ᤏᤜᤣᤔᤩᤠᤜ 11 - LIFOTNTᤕᤖᤢᤛᤗᤧ᤺ᤶᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ 1 ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤠᤶᤗᤥᤒᤠᤜᤠ᤹ ᤕᤖᤢᤛᤗᤧ᤺ᤶᤔᤥ ᤘᤠ᤹ᤔᤠ ᤔᤧᤜᤣ᤺ᤰᤋᤧ॥ ᤘᤣ᤹ ᤔᤏᤠᤜᤠ᤹ᤖᤧ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢᤀᤠᤱ ᤌᤡᤒᤥᤱ ᤜᤡᤶᤛᤕᤱᤗᤠᤶᤒᤠ ᤗᤳᤇᤠ ᤜᤡᤶᤛᤕᤱᤎᤡᤰ ᤛᤣᤛᤣ ᤕᤧᤰᤕᤰ ᤕᤖᤢᤛᤗᤧ᤺ᤶᤔᤥ ᤕᤢᤱᤔᤠᤖᤧ ᤗᤠᤃᤡ ᤔᤧᤛᤣᤃᤢ॥ ᤜᤧᤰᤁᤩᤠᤱ ᤘᤣ᤹ ᤑᤠᤱᤛᤡ ᤜᤡᤶᤛᤕᤱᤜᤠ᤹ᤃ ᤘᤣ᤹ ᤕᤧᤰᤕᤰ ᤏᤢ ᤐᤠᤱᤓᤣ᤹ᤗᤧᤵᤔᤠᤱ ᤁᤧᤘᤠ᤹ᤒᤠ ᤔᤧᤒᤥ᤺ᤰᤂᤧ॥ 2 ᤀᤠᤒᤠᤅᤣ ᤏᤡᤱᤘᤠ᤹ᤖᤧ ᤕᤖᤢᤛᤗᤧ᤺ᤶᤔᤥ ᤕᤢᤱᤔᤠ ᤏᤡᤱᤘᤠ᤹ ᤁᤧᤈᤥ᤺ᤰᤐᤠᤜᤠ᤹ ᤘᤣ᤹ ᤔᤏᤠᤜᤠ᤹ᤖᤧ ᤜᤠᤱᤘᤠᤔᤢ᤹ᤀᤡ ᤔᤧᤎᤠᤛᤢ ᤔᤧᤒᤡᤖᤢᤛᤡ॥ 3 ᤘᤣ᤹ ᤕᤧᤰᤕᤰᤜᤠ᤹ᤀᤥ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹—ᤁᤢᤓᤠ ᤀᤡᤛᤪᤠᤀᤡᤗᤡᤜᤠ᤹. ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤗᤧᤒᤡᤜᤠ᤹. ᤔᤠᤱᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤛᤥᤗᤥᤔᤏᤖᤧ ᤁᤢᤛᤧᤘᤠᤖᤥᤒᤠᤜᤠ᤹ᤖᤧ ᤂᤢᤏᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ ᤁᤧᤖᤧᤰ ᤀᤠᤒᤠᤅᤣ ᤕᤠᤱᤛᤠᤁᤢᤴᤎᤣᤜᤠ᤹ ᤔᤧᤕᤠᤱᤛᤡᤱᤅᤠᤱ ᤕᤜᤢᤍᤠᤒᤠ ᤕᤧᤰᤕᤰᤜᤠ᤹ᤀᤥ ᤔᤧᤕᤢᤅᤧ॥ 4 ᤕᤖᤢᤛᤗᤧ᤺ᤶᤔᤥ ᤁᤧᤕᤢᤱᤒᤠ ᤕᤜᤢᤍᤠ ᤗᤧᤵᤔᤠᤱᤒᤠ ᤜᤡᤶᤛᤕᤱᤜᤠ᤹— ᤀᤢᤈ᤻ᤈᤡᤕᤠ᤺ᤸᤗᤧ ᤁᤢᤛ᤻ᤛᤠ ᤜᤧᤰᤁᤩᤠᤱ ᤈᤁᤖᤡᤕᤠᤖᤧ ᤁᤢᤶᤔᤧᤴᤇᤠ᤹ ᤀᤋᤠᤕᤠ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ᤀᤥ ᤀᤔᤷᤕᤠ. ᤛᤐᤋᤩᤠ ᤏᤢ ᤔᤜᤗᤠᤗᤧᤗ ᤘᤕᤧ ᤜᤧᤰᤁᤩᤠᤱ ᤂᤧᤱᤜᤠ᤹ ᤁᤧᤖᤧᤰ ᤑᤠᤖᤣᤛᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤔᤧᤘᤕᤧ॥ 5 ᤒᤠᤖᤢᤁᤖᤧ ᤁᤢᤛ᤻ᤛᤠ ᤏᤢ ᤁᤥᤗ-ᤜᤥᤈᤣᤖᤧ ᤁᤢᤶᤔᤧᤴᤇᤠ᤹ ᤔᤠᤛᤣᤕᤠ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ᤀᤥ ᤜᤈᤠᤕᤠ. ᤀᤍᤠᤕᤠ. ᤕᤥᤕᤠᤖᤡᤒ ᤜᤧᤰᤁᤩᤠᤱ ᤈᤁᤖᤡᤕᤠ ᤘᤕᤧ॥ ᤂᤧᤱᤜᤠ᤹ ᤁᤧᤖᤧᤰ ᤛᤣᤗᤜᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤔᤧᤘᤕᤧ॥ 6 ᤑᤠᤖᤣᤛᤖᤧ ᤁᤢᤎᤠ᤺ᤰᤗᤠᤶᤒᤠ ᥊᥌᥎ ᤔᤢᤰᤁᤧᤃᤢᤒᤠ ᤔᤏᤠᤜᤠ᤹ ᤕᤖᤢᤛᤗᤧ᤺ᤶᤔᤥ ᤔᤧᤕᤢᤅᤧ॥ 7 ᤒᤣᤏᤩᤠᤔᤡᤏ ᤗᤧᤵᤔᤠᤱᤒᤠ ᤜᤡᤶᤛᤕᤱᤜᤠ᤹— ᤔᤛᤢᤸᤗᤠᤔᤖᤧ ᤁᤢᤛ᤻ᤛᤠ ᤏᤢ ᤕᤥᤀᤣᤍᤖᤧ ᤁᤢᤶᤔᤧᤴᤇᤠ᤹ ᤛᤸᤗᤢ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ ᤐᤍᤠᤕᤠ. ᤁᤥᤗᤠᤕᤠ. ᤔᤠᤛᤣᤕᤠ. ᤀᤡᤌᤡᤀᤣᤗ ᤜᤧᤰᤁᤩᤠᤱ ᤕᤛᤕᤠᤜ ᤘᤕᤧ॥ 8 ᤛᤸᤗᤢᤖᤧ ᤁᤢᤃᤠ᤹ᤀᤡᤜᤠ᤹ ᤃᤒ᤻ᤒᤤ ᤏᤢ ᤛᤸᤗᤤ ᤜᤧᤰᤁᤩᤠᤱ ᤁᤧᤖᤧᤰ ᥏᥈᥎ ᤒᤣᤏᤩᤠᤔᤡᤏ ᤛᤢᤘᤠᤱᤜᤠ᤹ ᤕᤖᤢᤛᤗᤧ᤺ᤶᤔᤥ ᤔᤧᤕᤢᤅᤧ॥ 9 ᤈᤡᤁᤪᤡᤖᤧ ᤁᤢᤛ᤻ᤛᤠ ᤕᤥᤀᤣᤗᤧᤴ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤶᤗᤥᤒᤠ ᤘᤕᤧ॥ ᤜᤛ᤻ᤛᤣᤏᤢᤀᤖᤧ ᤁᤢᤛ᤻ᤛᤠ ᤕᤜᤢᤍᤠᤴ ᤏᤡᤛᤡᤃᤣᤰᤐᤠ ᤌᤢᤶᤔᤡᤴ ᤀᤥᤃᤧᤔᤧᤵᤐᤠ ᤗᤠᤶᤗᤥᤒᤠ ᤘᤕᤧ॥ 10 ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹— ᤕᤥᤕᤠᤖᤡᤒᤖᤧ ᤁᤢᤛ᤻ᤛᤠ ᤕᤍᤠᤕᤠ ᤏᤢ ᤕᤠᤁᤡᤏ. 11 ᤜᤡᤸᤁᤡᤕᤠ᤺ᤸᤗᤧ ᤁᤢᤛ᤻ᤛᤠ ᤔᤛᤢᤸᤗᤠᤔᤖᤧ ᤁᤢᤶᤔᤧᤴᤇᤠ᤹ ᤛᤖᤠᤕᤠ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ᤀᤥ ᤛᤠᤍᤥᤁ. ᤔᤖᤠᤕᤥᤋ ᤏᤢ ᤋᤢᤶ ᤏᤡᤱᤘᤠ᤹ᤑᤢᤛᤠᤶᤒᤠ ᤀᤜᤡᤋᤢᤒᤧᤴ ᤘᤕᤧ॥ 12 ᤁᤴ ᤁᤠ᤹ᤀᤡᤜᤠ᤹ᤗᤠᤶ ᤁᤧᤖᤧᤰ ᥎᥈᥈ ᤔᤏᤠᤜᤠ᤹ ᤔᤠᤱᤜᤡᤶᤔᤥ ᤔᤠᤱᤛᤧᤘᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤔᤧᤘᤕᤧ॥ ᤕᤖᤥᤜᤠᤔᤖᤧ ᤁᤢᤛ᤻ᤛᤠ ᤏᤢ ᤐᤣᤗᤠᤗᤩᤠᤖᤧ ᤁᤢᤶᤔᤧᤴᤇᤠ᤹ ᤀᤍᤠᤕᤠ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ ᤀᤶᤛᤡ. ᤈᤁᤖᤡᤕᤠ. ᤐᤛᤜᤢᤖ ᤏᤢ ᤔᤸᤁᤡᤕᤠ ᤘᤕᤧ॥ 13 ᤁᤴ ᤁᤠ᤹ᤀᤡᤜᤠ᤹ᤀᤥᤏᤢ ᤁᤧᤖᤧᤰ ᥈᥊᥈ ᤜᤡᤶᤛᤕᤱᤒᤠ ᤋᤢᤶᤓᤠᤰᤐᤠᤜᤠ᤹ ᤔᤧᤘᤕᤧ॥ ᤀᤈᤪᤣᤗᤖᤧ ᤁᤢᤛ᤻ᤛᤠ ᤏᤢ ᤀᤜᤈᤤᤖᤧ ᤁᤢᤶᤔᤧᤴᤇᤠ᤹ ᤀᤔᤠᤛ᤻ᤛᤤ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ ᤔᤛᤡᤸᤗᤧᤔᤥᤋ ᤏᤢ ᤀᤡᤶᤔᤣᤖ ᤘᤕᤧᤳᤇᤡ॥ 14 ᤁᤴ ᤁᤠ᤹ᤀᤡᤜᤠ᤹ᤗᤠᤶ ᤔᤢᤰᤁᤧᤃᤢᤒᤠ ᤔᤏᤠᤜᤠ᤹ ᤁᤧᤖᤧᤰ ᥇᥈᥎ ᤔᤧᤘᤕᤧ॥ ᤜᤃ᤻ᤃᤍᤥᤗᤡᤏᤖᤧ ᤁᤢᤛ᤻ᤛᤠ ᤈᤒ᤻ᤍᤡᤀᤣᤗᤧᤴ. ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤢᤶ ᤛᤢᤜᤠᤱᤕᤢᤰᤐᤠ ᤘᤕᤧ॥ 15 ᤗᤧᤒᤡᤜᤠ᤹— ᤜᤛ᤻ᤛᤢᤒᤖᤧ ᤁᤢᤛ᤻ᤛᤠ ᤏᤢ ᤀᤈᤪᤡᤁᤠᤔᤖᤧ ᤁᤢᤶᤔᤧᤴᤇᤠ᤹ ᤛᤔᤠᤕᤠᤜ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ ᤜᤛᤒᤩᤠ ᤏᤢ ᤒᤢᤴᤏᤡ ᤘᤕᤧᤳᤇᤡ॥ 16 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶ ᤗᤠ᤺ᤰᤁᤠᤳ ᤕᤠ᤺ᤶᤒᤰ ᤀᤥᤃᤧᤔᤧᤵᤐᤠ ᤏᤧᤵᤑᤢ ᤗᤠᤶᤗᤥᤒᤠ ᤗᤧᤒᤡᤜᤠ᤹ ᤛᤒ᤻ᤒᤋᤤ ᤏᤢ ᤕᤥᤈᤠᤒᤠᤍ ᤘᤕᤧᤛᤡ॥ 17 ᤔᤡᤕᤁᤠᤖᤧ ᤁᤢᤛ᤻ᤛᤠ ᤏᤢ ᤈᤒ᤻ᤍᤡᤖᤧ ᤁᤢᤶᤔᤧᤴᤇᤠ᤹ ᤔᤳᤋᤏᤩᤠ. ᤈᤒ᤻ᤍᤡᤴ ᤀᤠᤛᤠᤐᤖᤧ ᤁᤢᤜᤡᤶᤛᤕᤱᤒᤠ ᤘᤕᤧ॥ ᤔᤠᤱᤜᤡᤶᤔᤥ ᤋᤢᤘᤠ ᤔᤧᤍᤥᤴᤍᤢᤸᤗᤧ. ᤔᤳᤋᤏᤩᤠᤜᤴ ᤛᤠᤶᤗᤥᤃᤧᤗᤥᤒᤠᤜᤠ᤹ ᤛᤠᤶᤗᤥ ᤜᤢ᤹ᤔᤠᤛᤡ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤗᤠᤶᤗᤥᤒᤠ ᤘᤕᤧ॥ ᤔᤳᤋᤏᤩᤠᤜᤴ ᤁᤧᤓᤠ᤹ᤒᤠ ᤁᤧᤈᤥ᤺ᤰᤐᤠ ᤔᤏᤠ. ᤒᤰᤒᤢᤁᤩᤠᤜᤴ ᤘᤕᤧ॥ ᤛᤶᤔᤢᤀᤖᤧ ᤁᤢᤛ᤻ᤛᤠ ᤜᤧᤰᤁᤩᤠᤱ ᤃᤠᤗᤠᤗᤖᤧ ᤁᤢᤶᤔᤧᤴᤇᤠ᤹ ᤀᤒ᤻ᤍᤠᤴ ᤘᤕᤧ॥ ᤃᤠᤗᤠᤗᤧᤴ ᤕᤍᤢᤋᤢᤏᤖᤧ ᤁᤢᤜᤡᤶᤛᤕᤱᤒᤠ ᤘᤕᤧ॥ 18 ᤁᤧᤖᤧᤰ ᥈᥎᥊ ᤗᤧᤒᤡᤜᤠ᤹ ᤕᤖᤢᤛᤗᤧᤔ ᤛᤣᤛᤣ ᤕᤧᤰᤕᤰᤁᤥ ᤔᤧᤕᤢᤅᤧ॥ 19 ᤗᤠᤶᤎᤣᤳ ᤁᤧᤃᤥᤒᤠᤜᤠ᤹— ᤀᤰᤁᤢᤒ. ᤋᤸᤔᤥᤏ ᤏᤢ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤁᤠ᤹ᤀᤡᤜᤠ᤹ ᤁᤧᤖᤧᤰ ᥇᥍᥈ ᤔᤧᤘᤕᤧ॥ ᤂᤧᤱᤜᤠ᤹ᤖᤧ ᤗᤠᤵᤎᤣ᤺ᤵᤐᤠᤴ ᤔᤧᤃᤥᤛᤢ॥ 20 ᤘᤣ᤹ ᤀᤡᤛᤪᤠᤀᤡᤗᤡᤜᤠ᤹. ᤏᤡᤱᤘᤠ᤹ᤑᤢᤛᤠᤶᤒᤠ ᤏᤢ ᤗᤧᤒᤡᤜᤠ᤹ ᤕᤜᤢᤍᤠᤒᤠ ᤘᤣ᤹ᤛᤔᤠ ᤕᤧᤰᤕᤰ ᤏᤢ ᤐᤠᤱᤈᤢᤶᤜᤠ᤹ ᤗᤧᤵᤔᤠᤱ ᤀᤠᤒᤠᤅᤣ ᤕᤠᤱᤛᤠᤁᤢᤴᤎᤣᤜᤠ᤹ ᤔᤧᤍᤣ᤹ᤖᤢᤀᤠᤱ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹ ᤛᤡᤱᤒᤢᤱᤜᤠ᤹ᤀᤥ ᤔᤧᤕᤢᤱᤛᤡᤱ॥ 21 ᤔᤠᤱᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤕᤖᤢᤛᤗᤧ᤺ᤶᤔᤥ ᤁᤧᤏᤧᤒᤠ ᤀᤥᤑᤣᤗ ᤔᤧᤵᤔᤏᤠᤒᤠ ᤋᤧᤴᤏᤥ ᤔᤧᤕᤢᤅᤧ. ᤛᤡᤜᤠ ᤏᤢ ᤃᤡᤛ᤻ᤐᤠ ᤔᤡᤱ ᤁᤧᤘᤠ᤺ᤵᤐᤠ ᤗᤠᤶᤗᤥᤒᤠᤜᤠ᤹ᤖᤧ ᤂᤢᤴᤇᤡ᤹ ᤕᤢᤰᤁᤥ ᤂᤧᤱᤜᤠ᤹ ᤕᤠ᤺ᤶᤒᤰ ᤔᤧᤈᤥᤃᤧ॥ 22 ᤒᤠᤏᤡ᤺ᤸᤗᤧ ᤁᤢᤛ᤻ᤛᤠ ᤜᤧᤰᤁᤩᤠᤱ ᤜᤛᤒᤩᤠᤜᤖᤧ ᤁᤢᤶᤔᤧᤴᤇᤠ᤹ ᤀᤢᤈ᤻ᤈᤡ᤺ᤱᤃ ᤕᤖᤢᤛᤗᤧ᤺ᤶᤒᤠ ᤋᤧᤴᤇᤠᤒᤠ ᤗᤧᤒᤡᤜᤠ᤹ᤖᤧ ᤂᤢᤏᤡ᤹ ᤛᤢᤓᤠ ᤘᤕᤧ. ᤂᤢᤏᤧ᤹ ᤘᤣ᤹ ᤁᤢᤎᤠ᤺ᤰᤜᤠ᤹ ᤔᤳᤋᤏᤩᤠᤜ. ᤔᤡᤕᤁᤠᤴ ᤏᤢ ᤀᤠᤛᤠᤐ ᤘᤕᤧ॥ ᤁᤴ ᤌᤠ᤺ᤰᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥ ᤛᤠᤶᤔᤧᤵᤔᤠ ᤁᤧᤒᤥᤱᤒᤠ ᤛᤠᤶᤗᤥ ᤔᤢᤰᤗᤠᤜᤠ᤹ ᤀᤥᤔᤧᤵᤔᤠ ᤆᤥ᤺ᤰᤔᤠ ᤂᤢᤴᤇᤡ᤹ ᤗᤰ ᤘᤕᤧ॥ 23 ᤔᤢᤰᤗᤠ ᤛᤠᤶᤗᤥᤜᤠ᤹ ᤌᤡᤰᤕᤠ᤺ᤴᤎᤰ ᤐᤠ᤺ᤸᤗᤥᤒᤠ ᤀᤡᤈᤠᤰ ᤆᤥᤃᤧᤶᤔᤧ᤹ ᤑᤠ᤹ᤀᤠᤱ ᤜᤠᤱᤅᤡᤸᤗᤧ ᤂᤧᤱᤜᤠ᤹ ᤆᤥ᤺ᤰᤌᤡᤶ ᤆᤥᤃᤢ ᤐᤡᤖᤢᤛᤡᤀᤠᤱ ᤘᤕᤧ॥ 24 ᤑᤠᤖᤛᤒᤠ ᤜᤠᤱᤜᤡᤶᤔᤥ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤔᤧᤒᤠᤱᤄᤢᤒᤠ ᤔᤛᤣᤈᤣᤒᤣᤗᤖᤧ ᤁᤢᤛ᤻ᤛᤠ ᤐᤋᤜᤡᤕᤠᤜᤴ ᤔᤢᤖᤠ ᤔᤧᤔᤧᤳᤋᤢᤀᤠᤱ ᤘᤕᤧ॥ ᤂᤢᤏᤧ᤹ ᤕᤜᤢᤍᤠ ᤌᤠ᤺ᤰᤁᤥᤒᤠ ᤈᤣᤖᤜ ᤜᤡᤶᤛᤕᤱᤗᤠᤶ ᤁᤧᤍᤠᤒᤠ ᤘᤕᤧᤖᤥ॥ ᤘᤣ᤹ ᤕᤧᤰᤕᤰ ᤏᤢ ᤐᤠᤱᤓᤣ᤹ᤒᤠ ᤔᤏᤠᤜᤠ᤹ 25 ᤕᤖᤡᤰ ᤔᤏᤠᤜᤠ᤹ ᤀᤠᤒᤠᤅᤣ ᤐᤩᤠᤱᤛᤡᤃᤧᤴ ᤀᤡᤰᤋᤠᤵ ᤁᤧᤏᤧᤒᤠ ᤏᤡ᤺ᤳᤋᤠᤱᤒᤠ ᤐᤠᤱᤈᤢᤶᤜᤠ᤹ᤀᤥ ᤔᤧᤕᤢᤅᤧ॥ ᤕᤜᤢᤍᤠ ᤛᤢᤘᤠᤱᤒᤠ ᤔᤏᤠᤜᤠ᤹ ᤁᤡᤷᤕᤋ-ᤀᤷᤒᤠ. ᤍᤡᤒᤥᤏ. ᤕᤁᤒ᤻ᤛᤣᤗ ᤐᤠᤱᤈᤢᤶᤜᤠ᤹ᤀᤥ ᤏᤢ ᤂᤧᤸᤗᤧ ᤁᤢᤒᤣᤛᤠᤱᤒᤠ ᤐᤠᤱᤓᤣ᤹ᤜᤠ᤹ᤀᤥ ᤔᤧᤕᤢᤅᤧ॥ 26 ᤂᤧᤱᤜᤠ᤹ ᤕᤣᤛᤢᤀᤠ. ᤔᤥᤗᤠᤍᤠ ᤏᤢ ᤒᤣᤌ-ᤐᤠᤗᤣᤋ ᤐᤠᤱᤓᤣ᤹ᤜᤠ᤹ᤀᤥ ᤔᤧᤕᤢᤅᤧ॥ 27 ᤜᤧᤰᤁᤩᤠᤱ ᤜᤛᤖ-ᤛᤢᤀᤠᤗ. ᤒᤣᤷᤛᤣᤒᤠ ᤕᤧᤰᤕᤰᤜᤠ᤹ᤀᤥ ᤏᤢ ᤂᤧᤴ ᤋᤧᤴᤏᤡᤸᤗᤧ ᤁᤧᤖᤧᤰ ᤐᤡᤛᤠᤱᤒᤠ ᤐᤠᤱᤓᤣ᤹ᤜᤠ᤹ᤀᤥ ᤔᤧᤕᤢᤅᤧ॥ 28 ᤂᤧᤒᤩᤠᤱ ᤛᤡᤰᤗᤃ. ᤔᤁᤥᤏᤠ ᤕᤧᤰᤕᤰᤜᤠ᤹ᤀᤥ ᤏᤢ ᤁᤢᤕᤠ ᤁᤢᤒᤣᤛᤠᤱᤒᤠ ᤐᤠᤱᤓᤣ᤹ᤜᤠ᤹ᤀᤥ ᤔᤧᤕᤢᤅᤧ॥ 29 ᤜᤧᤰᤁᤩᤠᤱ ᤀᤣᤏ-ᤖᤡᤶᤔᤥᤏ. ᤛᤥᤖᤠ. ᤕᤷᤔᤢᤋ. 30 ᤈᤠᤏᤥᤜ. ᤀᤍᤢᤸᤗᤠᤔ ᤕᤧᤰᤕᤰᤜᤠ᤹ᤀᤥ ᤏᤢ ᤂᤧᤸᤗᤧ ᤁᤢᤕᤠ ᤁᤢᤒᤣᤛᤠᤱᤒᤠ ᤐᤠᤱᤓᤣ᤹ᤜᤠ᤹ᤀᤥ ᤔᤧᤕᤢᤅᤧ॥ ᤜᤧᤰᤁᤩᤠᤱ ᤗᤠᤁᤡᤛ ᤏᤢ ᤂᤧᤸᤗᤧ ᤁᤢᤒᤣᤛᤠᤱᤒᤠ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤜᤠ᤹ᤀᤥ ᤔᤧᤕᤢᤅᤧ॥ ᤂᤧᤶᤒᤩᤠᤱ ᤀᤠᤈᤣᤁᤠ ᤏᤢ ᤂᤧᤸᤗᤧ ᤁᤢᤒᤣᤛᤠᤱᤒᤠ ᤐᤠᤱᤓᤣ᤹ᤜᤠ᤹ᤀᤥᤀᤠᤱ ᤔᤧᤕᤢᤅᤧ॥ ᤁᤶᤓᤗ᤹ᤖᤡᤰ ᤂᤧᤴ ᤕᤜᤢᤍᤠ ᤛᤢᤘᤠᤱᤒᤠ ᤔᤏᤠᤜᤠ᤹ ᤋᤧᤔᤧᤴ ᤗᤧᤵᤔᤠᤱᤒᤠ ᤒᤣᤷᤛᤣᤒᤠᤏᤢ ᤌᤥ ᤗᤧᤵᤔᤠᤱ ᤜᤡᤴᤏᤥᤔᤒᤠ ᤏᤧᤏᤧᤒᤠᤍᤧᤴ ᤌᤠᤖᤡᤰ ᤔᤧᤕᤢᤅᤧ॥ 31 ᤒᤣᤏᤩᤠᤔᤡᤏ ᤛᤢᤘᤠᤱᤒᤠ ᤔᤏᤠᤜᤠ᤹ ᤃᤣᤒᤠᤗᤠᤶᤒᤠ ᤌᤥ ᤗᤧᤵᤔᤠᤱ. ᤔᤡᤁᤔᤠᤛ. ᤀᤕᤩᤠ. ᤒᤣᤌᤣᤗ ᤏᤢ ᤂᤧᤸᤗᤧ ᤁᤢᤒᤣᤛᤠᤱᤒᤠ ᤐᤠᤱᤓᤣ᤹ᤜᤠ᤹ᤀᤥ ᤔᤧᤕᤢᤅᤧ॥ 32 ᤜᤧᤰᤁᤩᤠᤱ ᤀᤏᤠᤋᤥᤋ. ᤏᤥᤒ. ᤜᤏᤏᤡᤕᤠ. 33 ᤜᤠᤛᤥᤖ. ᤖᤠᤔᤠ. ᤃᤡᤳᤋᤤᤔ. 34 ᤜᤠᤍᤡᤍ. ᤛᤒᤥᤕᤡᤔ. ᤏᤒᤗᤋ. 35 ᤗᤥᤍ. ᤀᤥᤏᤥ ᤏᤢ ᤛᤠᤶᤔᤩᤠᤱ ᤕᤢᤵᤐᤠ ᤁᤧᤎᤰᤐᤠᤜᤠ᤹ᤖᤧ ᤂᤢᤴᤇᤡ᤹ ᤏᤧᤏᤧᤒᤠᤍᤧᤴᤏᤥ ᤔᤧᤕᤢᤅᤧ॥ 36 ᤕᤜᤢᤍᤠ ᤛᤢᤘᤠᤱᤜᤠ᤹ᤏᤢ ᤁᤧᤕᤢᤱᤒᤠ ᤁᤢᤓᤠ ᤗᤧᤒᤡᤜᤠ᤹ ᤒᤣᤏᤩᤠᤔᤡᤏ ᤛᤢᤘᤠᤱᤜᤠ᤹ᤏᤢ ᤕᤢᤱᤔᤠ ᤔᤧᤒᤠᤱᤄᤢᤛᤡᤀᤠᤱ ᤘᤕᤧᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.