ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 130 - LIFOTNTᤁᤢᤓᤠ᤹ ᤏᤢ ᤗᤢᤱᤔᤠ ᤋᤢᤰᤔᤠ ᤐᤣᤗᤡ ᤗᤠᤶᤍᤡᤰ ᤆᤥ᤺ᤰᤔᤠ ᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤀᤣ. ᤀᤠᤱᤃᤠ᤹ᤃ ᤛᤠ᤹ᤖᤡᤰ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤘᤠ᤹ᤀᤠᤖᤥ. ᤜᤧᤰᤁᤣ᤺ᤸᤗᤧ ᤀᤠᤱᤃᤠ᤹ ᤐᤣᤗᤡ ᤑᤠᤰᤏᤧᤖᤥ॥ 2 ᤕᤜᤘᤣ ᤍᤠᤱᤒᤠᤀᤣ. ᤀᤠᤒᤣᤗᤡᤴ ᤂᤧᤵᤛᤧ᤹ᤀᤥ. ᤀᤠᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ ᤑᤠ᤹ᤀᤠᤱ ᤔᤧᤳᤏᤧᤒᤠ ᤐᤠ᤺ᤴᤏᤥ ᤏᤡᤱᤘᤠ᤹ ᤐᤡᤖᤧ᤹ᤀᤥ॥ 3 ᤕᤜᤘᤣ ᤍᤠᤱᤒᤠᤀᤣ. ᤀᤠᤏᤡᤃᤣ ᤗᤠᤕᤥᤖᤧ ᤂᤠᤖᤠ᤺ᤳᤋᤡᤴ ᤁᤧᤕᤢᤰᤂᤢᤒᤠ ᤜᤥ᤺ᤵᤋᤧᤖᤥ. ᤔᤣ᤺ᤴᤏᤡᤸᤗᤧᤃ ᤜᤠ᤺ᤳᤋᤠᤱ ᤂᤢᤶᤍᤡᤱ ᤔᤧᤱᤄᤥᤀᤣ ᤂᤧᤳᤇᤡᤱᤔᤠ ᤔᤧᤛᤢᤰᤋᤧᤶᤒᤠᤖᤥ॥ 4 ᤁᤖ ᤂᤧᤏᤧ᤹ᤃ ᤀᤠᤏᤡᤃᤣ ᤗᤠᤕᤥᤗᤠᤶ ᤗᤧᤵᤔᤡ ᤀᤠᤃᤧᤒᤡᤖᤥ. ᤂᤧᤸᤗᤧᤆᤥᤃᤢᤸᤗᤧᤀᤣ ᤀᤠᤏᤡᤃᤣ ᤔᤡᤱᤛᤥ ᤀᤡᤱᤎᤠᤱ ᤐᤡᤀᤠᤛᤡᤃᤧᤖ ᤂᤧᤏᤧ᤹ ᤁᤧᤍᤃᤡ ᤕᤧᤵᤔᤠ ᤛᤢᤰᤋᤡᤃᤧᤖᤥ॥ 5 ᤀᤠᤱᤃᤠ᤹ᤃ ᤀᤠᤏᤡᤱᤘᤠ᤹ ᤀᤡᤃᤣ᤺ᤰᤁᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤑᤠ᤹ᤀᤠᤖ ᤑᤠ᤹ᤀᤠᤱ ᤀᤠᤱᤃᤠ᤹ ᤂᤢᤏᤧ᤹ ᤁᤢᤗᤠᤶ ᤀᤥᤔᤧᤳᤋᤢᤱᤗᤥ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤒᤠ᤺ᤴᤈᤠ᤺ᤰᤁᤥ ᤀᤠᤱᤃᤠ᤹ ᤀᤠᤏᤡᤱᤘᤠ᤹ ᤕᤢᤰᤂᤢᤱᤗᤥ॥ 6 ᤜᤡᤶᤃᤧᤃᤥᤒᤠᤸᤗᤧ ᤋᤠᤏᤠᤶᤒᤠ ᤂᤠᤀᤥ᤺ᤵᤔᤠᤴ ᤜᤠᤱᤄᤢᤖᤥ. ᤂᤧᤴᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠᤴ ᤀᤥᤔᤧᤳᤋᤢᤱᤗᤥ॥ 7 ᤀᤡᤛᤪᤠᤀᤡᤗᤀᤣ. ᤕᤜᤘᤣ ᤍᤠᤱᤒᤠᤀᤥ ᤁᤧᤏᤡᤱᤘᤠ᤹ ᤕᤢᤰᤂᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤆᤰᤔᤧᤸᤗ᤹ᤀᤣ ᤗᤢᤱᤔᤠ᤹ ᤀᤠᤍᤢᤰᤗᤥ. ᤜᤧᤰᤁᤩᤠᤱ ᤀᤠᤏᤡ᤹ ᤋᤠᤱᤛᤧ᤺ᤵᤔᤠᤖᤧ ᤗᤠᤃᤡ ᤂᤢᤏᤧ᤹ ᤀᤠᤵᤑᤠᤸᤗᤧᤛᤠᤱ ᤕᤠᤖᤡᤵ ᤘᤠ᤹ᤖᤥ॥ 8 ᤂᤢᤏᤧ᤹ ᤀᤠᤒᤠᤅᤣ ᤔᤧᤸᤗᤢᤱ ᤜᤢᤅᤢᤖᤥ. ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤒᤠ ᤁᤢᤔᤏᤠᤜᤠ᤹ ᤂᤢᤏᤡ᤹ ᤁᤧᤖᤧᤰ ᤗᤠᤕᤥᤗᤠᤶ ᤛᤧ᤺ᤵᤋᤢᤛᤡ᤹ᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.