ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 120 - LIFOTNTᤁᤢᤓᤠ᤹ ᤂᤥᤔᤠ ᤐᤣᤗᤡ ᤗᤠᤶᤍᤡᤰ ᤆᤥ᤺ᤰᤔᤠ ᤛᤠᤶᤗᤥ 1 ᤀᤠᤱᤃᤠ᤹ ᤕᤧᤳᤋᤢᤰᤂᤣ ᤋᤢᤔᤠᤱᤅᤠᤱ ᤘᤕᤠᤱᤅᤡᤸᤗᤧ ᤕᤜᤘᤣ ᤍᤠᤱᤒᤠᤴ ᤐᤣᤗᤡ ᤑᤠᤰᤋᤢᤱᤗᤥ. ᤜᤧᤰᤁᤩᤠᤱ ᤂᤢᤏᤧ᤹ ᤏᤢᤃᤵ ᤐᤡᤖᤠᤱᤗᤥ॥ 2 ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠᤴ ᤔᤧᤳᤋᤢᤱᤗᤥ. “ᤀᤡᤱᤗᤧᤰᤁᤣ ᤏᤢ ᤑᤥᤋᤩᤠᤒᤠ ᤐᤠᤴ ᤁᤧᤒᤠ᤺ᤵᤐᤠᤜᤠ᤹ᤗᤠᤶ ᤛᤧ᤺ᤵᤋᤠᤱᤅᤧ᤹ᤀᤥ॥” 3 ᤀᤡᤱᤗᤧᤰᤁᤩᤠᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤀᤠᤰᤂᤣ ᤁᤧᤔᤧᤳᤋᤡᤒᤣ᥅ ᤂᤢᤏᤧ᤹ ᤀᤠᤰᤋᤱᤒᤠ ᤂᤢᤶᤍᤡᤱ ᤁᤧᤒᤡᤖᤡᤒᤣ᥅ 4 ᤂᤢᤏᤧ᤹ ᤌᤰᤛᤢᤒᤠᤸᤗᤧ ᤁᤳᤋᤢᤒᤠ ᤜᤠᤛᤶᤛᤶᤒᤠ ᤋᤥ᤺ᤱᤅᤡᤸᤗᤧ ᤁᤧᤀᤠᤒᤡᤖᤥ. ᤜᤧᤰᤁᤩᤠᤱ ᤜᤢᤖᤢᤖᤢᤏᤠ ᤁᤧᤍᤡ᤺ᤵᤐᤠ ᤔᤡᤄᤠᤱᤅᤡᤸᤗᤧ ᤂᤡᤏᤡ᤹ ᤂᤢᤶᤍᤡᤱ ᤁᤧᤒᤡᤖᤡᤖᤥ॥ 5 ᤆᤡ᤺ᤳᤋᤠᤱᤗᤰ ᤛᤩᤧᤖᤥ. ᤀᤠᤱᤃᤠ᤹ᤃ ᤔᤧᤛᤧᤰᤁᤥ ᤕᤠᤱᤎᤥ᤺ᤰᤋᤠᤱᤅᤠᤱ ᤘᤠ᤹ᤀᤠᤖᤥ. ᤜᤧᤰᤁᤩᤠᤱ ᤁᤣᤍᤠᤖᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤀᤠᤱᤃᤠ᤹ ᤕᤢᤱᤅᤠᤖᤥ॥ 6 ᤋᤱᤔᤠᤀᤠᤱ ᤘᤠ᤹ᤔᤠ ᤂᤢᤏᤡ᤹ ᤛᤡᤖᤠ᤹ᤔᤧᤴᤎᤠᤱᤔᤏᤠᤒᤠ ᤔᤏᤠᤜᤠ᤹ ᤔᤧᤘᤠ᤹ᤖᤥ. ᤂᤧᤱᤜᤠ᤹ᤏᤢ ᤀᤡᤖᤡᤰ ᤘᤠ᤹ᤔᤠᤖᤧ ᤀᤠᤱᤃᤠ᤹ ᤏᤠᤛᤠᤱᤅᤠᤱ ᤘᤠ᤹ᤀᤠᤖᤥ॥ 7 ᤀᤠᤱᤃᤠ᤹ᤃ ᤋᤱᤔᤠᤀᤠᤱ ᤘᤠ᤹ᤔᤠ ᤁᤢᤛᤡᤖᤠ᤹ᤃᤧᤎᤠᤱᤒᤠ ᤔᤏᤠᤀᤠᤖᤥ. ᤁᤖ ᤀᤠᤱᤃᤠ᤹ ᤜᤧᤰᤁᤣᤗ᤹ᤖᤡᤰ ᤐᤠ᤺ᤳᤋᤠᤸᤗᤧ ᤂᤧᤱᤜᤠ᤹ ᤌᤱᤌᤰᤔᤠ ᤔᤧᤃᤥ᤺ᤳᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.