ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 128 - LIFOTNTᤀᤡᤱᤈᤠᤱ ᤁᤧᤀᤡ᤺ᤵᤐᤠᤜᤠ᤹ᤖᤧᤴ ᤔᤢ᤹ᤀᤡᤛᤠᤶ ᤗᤠᤶᤍᤡᤰ ᤆᤥ᤺ᤰᤔᤠ ᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤴ ᤔᤡᤱᤛᤥ ᤀᤡᤱᤎᤠᤱ ᤁᤧᤒᤡᤒᤠᤜᤠ᤹ ᤁᤧᤖᤧᤰ ᤔᤢ᤹ᤀᤡᤛᤠᤒᤠᤛᤡᤖᤥ. ᤂᤧᤱᤜᤠ᤹ᤃ ᤂᤢᤏᤧ᤹ ᤁᤢᤗᤠᤶᤔᤥ ᤗᤠᤱᤃᤧᤄᤣ᤺ᤰᤐᤠᤛᤡᤖᤥ॥ 2 ᤛᤩᤠᤱᤔᤧᤴᤍᤠᤱ ᤁᤧᤈᤥᤃᤢ ᤁᤧᤎᤃᤢᤒᤠ ᤁᤢᤈᤠ᤺ᤸᤗᤧ ᤂᤧᤏᤧ᤹ ᤁᤧᤕᤥᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤛ᤺ᤳᤋᤠᤱ ᤁᤧᤏᤢ᤹ᤁᤧᤍᤠᤖᤥ॥ 3 ᤂᤧᤏᤧ᤹ ᤁᤧᤜᤡᤶᤔᤥ ᤔᤧᤗᤡᤱᤃᤧᤴ ᤁᤧᤔᤣ᤺ᤳᤋᤡᤴ ᤁᤢᤈᤠ᤹ ᤁᤧᤎᤥ᤺ᤰᤐᤠ ᤆᤧᤸᤗᤧᤰᤛᤣᤸᤗᤧ ᤁᤢᤒᤢᤱ ᤁᤢᤀᤡᤛᤡᤰ ᤐᤥᤱᤗᤥ॥ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤛ᤻ᤛᤠ ᤁᤧᤀᤣᤜᤠ᤹ ᤆᤠᤔᤠᤍᤧᤴᤏᤡᤸᤗᤧ ᤁᤢᤄᤡᤖᤡ ᤐᤧ᤺ᤱᤘᤠ ᤗᤡᤇᤣᤸᤗᤧ ᤁᤢᤏ᤺ᤰ ᤁᤢᤀᤡᤛᤡᤰ ᤔᤧᤒᤥᤱᤗᤥ॥ 4 ᤀᤥᤔᤧᤳᤋᤧᤶᤔᤧ᤹ᤀᤥ. ᤕᤜᤘᤣ ᤍᤠᤱᤒᤠᤴ ᤔᤡᤱᤛᤥ ᤀᤡᤱᤎᤠᤱ ᤁᤧᤒᤡᤒᤠᤜᤠ᤹ᤖᤧᤃ ᤛᤧᤰᤂᤠᤀᤣ ᤀᤰᤋᤱᤒᤠ ᤔᤢ᤹ᤀᤡᤛᤠᤶ ᤔᤧᤄᤥᤛᤢᤖᤥ॥ 5 ᤕᤜᤘᤣ ᤍᤠᤱᤒᤧᤸᤗᤧ ᤛᤡᤕᤥᤏᤗᤠᤶᤒᤠ ᤂᤧᤏᤧ᤹ ᤔᤢ᤹ᤀᤡᤛᤠᤶ ᤁᤧᤒᤡᤖᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤜᤡᤱᤜᤡᤱ ᤌᤠᤖᤡᤰ ᤕᤖᤢᤛᤗᤧᤔ ᤕᤧᤰᤕᤰᤁᤥ ᤌᤥᤒᤥ ᤐᤥᤱᤒᤠᤴ ᤂᤧᤏᤧ᤹ ᤏᤡᤔᤠ ᤁᤧᤄᤥᤛᤢᤖᤖᤥ॥ 6 ᤂᤧᤏᤧ᤹ᤃ ᤁᤧᤶᤔᤧᤴᤇᤠ᤹ ᤁᤧᤈᤰᤔᤧᤴᤇᤠ᤹ᤜᤠ᤹ ᤏᤡᤔᤠ ᤁᤧᤄᤥᤛᤢᤛᤡᤖᤖᤥ॥ ᤀᤡᤛᤪᤠᤀᤡᤗᤀᤥ ᤏᤢ᤹ᤔᤠᤍᤠᤔᤠ ᤐᤥᤱᤗᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.