ᤏᤜᤣᤔᤩᤠᤜ 3 - LIFOTNTᤕᤠᤶᤔᤥ ᤆᤥ᤺ᤰᤔᤠ ᤕᤠ᤺ᤶᤒᤰ 1 ᤋᤢᤶ ᤏᤡᤱᤘᤠ᤹ᤑᤢᤛᤠᤶᤒᤠ ᤀᤣᤗᤩᤠᤛᤡᤒᤧᤴ ᤏᤢ ᤏᤡᤱᤘᤠ᤹ᤑᤢᤛᤠᤶᤒᤠ ᤁᤢᤴᤈᤢᤶᤜᤠ᤹ ᤔᤧᤍᤱᤛᤡᤱᤅᤠᤱ ᤔᤧᤸᤗᤢᤰ ᤗᤠᤶᤎᤣ᤺ᤵᤐᤠᤴ ᤔᤧᤈᤥᤃᤢ. ᤜᤧᤰᤁᤩᤠᤱ ᤂᤧ᤹ᤕᤥᤒᤠ ᤐᤕᤶ ᤗᤠᤶᤎᤣ᤺ᤵᤐᤠᤜᤠ᤹ ᤔᤧᤈᤥᤃᤢ॥ ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤗᤢᤱᤎᤠᤰᤁᤡᤴ ᤁᤡᤵᤌᤡᤰ ᤆᤱᤜᤡᤶ ᤔᤧᤵᤔᤏᤠᤒᤠ ᤏᤢ ᤜᤏᤏᤣᤗᤖᤧ ᤁᤢᤈᤱᤜᤡᤶ ᤌᤠᤖᤡᤰ ᤆᤠ᤺ᤱᤘᤠ ᤔᤧᤔᤧᤳᤋᤢᤖ ᤔᤧᤍᤣ᤹ᤖᤢ ᤜᤧᤰᤁᤩᤠᤱ ᤂᤧᤴᤏᤡᤴ ᤔᤧᤈᤥᤃᤢᤀᤠᤱ ᤔᤧᤍᤥᤴᤍᤢ॥ 2 ᤂᤧᤴᤏᤢ ᤛᤥᤛᤥᤖᤡᤰ ᤁᤧᤍᤢᤶᤒᤠ ᤘᤣ᤹ ᤗᤰᤁᤡᤴ ᤕᤖᤡᤜᤥᤒᤠ ᤔᤏᤠᤜᤠ᤹ᤖᤧ ᤔᤧᤈᤥᤃᤢ. ᤜᤧᤰᤁᤩᤠᤱ ᤂᤧᤴ ᤀᤣᤃᤠᤱ ᤘᤣ᤹ᤛᤔᤠ ᤗᤰᤁᤡᤴ ᤀᤡᤔᤪᤡᤖᤧ ᤁᤢᤛ᤻ᤛᤠ ᤈᤰᤁᤢᤖᤧᤸᤗᤧ ᤆᤥᤃᤢ॥ 3 ᤜᤛ᤻ᤛᤣᤏᤠ᤺ᤸᤗᤧ ᤁᤢᤛ᤻ᤛᤠᤜᤠ᤹ᤖᤧ ᤅᤠ ᤐᤕᤶ ᤗᤠᤶᤎᤣ᤺ᤵᤐᤠᤴ ᤔᤧᤈᤥᤃᤢ॥ ᤂᤧᤱᤜᤠ᤹ᤖᤧ ᤐᤧᤖᤧᤶᤛᤡᤱᤜᤠ᤹ ᤔᤧᤏᤧᤛ᤻ᤛᤢᤀᤠᤱ ᤗᤠᤶᤎᤣ᤺ᤳᤜᤠ᤹ᤖᤧ ᤁᤢᤛᤢᤵᤔᤠ ᤁᤢᤀᤧᤵᤔᤠ ᤏᤢ ᤀᤠᤃ᤻ᤗᤥᤜᤠ᤹ ᤔᤧᤕᤠᤰᤋᤢ॥ 4 ᤂᤧᤴ ᤀᤣᤃᤠᤱᤒᤠ ᤗᤰᤁᤡᤴ ᤜᤰᤁᤥᤛᤖᤧ ᤁᤢᤶᤔᤧᤴᤇᤠ᤹. ᤀᤢᤖᤡᤕᤠ᤺ᤸᤗᤧ ᤁᤢᤛ᤻ᤛᤠ ᤔᤖᤣᤔᤥᤋᤖᤧ ᤆᤥᤃᤢ॥ ᤔᤣᤛᤣᤈᤣᤒᤣᤗᤖᤧ ᤁᤢᤶᤔᤧᤴᤇᤠ᤹. ᤒᤣᤖᤣᤁᤩᤠᤜᤖᤧ ᤁᤢᤛ᤻ᤛᤠ ᤔᤛᤢᤸᤗᤠᤔᤖᤧ ᤂᤧᤴ ᤀᤣᤃᤠᤱᤒᤠ ᤗᤰᤁᤡᤴ ᤆᤠ᤺ᤱᤘᤠ ᤔᤧᤳᤋᤢ॥ ᤂᤧᤴᤏᤠᤱᤎᤥᤒᤠ ᤀᤣᤃᤠᤱᤒᤠ ᤗᤰᤁᤡᤴ ᤒᤠᤏᤠᤖᤧ ᤁᤢᤛ᤻ᤛᤠ ᤛᤠᤍᤥᤁᤖᤧ ᤆᤥᤃᤢ॥ 5 ᤂᤧᤴ ᤀᤣᤃᤠᤱ ᤋᤁᤥᤒᤠ ᤔᤏᤠᤜᤠ᤹ᤖᤧ ᤘᤣ᤹ ᤗᤰᤁᤡᤴ ᤔᤧᤈᤥᤃᤢ. ᤁᤖ ᤂᤧᤴ ᤕᤧᤰᤕᤰᤁᤥ ᤜᤠᤱᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤧᤒᤠᤱᤒᤠ ᤗᤠᤶᤗᤥᤒᤠᤜᤠ᤹ᤖᤧ ᤔᤢᤖᤠᤔᤧᤔᤧᤳᤋᤢᤛᤡᤒᤠ ᤜᤧᤰᤁᤣ ᤋᤱᤔᤠᤀᤠᤱ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤴᤍᤧᤴᤍᤧᤴ॥ 6 ᤐᤛᤣᤜᤖᤧ ᤁᤢᤛ᤻ᤛᤠ ᤕᤥᤕᤠᤍᤠ ᤏᤢ ᤒᤛᤥᤍᤕᤠᤖᤧ ᤁᤢᤛ᤻ᤛᤠ ᤔᤛᤢᤸᤗᤠᤔᤖᤧ ᤕᤣᤛᤏᤠ ᤗᤠᤶᤎᤣ᤺ᤵᤐᤠᤴ ᤆᤥᤃᤧᤳᤇᤢ. ᤂᤧᤱᤜᤠ᤹ᤖᤧ ᤐᤧᤖᤧᤶᤛᤡᤱᤜᤠ᤹ ᤜᤧᤰᤁᤩᤠᤱ ᤗᤠᤶᤎᤣ᤺ᤳᤜᤠ᤹ ᤕᤢᤰᤂᤧᤛᤢᤀᤠᤱ ᤗᤠᤶᤎᤣ᤺ᤳᤜᤠ᤹ ᤛᤠᤰᤔᤠ ᤏᤢ ᤀᤠᤃ᤻ᤗᤥᤜᤠ᤹ ᤕᤠᤰᤋᤧᤇᤢ॥ 7 ᤂᤧᤸᤗᤧ ᤁᤢᤒᤣᤛᤠᤱ ᤃᤡᤒᤥᤏᤒᤠ ᤔᤗᤋᤩᤠ. ᤔᤣᤖᤥᤏᤥᤋᤒᤠ ᤕᤠᤍᤠᤏ ᤜᤧᤰᤁᤩᤠᤱ ᤃᤡᤒᤥᤏ ᤏᤢ ᤔᤡᤛ᤻ᤐᤠᤒᤠ ᤔᤏᤠᤜᤠ᤹ᤖᤧ ᤕᤢᤑᤪᤣᤋᤡᤛ ᤏᤠᤶᤎᤠ ᤐᤡᤛᤠᤱ ᤗᤧᤵᤔᤠᤱᤒᤠ ᤋᤧᤱᤃᤵᤐᤥᤒᤠ ᤋᤢᤶ ᤛᤢᤜᤠᤱᤕᤢᤰᤐᤠᤸᤗᤧ ᤁᤢᤜᤡᤶᤔᤥ ᤌᤠᤖᤡᤰ ᤔᤧᤈᤥᤃᤢ ᤔᤧᤍᤣ᤹ᤖᤢ॥ 8 ᤛᤠᤶᤔᤩᤠᤱ ᤁᤧᤎᤰᤐᤠ ᤜᤖᤕᤠᤜᤖᤧ ᤁᤢᤛ᤻ᤛᤠ ᤀᤢᤈ᤻ᤈᤡᤀᤣᤗᤖᤧ ᤂᤧᤴ ᤀᤣᤃᤠᤱᤒᤠ ᤗᤰᤁᤡᤴ ᤆᤥᤃᤢ॥ ᤑᤢᤱᤏᤠᤶ ᤁᤧᤈᤥ᤺ᤰᤐᤠ ᤜᤏᤏᤩᤠᤖᤧ ᤘᤣ᤹ᤛᤔᤠ ᤗᤰᤁᤡᤴ ᤆᤥᤃᤢᤀᤠᤱ ᤑᤧᤓᤧᤒᤠ ᤗᤢᤱᤎᤠᤰ ᤌᤠᤖᤡᤰ ᤁᤧᤳᤋᤢ॥ 9 ᤂᤧᤸᤗᤧ ᤁᤢᤀᤣᤃᤠᤱᤒᤠ ᤗᤰᤁᤡᤴ ᤜᤢᤖᤗᤧ ᤁᤢᤛ᤻ᤛᤠ ᤖᤐᤠᤕᤠᤜ᤺ᤸᤗᤧ ᤆᤥᤃᤢ॥ ᤂᤢᤏᤧ᤹ ᤕᤖᤢᤛᤗᤧᤔ ᤌᤢᤶᤔᤡᤸᤗᤧ ᤁᤢᤓᤪᤧ᤺ᤱ ᤌᤢᤶᤔᤥ ᤜᤠᤱ ᤁᤧᤈᤥ᤺ᤰᤐᤠ ᤘᤕᤧ॥ 10 ᤂᤧᤴᤏᤢ ᤁᤧᤍᤢᤶᤒᤠ ᤗᤰᤁᤡᤴ ᤜᤠᤖᤢᤔᤠᤐᤖᤧ ᤁᤢᤛ᤻ᤛᤠ ᤕᤍᤠᤕᤠ᤺ᤸᤗᤧ ᤆᤥᤃᤢ॥ ᤂᤧᤴ ᤂᤢᤏᤧ᤹ ᤁᤢᤜᤡᤶᤔᤡᤸᤗᤧ ᤁᤢᤀᤣᤃᤠᤱ ᤗᤧᤵᤔᤠᤱ ᤏᤧᤛ᤻ᤛᤧ॥ ᤂᤧᤴ ᤀᤣᤃᤠᤱᤒᤠ ᤘᤣ᤹ᤛᤔᤠ ᤗᤰᤁᤡᤴ ᤜᤛᤒᤏᤩᤠᤜ᤺ᤸᤗᤧ ᤁᤢᤛ᤻ᤛᤠ ᤜᤳᤋᤢᤛᤖᤧ ᤆᤥᤃᤢ॥ 11 ᤂᤧᤴ ᤀᤣᤃᤠᤱ ᤏᤡᤛᤡᤃᤣᤰᤐᤠ ᤗᤰᤁᤡᤴ ᤜᤧᤰᤁᤩᤠᤱ ᤔᤡᤜᤠ᤺ᤳᤗᤢᤱ ᤆᤱᤜᤡᤶᤔᤡᤴ ᤜᤠᤖᤡᤶᤗᤧ ᤁᤢᤛ᤻ᤛᤠ ᤔᤸᤁᤡᤕᤠᤜ ᤏᤢ ᤐᤜᤋ-ᤔᤥᤀᤠᤒᤖᤧ ᤁᤢᤛ᤻ᤛᤠ ᤜᤛ᤻ᤛᤢᤒᤖᤧ ᤆᤥᤃᤧᤳᤇᤢ॥ 12 ᤂᤧᤴ ᤀᤣᤃᤠᤱᤒᤠ ᤘᤣ᤹ᤛᤔᤠ ᤗᤰᤁᤡᤴ ᤜᤸᤗᤥᤜᤣᤛᤖᤧ ᤁᤢᤛ᤻ᤛᤠ ᤛᤸᤗᤢᤔᤖᤧ ᤆᤥᤃᤢ॥ ᤂᤢᤏᤧ᤹ ᤕᤖᤢᤛᤗᤧᤔᤖᤧ ᤁᤢᤓᤪᤧ᤺ᤱ ᤌᤢᤶᤔᤥ ᤕᤢᤰ ᤆᤥᤃᤢ (ᤂᤢᤏᤧ᤹ ᤁᤢᤛ᤻ᤛᤠ ᤔᤧᤴᤇᤢᤔᤠᤜᤠ᤹ᤖᤧ ᤁᤢᤕᤠ᤺ᤶᤒᤰᤁᤥ ᤔᤧᤓᤠ᤹ᤖᤢ॥) 13 ᤏᤧᤏᤧᤒᤠ ᤐᤕᤶ ᤗᤠᤶᤎᤣ᤺ᤳᤋᤧᤴ ᤜᤠᤏᤢᤏ ᤏᤢ ᤈᤠᤏᤥᤜ ᤕᤧᤰᤕᤰᤁᤥ ᤁᤧᤕᤢᤱᤒᤠᤜᤠ᤹ᤖᤧ ᤔᤧᤈᤥᤃᤢ॥ ᤂᤧᤱᤜᤠ᤹ᤖᤧ ᤗᤠᤶᤎᤣ᤺ᤵᤐᤠᤜᤠ᤹ ᤔᤧᤕᤧᤵᤛᤢ. ᤂᤧᤴ ᤗᤠᤶᤎᤣ᤺ᤵᤐᤠᤜᤠ᤹ ᤛᤠᤰᤔᤠ ᤀᤧᤵᤔᤠᤖᤧ ᤗᤠᤃᤡ ᤀᤠᤃ᤻ᤗᤥᤜᤠ᤹ ᤔᤧᤕᤠᤰᤋᤢ ᤜᤧᤰᤁᤩᤠᤱ ᥊᥊᥆ ᤔᤡᤋᤖ ᤗᤢᤱᤎᤠᤰᤁᤡᤴ ᤆᤠ᤺ᤱᤘᤠ ᤔᤧᤔᤧᤳᤋᤢᤀᤠᤱ ᤋᤠᤶ ᤗᤠᤶᤑᤣᤔᤠ ᤗᤠᤶᤎᤣᤳ ᤌᤠᤖᤡᤰ ᤔᤧᤃᤧᤳᤋᤢ॥ 14 ᤋᤠᤶ ᤗᤠᤶᤑᤣᤔᤠ ᤐᤕᤶ ᤗᤠᤶᤎᤣ᤺ᤵᤐᤧᤱᤃ ᤒᤣᤌ-ᤜᤰᤁᤣᤖᤣᤔ ᤌᤢᤶᤔᤥᤒᤠ ᤜᤠᤱᤕᤢᤰᤐᤠ ᤖᤣᤁᤠᤒᤖᤧ ᤁᤢᤛ᤻ᤛᤠ ᤔᤸᤁᤡᤕᤠᤜᤖᤧ ᤆᤥᤃᤢ॥ ᤂᤢᤏᤧ᤹ ᤗᤠᤶᤎᤣ᤺ᤵᤐᤠᤜᤠ᤹ ᤕᤧᤵᤛᤢᤀᤠᤱ ᤂᤧᤴ ᤛᤠᤰᤔᤠ ᤀᤧᤵᤔᤠᤖᤧ ᤗᤠᤃᤡ ᤀᤠᤃ᤻ᤗᤥᤜᤠ᤹ ᤁᤣ᤺ᤳᤋᤢ॥ 15 ᤔᤡᤛ᤻ᤐᤠ ᤌᤢᤶᤔᤥᤒᤠ ᤜᤠᤱᤕᤢᤰᤐᤠ ᤁᤥᤗ-ᤜᤥᤈᤣᤖᤧ ᤁᤢᤛ᤻ᤛᤠ ᤛᤸᤗᤢᤏᤖᤧ ᤘᤎᤠ᤺ᤶ ᤗᤠᤶᤎᤣ᤺ᤵᤐᤧᤴ ᤆᤥᤃᤢ॥ ᤂᤢᤏᤧ᤹ ᤗᤠᤶᤎᤣ᤺ᤵᤐᤥ ᤗᤠ᤺ᤵᤔᤠ ᤗᤠᤶᤎᤣ᤺ᤵᤐᤠᤸᤗᤧ ᤁᤢᤛᤶᤎᤠᤱ ᤗᤡᤱᤄᤠᤶᤒᤢ᤺ᤴ ᤂᤠᤵᤋᤢ. ᤗᤠᤶᤎᤣ᤺ᤵᤐᤠᤜᤠ᤹ ᤕᤧᤵᤛᤢᤀᤠᤱ ᤂᤧᤱᤜᤠ᤹ ᤀᤧᤵᤔᤠ ᤏᤢ ᤛᤢᤵᤔᤠᤖᤧ ᤗᤠᤃᤡ ᤀᤠᤃ᤻ᤗᤥᤜᤠ᤹ ᤁᤣ᤺ᤳᤋᤢ॥ ᤛᤡᤗᤥᤀᤠᤔ ᤘᤠᤒᤠᤰᤁᤡᤸᤗᤧ ᤁᤢᤒᤣᤛᤠᤱ ᤜᤠᤱᤅᤡᤸᤗᤧ ᤁᤢᤓᤢᤱᤀᤡᤰ ᤏᤡ᤺ᤳᤋᤠᤱᤒᤠ ᤗᤢᤱᤎᤠᤰᤁᤡᤴ ᤛᤧᤳᤋᤢᤀᤠᤱ ᤂᤢᤏᤧ᤹ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤕᤧᤰᤕᤰᤁᤥ ᤗᤠ᤺ᤵᤔᤠ ᤏᤠᤜᤠᤅᤛᤣ᤺ᤰᤜᤠ᤹ᤀᤥ ᤌᤠᤖᤡᤰ ᤆᤠ᤺ᤱᤘᤠ ᤔᤧᤳᤋᤢ॥ 16 ᤒᤣᤌ-ᤛᤖ ᤌᤢᤶ ᤁᤢᤓᤪᤧ᤺ᤱ ᤕᤢᤰ ᤁᤧᤈᤥ᤺ᤰᤐᤠ ᤜᤠᤱᤕᤢᤰᤐᤠ ᤀᤈ᤻ᤒᤢᤁᤖᤧ ᤁᤢᤛ᤻ᤛᤠ ᤏᤜᤣᤔᤩᤠᤜ᤺ᤸᤗᤧ ᤍᤠᤀᤢᤍᤖᤧ ᤁᤢ᤺ᤀᤡᤵᤐᤢᤱᤅᤡᤸᤗᤧ ᤁᤢᤍᤃᤠᤱᤒᤠ ᤋᤧᤴᤏᤡᤴ. ᤆᤥ᤺ᤰᤔᤏᤠᤒᤠ ᤘᤖᤰ ᤏᤢ ᤌᤰᤛᤢᤒᤠ ᤋᤢᤖᤠᤜᤡᤶ ᤌᤠᤖᤡᤰ ᤆᤠ᤺ᤱᤘᤠ ᤔᤧᤳᤋᤢᤀᤠᤱ ᤋᤣ᤹ᤖᤢᤖᤥ॥ ᤗᤢᤱᤎᤠᤰᤁᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤗᤧᤒᤡᤜᤠ᤹ 17 ᤂᤧᤴ ᤀᤣᤃᤠᤱ ᤗᤢᤱᤎᤠᤰᤁᤥᤒᤠ ᤘᤣ᤹ ᤗᤰᤜᤠ᤹ ᤁᤴ ᤗᤧᤒᤡᤜᤠ᤹ᤖᤧ ᤆᤠ᤺ᤱᤘᤠ ᤔᤧᤔᤧᤳᤋᤢ—ᤒᤠᤏᤡ᤺ᤸᤗᤧ ᤁᤢᤛ᤻ᤛᤠ ᤖᤣᤜᤢᤔᤖᤧ ᤌᤡᤰ ᤗᤰᤁᤡᤴ. ᤁᤡᤗᤠᤜ ᤌᤢᤶᤔᤥ ᤁᤢᤓᤪᤧ᤺ᤱ ᤜᤠᤱᤕᤢᤰ ᤁᤧᤈᤥ᤺ᤰᤐᤠ ᤜᤛᤒᤩᤠᤜᤖᤧ ᤘᤣ᤹ᤛᤔᤠ ᤗᤰᤁᤡᤴ ᤆᤥᤃᤢ॥ 18 ᤁᤡᤗᤠᤜ ᤌᤢᤶᤔᤥ ᤁᤢᤓᤪᤧ᤺ᤱ ᤜᤠᤱᤕᤢᤰ ᤁᤧᤈᤥ᤺ᤰᤐᤠ ᤜᤣᤏᤠᤍᤠᤍᤖᤧ ᤁᤢᤛ᤻ᤛᤠ ᤒᤡᤴᤏᤢᤀᤡᤖᤧ ᤘᤣ᤹ᤛᤔᤠ ᤗᤰᤁᤡᤴ ᤆᤥᤃᤢ॥ 19 ᤜᤧᤰᤁᤩᤠᤱ ᤏᤡᤛᤡᤃᤣᤰᤐᤠ ᤗᤰᤁᤡᤴ ᤔᤡᤛ᤻ᤐᤠᤒᤠ ᤜᤠᤱᤕᤢᤰᤐᤠ ᤕᤣᤛᤢᤀᤖᤧ ᤁᤢᤛ᤻ᤛᤠ ᤀᤣᤛᤣᤖᤧᤸᤗᤧ ᤂᤈᤢᤶᤄᤕᤠ ᤑᤧᤈᤢᤶᤓᤧᤕᤠ ᤕᤢᤱᤔᤠᤍᤧᤴ ᤋᤰᤗᤧᤵᤔᤠᤱᤒᤠ ᤗᤰᤁᤡᤴ ᤆᤠ᤺ᤱᤘᤠ ᤔᤧᤳᤋᤢᤀᤠᤱ ᤗᤢᤱᤎᤠᤰᤁᤡᤴ ᤁᤧᤀᤡᤒᤠᤍᤧᤴᤏᤥ ᤌᤠᤖᤡᤰ ᤆᤥᤃᤢ ᤋᤣ᤹ᤖᤢ॥ 20 ᤁᤧᤀᤡᤒᤠ ᤗᤢᤱᤎᤠᤰᤗᤠᤶᤒᤠ ᤋᤢᤶ ᤏᤡᤱᤘᤠ᤹ᤑᤢᤛᤠᤶᤒᤠ ᤀᤣᤗᤩᤠᤛᤡᤒᤖᤧ ᤁᤢᤜᤡᤶᤔᤥ ᤗᤠ᤺ᤵᤔᤠ ᤗᤠᤶᤎᤣᤳ ᤌᤠᤖᤡᤰ ᤏᤡᤛᤡᤃᤣᤰᤐᤠ ᤗᤰᤁᤡᤴ ᤈᤒ᤻ᤒᤤᤖᤧ ᤁᤢᤛ᤻ᤛᤠ ᤒᤠᤖᤢᤁᤧᤸᤗᤧ ᤁᤢᤛᤡᤰ ᤐᤛᤶᤛᤔᤧᤖ ᤆᤥᤃᤢ॥ 21 ᤜᤧᤰᤁᤩᤠᤱ ᤏᤡᤛᤡᤃᤣᤰᤐᤠ ᤗᤰᤁᤡᤴ ᤀᤣᤗᤩᤠᤛᤡᤒᤖᤧ ᤁᤢᤜᤡᤶᤔᤥ ᤗᤠ᤺ᤵᤔᤠ ᤗᤠᤶᤎᤣ᤺ᤳᤗᤠᤶ ᤂᤧᤴ ᤜᤡᤶᤔᤡᤸᤗᤧ ᤁᤢᤒᤣᤛᤠᤱ ᤌᤠᤖᤡᤰ ᤜᤰᤁᤥᤛᤖᤧ ᤁᤢᤶᤔᤧᤴᤇᤠ᤹. ᤀᤢᤖᤡᤕᤠᤜ᤺ᤸᤗᤧ ᤁᤢᤛ᤻ᤛᤠ ᤔᤖᤣᤔᤥᤋᤖᤧ ᤆᤥᤃᤢᤖᤥ॥ 22 ᤂᤧᤴᤏᤠᤱᤎᤥᤒᤠ ᤗᤢᤱᤎᤠᤰ ᤗᤰᤜᤠ᤹ ᤕᤖᤢᤛᤗᤧᤔ ᤁᤢᤕᤠ ᤐᤣᤛᤠᤱ ᤁᤧᤕᤢᤱᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤔᤧᤈᤥᤃᤢ— 23 ᤒᤣᤏᤩᤠᤔᤡᤏ ᤏᤢ ᤜᤛ᤻ᤛᤢᤒᤖᤧ ᤀᤠᤒᤠᤅᤣ ᤂᤢᤴᤇᤡ᤹ ᤜᤡᤶ ᤋᤃᤡᤒᤠ ᤗᤰᤁᤡᤴ ᤆᤥᤃᤧᤳᤇᤢ॥ ᤜᤏᤏᤡᤕᤠ᤺ᤸᤗᤧ ᤁᤢᤶᤔᤧᤴᤇᤠ᤹. ᤔᤠᤛᤣᤕᤠᤜ᤺ᤸᤗᤧ ᤁᤢᤛ᤻ᤛᤠ ᤀᤈᤷᤕᤠᤜ᤺ᤸᤗᤧ ᤀᤠᤵᤑᤣᤰ ᤁᤢᤜᤡᤶ ᤋᤃᤡᤒᤠ ᤗᤰᤁᤡᤴ ᤆᤥᤃᤢ॥ 24 ᤀᤈᤷᤕᤠᤜ᤺ᤸᤗᤧ ᤁᤢᤜᤡᤶᤔᤥᤏᤢ ᤁᤧᤀᤡᤒᤠ ᤏᤡᤛᤡᤃᤣᤰᤐᤠ ᤗᤢᤱᤎᤠᤰᤁᤡᤸᤗᤧ ᤁᤢᤛᤢᤰᤐᤥ ᤌᤠᤖᤡᤰ ᤜᤣᤏᤠᤍᤠᤍᤖᤧ ᤁᤢᤛ᤻ᤛᤠ ᤒᤡᤴᤏᤢᤀᤡᤖᤧ ᤆᤥᤃᤢ॥ 25 ᤂᤧᤸᤗᤧ ᤁᤢᤛᤢᤰᤐᤥᤗᤠᤶ ᤁᤶᤒᤪᤠᤱᤜᤠ᤹ᤖᤧ ᤂᤢᤏᤡ᤹ ᤗᤰᤂᤢᤶ ᤐᤣᤛᤠᤱ ᤜᤠᤱᤜᤡᤶᤔᤥᤒᤠ ᤌᤥᤛᤔᤠ ᤆᤱᤜᤡᤶ ᤌᤠᤖᤡᤰ ᤀᤢᤈ᤻ᤈᤤᤖᤣ ᤁᤢᤛ᤻ᤛᤠ ᤐᤠᤗᤠᤗᤖᤧ ᤆᤥᤃᤢ॥ ᤂᤧᤸᤗᤧ ᤁᤢᤕᤠᤀᤥ ᤐᤖᤥᤛᤖᤧ ᤁᤢᤛ᤻ᤛᤠ ᤐᤍᤠᤕᤠᤜ᤺ᤴ 26 ᤏᤢ ᤀᤥᤑᤣᤗ ᤌᤧᤃᤢᤀᤥ ᤁᤧᤕᤢᤱᤒᤠ ᤔᤠᤱᤜᤡᤶ ᤛᤧᤘᤠᤖᤥᤒᤠᤜᤠ᤹ᤖᤧ ᤏᤠᤱᤃᤧᤴ ᤗᤧᤵᤔᤠᤱᤒᤠ ᤆᤫᤠ᤺ᤳ ᤗᤠᤶᤎᤣ᤺ᤐᤠᤴ ᤏᤢ ᤔᤠᤱᤜᤡᤶᤔᤡᤴ ᤛᤧ᤺ᤵᤔᤠᤖᤧ ᤗᤠᤃᤡ ᤆᤥ᤺ᤰᤔᤏᤠᤒᤠ ᤆᤱᤜᤡᤶ ᤌᤠᤖᤡᤰ ᤔᤧᤈᤥᤃᤢᤖᤥ॥ 27 ᤋᤁᤥᤀᤥᤒᤠ ᤔᤏᤠᤜᤠ᤹ᤖᤧ ᤔᤠᤱᤜᤡᤶᤔᤡᤴ ᤛᤧ᤺ᤵᤔᤠᤖᤧ ᤗᤠᤃᤡ ᤆᤥ᤺ᤰᤔᤏᤠᤒᤠ ᤕᤶᤒᤠ ᤆᤱᤜᤡᤶᤔᤡᤸᤗᤧ ᤁᤢᤍᤰᤁᤥᤗᤠᤶ ᤀᤥᤑᤣᤗᤖᤧ ᤁᤢᤒᤣᤛᤠᤱᤒᤠ ᤗᤢᤱᤎᤠᤰᤁᤡᤸᤗᤧ ᤏᤡᤛᤡᤃᤣᤰᤐᤠ ᤗᤰ ᤌᤠᤖᤡᤰ ᤔᤧᤈᤥᤃᤢ॥ 28 ᤁᤢᤗᤢᤵᤌᤡᤰ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤜᤡᤶ ᤋᤃᤡᤒᤠ ᤀᤴ ᤗᤠᤶᤎᤣ᤺ᤵᤐᤥᤗᤠᤶ ᤌᤥᤜᤠᤱ ᤗᤧᤵᤔᤠᤱᤒᤠ ᤗᤰᤁᤡᤴ ᤔᤧᤈᤥᤃᤢ॥ 29 ᤀᤡᤶᤔᤣᤖᤖᤧ ᤁᤢᤛ᤻ᤛᤠ ᤛᤠᤍᤥᤁᤧᤸᤗᤧ ᤀᤠᤵᤑᤣᤰ ᤁᤢᤜᤡᤶ ᤋᤃᤡᤒᤠ ᤗᤰᤁᤡᤴ ᤆᤥᤃᤢ॥ ᤏᤠᤱᤃᤧᤴ ᤐᤡᤛᤠᤱ ᤗᤠᤶᤎᤣᤳ ᤁᤧᤃᤥᤒᤠ ᤛᤁᤏᤩᤠᤜ᤺ᤸᤗᤧ ᤁᤢᤛ᤻ᤛᤠ ᤛᤣᤔᤠᤕᤠᤜ᤺ᤸᤗᤧ ᤂᤧᤸᤗᤧ ᤁᤢᤒᤣᤛᤠᤱᤒᤠ ᤗᤰᤁᤡᤴ ᤆᤥᤃᤢ॥ 30 ᤛᤣᤗᤣᤔᤩᤠᤜ᤺ᤸᤗᤧ ᤁᤢᤛ᤻ᤛᤠ ᤜᤏᤏᤩᤠᤜ ᤏᤢ ᤛᤠᤗᤠᤐᤖᤧ ᤁᤢᤛ᤻ᤛᤠ ᤈᤴᤋᤷᤕᤠ ᤜᤠᤏᤢᤏᤖᤧ ᤏᤡᤛᤡᤃᤣᤰᤐᤠ ᤗᤰᤁᤡᤴ ᤆᤥᤃᤧᤳᤇᤢ॥ ᤒᤣᤖᤣᤁᤩᤠᤜ᤺ᤸᤗᤧ ᤁᤢᤛ᤻ᤛᤠ ᤔᤛᤢᤸᤗᤠᤔᤖᤧ ᤁᤢᤕᤢᤱᤔᤠᤍᤧᤴᤏᤥᤒᤠ ᤏᤡᤛᤡᤃᤣᤰᤐᤠ ᤗᤰᤁᤡᤴ ᤆᤥᤃᤢ॥ 31 ᤔᤸᤁᤡᤕᤠᤜ ᤔᤧᤵᤔᤏᤠᤒᤠ ᤛᤠᤶᤔᤩᤠᤱ ᤁᤧᤎᤰᤐᤠᤸᤗᤧ ᤔᤠᤱᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤜᤧᤰᤁᤩᤠᤱ ᤗᤧᤱᤜᤱ ᤁᤧᤈᤥ᤺ᤰᤐᤠᤒᤠᤜᤠ᤹ᤖᤧ ᤂᤢᤴᤇᤡ᤹ ᤜᤡᤶ. ᤆᤢᤶᤗᤢᤱ ᤆᤥ᤺ᤰᤔᤠ ᤗᤠᤶᤎᤣᤳ ᤏᤢ ᤌᤥᤛᤔᤠ ᤕᤠᤰᤑᤠᤱ ᤌᤠᤖᤡᤰ ᤆᤥᤃᤢ॥ 32 ᤜᤧᤰᤁᤩᤠᤱ ᤂᤧᤴ ᤕᤠᤰᤑᤠᤱᤗᤠᤶ ᤔᤧᤸᤗᤢᤰ ᤗᤠᤶᤎᤣ᤺ᤵᤐᤥ ᤌᤠᤖᤡᤰᤐᤠ ᤁᤢᤏᤢᤵᤔᤠ ᤗᤰᤁᤡᤱᤃ ᤛᤠᤶᤔᤩᤠᤱ ᤁᤧᤎᤰᤐᤠ ᤏᤢ ᤗᤧᤱᤜᤱ ᤁᤧᤈᤥ᤺ᤰᤐᤠᤜᤠ᤹ᤖᤧ ᤔᤧᤈᤥᤃᤢᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.