ᤏᤜᤣᤔᤩᤠᤜ 10 - LIFOTNT

¹ ᤔᤠᤱᤜᤢᤵ ᤛᤰᤁᤥ ᤕᤢᤰᤇᤠᤵ ᤁᤧᤕᤢᤰᤐᤠᤜᤠ᤹ ᤁᤴᤜᤠ᤹ ᤔᤧᤘᤕᤧ—ᤜᤁᤗᤩᤠᤜᤖᤧ ᤁᤢᤛ᤻ᤛᤠ ᤋᤢᤶ ᤛᤢᤜᤠᤱᤕᤢᤰᤐᤠ ᤏᤜᤣᤔᤩᤠᤜ. ᤛᤡᤍᤁᤡᤕᤠᤜ. ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹—

² ᤛᤖᤠᤕᤠ. ᤀᤈᤷᤕᤠᤜ. ᤕᤷᤔᤡᤕᤠ.

³ ᤐᤛᤜᤢᤖ. ᤀᤔᤷᤕᤠ. ᤔᤸᤁᤡᤕᤠ.

⁴ ᤜᤳᤋᤢᤛ. ᤛᤒᤏᤩᤠᤜ. ᤔᤸᤗᤢᤁ.

⁵ ᤜᤠᤖᤡᤔ. ᤔᤖᤣᤔᤥᤋ. ᤀᤥᤒᤍᤡᤕᤠ.

⁶ ᤍᤠᤏᤡᤀᤧᤗ. ᤃᤡᤴᤏᤋᤥᤏ. ᤒᤠᤖᤢᤁ.

⁷ ᤔᤛᤢᤸᤗᤠᤔ. ᤀᤒᤡᤕᤠ. ᤔᤡᤕᤠᤔᤡᤏ.

⁸ ᤔᤠᤈᤩᤠ. ᤒᤡᤸᤃᤤ ᤜᤧᤰᤁᤩᤠᤱ ᤛᤔᤠᤕᤠᤜ॥

⁹ ᤗᤧᤒᤡᤜᤠ᤹— ᤀᤈᤏᤩᤠᤖᤧ ᤁᤢᤛ᤻ᤛᤠ ᤕᤣᤛᤢᤀ. ᤜᤣᤏᤠᤍᤠᤍᤖᤧ ᤁᤢᤎᤠ᤺ᤰ ᤒᤡᤴᤏᤢᤀᤡ. ᤁᤠᤍᤔᤡᤀᤣᤗ.

¹⁰ ᤜᤧᤰᤁᤩᤠᤱ ᤂᤢᤴᤇᤡ᤹ ᤑᤢ᤹ᤏᤢᤛᤠ᤹ᤜᤠ᤹ ᤛᤒᤏᤩᤠᤜ. ᤜᤥᤍᤡᤕᤠ. ᤁᤗᤡᤋᤠ. ᤐᤗᤕᤠ. ᤜᤠᤏᤠᤏ.

¹¹ ᤔᤡᤕᤁᤠ. ᤖᤜᤥᤒ. ᤜᤛᤒᤩᤠ.

¹² ᤈᤰᤁᤢᤖ. ᤛᤖᤣᤒᤡᤕᤠ. ᤛᤒᤏᤩᤠᤜ.

¹³ ᤜᤥᤍᤡᤕᤠ. ᤒᤠᤏᤡ ᤜᤧᤰᤁᤩᤠᤱ ᤒᤏᤡᤏᤢ॥

¹⁴ ᤗᤠᤶᤗᤥᤒᤠᤜᤠ᤹— ᤐᤖᤥᤛ. ᤐᤜᤋ-ᤔᤥᤀᤠᤒ. ᤀᤣᤗᤠᤔ. ᤈᤳᤋᤢ. ᤒᤠᤏᤡ.

¹⁵ ᤒᤢᤴᤏᤡ. ᤀᤈ᤻ᤃᤠᤍ. ᤒᤣᤒᤤ.

¹⁶ ᤀᤍᤥᤏᤡᤕᤠᤜ. ᤒᤡᤃᤫᤤ. ᤀᤠᤍᤡᤏ.

¹⁷ ᤀᤠᤋᤣᤖ. ᤜᤡᤈᤁᤡᤕᤠ. ᤀᤈ᤻ᤈᤢᤖ.

¹⁸ ᤜᤥᤍᤡᤕᤠᤜ. ᤜᤠᤛᤢᤔ. ᤒᤣᤈᤤ.

¹⁹ ᤜᤠᤖᤡᤐ. ᤀᤏᤠᤋᤥᤋ. ᤏᤣᤒᤤ.

²⁰ ᤔᤃ᤻ᤐᤡᤀᤠᤛ. ᤔᤛᤢᤸᤗᤠᤔ. ᤜᤣᤈᤡᤖ.

²¹ ᤔᤛᤣᤈᤣᤒᤣᤗ. ᤛᤠᤍᤥᤁ. ᤕᤍᤢᤀ.

²² ᤐᤗᤋᤩᤠ. ᤜᤠᤏᤠᤏ. ᤀᤏᤠᤕᤠ.

²³ ᤜᤥᤛᤡᤕᤠ. ᤜᤏᤏᤩᤠᤜ. ᤜᤛ᤻ᤛᤢᤒ.

²⁴ ᤜᤸᤗᤥᤜᤣᤛ. ᤐᤡᤸᤜᤠ. ᤛᤥᤒᤁ.

²⁵ ᤖᤣᤜᤢᤔ. ᤜᤛᤒ᤻ᤏᤠ. ᤔᤠᤛᤣᤕᤠ.

²⁶ ᤀᤜᤡᤕᤠ. ᤜᤠᤏᤠᤏ. ᤀᤠᤏᤠᤏ.

²⁷ ᤔᤸᤗᤢᤁ. ᤜᤠᤖᤡᤔ ᤏᤢ ᤒᤠᤏᤠᤜ॥

ᤛᤠᤵᤔᤏᤠᤒᤠ ᤛᤠᤵᤗᤠ

²⁸ ᤛᤠᤵᤔᤏᤠᤒᤠ ᤛᤠᤵᤗᤠᤀᤥ ᤀᤰᤋᤱᤒᤠ ᤐᤳᤇᤧ. “ᤀᤠᤏᤡᤃᤣ ᤏᤡᤱᤘᤠᤑᤢᤛᤠᤶᤒᤠᤜᤠ᤹. ᤗᤧᤒᤡᤜᤠ᤹. ᤗᤠᤶᤎᤣᤳ ᤁᤧᤃᤥᤒᤠᤜᤠ᤹. ᤛᤠᤶᤃᤧᤗᤥᤒᤠᤜᤠ᤹. ᤔᤠᤱᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤘᤣ᤹ ᤀᤡᤛᤪᤠᤀᤡᤗᤡᤜᤠ᤹ ᤜᤧᤰᤁᤩᤠᤱ ᤀᤠᤒᤠᤅᤣ ᤔᤣ᤺ᤳᤜᤠ᤹ ᤂᤧᤒᤩᤠᤱ ᤁᤢᤛᤡᤱ ᤁᤧᤏᤡ᤺ᤵᤐᤠ ᤜᤡᤴᤈᤠ᤹ᤒᤡᤳᤇᤠ᤹ ᤂᤰᤐᤧᤳᤗᤧ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤌᤡᤶ ᤀᤡᤱᤈᤠᤱᤅᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠᤖᤧ ᤗᤠᤃᤡ ᤀᤠᤒᤠᤅᤣ ᤗᤠᤈᤣ᤹ᤀᤥ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤗᤠᤶᤒᤠ ᤗᤠ᤺ᤳᤗᤠ᤺ᤳ ᤐᤥᤱᤔᤠ ᤕᤠ᤺ᤶᤒᤰ ᤆᤥᤃᤢᤶᤒᤧᤀᤠᤱ ᤘᤕᤡᤃᤧ॥

²⁹ ᤀᤠᤏᤡᤃᤣ ᤛᤢᤓᤠᤜᤠ᤹ᤏᤢ ᤌᤡᤰᤜᤢᤵ ᤐᤥ᤺ᤰᤂᤡᤃᤧᤀᤠᤱ ᤕᤜᤘᤣ ᤍᤠᤱᤒᤠ ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤘᤠᤖᤥᤒᤠ ᤔᤥᤛᤠᤗᤠᤶ ᤐᤡᤖᤡᤃᤧᤒᤠ ᤛᤠᤶᤕᤥᤌᤡᤶ ᤀᤡᤱᤈᤠᤱ ᤁᤢᤀᤡᤛᤡᤰ ᤁᤢᤛᤠᤶᤕᤥᤌᤡᤶ ᤀᤡᤱᤈᤠᤱᤜᤠ᤹ ᤏᤢ ᤁᤢᤀᤡᤱᤍᤳᤜᤠ᤹ ᤀᤡ᤺ᤳᤋᤢᤶᤒᤧ ᤏᤠ᤺ᤳᤋᤢᤶᤒᤧ ᤑᤠ᤹ᤀᤠᤱ ᤔᤠᤱᤜᤢᤵ ᤆᤥᤃᤢᤶᤒᤧ॥ ᤁᤴ ᤔᤠᤱᤜᤢᤵᤐᤡᤴ ᤑᤣ᤺ᤴᤍᤢᤶᤒᤧᤏᤧᤓᤃᤪ ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤱᤃᤪᤠ ᤁᤢᤄᤢᤶᤍᤡᤱᤅᤡᤸᤗᤧ ᤋᤧᤳᤋᤡᤃᤧᤖᤖᤥ॥

³⁰ “ᤀᤠᤏᤡᤃᤣ ᤗᤠᤈᤣ᤹ᤀᤥ ᤁᤧᤘᤠ᤹ᤒᤠ ᤘᤣ᤹ ᤛᤢᤘᤠᤱᤛᤔᤠ ᤔᤏᤠᤜᤠ᤹ᤏᤢ ᤀᤠᤏᤡᤃᤣ ᤛᤠᤜᤠ᤹ ᤔᤣ᤺ᤰᤂᤡᤶ ᤔᤧᤔᤧᤳᤋᤢᤶᤛᤡᤶᤒᤧᤴ᤹॥

³¹ “ᤂᤧᤴ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤏᤠ᤺ᤶᤛᤡᤱᤔᤠ ᤕᤧᤴᤏᤥ ᤀᤡᤃᤪ ᤘᤣ᤹ ᤛᤣᤛᤣ ᤕᤧᤴᤏᤥ ᤛᤱᤛᤧ ᤔᤧᤍᤠᤖᤢᤒᤠ ᤐᤥᤃᤢᤃᤧᤴ ᤁᤢᤈᤠᤜᤠ᤹ ᤀᤡᤃᤪ ᤘᤣ᤹ ᤆᤡᤃᤰᤘᤠᤜᤠ᤹ ᤀᤠᤏᤡᤃᤣ ᤔᤧᤀᤡᤅᤢᤶᤒᤧᤴ॥ “ᤏᤢᤛᤡ ᤋᤱᤒᤣ ᤁᤧᤳ ᤌᤰᤔᤠ ᤀᤠᤏᤡᤃᤣ ᤀᤡᤰᤋᤠᤵᤐᤥ ᤐᤥᤃᤢᤃᤧᤴ ᤁᤢᤈᤠ ᤔᤧᤜᤣ᤹ᤖᤢᤶᤒᤧᤴ ᤜᤧᤰᤁᤩᤠᤱ ᤁᤧᤖᤧᤰ ᤛᤡᤱᤏᤠᤳᤜᤠ᤹ ᤔᤧᤓᤥᤰᤂᤢᤶᤛᤡᤶᤒᤧᤴ᤹॥

³² “ᤋᤱᤒᤣ ᤌᤵᤔᤣ ᤔᤠᤱᤜᤡᤶᤔᤥ ᤆᤥ᤺ᤰᤔᤠ ᤁᤧᤒᤥᤱᤒᤠ ᤕᤠ᤺ᤶᤒᤰᤗᤧ ᤗᤠᤃᤡ ᤀᤠᤏᤡᤃᤣ ᤁᤧᤖᤧᤰᤗᤧ ᥋ ᤃᤪᤠᤔ ᤕᤢᤵᤐᤠ ᤀᤣ᤺ᤱᤕᤠᤱ ᤗ᤺ᤳᤋᤢᤶᤒᤧᤖᤥ॥

³³ “ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥ ᤛᤧᤘᤠ ᤆᤥ᤺ᤰᤔᤠ ᤕᤠ᤺ᤶᤒᤰᤗᤧ ᤗᤠᤃᤡ ᤛᤣᤛᤣ ᤂᤖᤧ᤺ᤱ. ᤌᤡᤰᤕᤠ᤺ᤴᤎᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ. ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤌᤰᤛᤠᤜᤠ᤹ ᤋᤥ᤺ᤴᤍᤢᤶᤛᤡᤶᤒᤧ॥ ᤏᤠ᤺ᤶᤛᤡᤱᤔᤠ ᤕᤧᤴ. ᤗᤠᤍᤢᤵ ᤏᤢ ᤘᤣ᤹ ᤋᤱᤏᤠᤶᤜᤠ᤹ᤀᤥ ᤆᤠᤜᤠᤒ᤻ ᤁᤧᤈᤥ᤺ᤰᤐᤠ ᤛᤡᤍᤢᤱᤈᤓᤠᤜᤠ᤹ᤀᤠᤱ ᤋᤠᤖᤢᤶᤒᤧ॥ ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹ᤖᤧ ᤗᤠᤃᤡ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ ᤏᤢ ᤔᤠᤱᤜᤡᤶᤔᤥ ᤆᤠᤜᤠᤒ᤻ ᤁᤧᤈᤥ᤺ᤰᤐᤠ ᤆᤡᤃᤰᤘᤠᤜᤠ᤹ ᤌᤣᤛᤠᤱ ᤀᤠᤏᤡᤃᤣ ᤗ᤺ᤳᤋᤢᤶᤒᤧᤖᤥ॥

³⁴ “ᤏᤡᤱᤘᤠ᤹ᤑᤢᤛᤠᤶᤒᤠ. ᤗᤧᤒᤡ ᤜᤧᤰᤁᤩᤠᤱ ᤔᤏᤠᤜᤠ᤹ ᤁᤧᤖᤧᤰ ᤋᤱᤅᤠᤛᤡᤃᤧᤀᤠᤱ ᤋᤱᤒᤣ ᤌᤵᤔᤣ ᤕᤜᤘᤣ ᤍᤠᤱᤒᤠ ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤥ ᤛᤡᤍᤢᤱᤈᤓᤠ ᤋᤥ᤺ᤶᤔᤠᤸᤗᤧ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤥ ᤆᤠᤜᤠᤒ᤻ ᤁᤧᤈᤥ᤺ᤰᤐᤠ ᤛᤡᤱᤅᤡᤴ ᤋ᤹ᤕᤠ᤺ᤴᤛᤥᤴ ᤁᤧᤛᤢᤶᤒᤧ ᤜᤧᤰᤁᤩᤠᤱ ᤀᤠᤳᤋᤡᤴᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤛᤠᤶᤕᤥᤌᤡᤶ ᤀᤡᤱᤈᤠᤱᤅᤥ ᤐᤵᤐᤠ ᤁᤢᤀᤡᤛᤡᤰ ᤛᤡᤱ ᤗ᤺ᤵᤔᤠ ᤁᤧᤒᤥᤱᤒᤠ ᤐᤥᤱ᤹ ᤂᤧᤴ ᤕᤧᤶᤜᤠ᤹ᤀᤥ ᤀᤠᤏᤡᤃᤣ ᤗ᤺ᤵᤐᤠᤱᤄᤢᤶᤛᤡᤶᤒᤧ॥

³⁵ “ᤋᤱᤒᤣ ᤌᤵᤔᤣ ᤀᤠᤒᤠᤅᤣ ᤀᤡᤰᤋᤠᤵᤐᤥ ᤛᤢᤶᤔᤏᤠᤒᤠ ᤁᤧᤖᤧᤰᤏᤢ᤺ᤸᤗᤧ ᤋᤃᤡᤒᤠ ᤐᤥᤃᤢᤃᤧᤴ ᤁᤢᤈᤠᤴ ᤏᤢ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤎᤥ᤺ᤰᤐᤠ ᤛᤡᤱᤛᤣ᤹ᤜᤠ᤹ ᤋᤱᤒᤣ ᤌᤰᤔᤠ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥ ᤋᤥ᤺ᤴᤍᤢᤶᤒᤧᤖᤥ॥

³⁶ “ᤀᤠᤏᤡᤃᤣ ᤜᤡᤶᤛᤕᤱᤅᤥ ᤛᤠᤃᤧᤘᤠ᤺ᤴᤇᤡᤱᤒᤠ ᤋᤢᤶᤒᤠ ᤕᤧᤶᤒᤡᤳᤇᤠᤛᤠᤜᤠ᤹ ᤛᤠᤶᤕᤥᤌᤡᤶ ᤀᤡᤱᤈᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡᤰ ᤔᤠᤱᤜᤡᤶᤔᤥ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤥ ᤋᤣ᤹ᤖᤢᤶᤛᤡᤶᤒᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤴᤍᤢᤶᤛᤡᤶᤒᤧ॥ ᤜᤧᤰᤁᤣᤗ᤹ᤖᤡᤰᤁᤣ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤎᤠᤵᤐᤠ ᤐᤡᤳᤛᤠᤳ ᤏᤢ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤎᤠᤵᤐᤠ ᤔᤧᤸᤗᤢᤰᤛᤠᤳ ᤔᤧ᤺ᤴᤍᤈᤩᤠ᤺ᤰᤜᤠ᤹ ᤀᤠᤏᤡᤃᤣ ᤋᤥ᤺ᤴᤍᤢᤶᤛᤡᤶᤒᤧᤖᤥ॥

³⁷ “ᤂᤧᤴᤏᤠᤱᤎᤥ ᤋᤱᤒᤣ ᤌᤵᤔᤣ ᤀᤠᤏᤡᤃᤣ ᤀᤡᤰᤋᤠᤵᤐᤥ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤎᤥ᤺ᤰᤐᤠ ᤐᤥᤃᤢᤃᤧᤴ ᤁᤢᤈᤠᤴ ᤕᤠᤖᤡᤵ ᤆᤥᤃᤢᤶᤒᤧᤀᤠᤱ ᤁᤢᤈᤠ ᤛᤡᤍᤢᤱᤈᤓᤠᤴ ᤏᤢ ᤀᤠᤏᤡᤃᤣ ᤋᤥ᤺ᤶᤔᤠ ᤁᤧᤒᤥᤱᤒᤠ ᤐᤧ᤺ᤱᤘᤠᤗᤡ᤺ᤳᤇᤣ᤹ ᤏᤡ᤺ᤱᤃᤣᤴ. ᤆᤧᤸᤗᤧᤰᤛᤣ᤹ ᤌᤡᤴ ᤂᤧᤒᤩᤠᤱ ᤁᤧᤖᤧᤰ ᤐᤖᤡᤰᤐᤠ ᤛᤡᤱᤛᤣ᤹ᤜᤠ᤹ ᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤁᤢᤗᤠᤃᤡ ᤔᤠᤱᤜᤡᤶᤔᤥᤒᤠ ᤁᤢᤈᤠ ᤕᤢᤱᤔᤠᤍᤧᤴᤜᤠ᤹ᤀᤥ ᤋᤥ᤺ᤴᤍᤢᤶᤒᤧ॥ “ᤐᤠᤱᤓᤣ᤹ᤀᤥ ᤌᤡᤒᤥᤱᤗᤰ ᤁᤧᤓᤥᤱᤒᤠ ᤗᤧᤒᤡᤜᤠ᤹ ᤀᤠᤏᤡᤃᤣ ᤀᤠᤒᤠᤅᤣ ᤀᤡᤰᤋᤠᤵᤐᤥᤒᤠ ᤐᤥᤃᤢᤃᤧᤴ ᤁᤢᤈᤠ ᤌᤡᤒᤥᤱᤗᤰ ᤐᤡᤖᤢᤶᤛᤡᤶᤒᤧᤖᤥ॥

³⁸ ᤗᤧᤒᤡᤜᤠ᤹ᤖᤧ ᤌᤡᤒᤥᤱᤗᤰ ᤔᤧᤓᤥᤰᤂᤢᤒᤠ ᤕᤧᤶᤔᤥ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤏᤡᤱᤘᤠ᤹ᤑᤢᤛᤠᤶᤒᤠᤎᤡᤰ ᤂᤧᤱᤜᤠ᤹ᤏᤢ ᤛᤥᤖᤡᤰ ᤐᤣᤰ॥ ᤜᤧᤰᤁᤩᤠᤱ ᤀᤰᤂᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤔᤧᤛᤢᤵᤛᤢᤒᤠ ᤌᤡᤒᤥᤱ ᤗᤰᤗᤠᤶᤒᤠ ᤕᤠᤶᤔᤥ ᤘᤣ᤹ ᤌᤡᤒᤥᤱᤗᤰ ᤔᤧᤗ᤺ᤳᤋᤢᤀᤠᤱ ᤂᤧᤴ ᤗᤧᤒᤡᤜᤠ᤹ᤖᤧ ᤔᤠᤱᤜᤡᤶᤔᤥ ᤀᤥᤃᤠᤵ ᤆᤥ᤺ᤰᤔᤠᤖᤧ ᤗᤠᤃᤡ ᤔᤠᤱᤜᤡᤶᤔᤥᤒᤠ ᤌᤠ᤺ᤱᤅᤥ ᤔᤧᤓᤢᤰᤂᤢ॥

³⁹ ᤔᤠᤱᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤗᤠᤶᤎᤣᤳ ᤁᤧᤃᤥᤒᤠᤜᤠ᤹ ᤏᤢ ᤛᤠᤶᤃᤧᤗᤥᤒᤠᤜᤠ᤹ᤖᤧ ᤂᤢᤴᤇᤡ᤹ ᤕᤠᤱᤔᤠ ᤛᤠᤔᤠᤜᤠ᤹ ᤕᤢᤱᤔᤠ ᤕᤠᤰᤑᤠᤱᤜᤠ᤹ᤖᤧ ᤁᤢᤒᤣᤛᤠᤱᤒᤠ ᤕᤠᤰᤑᤠᤱᤜᤠ᤹ᤀᤥ ᤀᤡᤛᤪᤠᤀᤡᤗᤡᤜᤠ᤹ ᤏᤢ ᤗᤧᤒᤡᤜᤠ᤹ᤖᤧ ᤐᤥᤃᤢᤃᤧᤴ ᤁᤢᤈᤠᤴ ᤔᤧᤓᤢᤰᤂᤢ ᤔᤧᤍᤠᤖᤢ᤹. ᤜᤧᤰᤁᤩᤠᤱ ᤁᤢᤒᤥᤰ ᤆᤧᤸᤗᤧᤰᤛᤣ᤹ ᤌᤡᤴ ᤏᤢ ᤐᤧ᤺ᤱᤘᤠᤗᤡ᤺ᤳᤇᤣ᤹ ᤏᤡ᤺ᤱᤃᤣᤴ ᤔᤧᤕᤢᤰᤂᤢ॥ “ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤡᤴ ᤔᤧᤗᤧᤖᤢᤶᤒᤧᤸᤗᤥ॥”