ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 11 - LIFOTNTᤕᤜᤘᤣ ᤍᤠᤱᤒᤠᤴ ᤏᤠᤛᤠ᤹ᤔᤠ ᤛᤠᤶᤗᤥ ᤁᤧᤜᤢ᤹ᤒᤠᤸᤗᤧ ᤗᤠᤃᤡ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤀᤠᤱᤃᤠ᤹ᤃ ᤕᤜᤘᤣ ᤍᤠᤱᤒᤠᤀᤥ ᤀᤡ᤺ᤶᤛᤡᤱᤅᤠᤖᤥ. ᤁᤧᤃᤥ᤺ᤰᤔᤠ ᤑᤠᤱᤈᤱᤜᤠ᤹ᤀᤥ ᤐᤢ ᤜᤧᤰᤁᤣ ᤐᤧᤖᤧ ᤐᤣᤃᤧ᤹ ᤑᤠ᤹ᤀᤠᤱ ᤕᤠᤵᤔᤡ ᤀᤠᤶᤔᤧᤳᤋᤧᤴᤏᤧ᤹ᤀᤥ॥ 2 ᤌᤣᤀᤠᤱᤓᤧᤸᤗᤧ ᤀᤥᤔᤧᤳᤋᤧᤶᤔᤧ᤹ᤀᤥ. ᤋᤠᤰᤁᤧᤓᤧ᤹ᤒᤠᤜᤠ᤹ᤖᤧ ᤁᤢᤍᤥ᤺ᤵᤔᤠ ᤏᤡᤱᤘᤠ᤹ ᤁᤧᤃᤵᤐᤠᤜᤠ᤹ ᤂᤠᤃᤧᤔᤠᤰᤐᤥᤗᤠᤶ ᤀᤠᤵᤔᤠᤛᤡ ᤑᤠ᤹ᤀᤠᤱ ᤋᤥ᤺ᤱᤅᤡᤴ ᤗᤡᤀᤥ ᤔᤧᤓᤳᤇᤢᤀᤠᤱ ᤐᤳᤗᤥ॥ 3 ᤁᤧᤖᤧᤰ ᤐᤠ᤺ᤴᤜᤠ᤹ᤖᤧ ᤁᤢᤒᤢᤱᤅᤡᤴᤏᤣ ᤑᤧᤳᤗᤠᤏᤧᤓᤃᤪ. ᤛᤠᤶᤕᤥᤒᤠ ᤔᤏᤠ᤺ᤸᤗᤧ ᤌᤣ ᤆᤥ᤺ᤰᤔᤠ ᤛᤢᤰᤋᤢᤀᤠᤱᤒᤣ᥅ 4 ᤕᤜᤘᤣ ᤍᤠᤱᤒᤠᤴ ᤀᤠᤒᤠᤅᤣ ᤁᤢᤛᤣᤛᤣ ᤜᤡᤶᤔᤥ ᤕᤢᤱᤗᤥ. ᤕᤜᤘᤣ ᤍᤠᤱᤒᤠᤴ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤁᤢᤜᤠᤱᤕᤢᤰᤏᤠᤀᤥ ᤕᤢᤱᤗᤥ. ᤂᤢᤏᤧ᤹ ᤔᤧᤴᤇᤠᤶᤛᤠᤜᤠ᤹ ᤏᤢᤖᤡᤰᤁᤠᤱ ᤀᤥᤔᤧᤳᤋᤢᤛᤡᤖᤥ. ᤂᤢᤏᤧ᤹ ᤂᤧᤱᤜᤠ᤹ ᤔᤡᤰᤆᤥ ᤔᤧᤳᤋᤢᤛᤡᤖᤥ॥ 5 ᤕᤜᤘᤣ ᤍᤠᤱᤒᤧᤸᤗᤧ ᤛᤠᤶᤕᤥᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤛᤠ᤹ᤖᤢᤖᤥ. ᤁᤖ ᤁᤢᤀᤡᤃᤧᤓᤧ᤹ᤒᤠ ᤏᤢ ᤜᤕᤱᤋᤧᤴᤎᤱ ᤆᤥ᤺ᤰᤔᤠ ᤂᤢᤏᤡ᤹ ᤛᤡᤖᤠ᤹ ᤁᤧᤎᤠᤱᤒᤠᤜᤠ᤹ᤃ ᤂᤢᤏᤧ᤹ ᤐᤈᤡ᤺ᤳ ᤆᤡ᤺ᤳᤋᤢᤛᤡᤖᤥ॥ 6 ᤁᤢᤀᤡᤃᤧᤓᤧᤶᤒᤠᤜᤠ᤹ ᤛᤶᤎᤠᤱ ᤔᤡ ᤏᤢ ᤁᤠᤴᤎᤠᤰ ᤌᤠᤛᤢᤖᤥ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤕᤠᤵᤔᤡ ᤔᤡᤀᤠᤍᤡᤰᤍᤡᤰᤐᤠ ᤏᤢ ᤐᤕᤧᤶ ᤀᤠᤕᤧᤔᤩᤧᤶᤒᤠ ᤛᤢᤖᤡ᤺ᤳᤔᤠᤴ ᤔᤧᤍᤢᤔᤢᤖᤥ॥ 7 ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤠᤴ ᤛᤠᤶᤕᤥᤒᤠ ᤆᤥᤰᤗᤥ. ᤛᤠᤶᤕᤥᤒᤠ ᤕᤠ᤺ᤶᤒᤰᤜᤠ᤹ ᤁᤢᤛᤡᤖᤠ᤹ᤎᤠᤱᤗᤥ. ᤁᤢᤍᤥ᤺ᤵᤔᤠᤜᤠ᤹ᤖᤧ ᤂᤢᤏᤧ᤹ ᤁᤢᤏᤠᤖᤠᤴ ᤔᤧᤏᤡᤛᤢᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.