ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 137 - LIFOTNTᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤜᤠ᤹ᤖᤧ ᤂᤢᤏᤡ᤹ ᤛᤠᤶᤗᤥ 1 ᤒᤣᤒᤡᤗᤥᤏᤒᤠ ᤘᤜ᤺ᤱᤜᤠ᤹ᤖᤧ ᤁᤢᤕᤠᤀᤥ ᤕᤢᤅᤡᤃᤧᤖᤥ. ᤕᤖᤢᤛᤗᤧ᤺ᤶᤔᤡᤴ ᤏᤡᤱᤘᤠ᤹ ᤀᤡ᤺ᤳᤋᤢᤶᤒᤧᤀᤠᤱ ᤜᤠᤒᤡᤃᤧᤖᤥ॥ 2 ᤀᤠᤏᤡᤃᤣ ᤋᤢ᤺ᤱᤃᤣᤜᤠ᤹ ᤔᤢᤱᤔᤠ ᤗᤧᤵᤔᤏᤠᤖᤥ. ᤂᤧᤵᤔᤥᤒᤠ ᤐᤥᤖᤥ᤺ᤰᤛᤡᤱᤜᤠ᤹ᤀᤥ ᤂᤧᤱᤜᤠ᤹ ᤑᤥ᤺ᤶᤔᤏᤠᤖᤥ॥ 3 ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤣ ᤁᤧᤍᤧᤶᤒᤠ ᤁᤧᤍᤣ᤹ᤒᤠ ᤏᤢ ᤐᤢᤱᤗᤠᤎᤠᤒᤠ ᤁᤧᤈᤥ᤺ᤰᤐᤠᤜᤠ᤹ᤖᤧ ᤛᤠᤶᤗᤥᤔᤠ ᤔᤧᤒᤠᤱᤄᤡᤃᤧᤖᤥ. ᤜᤧᤰᤁᤩᤠᤱ ᤀᤠᤏᤡᤃᤣ ᤛᤠ᤹ᤖᤡᤰ ᤋᤢᤰᤂᤣ ᤁᤧᤈᤠ᤺ᤵᤐᤠᤜᤠ᤹ᤖᤧ ᤏᤡᤱᤘᤠ᤹ ᤁᤧᤍᤠᤒᤠ ᤛᤠᤶᤗᤥ ᤔᤧᤒᤠᤱᤄᤡᤃᤧᤖᤥ॥ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤔᤧᤳᤋᤡᤃᤧᤖᤥ. “ᤀᤠᤏᤡᤃᤣ ᤗᤠᤃᤡ ᤛᤡᤕᤥᤏᤒᤠ ᤛᤠᤶᤗᤥᤜᤠ᤹ᤀᤥ ᤗᤳᤇᤠ ᤛᤠᤶᤗᤥᤎᤡᤰ ᤛᤠᤶᤔᤧᤳᤋᤧᤶᤔᤧ᤹॥” 4 ᤀᤠᤏᤡᤃᤧᤃ ᤔᤠ᤺ᤱᤄᤠᤒᤠ ᤗᤠᤈᤣ᤹ᤀᤥ ᤘᤕᤡᤃᤧᤖᤥ. ᤜᤧᤰᤁᤣ᤺ᤸᤗᤧ ᤂᤧᤴ ᤋᤧᤴᤏᤥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤠᤶᤗᤥᤴ ᤀᤠᤰᤂᤣᤀᤠᤱ ᤛᤠᤶᤔᤧᤵᤔᤠ ᤛᤢᤰᤋᤢᤶᤒᤧᤒᤣ᥅ 5 ᤕᤖᤢᤛᤗᤧᤔ ᤕᤧᤰᤕᤰᤁᤣ. ᤏᤡᤱᤘᤠ᤹ ᤔᤧᤶᤓᤣ᤺ᤴᤏᤣ ᤁᤳᤏᤧᤖᤥ. ᤏᤡᤱᤘᤠ᤹ ᤑᤣ᤺ᤴᤏᤧᤏᤧᤓᤃᤪ ᤀᤠᤈᤢᤵᤛᤠᤱ ᤜᤢᤰᤁᤡᤸᤗᤧ ᤋᤢ᤺ᤱᤃᤣ ᤜᤡᤵᤔᤠ ᤏᤡᤱᤘᤠ᤹ ᤑᤣ᤺ᤳᤇᤢᤖᤖᤥ॥ 6 ᤕᤖᤢᤛᤗᤧ᤺ᤶᤔᤡᤴ ᤁᤧᤖᤧᤰᤏᤢ᤺ᤸᤗᤧ ᤛᤠ᤹ᤖᤡᤰ ᤀᤠᤱᤃᤠ᤹ ᤀᤠᤛ᤺ᤵᤔᤠᤍᤧᤴ ᤗᤣ᤺ᤳᤋᤢᤱᤗᤥ. ᤜᤧᤰᤁᤣ ᤔᤧᤀᤡ᤺ᤳᤋᤠᤴᤏᤧᤓᤃᤪ ᤀᤠᤱᤃᤠ᤹ ᤕᤠᤶᤔᤥ ᤀᤠᤓᤧᤸᤗᤧᤀᤠᤱ ᤛᤠᤶᤗᤥᤔᤠ ᤔᤧᤛᤢᤰᤁᤠᤴᤗᤖᤥ॥ 7 ᤕᤜᤘᤣ ᤍᤠᤱᤒᤠᤀᤣ. ᤕᤖᤢᤛᤗᤧᤔ ᤕᤧᤰᤕᤰᤁᤡᤴ ᤏᤡᤱᤔᤡᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥ ᤌᤩᤧᤒᤠ ᤕᤧᤴᤏᤥ. ᤀᤣᤍᤥᤔᤡᤜᤠ᤹ᤖᤧ ᤔᤧᤈᤥᤃᤢᤒᤠ ᤐᤠ᤺ᤴᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤧ᤹ᤀᤥ॥ ᤂᤧᤱᤜᤠ᤹ ᤔᤧᤀ᤺ᤰᤋᤧᤖ ᤔᤧᤒᤠᤖᤧᤖᤥ. “ᤂᤧᤴ ᤕᤴᤇᤧᤶᤔᤧ᤹ᤀᤥ. ᤁᤢᤒᤠᤱᤕᤰᤗᤠᤶᤒᤠᤀᤣ ᤌᤩ᤺ᤱ ᤗᤢ᤺ᤴᤍᤧᤶᤍᤣᤛᤧᤶᤔᤧ᤹ᤀᤥ॥” 8 ᤒᤣᤒᤡᤗᤥᤏ ᤕᤧᤰᤕᤰᤁᤣ ᤂᤠᤵᤐᤢᤌᤩ᤺ᤱ ᤁᤧᤒᤥᤱᤗᤥ. ᤂᤧᤏᤧ᤹ ᤕᤠᤵᤔᤡ ᤌᤣ ᤁᤧᤔᤧᤳᤋᤧᤀᤠᤱ ᤘᤕᤧ. ᤂᤧᤸᤗᤧ ᤁᤢᤗᤧᤰᤘᤠ ᤁᤧᤜᤢᤱᤒᤠᤴ ᤔᤢ᤹ᤀᤡᤛᤠᤒᤠ ᤐᤥᤱᤗᤥ॥ 9 ᤂᤧᤱᤃ ᤔᤢ᤹ᤀᤡᤛᤠᤒᤠᤖᤥ ᤂᤧᤸᤗᤧ ᤂᤧᤏᤧ᤹ ᤀᤅᤧ᤺ᤰᤘᤠ ᤁᤧᤛ᤻ᤛᤠᤜᤠ᤹ ᤋᤧᤶᤛᤢᤛᤡᤖᤥ. ᤜᤧᤰᤁᤩᤠᤱ ᤗᤢᤱᤅᤥ ᤐᤡᤷᤎᤠᤵ ᤐᤡᤷᤎᤠᤵ ᤌᤠᤵᤛᤢᤛᤡᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.