ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 127 - LIFOTNTᤀᤠᤏᤢ᤹ ᤀᤠᤍᤠᤖ ᤁᤧᤈᤥ᤺ᤰᤐᤠ ᤗᤠᤶᤍᤡᤰ ᤆᤥ᤺ᤰᤔᤠᤖᤧ ᤗᤠᤃᤡ ᤛᤥᤗᤥᤔᤏᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤧᤸᤗᤧᤀᤣ ᤜᤡᤶ ᤔᤧᤈᤥᤃᤢᤴᤏᤧᤓᤃᤪ ᤜᤡᤶ ᤁᤧᤈᤥ᤺ᤰᤐᤠᤸᤗᤧ ᤁᤢᤕᤠ᤺ᤶᤒᤰᤁᤡᤴ ᤌᤣᤏᤠᤎᤣ ᤐᤥᤱᤗᤥ॥ ᤕᤜᤘᤣ ᤍᤠᤱᤒᤧᤸᤗᤧ ᤕᤧᤰᤕᤰᤁᤡᤴ ᤁᤶᤒᤪᤠᤱ ᤔᤧᤔᤧᤳᤋᤢᤴᤏᤧᤓᤃᤪ. ᤀᤡᤰᤁᤧᤃᤥᤒᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤁᤡᤴ ᤜᤏᤧᤖᤰ ᤐᤥᤱᤗᤥ॥ 2 ᤌᤡᤰᤕᤠ᤺ᤴᤎᤰ ᤋᤠᤏᤠᤶᤛᤠ ᤐᤥ᤺ᤰᤔᤠᤀᤠᤱ ᤛᤩᤠᤱᤔᤧᤴᤍᤠᤱ ᤆᤠᤔᤠ ᤌᤢᤱᤔᤠᤖᤧᤗᤠᤃᤡ ᤛᤧᤴᤍᤡᤰ ᤀᤠᤰᤂᤥᤰ ᤌᤠᤖᤡᤰ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤢᤛᤢᤶ ᤔᤧᤍᤖᤢᤸᤗᤥ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧᤃ ᤗᤢᤱᤔᤠ᤹ ᤋᤢᤰᤋᤢᤛᤡᤒᤠ ᤁᤢᤔᤏᤠᤜᤠ᤹ ᤀᤡᤶᤔᤠ ᤕᤧᤶ ᤐᤡᤖᤢᤛᤡᤖᤥ॥ 3 ᤛᤠᤀᤣᤜᤠ᤹ᤃ ᤕᤜᤘᤣ ᤍᤠᤱᤒᤧᤸᤗᤧ ᤀᤠᤒᤡᤒᤠ ᤔᤢ᤹ᤀᤡᤛᤠᤶᤛᤡᤖᤥ. ᤂᤧᤱᤜᤠ᤹ ᤛᤧᤰᤂᤠᤒᤠ ᤜᤠᤱᤘᤠ ᤔᤠᤱᤘᤠᤛᤡᤖᤥ॥ 4 ᤌᤠᤱᤒᤧᤴ ᤀᤠᤘᤠ᤹ᤀᤡᤸᤗᤧ ᤛᤠᤃᤧᤘᤠ᤺ᤴᤇᤡᤱᤒᤠ ᤕᤧᤶᤒᤡᤳᤇᤠ ᤛᤠᤜᤠ᤹ᤃ ᤔᤢᤰᤁᤧᤃᤢᤒᤠᤸᤗᤧ ᤁᤢᤜᤢᤰᤁᤥ ᤋᤥᤱ ᤁᤧᤘᤠ᤹ᤒᤠ ᤁᤢᤀᤡᤛᤡᤰ ᤔᤧᤈᤥᤰᤗᤥ॥ 5 ᤀᤰᤂᤣᤗ᤹ᤖᤡᤰ ᤕᤖᤡᤰ ᤋᤥᤱ ᤁᤧᤃᤵᤐᤠᤱᤃ ᤁᤧᤛ᤺ᤵᤐᤠ ᤔᤏᤠᤖᤥ॥ ᤂᤠᤛᤧᤴ ᤗᤥ᤺ᤶᤔᤠᤍᤧᤴᤏᤥ ᤁᤢᤏᤡᤱᤔᤡᤜᤠ᤹ ᤋᤢᤔᤢᤛᤡᤸᤗᤧ ᤂᤢᤏᤧ᤹ ᤀᤠᤓᤧᤸᤗᤧᤀᤠᤱ ᤜᤠᤖᤡ ᤔᤧᤍᤠᤏᤧᤸᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.