤱᤃᤠ᤹ ᤁᤧᤏᤠᤖᤠ ᤑᤥᤛᤢᤱᤗᤥ॥ ᤂᤧᤏᤧ᤹ ᤀᤠᤱᤃᤠ᤹ ᤏᤢᤖᤡᤰ ᤁᤧᤔᤧᤳᤋᤠᤱᤒᤠᤸᤗᤧ ᤆᤥᤃᤢᤸᤗᤧ ᤁᤧᤔᤏᤠᤜᤠ᤹ ᤀᤠᤱᤃᤠ᤹ ᤀᤠᤄᤡᤖᤡ ᤔᤧᤈᤢᤶᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.