ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 126 - LIFOTNTᤆᤥ᤺ᤰᤕᤢᤶᤓᤥ ᤂᤥᤔᤠᤸᤗᤧᤒᤠ ᤏᤢᤃᤧᤴ ᤗᤠᤶᤍᤡᤰ ᤆᤥ᤺ᤰᤔᤠ ᤛᤠᤶᤗᤥ 1 ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤕᤖᤢᤛᤗᤧ᤺ᤶᤔᤥ ᤏᤢ᤺ᤰᤋᤢ ᤋᤠᤖᤢᤛᤡᤖᤥ. ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤁᤧᤖᤧᤰ ᤋᤠ᤹ᤍᤡᤃᤧᤴ ᤛᤧᤵᤔᤠᤱ ᤁᤧᤔᤠᤰᤐᤠ ᤁᤢᤀᤡᤛᤡᤰ ᤀᤠᤗ᤹ᤖᤧᤖᤥ॥ 2 ᤂᤧᤒᤧᤸᤗᤧ ᤀᤠᤏᤡ᤹ ᤀᤠᤰᤂᤧᤴ ᤀᤠᤀᤣᤖᤧ. ᤀᤠᤰᤂᤧᤴ ᤀᤠᤛ᤺ᤳᤋᤧᤖ ᤛᤠᤶᤀᤠᤗᤥᤖᤧᤖᤥ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤀᤰᤂᤣ ᤀᤠᤶᤔᤧᤳᤋᤧᤖᤥ. “ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ ᤐᤕᤶ ᤕᤶᤒᤠ ᤕᤠ᤺ᤶᤒᤰ ᤆᤥᤃᤢ ᤐᤡᤖᤢᤛᤡᤖᤥ॥” 3 ᤛᤧᤰᤂᤠᤀᤣ. ᤕᤜᤘᤣ ᤍᤠᤱᤒᤧᤸᤗᤧ ᤀᤠᤏᤡ᤹ ᤗᤠᤃᤡ ᤐᤕᤶ ᤕᤶᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤀᤠᤱ ᤘᤠ᤹ᤖᤥ. ᤜᤧᤰᤁᤩᤠᤱ ᤀᤠᤏᤡ᤹ ᤛᤠ᤹ᤖᤡᤰ ᤀᤠᤛ᤺ᤳᤋᤧᤖᤥ॥ 4 ᤕᤜᤘᤣ ᤍᤠᤱᤒᤠᤀᤣ. ᤐᤠᤱᤃᤧᤴᤍᤡᤱ ᤘᤜᤡᤵᤔᤠᤸᤗᤧ ᤁᤧᤜᤣᤒᤠ ᤘᤜ᤺ᤱᤅᤥ ᤆᤫᤠ᤺ᤳ ᤁᤢᤱᤗ ᤕᤠ᤺ᤴᤍᤢᤖᤥ. ᤜᤠᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤀᤠᤏᤡᤃᤣ ᤛᤏᤠᤖᤢᤱ ᤏᤢ᤹ᤔᤠᤍᤠᤔᤠᤴ ᤏᤢ᤺ᤰᤋᤧ ᤋᤠᤖᤧᤀᤠᤒᤡᤖᤧ᤹ᤀᤥ॥ 5 ᤕᤠ᤹ᤖᤡ᤺ᤶᤒᤠ ᤁᤧᤜᤣ᤹ᤒᤠᤜᤠ᤹ ᤔᤡᤰᤘᤠᤏᤢ ᤆᤰ ᤆᤰ ᤔᤧᤜᤠ᤺ᤵᤗᤥ. ᤁᤖ ᤌᤡᤰᤕᤠᤴ ᤔᤧᤛ᤺ᤳᤗ ᤐᤥᤃᤢᤃᤧᤴ ᤁᤢᤈᤠ ᤔᤧᤛᤢᤵᤛᤢᤖᤥ॥ 6 ᤕᤠ᤹ᤖᤡ᤺ᤶᤒᤠ ᤜᤣ᤹ᤛᤧ ᤗᤠ᤺ᤰᤁᤠᤳ ᤁᤧᤒᤣ᤺ᤰᤐᤠᤜᤠ᤹ ᤔᤡᤰᤘᤠᤏᤢ ᤆᤰ ᤆᤰ ᤔᤧᤜᤠ᤺ᤵᤗᤥ. ᤁᤖ ᤔᤧᤛ᤺ᤳᤗ ᤛᤠᤶᤗᤥᤀᤡ ᤐᤥᤃᤢᤃᤧᤴ ᤁᤢᤈᤠ ᤌ᤺ᤱᤔᤠᤜᤠ᤹ ᤔᤧᤃᤢᤕᤢ ᤔᤧᤍᤠᤖᤢᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.