ᤏᤜᤣᤔᤩᤠᤜ 7 - LIFOTNT1 ᤗᤢᤱᤎᤠᤰᤁᤡᤴ ᤛᤧᤵᤔᤠ ᤆᤢᤖᤧ. ᤜᤧᤰᤁᤩᤠᤱ ᤗᤠᤶᤎᤣ᤺ᤵᤐᤠᤜᤠ᤹ ᤀᤠᤒᤠᤅᤣ ᤁᤢᤕᤧᤵᤏᤠᤍᤧᤴᤜᤠ᤹ᤀᤥ ᤕᤧᤵᤛᤢᤱᤅᤠᤱ ᤕᤧᤒᤧ॥ ᤂᤧᤒᤩᤠᤱ ᤗᤠᤶᤎᤣᤳ ᤁᤧᤃᤥᤒᤠᤜᤠ᤹. ᤛᤣᤛᤣ ᤛᤧᤘᤠᤛᤠᤶᤗᤥ ᤛᤠᤶᤃᤧᤔᤧᤵᤐᤠᤜᤠ᤹ ᤏᤢ ᤗᤧᤒᤡᤜᤠ᤹ ᤀᤠᤒᤠᤅᤣ ᤂᤢᤏᤡ᤹ ᤕᤠ᤺ᤶᤒᤰᤁᤥ ᤔᤧᤓᤳᤇᤢᤛᤡᤀᤠᤱ ᤔᤧᤘᤕᤧ॥ 2 ᤀᤠᤱᤃᤠ᤹ ᤀᤠᤴᤛᤠ᤹ ᤜᤏᤠᤏᤡᤴ ᤜᤠᤱᤕᤰᤁᤥᤒᤠ ᤌᤰᤋᤢᤶᤒᤠ ᤜᤏᤏᤩᤠᤜ᤺ᤴᤏᤢ ᤛᤥᤖᤡᤰ ᤕᤖᤢᤛᤗᤧᤔ ᤕᤧᤰᤕᤰᤁᤥ ᤕᤢᤰ ᤆᤥ᤺ᤰᤔᤠᤖᤧ ᤗᤠᤃᤡ ᤛᤣ᤺ᤰᤕᤢᤰ ᤆᤥᤃᤢᤱᤛᤡᤱ॥ ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤘᤣ᤹ ᤔᤏᤠᤜᤠ᤹ᤏᤢ᤺ᤸᤗᤧ ᤛᤠ᤹ᤖᤡᤰ ᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤋᤢᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤃᤡᤵᤐᤠ ᤔᤏᤠ ᤘᤕᤧ॥ 3 ᤀᤠᤱᤃᤠ᤹ ᤂᤧᤱᤜᤠ᤹ ᤔᤧᤳᤋᤢᤱᤛᤡᤱ. “ᤕᤖᤢᤛᤗᤧᤔ ᤕᤧᤰᤕᤰᤁᤥᤒᤠ ᤗᤠᤶᤎᤣ᤺ᤵᤐᤠᤜᤠ᤹ ᤋᤠᤏᤠᤶ ᤔᤠᤱᤓᤠ ᤏᤠᤶ ᤌᤥᤎᤥ ᤁᤧᤳᤋᤠᤱᤗᤰ ᤜᤴᤍᤧᤶᤔᤧ᤹॥ ᤜᤧᤰᤁᤩᤠᤱ ᤕᤢ᤺ᤴᤇᤡᤰ ᤗᤠᤶᤎᤣᤳ ᤁᤧᤃᤥᤒᤠᤜᤠ᤹ ᤔᤧᤘᤠ᤹ᤖᤀᤣ ᤗᤠᤶᤎᤣ᤺ᤵᤐᤠᤜᤠ᤹ ᤛᤢᤒᤧᤶᤔᤧ᤹ᤀᤠᤱ ᤏᤢᤖᤡᤰᤁᤠᤱ ᤀᤠᤃ᤻ᤗᤥᤜᤠ᤹ ᤀᤧᤳᤋᤧᤶᤔᤧ᤹॥ ᤁᤢᤓᤠ ᤀᤡᤰᤁᤥᤔᤠᤖᤧ ᤗᤠᤃᤡ ᤜᤧᤰᤁᤩᤠᤱ ᤁᤢᤓᤠᤖᤧ ᤆᤤᤲ ᤀᤠᤒᤠᤅᤣ ᤜᤡᤶ ᤁᤶᤒᤪᤠᤱ ᤔᤧᤵᤔᤠᤖᤧ ᤗᤠᤃᤡ ᤕᤖᤢᤛᤗᤧᤔ ᤕᤧᤰᤕᤰᤁᤥ ᤁᤧᤕᤢᤱᤒᤠᤜᤠ᤹ᤀᤣ ᤛᤣ᤺ᤰᤕᤢᤰ ᤆᤥᤃᤧᤶᤛᤡᤶᤔᤧ᤹ᤀᤥ॥” ᤌᤱᤅᤥ ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠ ᤁᤧᤏᤢ᤺ᤱᤒᤠᤜᤠ᤹ᤖᤧ ᤂᤢᤏᤡ᤹ ᤌᤠᤔᤡᤱ ( ᤀᤧᤈᤪᤠ ᥈:᥇-᥍᥆ ) 4 ᤕᤖᤢᤛᤗᤧᤔ ᤕᤧᤰᤕᤰᤁᤡᤴ ᤕᤶᤒᤠ ᤏᤢ ᤋᤠᤶᤍᤠᤶᤒᤠ ᤆᤥᤃᤧ. ᤁᤖ ᤂᤧᤵᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤛᤢ᤺ᤸᤗᤡᤰ ᤔᤧᤘᤕᤧ॥ ᤁᤧᤗᤢ᤺ᤶᤒᤠ ᤜᤡᤶᤜᤠ᤹ ᤀᤠᤖᤛᤠᤱ ᤕᤠᤶᤔᤥ ᤔᤧᤴᤈᤥ᤺ᤰᤁᤣ ᤏᤧᤛ᤻ᤛᤧ॥ 5 ᤁᤸᤗᤧᤆᤥᤃᤢᤸᤗᤧ ᤔᤏᤠᤜᤠ᤹. ᤗᤠᤶᤗᤥᤒᤠᤜᤠ᤹. ᤛᤢᤜᤠᤱᤕᤢᤰᤐᤠᤜᤠ᤹ ᤏᤢ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤜᤡᤶᤛᤕᤱᤜᤠ᤹ ᤛᤢᤶᤔᤠᤛᤡᤀᤠᤱ ᤂᤢᤴᤇᤡ᤹ ᤔᤡᤱ ᤛᤠᤵᤔᤠᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤏᤡᤱᤘᤠ᤹ ᤐᤡᤖᤠᤱ॥ ᤀᤠᤱᤃᤠ᤹ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤌᤱᤅᤥ ᤐᤢᤱᤗᤠᤎᤠᤒᤠ ᤔᤧᤈᤥᤃᤢ ᤔᤧᤍᤣ᤹ᤖᤢᤛᤡᤒᤠᤗᤠᤶ ᤔᤧᤗᤧᤖᤢᤛᤡᤀᤠᤱ ᤁᤧᤏᤢ᤺ᤱᤒᤠᤜᤠ᤹ᤖᤧ ᤂᤢᤏᤡ᤹ ᤔᤡᤱᤛᤪᤠ᤺ᤸᤗᤧ ᤛᤠᤵᤐᤴᤏᤡᤴ ᤂᤥᤛᤢᤱ॥ ᤂᤧᤵᤔᤥ ᤀᤠᤱᤃᤠ᤹ ᤁᤴ ᤐᤠ᤺ᤴᤜᤠ᤹ ᤛᤠᤵᤋᤧᤀᤠᤱ ᤐᤳᤇᤧᤒᤠ ᤂᤥᤛᤢᤱ— 6 ᤒᤣᤒᤡᤗᤥᤏᤒᤠ ᤜᤠᤱ ᤏᤒᤢᤁᤍᤏᤣᤛᤖᤧᤸᤗᤧ ᤐᤢᤱᤗᤠᤎᤠᤒᤠ ᤆᤥᤃᤢ ᤋᤣ᤹ᤖᤢᤛᤡᤒᤠᤜᤠ᤹ᤀᤥ ᤕᤖᤢᤛᤗᤧᤔ ᤏᤢ ᤕᤜᤢᤍᤠᤒᤠ ᤀᤠᤒᤠᤅᤣ ᤕᤧᤰᤕᤰᤜᤠ᤹ᤀᤥ ᤁᤧᤏᤢ᤺ᤱᤒᤠᤀᤠᤱ ᤁᤧᤓᤧᤶᤒᤠ ᤔᤏᤠᤜᤠ᤹ ᤜᤠᤒᤠ ᤁᤴᤜᤠ᤹ᤖᤥ॥ 7 ᤂᤢᤴᤇᤡ᤹ ᤗᤠᤶᤗᤥᤒᤠᤜᤠ᤹ ᤕᤖᤢᤒᤠᤒᤣᤗ. ᤕᤣᤛᤢᤀᤠ. ᤏᤜᤣᤔᤩᤠᤜ. ᤀᤈᤷᤕᤠᤜ. ᤖᤠᤔᤩᤠᤜ. ᤏᤜᤔᤠᤏᤡ. ᤔᤥᤷᤍᤁᤤ. ᤒᤡᤸᤛᤠᤏ. ᤔᤡᤛᤐᤣᤖᤣᤋ. ᤒᤡᤃᤫᤤ. ᤏᤣᤜᤢᤔ ᤜᤧᤰᤁᤩᤠᤱ ᤒᤠᤏᤠᤜᤛᤡ ᤔᤧᤘᤕᤧ॥ ᤐᤢᤱᤗᤠᤜᤡᤶᤗᤠᤶᤒᤠ ᤁᤧᤏᤢ᤺ᤱᤒᤠ ᤁᤧᤓᤧᤶᤒᤠ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤏᤡ᤹ ᤌᤠ᤺ᤰᤌᤠ᤺ᤰᤗᤧ ᤔᤡᤱ ᤏᤢ ᤂᤠᤏᤡ᤺ᤳᤋᤡᤴ ᤀᤰᤋᤱᤒᤠ ᤘᤠ᤹— 8 ᤐᤖᤥᤛᤖᤧ ᤁᤢᤎᤠ᤺ᤰᤜᤠ᤹—᥈.᥇᥍᥈ 9 ᤛᤐᤋᤩᤠᤜ—᥉᥍᥈ 10 ᤀᤠᤖᤠ—᥌᥋᥈ 11 ᤐᤜᤋ-ᤔᤥᤀᤠᤒ (ᤕᤣᤛᤢᤀᤠ ᤏᤢ ᤕᤥᤀᤠᤒᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹)—᥈.᥎᥇᥎ 12 ᤀᤣᤗᤠᤔ—᥇.᥈᥋᥊ 13 ᤈᤳᤋᤢ—᥎᥊᥋ 14 ᤈᤰᤁᤤ—᥍᥌᥆ 15 ᤒᤡᤴᤏᤢᤀᤡ—᥌᥊᥎ 16 ᤒᤣᤒᤤ—᥌᥈᥎ 17 ᤀᤈ᤻ᤃᤠᤍ—᥈.᥉᥈᥈ 18 ᤀᤍᤥᤏᤡᤁᤠᤔ—᥌᥌᥍ 19 ᤒᤡᤃᤫᤤ—᥈.᥆᥌᥍ 20 ᤀᤠᤍᤡᤏ—᥌᥋᥋ 21 ᤀᤠᤋᤣᤖ (ᤂᤧᤴᤏᤡᤴ ᤜᤡᤈᤁᤡᤕᤠᤀᤠᤱ ᤔᤧᤔᤧᤳᤋᤢ)—᥏᥎ 22 ᤜᤠᤛᤢᤔ—᥉᥈᥎ 23 ᤒᤣᤈᤤ—᥉᥈᥊ 24 ᤜᤠᤖᤡᤐ—᥇᥇᥈ 25 ᤃᤡᤒᤥᤏ—᥏᥋ ᤀᤠᤒᤠᤅᤣ ᤐᤠᤎᤧᤒᤠᤜᤠ᤹ᤖᤧ ᤂᤢᤏᤡ᤹ ᤕᤧᤰᤕᤰᤁᤥ ᤔᤏᤠᤜᤠ᤹ ᤁᤶᤓᤗ᤹ᤖᤡᤰ ᤔᤧᤏᤢ᤺ᤰᤂᤧᤖ ᤔᤧᤒᤳᤇᤧ— 26 ᤒᤣᤌᤗᤧᤜᤧᤔ ᤏᤢ ᤏᤋᤥᤐᤠ—᥇᥎᥎ 27 ᤀᤏᤠᤋᤥᤋᤀᤥ—᥇᥈᥎ 28 ᤒᤣᤌ—ᤀᤈ᤻ᤔᤠᤘᤣᤋᤀᤥ—᥊᥈ 29 ᤁᤡᤷᤕᤋ-ᤕᤠᤖᤡᤶᤔᤥ. ᤁᤐᤡᤖᤠ ᤏᤢ ᤒᤣᤖᤥᤋᤀᤥ—᥍᥊᥉ 30 ᤖᤠᤔᤠ ᤏᤢ ᤃᤣᤒᤠᤀᤥ—᥌᥈᥇ 31 ᤔᤡᤁᤔᤠᤛᤀᤥ—᥇᥈᥈ 32 ᤒᤣᤌᤣᤗ ᤏᤢ ᤀᤤᤀᤥ—᥇᥈᥉ 33 ᤘᤣ᤹ ᤏᤧᤒᤥᤀᤥ—᥋᥈ 34 ᤘᤣ᤹ ᤀᤣᤗᤠᤶᤔᤥ—᥇.᥈᥋᥊ 35 ᤜᤠᤖᤡᤶᤔᤥ—᥉᥈᥆ 36 ᤕᤖᤡᤜᤥᤀᤥ—᥉᥊᥋ 37 ᤗᤥᤍ. ᤜᤠᤍᤡᤍ ᤏᤢ ᤀᤥᤏᤥᤀᤥ—᥍᥈᥇ 38 ᤛᤣᤏᤠᤜᤀᤥ—᥉.᥏᥉᥆ 39 ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤗᤠᤶ ᤁᤧᤏᤢ᤺ᤱᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤌᤠ᤺ᤰᤜᤠ᤹ ᤀᤰᤋᤱᤒᤠ ᤔᤧᤈᤥᤃᤧ— ᤕᤍᤠᤕᤠ᤺ᤸᤗᤧ (ᤕᤣᤛᤢᤀᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹)—᥏᥍᥉ 40 ᤀᤡᤶᤔᤣᤖᤧᤸᤗᤧ ᤁᤢᤛ᤻ᤛᤠ—᥇.᥆᥋᥈ 41 ᤐᤛᤜᤢᤖᤧᤸᤗᤧ ᤁᤢᤛ᤻ᤛᤠ—᥇.᥈᥊᥍ 42 ᤜᤠᤖᤡᤔᤡᤸᤗᤧ ᤁᤢᤛ᤻ᤛᤠ—᥇.᥆᥇᥍ 43 ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤗᤠᤶ ᤁᤧᤏᤢ᤺ᤱᤒᤠ ᤗᤧᤒᤡᤜᤠ᤹ᤖᤧ ᤂᤢᤏᤡ᤹ ᤌᤠ᤺ᤰᤜᤠ᤹— ᤕᤣᤛᤢᤀᤠ ᤏᤢ ᤁᤠᤍᤔᤡᤀᤣᤗᤖᤧ ᤂᤢᤴᤇᤡ᤹ ᤜᤡᤶᤛᤕᤱ (ᤜᤥᤍᤒᤡᤕᤠᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹)—᥍᥊ 44 ᤔᤠᤱᤜᤡᤶᤔᤥ ᤛᤠᤶᤃᤧᤗᤥᤒᤠ— (ᤀᤠᤛᤠᤐᤖᤧ ᤁᤢᤔᤢᤀᤡ᤹ᤍᤠᤱᤛᤠᤜᤠ᤹)—᥇᥊᥎ 45 ᤗᤠᤶᤎᤣᤳ ᤁᤧᤃᤥᤒᤠᤜᤠ᤹— (ᤛᤸᤗᤢᤔ. ᤀᤠᤋᤣᤖ. ᤋᤸᤔᤥᤏ. ᤀᤰᤁᤢᤒ. ᤜᤋᤡᤋᤠ ᤏᤢ ᤛᤥᤒᤤᤖᤧ ᤂᤢᤏᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹)—᥇᥉᥎ 46 ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤗᤠᤶ ᤁᤧᤏᤢ᤺ᤱᤒᤠ ᤔᤠᤱᤜᤡᤶᤔᤥ ᤛᤧᤘᤠ ᤁᤧᤈᤥ᤺ᤰᤐᤠᤜᤠ᤹— ᤂᤢᤏᤡ᤹ ᤌᤠ᤺ᤰᤜᤠ᤹— ᤛᤡᤜᤠ. ᤜᤛᤢᤐᤠ. ᤋᤒ᤻ᤒᤠᤀᤥᤋ. 47 ᤁᤥᤖᤣᤛ. ᤛᤡᤀᤠ. ᤐᤠᤍᤥᤏ. 48 ᤗᤧᤒᤠᤏᤠ. ᤜᤃᤠᤒᤠ. ᤛᤸᤔᤤ. 49 ᤜᤠᤏᤠᤏ. ᤃᤡᤍ᤻ᤍᤣᤗ. ᤃᤜᤖ. 50 ᤖᤠᤕᤠᤜ. ᤖᤛᤡᤏ. ᤏᤁᤥᤍᤠ. 51 ᤃᤈ᤻ᤈᤠᤔ. ᤀᤢᤈ᤻ᤈᤠ. ᤐᤛᤣᤜ. 52 ᤒᤣᤈᤤ. ᤔᤥᤏᤡᤔ. ᤏᤣᤐᤢᤛᤡᤔ. 53 ᤒᤰᤒᤢᤁ. ᤜᤁᤢᤐᤠ. ᤜᤷᤜᤢᤖ. 54 ᤒᤛ᤻ᤗᤢᤋ. ᤔᤜᤡᤍᤠ. ᤜᤷᤛᤠ. 55 ᤒᤷᤁᤥᤛ. ᤛᤡᤛᤖᤠ. ᤋᤣᤔᤜ. 56 ᤏᤛᤡᤜ ᤏᤢ ᤜᤋᤡᤐᤠ 57 ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤗᤠᤶ ᤁᤧᤏᤢ᤺ᤱᤒᤠ ᤛᤥᤗᤥᤔᤏᤖᤧ ᤁᤢᤛᤧᤘᤠᤖᤥᤒᤠᤜᤠ᤹— ᤂᤢᤏᤡ᤹ ᤌᤠ᤺ᤰᤜᤠ᤹— ᤛᤥᤋᤤ. ᤛᤥᤐᤣᤖᤣᤋ. ᤐᤠᤖᤡᤍ. 58 ᤕᤠᤗᤠ. ᤍᤷᤁᤥᤏ. ᤃᤡᤍ᤻ᤍᤣᤗ. 59 ᤛᤐᤋᤩᤠᤜ. ᤜᤳᤋᤡᤗ. ᤐᤥᤁᤣᤖᤣᤋ-ᤜᤛᤣᤒᤠᤕᤡᤔ ᤜᤧᤰᤁᤩᤠᤱ ᤀᤠᤔᤥᤏ 60 ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤗᤠᤶ ᤁᤧᤏᤢ᤺ᤱᤒᤠ ᤔᤠᤱᤜᤡᤶᤔᤥᤒᤠ ᤛᤧᤘᤠᤖᤥᤒᤠ ᤏᤢ ᤛᤥᤗᤥᤔᤏᤖᤧ ᤁᤢᤛᤧᤘᤠᤖᤥᤒᤠᤜᤠ᤹ᤖᤧ ᤂᤢᤏᤡ᤹ ᤁᤧᤖᤧᤰ ᤂᤠᤏᤡ᤺ᤳᤋᤡᤴ᥉᥏᥈ 61 ᤋᤣᤗ-ᤔᤣᤗᤜ. ᤋᤣᤗ-ᤜᤷᤛᤠ. ᤁᤖᤢᤒ. ᤀᤠᤍᤥᤏ ᤏᤢ ᤀᤡᤶᤔᤣᤖ ᤔᤧᤵᤔᤏᤠᤒᤠ ᤕᤧᤰᤕᤰᤜᤠ᤹ᤗᤠᤶᤒᤠ ᤁᤧᤏᤢ᤺ᤱᤒᤠ ᤁᤧᤍᤠᤒᤠ ᤔᤧᤘᤕᤧ ᤁᤖ ᤂᤧᤱᤜᤠ᤹ᤖᤧ ᤀᤠᤏᤡᤃᤣ ᤀᤡᤛᤪᤠᤀᤡᤗᤖᤧ ᤁᤢᤔᤢ᤹ᤀᤡᤍᤠᤱᤛᤠᤍᤡᤃᤧ ᤑᤠ᤹ᤀᤠᤱ ᤋᤛᤡ ᤐᤡᤔᤠ ᤔᤧᤴᤇᤢᤰᤋᤢᤴ— 62 ᤂᤢᤏᤡ᤹ ᤌᤠ᤺ᤰᤜᤠ᤹ ᤍᤗᤠᤕᤠᤜ. ᤋᤥᤒᤡᤕᤠ ᤏᤢ ᤏᤁᤥᤍᤠ—᥌᥊᥈ 63 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤛᤠᤶᤒᤠ ᤗᤢᤶᤔᤥᤗᤠᤶ— ᤂᤢᤏᤡ᤹ ᤌᤠ᤺ᤰᤜᤠ᤹— ᤜᤥᤒᤠᤕᤠ. ᤜᤰᤁᤥᤛ ᤏᤢ ᤒᤷᤈᤡᤸᤗᤤ ᤜᤡᤶᤛᤕᤱᤜᤠ᤹ᤖᤧ ᤌᤠᤔᤡᤱᤅᤥ ᤀᤠᤒᤠᤅᤣ ᤌᤠ᤺ᤰᤜᤠ᤹ᤖᤧ ᤂᤢᤏᤡ᤹ ᤔᤡᤱ ᤂᤥᤔᤠ ᤔᤧᤴᤇᤢᤰᤋᤢᤴ (ᤏᤡᤱᤘᤠ᤹ᤑᤢᤛᤠᤶᤒᤠ ᤌᤠ᤺ᤰᤁᤥᤒᤠ ᤗᤳᤇᤠ ᤕᤧᤶᤒᤡᤳᤇᤠ ᤛᤠᤎᤡᤰᤗᤧ ᤃᤡᤗᤠᤍᤒᤠ ᤗᤳᤇᤠ ᤒᤷᤈᤡᤸᤗᤤ ᤔᤧᤴᤇᤢᤔᤠᤎᤡᤰ ᤋᤧᤴᤎᤠᤶ ᤔᤣ᤺ᤰᤂᤡᤶ ᤔᤧᤳᤋᤢ॥ ᤜᤧᤰᤁᤩᤠᤱ ᤁᤢᤔᤣᤳ ᤗᤧᤵᤔᤠᤱᤒᤠ ᤒᤷᤈᤡᤸᤗᤤ ᤜᤡᤶᤛᤕᤱᤒᤠ ᤔᤡᤱᤅᤡᤴ ᤔᤡᤱ ᤘᤠ᤺ᤴᤇᤡᤱᤅᤠᤱ ᤘᤕᤧ ᤂᤧᤒᤩᤠᤱ ᤂᤧᤸᤗᤧ ᤁᤢᤎᤠ᤺ᤰᤔᤡᤱ ᤒᤷᤈᤡᤗᤤ ᤐᤥ᤺ᤰᤂᤧᤀᤠᤱ ᤘᤕᤧ)॥ 64 ᤂᤧᤱᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤌᤠ᤺ᤰᤜᤠ᤹ᤖᤧ ᤕᤠ᤺ᤶᤒᤣᤀᤥ ᤋᤛᤡ ᤐᤡᤔᤠ ᤔᤧᤴᤇᤢᤰᤋᤢᤶᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ ᤀᤠᤛᤢᤳᤌᤥ ᤔᤧᤒᤥ᤺ᤰᤂᤧᤒᤠ ᤜᤧᤰᤁᤣ ᤏᤡᤱᤘᤠ᤹ᤑᤢᤛᤠᤶᤒᤠᤛᤡ ᤑᤠ᤹ᤀᤠᤱ ᤔᤧᤴᤍᤠ᤺ᤰᤋᤢᤛᤡᤴ॥ 65 “ᤀᤢᤖᤡᤔ” ᤏᤢ “ᤋᤢᤶᤔᤡᤔ” ᤕᤠᤱᤔᤠ ᤁᤧᤛᤢᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠ᤺ᤳᤋᤠᤱ ᤜᤥ᤺ᤵᤋᤧ॥ ᤂᤧᤸᤗᤧᤆᤥᤃᤢᤸᤗᤧ ᤀᤢᤖᤡᤔ ᤏᤢ ᤋᤢᤶᤔᤡᤴᤔᤧᤴ ᤕᤠᤱᤔᤠ ᤔᤧᤰᤇᤢᤰᤁᤧ ᤌᤠᤖᤡᤰ ᤏᤡᤱᤘᤠ᤹ᤑᤢᤛᤠᤶᤒᤠ ᤌᤠ᤺ᤰᤁᤥ ᤂᤢᤴᤇᤡ᤹ ᤔᤡᤱ ᤔᤧᤶᤒᤵᤔᤏᤠᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤛᤡᤍᤢᤱᤈᤓᤠᤴ ᤆᤠᤔᤠ ᤔᤧᤴᤇᤢᤰᤋᤢᤴ ᤁᤧᤗ᤹ᤒᤠ ᤀᤡᤱᤈᤠᤱ ᤕᤜᤢᤍᤡ ᤋᤢᤶ ᤛᤢᤜᤠᤱᤕᤢᤰᤐᤠᤸᤗᤧ ᤐᤡᤖᤢᤛᤡ॥ 66 ᤁᤧᤏᤢ᤺ᤱᤒᤠ ᤁᤧᤓᤧᤶᤒᤠ ᤐᤢᤱᤗᤠᤎᤠᤒᤠᤜᤠ᤹ᤖᤧ ᤂᤢᤏᤡ᤹ ᤁᤧᤖᤧᤰ ᤂᤠᤏᤡ᤺ᤳᤋᤡᤴ ᥊᥈.᥉᥌᥆ ᤘᤕᤧᤖᤥ॥ 67 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤧᤘᤠᤖᤥᤒᤠ ᤏᤢ ᤛᤧᤘᤠᤖᤥᤔᤠᤜᤠ᤹—᥍.᥉᥉᥍ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠ ᤛᤠᤶᤃᤧᤗᤥᤒᤠᤜᤠ᤹—᥈᥊᥋ 68 ᤀᤴᤜᤠ᤹—᥍᥉᥌ ᤀᤴᤕᤥᤰᤜᤠ᤹—᥈᥊᥋ 69 ᤀᤢᤔᤣᤜᤠ᤹—᥊᥉᥋ ᤜᤧᤰᤁᤩᤠᤱ ᤐᤠᤱᤒᤢᤳᤜᤠ᤹ ᥌.᥍᥈᥆ ᤔᤧᤘᤕᤧ॥ 70 ᤕᤖᤡᤰ ᤜᤡᤶᤛᤕᤱᤒᤠ ᤗᤠᤶᤗᤥᤒᤠᤜᤠ᤹ᤖᤧ ᤔᤠᤱᤜᤡᤶ ᤆᤥ᤺ᤰᤔᤠ ᤕᤠ᤺ᤶᤒᤰᤁᤥ ᤕᤠᤱᤛᤠᤁᤢᤴᤎᤣ ᤔᤧᤗ᤺ᤳᤋᤢᤀᤠᤱ ᤔᤧᤓᤠ᤹ᤖᤢᤛᤡ— ᤋᤢᤶ ᤛᤢᤜᤠᤱᤕᤢᤰᤐᤠᤸᤗᤧ ᥎ ᤁᤡᤗᤥ ᤛᤠᤶᤔᤩᤠᤱ. ᥋᥆ ᤔᤠᤱᤄᤔᤠᤸᤗᤧ ᤕᤠᤱᤔᤏᤠᤒᤠ ᤂᤷᤒᤠ. ᥋᥉᥆ ᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤆᤠᤱᤔᤏᤠᤒᤠ ᤋᤣᤳ 71 ᤌᤠ᤺ᤰᤌᤠ᤺ᤰᤁᤥᤒᤠ ᤗᤠᤶᤗᤥᤒᤠᤜᤠ᤹ᤖᤧ ᥇᥌᥎ ᤁᤡᤗᤥ ᤛᤠᤶᤔᤩᤠᤱ. ᥇.᥈᥋᥆ ᤁᤡᤗᤥ ᤕᤢᤵᤐᤠ 72 ᤘᤣ᤹ ᤔᤏᤠᤜᤠ᤹ᤖᤧ ᥇᥌᥎ ᤁᤡᤗᤥ ᤛᤠᤶᤔᤩᤠᤱ. ᥇.᥆᥊᥆ ᤁᤡᤗᤥ ᤕᤢᤵᤐᤠ. ᥌᥍ ᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤁᤢᤈᤠᤱᤔᤠ ᤋᤣᤳ॥ 73 ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤗᤧᤒᤡᤜᤠ᤹. ᤗᤠᤶᤎᤣᤳ ᤁᤧᤃᤥᤒᤠᤜᤠ᤹. ᤛᤠᤶᤃᤧᤗᤥᤒᤠᤜᤠ᤹. ᤘᤣ᤹ ᤁᤢᤓᤠ ᤔᤏᤠᤜᤠ᤹. ᤔᤠᤱᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤜᤧᤰᤁᤩᤠᤱ ᤂᤧᤴᤏᤠᤱᤕᤥᤒᤠ ᤁᤧᤖᤧᤰ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹ ᤕᤜᤢᤍᤠᤒᤠ ᤕᤧᤰᤕᤰ ᤏᤢ ᤐᤠᤱᤓᤣ᤹ᤜᤠ᤹ᤀᤥ ᤔᤧᤕᤢᤅᤧᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.