ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 114 - LIFOTNTᤆᤥ᤺ᤰᤕᤢᤶᤓᤥ ᤋᤱᤏᤠᤶ ᤛᤠᤶᤗᤥ 1 ᤀᤡᤛᤪᤠᤀᤡᤗᤒᤠ ᤔᤏᤠ ᤕᤠᤁᤢᤒᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤐᤠ᤺ᤴᤔᤧᤴᤍᤱ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤛᤪ ᤗᤠᤈᤣᤴ ᤔᤧᤗᤧᤖᤢᤖᤥ॥ 2 ᤕᤜᤢᤍᤠ ᤗᤠᤈᤣᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤣᤛᤣᤍᤧᤴ ᤐᤥ᤺ᤰᤂᤧᤖᤥ. ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤧᤴ ᤁᤢᤜᤠᤱᤈᤢᤶ ᤐᤥ᤺ᤰᤂᤧᤖᤥ॥ 3 ᤜᤧ᤺ᤳᤋᤠᤱᤒᤠ ᤘᤖ᤺ᤱᤅᤡᤸᤗᤧ ᤂᤧᤱᤜᤠ᤹ ᤏᤡᤛᤢᤛᤡᤀᤠᤱ ᤂᤧᤴ ᤏᤢ᤺ᤰᤂᤧᤒᤣᤖᤥ. ᤕᤷᤍᤏ ᤕᤱᤄᤱᤅᤡᤴ ᤁᤢᤱᤔᤠ ᤏᤠ᤹ᤖᤧᤖᤥ॥ 4 ᤁᤥ᤺ᤰᤔᤠᤜᤠ᤹ ᤔᤧ᤺ᤴᤍᤠᤰ ᤜᤧᤰᤁᤣ ᤔᤧᤒᤡᤴᤍᤧᤖᤥ. ᤌᤧᤃᤢᤜᤠ᤹ ᤔᤧᤸᤗᤢᤰᤛᤠ᤺ᤳᤜᤠ᤹ ᤁᤢᤛᤡᤰ ᤔᤧᤗᤥ᤺ᤰᤋᤧᤖᤥ॥ 5 ᤌᤣᤀᤠᤱ ᤘᤖ᤺ᤱᤅᤡᤴ ᤜᤣᤖᤧᤒᤠᤒᤣ᥅ ᤜᤧᤰᤁᤩᤠᤱ ᤌᤣᤀᤠᤱ ᤕᤷᤍᤏ ᤘᤜ᤺ᤱᤅᤡᤴ ᤁᤢᤱᤔᤠ ᤏᤠ᤹ᤖᤧᤒᤠᤒᤣ᥅ 6 ᤁᤥ᤺ᤰᤔᤠᤜᤠ᤹ ᤌᤣᤀᤠᤱ ᤔᤧ᤺ᤴᤍᤠᤰ ᤜᤧᤰᤁᤣ ᤔᤧᤒᤡᤶᤒᤠᤒᤣ᥅ ᤌᤧᤃᤢᤜᤠ᤹ ᤌᤣᤀᤠᤱ ᤔᤧᤸᤗᤢᤰᤛᤠᤜᤠ᤹ ᤜᤧᤰᤁᤣ ᤔᤧᤗᤥ᤺ᤰᤐᤠᤒᤣ᥅ 7 ᤕᤜᤘᤣ ᤍᤠᤱᤒᤠᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤕᤢᤖᤥ. ᤕᤠᤁᤢᤒᤖᤧ ᤁᤢᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤂᤠᤶᤒᤣ᤺ᤰᤔᤠᤴ ᤌᤧᤃᤰᤁᤰᤏᤠ ᤕᤱᤗᤥ॥ 8 ᤕᤜᤘᤣ ᤍᤠᤱᤒᤧᤸᤗᤧ ᤗᤢᤱᤄᤪᤧ᤺ᤰᤜᤠ᤹ ᤘᤖᤰ ᤐᤥᤱᤗ ᤕᤠ᤺ᤴᤍᤢᤖᤥ. ᤜᤧᤰᤁᤩᤠᤱ ᤁᤧᤛᤠᤰᤐᤠ ᤗᤢᤱᤅᤡᤴ ᤘᤠᤒᤢᤴᤍᤠᤰ ᤐᤥᤱᤗ ᤆᤥᤃᤢᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.