ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 125 - LIFOTNTᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤋᤠᤱᤛᤧ᤺ᤵᤋᤢᤛᤡ ᤗᤠᤶᤍᤡᤰ ᤆᤥ᤺ᤰᤔᤠ ᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤀᤥ ᤏᤛᤠᤴ ᤁᤧᤃᤵᤐᤠᤜᤠ᤹ ᤛᤡᤕᤥᤏ ᤁᤥ᤺ᤰᤔᤠ ᤜᤧᤰᤋᤱᤒᤠ ᤔᤧᤒᤥᤱᤗᤥ. ᤂᤧᤱᤜᤠ᤹ ᤌᤎᤵ ᤔᤧᤸᤗ᤹ᤏᤧᤸᤗᤥ. ᤁᤖ ᤛᤍᤠᤍᤡᤱ ᤔᤧᤘᤠ᤹ᤖᤥ॥ 2 ᤕᤖᤢᤛᤗᤧᤔ ᤕᤧᤰᤕᤰᤁᤡᤴ ᤁᤥ᤺ᤰᤔᤠ ᤑᤠᤱᤈᤱ ᤌᤧᤃᤢ ᤔᤠᤱᤘᤠᤜᤠ᤹ᤖᤧ ᤁᤒᤢᤀᤠᤱ ᤏᤧᤖᤥ. ᤜᤧᤰᤁᤣᤗ᤹ᤖᤡᤰᤁᤣ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤏᤠᤜᤠ᤹ ᤀᤠᤸᤗᤥ ᤜᤧᤰᤁᤩᤠᤱ ᤛᤍᤠᤍᤡᤱ ᤁᤶᤒᤪᤠᤱ ᤔᤧᤳᤋᤢᤛᤡᤖᤥ॥ 3 ᤛᤠᤶᤕᤥᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤈᤣ᤹ᤀᤥ ᤋᤠᤰᤁᤧᤓᤧ᤹ᤒᤠᤜᤠ᤹ᤖᤧ ᤛᤍᤠᤍᤡᤱ ᤜᤠᤱᤕᤢᤰ ᤆᤥ᤺ᤰᤔᤠ ᤔᤧᤱᤄᤥᤛᤢᤸᤗᤥ. ᤔᤣ᤺ᤴᤏᤧᤓᤃᤪ ᤛᤠᤶᤕᤥᤒᤠᤜᤠ᤹ᤖᤧᤀᤠᤱ ᤑᤧᤴᤕᤠ᤺ᤶᤒᤰ ᤔᤧᤈᤥᤃᤢᤖᤥ॥ 4 ᤕᤜᤘᤣ ᤍᤠᤱᤒᤠᤀᤣ. ᤏᤢᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤏᤢᤖᤡᤰ ᤔᤧᤳᤋᤧᤛᤧ᤹ᤀᤥ. ᤂᤧᤱᤜᤠ᤹ᤖᤧ ᤁᤧᤀᤡᤱᤈᤠᤱᤜᤠ᤹ ᤔᤧᤀᤡ᤺ᤳᤋᤢ ᤔᤧᤏᤠ᤺ᤳᤋᤢᤖᤥ॥ 5 ᤁᤖ ᤑᤧᤴᤗᤠᤶᤔᤥ ᤗᤠᤱᤃᤧᤄᤣ᤺ᤰᤐᤠᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤑᤧᤴᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤏᤢ ᤛᤥᤛᤥᤖᤡᤰ ᤗ᤺ᤳᤋᤢᤍᤣᤛᤢᤛᤡᤖᤥ॥ ᤀᤡᤛᤪᤠᤀᤡᤗᤀᤥ ᤏᤢ᤹ᤔᤠᤍᤠᤔᤠ ᤐᤥᤱᤗᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.