ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 12 - LIFOTNT

ᤁᤢᤓᤠ᤹ᤖᤧ ᤗᤠᤃᤡ ᤐᤣᤗᤡ

ᤛᤠᤶᤗᤥ ᤁᤧᤜᤢ᤹ᤒᤠᤸᤗᤧ ᤗᤠᤃᤡ ᤛᤣᤶᤔᤡᤏᤡᤌ ᤁᤢᤀᤡᤛᤡᤰ ᤍᤠᤀᤢᤍᤖᤧ ᤁᤢᤛᤠᤶᤗᤥ

¹ ᤕᤜᤘᤣ ᤍᤠᤱᤒᤠᤀᤣ. ᤀᤠᤓᤠ᤹ᤖᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤁᤧᤔᤏᤠᤜᤠ᤹ ᤔᤧᤔᤠᤖᤧᤖᤥ॥ ᤏᤛᤠ᤺ᤴᤛᤠᤒᤠ ᤔᤏᤠ ᤗᤳᤇᤠᤀᤠᤱ ᤜᤥᤵᤗᤥ. ᤀᤠᤀᤡᤴ ᤋᤠ᤺ᤴᤍᤡᤰ ᤁᤢᤍᤥ᤺ᤵᤔᤠ ᤔᤏᤠ ᤂᤥᤔᤧᤴᤍᤧᤳᤏᤧᤸᤗᤥ॥

² ᤂᤧᤱᤜᤠ᤹ ᤁᤧᤖᤧᤰ ᤀᤠᤒᤠᤅᤣ ᤀᤡᤱᤗᤧᤰ ᤐᤠᤴ ᤔᤧᤔᤧᤳᤇᤡᤱᤗᤥ. ᤔᤢᤷᤗᤧ᤺ᤶᤒᤠ ᤐᤠᤴ ᤔᤧᤒᤠ᤺ᤳᤋᤠᤱ ᤀᤠᤒᤠᤅᤣ ᤀᤡᤱᤔᤧᤗᤧᤰᤛᤡᤱᤗᤥ॥

³ ᤔᤢᤷᤗᤧ᤺ᤶᤒᤠ ᤐᤠᤴ ᤁᤧᤒᤠ᤺ᤵᤐᤠ ᤏᤢ ᤀᤠᤱᤍᤡᤱ ᤁᤧᤗ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤔᤢᤖᤠᤴ ᤕᤜᤘᤣ ᤍᤠᤱᤒᤧᤸᤗᤧ ᤜᤢ᤹ᤖᤢ ᤐᤡᤖᤢᤛᤡᤖᤖᤥ॥

⁴ ᤀᤠᤏᤡᤃᤣ ᤐᤠ᤺ᤳᤋᤢᤶᤒᤧᤒᤠ ᤐᤠ᤺ᤴᤏᤡᤸᤗᤧ ᤏᤠ᤺ᤴᤍᤢᤶᤒᤧᤖᤥ. ᤀᤠᤏᤡᤃᤣ ᤏᤡᤱᤘᤠ᤹ ᤁᤢᤀᤡᤛᤡ᤺ᤰᤗᤰ ᤐᤠᤖᤡᤃᤧᤖᤥ. ᤀᤠᤏᤡᤃᤣ ᤐᤠᤖᤡᤃᤧᤸᤗᤧ ᤜᤠ᤺ᤳᤗᤧ ᤛᤠᤰᤔᤠ ᤛᤢᤰᤋᤡᤃᤧᤒᤣ᥅

⁵ ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤔᤧᤳᤋᤢᤛᤡᤖᤥ. “ᤀᤠᤸᤗ ᤀᤠᤱᤃᤠ᤹ ᤐᤥ᤺ᤰᤁᤠᤖᤥ. ᤌᤣᤀᤠᤱᤓᤧᤸᤗᤧ ᤔᤧᤴᤎᤢᤶᤔᤏᤠᤒᤠᤜᤠ᤹ ᤔᤧᤕᤢᤰᤋᤢᤛᤡᤀᤠᤱ ᤔᤧᤘᤠ᤹ᤖᤥ. ᤕᤠᤱᤃᤧᤛᤠ᤹ᤒᤠᤜᤠ᤹ ᤀᤢᤄᤢᤀᤡ ᤔᤧᤗ᤹ᤖᤥ ᤜᤧᤰᤁᤩᤠᤱ ᤋᤢᤰᤂᤣ ᤁᤧᤈᤠ᤺ᤵᤐᤠᤜᤠ᤹ᤗᤠᤶ ᤂᤧᤱᤜᤠ᤹ ᤏᤠᤅᤢᤱᤛᤡᤱᤗᤥ॥”

⁶ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤒᤠ᤺ᤴᤈᤠᤰᤁᤡᤱᤃ ᤏᤛᤠᤴ ᤆᤥ᤺ᤰᤔᤠ ᤛᤢᤰᤁᤧᤍᤧᤵᤐᤠ ᤆᤥᤰᤗᤥ. ᤂᤧᤱᤃ ᤑᤢᤈᤡᤰᤁᤥ ᤏᤢᤛᤡᤗᤧᤱ ᤌᤠᤖᤡᤰ ᤕᤥ᤺ᤶᤏᤠᤒᤠ ᤏᤢᤒᤠ ᤕᤢᤵᤐᤠ ᤀᤡᤛ᤻ᤛᤣ᤺ᤱᤒᤠ ᤜᤧᤰᤁᤣ ᤆᤥᤰᤗᤥ॥

⁷ ᤂᤧᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤣ. ᤋᤢᤰᤂᤣ ᤔᤧᤈᤠ᤺ᤳᤋᤢᤛᤡᤒᤠᤜᤠ᤹ ᤁᤧᤛᤧ᤺ᤵᤋᤢᤛᤡᤖᤥ ᤁᤧᤗ᤹ᤒᤠᤴ ᤀᤠᤏᤡᤃᤣ ᤏᤡᤛᤢᤶᤒᤧᤖᤥ॥ ᤁᤴ ᤀᤡᤱᤗᤧᤰᤁᤣ ᤌᤠ᤺ᤰᤜᤠ᤹ᤗᤠᤶ ᤂᤧᤱᤜᤠ᤹ ᤀᤠᤵᤑᤠᤸᤗᤧᤛᤠᤱ ᤁᤧᤍᤠᤱᤄᤢᤛᤡᤖᤥ॥

⁸ ᤔᤧᤴᤇᤠᤶ ᤕᤠᤵᤔᤡᤗᤢᤶᤔᤥ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤖᤥ ᤜᤧᤰᤁᤩᤠᤱ ᤔᤡᤱᤛᤥᤀᤡᤱᤎᤠ᤺ᤱ ᤐᤥᤱᤅᤡᤸᤗᤧ ᤁᤢᤀᤡᤃᤧᤓᤧᤶᤒᤠᤜᤠ᤹ ᤀᤠᤱᤃᤠ᤹ᤀᤣ᤺ᤰ ᤗ᤹ᤖᤡᤰ ᤋᤠᤰᤔᤧᤃᤴᤗᤥ॥