ᤕᤜᤥᤛᤢ 21 - LIFOTNTᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤕᤧᤰᤕᤰᤜᤠ᤹ 1 ᤂᤧᤴ ᤀᤣᤃᤠᤱ ᤏᤡᤱᤘᤠ᤹ᤑᤢᤛᤠᤶᤒᤠ ᤀᤣᤗᤠᤈᤠᤖ. ᤏᤢᤏᤖᤧ ᤁᤢᤛ᤻ᤛᤠ ᤕᤜᤥᤛᤢᤴ ᤏᤢ ᤀᤡᤛᤪᤠᤀᤡᤗᤡ ᤜᤡᤶᤛᤕᤱᤒᤠ ᤗᤠᤶᤗᤥᤒᤠᤜᤠ᤹ᤖᤧ ᤂᤢᤴᤇᤡ᤹ ᤐᤣᤛᤠᤱ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤗᤠᤶᤗᤥᤒᤠᤜᤠ᤹ ᤔᤧᤍᤩᤧᤀᤠᤱ 2 ᤁᤏᤠᤏ ᤗᤠᤈᤣ᤹ᤒᤠ ᤛᤡᤗᤥᤀᤥ ᤂᤧᤱᤜᤠ᤹ ᤀᤰᤂᤣ ᤔᤧᤔᤧᤳᤋᤢᤛᤡ. “ᤀᤠᤏᤡᤃᤣ ᤕᤢᤱᤔᤠᤖᤧ ᤗᤠᤃᤡ ᤕᤧᤰᤕᤰᤜᤠ᤹ ᤏᤢ ᤀᤠᤏᤡᤃᤣ ᤌᤰᤛᤠᤜᤠ᤹ ᤆᤠᤖᤠᤶᤔᤠᤛᤡᤖᤧ ᤗᤠᤃᤡ ᤁᤒᤪᤡᤱ ᤐᤡᤛᤠᤱᤒᤠ ᤋᤧᤴᤜᤠ᤹ ᤔᤧᤒᤡᤖᤡᤃᤧᤖ ᤑᤠ᤹ᤀᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤗᤠᤶᤒᤠ ᤀᤡᤱᤈᤠᤱ ᤆᤥᤃᤢᤀᤠᤱ ᤘᤠ᤹॥” 3 ᤁᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤀᤡᤱᤈᤠᤱ ᤁᤢᤀᤡᤛᤡᤰ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤗᤧᤒᤡᤜᤠ᤹ ᤂᤢᤴᤇᤡ᤹ ᤗᤰᤂᤥᤔᤠᤗᤠᤶ ᤁᤴ ᤕᤧᤰᤕᤰᤜᤠ᤹ ᤏᤢ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ ᤔᤧᤒᤡᤖᤢᤛᤡ॥ 4 ᤜᤧᤰᤁᤩᤠᤱ ᤁᤜᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤜᤠ᤹ᤖᤧ ᤂᤢᤏᤡ᤹ ᤔᤡᤱᤅᤥ ᤌᤡᤰᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤡᤴ ᤌᤩᤧ॥ ᤗᤧᤒᤡᤜᤠ᤹ᤀᤥᤒᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤕᤜᤢᤍᤠᤖᤧ ᤁᤢᤎᤠ᤺ᤰᤁᤥᤗᤠᤶ. ᤛᤡᤔᤡᤕᤥᤏᤖᤧ ᤁᤢᤎᤠ᤺ᤰᤁᤥᤗᤠᤶ ᤏᤢ ᤒᤣᤏᤩᤠᤔᤡᤏᤖᤧ ᤁᤢᤎᤠ᤺ᤰᤁᤥᤗᤠᤶ ᤌᤡᤒᤥᤱᤅᤠᤱ ᤛᤢᤶᤛᤡ ᤕᤧᤰᤕᤰᤜᤠ᤹ ᤔᤧᤄᤥᤛᤢ॥ 5 ᤁᤜᤠᤋᤖᤧ ᤁᤧᤏᤶᤒᤠ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤀᤣᤑᤪᤠᤀᤡᤔᤖᤧ ᤁᤢᤎᤠ᤺ᤰᤁᤥᤗᤠᤶ. ᤍᤠᤏᤖᤧ ᤁᤢᤎᤠ᤺ᤰᤁᤥᤗᤠᤶ ᤏᤢ ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤱ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤜᤠ᤹ᤗᤠᤶ ᤌᤡᤒᤥᤱ ᤕᤧᤰᤕᤰᤜᤠ᤹ ᤔᤧᤄᤥᤛᤢ॥ 6 ᤃᤣᤷᤛᤥᤏᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤀᤡᤛ᤻ᤛᤠᤂᤠᤖᤖᤧ ᤁᤢᤎᤠ᤺ᤰᤜᤠ᤹ᤗᤠᤶ. ᤀᤠᤛᤣᤖᤖᤧ ᤁᤢᤎᤠ᤺ᤰᤜᤠ᤹ᤗᤠᤶ. ᤏᤵᤋᤠᤗᤡᤖᤧ ᤁᤢᤎᤠ᤺ᤰᤜᤠ᤹ᤗᤠᤶ ᤏᤢ ᤒᤠᤛᤠᤏᤀᤥ ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤱ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ᤖᤧ ᤂᤢᤏᤡ᤹ ᤜᤡᤶᤛᤕᤱᤜᤠ᤹ᤗᤠᤶ ᤌᤡᤒᤥᤱᤅᤠᤱ ᤛᤢᤶᤛᤡ ᤕᤧᤰᤕᤰᤜᤠ᤹ ᤔᤧᤄᤥᤛᤢ॥ 7 ᤔᤖᤠᤖᤡᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤖᤢᤒᤣᤏ. ᤃᤠᤍ ᤏᤢ ᤈᤒᤢᤗᤢᤏᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ᤗᤠᤶ ᤌᤡᤒᤥᤱᤅᤠᤱ ᤏᤧᤳᤇᤡ ᤕᤧᤰᤕᤰᤜᤠ᤹ ᤔᤧᤄᤥᤛᤢ॥ 8 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠᤴ ᤗᤠᤶᤒᤠ ᤀᤡᤱᤈᤠᤱ ᤆᤥᤃᤢᤒᤠ ᤁᤢᤀᤡᤛᤡᤰ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ ᤛᤥᤛᤥᤖᤡᤰ ᤂᤧᤴ ᤕᤧᤰᤕᤰᤜᤠ᤹ ᤗᤧᤒᤡᤜᤠ᤹ ᤔᤧᤒᤡᤖᤢᤛᤡ॥ 9 ᤂᤧᤱᤜᤠ᤹ᤖᤧ ᤕᤜᤢᤍᤠᤖᤧ ᤁᤢᤎᤠ᤺ᤰᤜᤠ᤹ ᤏᤢ ᤛᤡᤔᤡᤕᤥᤏᤖᤧ ᤁᤢᤎᤠ᤺ᤰᤜᤠ᤹ᤗᤠᤶ ᤁᤴ ᤕᤥ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 10 ᤁᤴ ᤕᤧᤰᤕᤰᤜᤠ᤹ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ᤀᤥᤒᤠ ᤁᤜᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤜᤠ᤹ᤀᤥᤒᤠ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤔᤧᤒᤡᤖᤢᤛᤡ. ᤌᤣᤀᤠᤱᤓᤧᤸᤗᤧ ᤋ᤹ᤕᤠ᤺ᤴᤛᤥᤴᤏᤡᤴ ᤋᤃᤡ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤥᤀᤣ ᤌᤩᤧᤀᤠᤱ ᤘᤕᤧ॥ 11 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤜᤢᤍᤠᤒᤠ ᤌᤧᤃᤢ ᤔᤠᤱᤘᤠ ᤗᤠᤈᤣ᤹ ᤁᤡᤷᤕᤋ-ᤀᤷᤒᤠ (ᤂᤧᤴ ᤜᤣᤒᤪᤥᤏ) ᤔᤧᤵᤔᤏᤠᤒᤠ ᤕᤧᤰᤕᤰᤁᤡᤴ ᤏᤢ ᤂᤧᤴ ᤁᤒᤪᤡᤱᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ ᤔᤧᤒᤡᤖᤢᤛᤡ॥ (ᤀᤷᤒᤠᤴ ᤀᤏᤠᤁᤖᤧ ᤁᤢᤎᤠ᤺ᤰᤌᤧᤒᤠ ᤘᤕᤧ॥) 12 ᤁᤖ ᤂᤧᤴ ᤕᤧᤰᤕᤰᤁᤥᤒᤠ ᤀᤡᤰᤋᤠᤵᤜᤠ᤹ ᤏᤢ ᤂᤧᤵᤔᤥᤒᤠ ᤐᤠᤱᤈᤢᤶᤜᤠ᤹ᤃ ᤂᤧᤱᤜᤠ᤹ᤖᤧ ᤕᤐᤢᤴᤏᤣᤖᤧ ᤁᤢᤛ᤻ᤛᤠ ᤁᤠᤗᤣᤒᤧᤴ ᤗᤰᤂᤥᤔᤠ ᤔᤧᤒᤡᤖᤢᤀᤠᤱ ᤏᤧᤛ᤻ᤛᤧ॥ 13 ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹. ᤔᤏᤠ ᤁᤧᤛᤧᤵᤐᤧᤸᤗᤧ ᤁᤢᤗᤠᤃᤡ ᤛᤧ᤺ᤵᤛᤡᤔᤠᤱᤍᤧᤴ ᤏᤡ᤺ᤴᤎᤥ ᤁᤧᤒᤥᤱᤒᤠ ᤜᤣᤒᤪᤥᤏ ᤕᤧᤰᤕᤰᤁᤡᤴ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤔᤠᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ. ᤜᤧᤰᤁᤩᤠᤱ ᤗᤡᤒ᤻ᤏᤠ. 14 ᤕᤳᤋᤡᤖ. ᤀᤣᤛ᤻ᤋᤔᤥ. 15 ᤜᤥᤗᤥᤏ. ᤍᤒᤡᤖ. 16 ᤀᤤᤏ. ᤕᤢᤳᤋᤠ ᤏᤢ ᤒᤣᤌ-ᤛᤣᤔᤣᤛ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤂᤧᤴ ᤏᤧᤳᤇᤡ ᤕᤜᤢᤍᤠ ᤏᤢ ᤛᤡᤔᤡᤕᤥᤏ ᤌᤠ᤺ᤰᤜᤠ᤹ᤗᤠᤶ ᤑᤠᤱᤛᤡ ᤕᤧᤰᤕᤰᤜᤠ᤹ ᤂᤧᤱᤜᤠ᤹ᤖᤧ ᤔᤧᤒᤡᤖᤢᤛᤡ॥ 17 ᤜᤧᤰᤁᤩᤠᤱ ᤒᤣᤏᤩᤠᤔᤡᤏᤖᤧ ᤁᤢᤎᤠ᤺ᤰᤁᤥᤗᤠᤶ ᤃᤡᤒᤥᤏ. ᤃᤣᤒᤠ. 18 ᤀᤏᤠᤋᤥᤋ ᤏᤢ ᤀᤸᤔᤥᤏᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 19 ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤌᤡᤒᤥᤱᤅᤠᤱ ᤛᤢᤶᤛᤡ ᤕᤧᤰᤕᤰᤜᤠ᤹ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤏᤧᤛ᤻ᤛᤧ॥ 20 ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤁᤜᤠᤋᤡᤒᤠ ᤁᤧᤏᤶᤒᤠ ᤜᤡᤶᤛᤕᤱᤜᤠ᤹ᤖᤧ ᤀᤣᤑᤪᤠᤀᤡᤔᤒᤠ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤁᤥᤗᤠᤶ ᤁᤴ ᤕᤧᤰᤕᤰᤜᤠ᤹ ᤔᤧᤄᤥᤛᤢ॥ 21 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤣᤑᤪᤠᤀᤡᤔᤒᤠ ᤌᤧᤃᤢ ᤔᤠᤱᤘᤠ ᤗᤠᤈᤣ᤹ᤀᤥ ᤔᤏᤠ ᤁᤧᤛᤧᤵᤐᤧᤸᤗᤧ ᤗᤠᤃᤡ ᤛᤧ᤺ᤵᤛᤡᤱᤔᤠ ᤛᤁᤣᤔ ᤕᤧᤰᤕᤰᤁᤡᤴ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤔᤠᤍᤧᤴᤜᤠ᤹ ᤛᤥᤛᤥᤖᤡᤰ ᤏᤢ ᤃᤣᤈᤣᤖ. 22 ᤁᤡᤒ᤻ᤛᤤᤔ. ᤒᤣᤌ-ᤜᤥᤖᤥᤏ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤔᤠᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 23 ᤍᤠᤏᤖᤧ ᤁᤢᤎᤠ᤺ᤰᤁᤥᤗᤠᤶ ᤂᤧᤱᤜᤠ᤹ᤖᤧ ᤀᤣᤸᤋᤁᤣ. ᤃᤡᤒ᤻ᤒᤋᤥᤏ. 24 ᤀᤕᤩᤠᤗᤥᤏ. ᤃᤠᤋ-ᤖᤡᤶᤔᤥᤏ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤄᤥᤛᤢ॥ 25 ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤰ ᤁᤢᤎᤠ᤺ᤰᤜᤠ᤹ᤗᤠᤶ ᤂᤧᤱᤜᤠ᤹ᤖᤧ ᤋᤠᤏᤠᤁ ᤏᤢ ᤃᤠᤋ-ᤖᤡᤶᤔᤥᤏ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤏᤧᤳᤇᤡ ᤕᤧᤰᤕᤰᤜᤠ᤹ ᤔᤧᤄᤥᤛᤢ॥ 26 ᤁᤜᤠᤋᤡᤖᤧ ᤁᤧᤏᤶᤒᤠ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤁᤧᤖᤧᤰ ᤌᤡᤒᤥᤱ ᤕᤧᤰᤕᤰᤜᤠ᤹ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤏᤧᤛ᤻ᤛᤧ॥ 27 ᤗᤧᤒᤡ ᤌᤠ᤺ᤰᤁᤥᤒᤠ ᤃᤣᤷᤛᤥᤏᤡᤜᤠ᤹—ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤰ ᤁᤢᤎᤠ᤺ᤰᤜᤠ᤹ᤗᤠᤶ ᤒᤠᤛᤠᤏᤀᤥ ᤔᤏᤠ ᤁᤧᤛᤧᤵᤐᤧᤸᤗᤧ ᤁᤢᤗᤠᤃᤡ ᤛᤧ᤺ᤵᤛᤡᤱᤔᤠᤍᤧᤴ ᤕᤧᤰᤕᤰ ᤏᤡ᤺ᤴᤎᤥ ᤁᤧᤒᤥᤱᤒᤠ ᤃᤥᤗᤠᤏ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ. ᤜᤧᤰᤁᤩᤠᤱ ᤒᤣ-ᤀᤧᤛ᤻ᤋᤖᤠ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤏᤧᤳᤇᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 28 ᤀᤡᤛ᤻ᤛᤠᤂᤠᤖᤖᤧ ᤁᤢᤎᤠ᤺ᤰᤁᤥᤗᤠᤶ ᤁᤡᤛᤩᤥᤏ. ᤍᤠᤒᤖᤋ. 29 ᤕᤷᤔᤢᤋ ᤏᤢ ᤀᤣᤏ-ᤃᤴᤏᤡᤔ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 30 ᤀᤠᤛᤣᤖᤖᤧ ᤁᤢᤎᤠ᤺ᤰᤗᤠᤶ ᤔᤡᤛᤠᤗ. ᤀᤒ᤻ᤍᤥᤏ. 31 ᤜᤣᤸᤁᤋ ᤏᤢ ᤖᤜᤥᤒ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 32 ᤏᤵᤋᤠᤗᤡᤖᤧ ᤁᤢᤎᤠ᤺ᤰᤁᤥᤗᤠᤶ ᤃᤠᤗᤡᤗᤀᤥ ᤔᤏᤠ ᤁᤧᤛᤧᤵᤐᤧᤸᤗᤧ ᤁᤢᤗᤠᤃᤡ ᤛᤧ᤺ᤵᤛᤡᤱᤔᤠᤍᤧᤴ ᤕᤧᤰᤕᤰ ᤏᤡ᤺ᤴᤎᤥ ᤁᤧᤒᤥᤱᤒᤠ ᤁᤣᤍᤣᤛ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤜᤧᤰᤁᤩᤠᤱ ᤜᤶᤔᤥᤋ-ᤍᤥᤖ ᤏᤢ ᤁᤷᤋᤠᤏ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤛᤢᤶᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 33 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ ᤁᤢᤀᤡᤛᤡᤰ ᤃᤣᤷᤛᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤁᤧᤖᤧᤰ ᤌᤡᤒᤥᤱ ᤕᤧᤰᤕᤰᤜᤠ᤹ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤏᤧᤛ᤻ᤛᤧ॥ 34 ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤁᤧᤏᤶᤒᤠ ᤔᤖᤠᤖᤡ ᤜᤡᤶᤛᤕᤱᤜᤠ᤹ᤃ ᤈᤒᤢᤗᤢᤏᤖᤧ ᤁᤢᤎᤠ᤺ᤰᤁᤥᤗᤠᤶ ᤕᤥᤰᤏᤠᤔ. ᤁᤷᤋᤜ. 35 ᤍᤡᤶᤏᤠ ᤏᤢ ᤏᤜᤗᤗ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 36 ᤖᤢᤒᤣᤏᤖᤧ ᤁᤢᤎᤠ᤺ᤰᤁᤥᤗᤠᤶ ᤒᤣᤛᤣᤖ. ᤕᤜᤛᤠ. 37 ᤁᤍᤣᤔᤥᤋ ᤏᤢ ᤔᤣᤐᤠᤋ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 38 ᤃᤠᤍᤖᤧ ᤁᤢᤎᤠ᤺ᤰᤁᤥᤗᤠᤶ ᤃᤡᤗᤠᤍᤀᤥ ᤔᤏᤠ ᤁᤧᤛᤧᤵᤐᤧᤸᤗᤧ ᤁᤢᤗᤠᤃᤡ ᤛᤧ᤺ᤵᤛᤡᤱᤔᤠᤍᤧᤴ ᤏᤡ᤺ᤴᤎᤥ ᤁᤧᤒᤥᤱᤒᤠ ᤕᤧᤰᤕᤰ ᤖᤠᤔᤥᤋ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ. ᤜᤧᤰᤁᤩᤠᤱ ᤔᤜᤏᤥᤔ. 39 ᤜᤣᤛ᤻ᤒᤥᤏ ᤏᤢ ᤕᤠᤈᤣᤖ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤁᤧᤖᤧᤰᤗᤧ ᤗᤡᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 40 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤗᤧᤒᤡᤖᤧ ᤁᤧᤏᤶᤒᤠ ᤔᤖᤠᤖᤡᤖᤧ ᤁᤧᤖᤧᤰ ᤌᤡᤒᤥᤱᤅᤠᤱ ᤏᤧᤳᤇᤡ ᤁᤢᤕᤧᤰᤕᤰᤜᤠ᤹. ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤏᤧᤛ᤻ᤛᤧ॥ 41 ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤕᤢᤰᤁᤥ ᤁᤧᤏᤧᤒᤠ ᤗᤠᤈᤣ᤹ ᤛᤡᤱᤒᤢᤱᤅᤥ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤁᤧᤖᤧᤰᤗᤧ ᤗᤡᤒᤥᤱᤅᤠᤱ ᤕᤧᤳᤇᤡ ᤕᤧᤰᤕᤰᤜᤠ᤹ ᤏᤧᤛ᤻ᤛᤧ॥ 42 ᤁᤴ ᤕᤧᤰᤕᤰᤜᤠ᤹ᤖᤧ ᤁᤢᤃᤒᤪᤡᤱ ᤗᤧᤵᤔᤠᤱ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ ᤏᤧᤛ᤻ᤛᤧ॥ ᤁᤧᤖᤧᤰ ᤕᤧᤰᤕᤰᤜᤠ᤹ ᤁᤴ ᤐᤖᤡᤰᤗᤧᤴᤏᤣ ᤏᤧᤛ᤻ᤛᤧᤖᤥ॥ ᤀᤡᤛᤪᤠᤀᤡᤗᤖᤧ ᤗᤠᤈᤣᤴ ᤕᤢᤰᤁᤥ ᤋᤠᤖᤢ 43 ᤁᤶᤓᤗ᤹ᤖᤡᤰ ᤕᤜᤘᤣ ᤍᤠᤱᤒᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤐᤡᤖᤢᤱᤛᤡᤱ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤏᤢ ᤔᤠᤱᤜᤢᤵ ᤆᤥᤃᤢᤒᤠ ᤁᤧᤖᤧᤰ ᤗᤠᤈᤣ᤹ᤜᤠ᤹ ᤐᤡᤖᤢᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤔᤧᤕᤢᤰᤋᤢᤀᤠᤱ ᤂᤧᤵᤔᤥ ᤔᤧᤕᤢᤅᤧ॥ 44 ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤏᤢ ᤔᤠᤱᤜᤧᤰ ᤆᤥᤃᤢᤒᤠ ᤁᤢᤀᤡᤛᤡᤰ. ᤂᤧᤱᤜᤠ᤹ ᤁᤧᤖᤧᤰ ᤐᤡᤛᤠᤱᤗᤠᤶ ᤏᤠ᤺ᤶᤛᤡᤱᤔᤠ ᤐᤡᤖᤢᤛᤡ॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤧᤖᤧᤰ ᤏᤡᤱᤔᤡᤜᤠ᤹ᤀᤥᤒᤠ ᤗᤳᤇᤠᤀᤠᤱ ᤂᤢᤴᤇᤡ᤹ ᤋᤃᤡ ᤕᤧᤵᤔᤠ ᤔᤧᤴᤇᤢᤰᤋᤧᤴ॥ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤏᤡᤱᤔᤡᤜᤠ᤹ ᤂᤧᤱᤜᤠ᤹ᤀᤣ ᤜᤢᤰᤛᤢᤵᤋᤢᤛᤡ॥ 45 ᤕᤜᤘᤣ ᤍᤠᤱᤒᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ᤏᤢ ᤔᤠᤱᤜᤢᤵ ᤆᤥᤃᤢᤀᤠᤱ ᤘᤕᤧᤒᤠ ᤏᤢᤒᤠ ᤐᤠ᤺ᤴᤜᤠ᤹ ᤗᤳᤇᤠᤀᤠᤱ ᤔᤧᤱᤃᤧᤵᤔᤏᤠᤒᤠ ᤔᤧᤶᤒᤥᤱᤅᤣ ᤁᤧᤖᤧᤰ ᤁᤧᤖᤧᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.