ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 113 - LIFOTNTᤕᤜᤘᤣ ᤍᤠᤱᤒᤠᤸᤗᤧ ᤁᤢᤕᤶᤔᤠᤴ 1 ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ᥄ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤧᤘᤠᤖᤥᤒᤠᤛᤣ. ᤂᤢᤏᤧ᤹ ᤁᤢᤔᤡᤱᤅᤡᤴ ᤀᤡᤱᤎᤠᤱ ᤐᤡᤖᤧᤶᤔᤧ᤹ᤀᤥ॥ 2 ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤡᤱᤅᤡᤸᤗᤧ ᤔᤡᤱᤛᤥ ᤀᤡᤱᤎᤠᤱ ᤀᤠᤸᤗᤥᤀᤠᤱᤎᤥ ᤛᤍᤠᤍᤡᤱ ᤌᤠᤖᤡᤰ ᤐᤥᤱᤗᤖᤥ॥ 3 ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤡᤱᤅᤡᤸᤗᤧᤴ ᤔᤡᤱᤛᤥ ᤀᤡᤱᤎᤠᤱ ᤐᤥᤱᤗᤖᤥ. ᤏᤠᤱᤃᤧᤴ ᤏᤢ ᤏᤠᤶᤎᤠ ᤐᤡᤛᤠᤱ ᤌᤠᤖᤡᤰᤁᤣ ᤂᤢᤏᤧ᤹ ᤁᤢᤏᤠᤖᤠ ᤑᤥᤔᤠ ᤗᤠ᤹ᤖᤢᤖᤥ॥ 4 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤀᤥ ᤕᤜᤘᤣ ᤍᤠᤱᤒᤠᤴ ᤌᤥᤎᤥᤰᤐᤠ ᤆᤥᤰᤗᤥ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤡᤔᤡᤍᤡᤱᤅᤡᤴ ᤛᤠᤱᤃᤪᤠᤶᤐᤣᤍᤠᤱᤏᤢ᤺ᤸᤗᤧᤀᤠᤱ ᤌᤠ᤺ᤱᤎᤠᤰ ᤘᤠ᤹ᤖᤥ॥ 5 ᤕᤜᤘᤣ ᤍᤠᤱᤒᤠ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤋᤱᤒᤠ ᤜᤠ᤺ᤳᤋᤠᤱ ᤜᤥᤵᤗᤥ॥ ᤂᤢᤏᤧ᤹ᤃ ᤁᤧᤖᤧᤰᤏᤢ᤺ᤸᤗᤧᤀᤠᤱ ᤌᤥᤎᤥᤰᤐᤠ ᤜᤠᤱᤕᤢᤰᤏᤠᤀᤥ ᤕᤢᤱᤗᤥ॥ 6 ᤂᤢᤏᤧ᤹ᤃ ᤋᤖ᤺ᤱᤃᤧᤴ ᤋᤠᤱᤛᤠᤰᤐᤠᤴ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤌᤢ᤺ᤱᤛᤡᤱᤅᤠᤱ ᤀᤥᤔᤧᤳᤋᤢᤖᤥ॥ 7 ᤂᤢᤏᤧ᤹ ᤂᤠᤶᤜᤡ᤺ᤰᤁᤥ ᤁᤧᤕᤢᤱᤒᤠ ᤕᤠᤱᤃᤧᤛᤠ᤹ᤒᤠᤜᤠ᤹ ᤑᤥ᤺ᤰᤂᤢᤛᤡᤖᤥ. ᤜᤧᤰᤁᤩᤠᤱ ᤁᤢᤎᤣᤀᤠᤱ ᤁᤧᤜᤥᤵᤐᤠ ᤂᤠᤵᤐᤢᤀᤥ ᤁᤧᤕᤢᤱᤒᤠᤜᤠ᤹ ᤑᤥ᤺ᤰᤂᤢᤛᤡᤖᤥ॥ 8 ᤂᤢᤏᤧ᤹ᤃ ᤂᤧᤱᤜᤠ᤹ ᤀᤠᤒᤠᤅᤣ ᤁᤢᤔᤏᤠ ᤜᤠᤱᤛᤠᤜᤠ᤹ᤏᤢ ᤛᤥᤖᤡᤰ ᤕᤢᤰᤂᤢᤛᤡᤖᤥ॥ 9 ᤛᤠᤔᤧᤱᤃᤵᤔᤏᤠᤔᤠ ᤔᤧᤴᤇᤢᤔᤠᤴ ᤂᤢᤏᤧ᤹ ᤜᤡᤴᤈᤠ᤹ ᤐᤡᤳᤇᤠ᤹ᤖᤧ ᤁᤢᤶᤔᤠ ᤆᤥᤃᤢᤀᤠᤱ ᤛ᤺ᤳᤗ ᤕᤠ᤺ᤴᤍᤢᤖᤥ॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ᥄ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.