ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 1 - LIFOTNTᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ ᤁᤢᤗᤰ ᤌᤡᤰ ( ᤏᤡᤱ ᤛᤢᤶ ᥇–᥊᥇ ) ᤛᤧᤰᤂᤠᤒᤠ ᤛ᤺ᤵᤔᤠ ᤗᤠᤶ 1 ᤀᤠᤳᤋᤡᤴ ᤔᤏᤠᤴ ᤋᤠᤰᤁᤧᤓᤧ᤹ᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤐᤠᤴ ᤛᤢᤈᤠᤀᤥ ᤔᤧᤒᤳᤋᤡᤴ. ᤗᤠᤕᤥᤒᤠ ᤔᤏᤠᤜᤠ᤹ᤏᤢ ᤔᤧᤘᤠ᤹ᤏᤧᤴ ᤀᤡᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤠᤔᤧᤴᤇᤠ᤹ ᤁᤧᤔᤧᤵᤐᤠᤜᤠ᤹ᤏᤢᤀᤠᤱ ᤔᤧᤃᤠᤶᤛᤡᤱᤅᤡᤴ ᤂᤧᤱᤃ ᤔᤢ᤹ᤀᤡᤛᤠᤒᤠ ᤔᤏᤠᤖᤥ॥ 2 ᤁᤖ ᤂᤢᤏᤧ᤹ᤃ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤠᤶᤕᤥᤌᤡᤶᤔᤥᤀᤣ ᤐᤛ᤺ᤳᤛ᤺ᤳᤗᤥ. ᤜᤧᤰᤁᤩᤠᤱ ᤂᤧᤸᤗᤧᤃ ᤛᤧᤴᤍᤡᤰ ᤗᤧᤴᤍᤡᤰ ᤛᤠᤶᤕᤥᤌᤡᤶᤔᤥ ᤏᤡᤱᤘᤠ᤹ ᤐᤡᤖᤢᤖᤥ॥ 3 ᤂᤢᤏᤧ᤹ᤃ ᤕᤱᤄᤱᤅᤡᤸᤗᤧ ᤁᤢᤕᤠᤀᤥ ᤗᤣ᤺ᤵᤔᤏᤠᤒᤠ ᤁᤢᤎᤥ᤺ᤰᤔᤠ ᤕᤧᤶᤔᤥ ᤁᤢᤈᤠ᤹ ᤁᤧᤎᤥ᤺ᤰᤐᤠ ᤜᤧᤰᤁᤩᤠᤱ ᤀᤠᤵᤑᤠᤸᤗᤧᤀᤠᤱ ᤁᤢᤓᤧᤰᤘᤠᤴ ᤛᤡᤖᤧᤶ ᤔᤧᤸᤗ᤹ᤔᤏᤠᤒᤠ ᤛᤡᤱᤒᤢᤱ ᤁᤢᤀᤡᤛᤡᤰ ᤆᤥᤰᤗᤥ. ᤂᤧᤸᤗᤧ ᤌᤣ ᤆᤥᤃᤢᤛᤠᤱ ᤁᤢᤗᤡᤱᤍᤥ ᤁᤧᤳᤗᤥ॥ 4 ᤁᤖ ᤋᤠᤰᤁᤧᤓᤧ᤹ᤒᤠᤜᤠ᤹ᤃ ᤜᤧᤰᤋᤱᤒᤠ ᤔᤧᤴᤈᤥ᤺ᤰᤏᤧᤴᤗᤥ. ᤛᤢᤖᤡᤳ ᤁᤣᤈᤱᤅᤡᤸᤗᤧ ᤑᤧᤛᤢᤒᤠ ᤕᤠ᤹ᤛᤡᤵ ᤁᤢᤀᤡᤛᤡᤰ ᤔᤧᤈᤥᤰᤗᤥ॥ 5 ᤂᤧᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤠᤛᤧᤴ ᤕᤧᤴᤏᤥ ᤂᤢᤶᤍᤡᤱ ᤐᤡᤖᤢᤛᤡᤖᤥ. ᤛᤠᤶᤕᤥᤒᤠ ᤔᤏᤠᤗᤢᤶᤔᤥ ᤗᤠᤕᤥᤒᤠᤜᤠ᤹ ᤆᤢᤶᤔᤠ ᤔᤧᤴᤇᤢᤰᤏᤧᤴᤗᤥ॥ 6 ᤕᤜᤘᤣ ᤍᤠᤱᤒᤧᤸᤗᤧ ᤛᤠᤶᤕᤥᤒᤠ ᤔᤏᤠᤜᤠ᤹ᤖᤧ ᤔᤧᤏᤠ᤺ᤳᤋᤢᤒᤠ ᤗᤠᤶᤔᤥ ᤏᤢᤖᤡᤰᤁᤠᤱ ᤁᤳᤋᤢᤛᤡᤖᤥ. ᤁᤖ ᤁᤢᤀᤡᤃᤧᤓᤧᤶᤒᤠᤜᤠ᤹ᤃ ᤔᤧᤏᤠ᤺ᤳᤋᤢᤒᤠ ᤗᤠᤶᤔᤡᤸᤗᤧ ᤔᤧᤶᤓᤤᤀᤥ ᤋᤣ᤹ᤖᤢᤛᤡᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.