ᤕᤜᤥᤛᤢ 19 - LIFOTNTᤛᤡᤔᤡᤕᤥᤏᤖᤧ ᤂᤥᤛᤢᤒᤠ ᤗᤠᤈᤣ᤹ ᤗᤰ 1 ᤏᤡᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤡᤴ ᤛᤡᤔᤡᤕᤥᤏᤖᤧ. ᤀᤡᤃᤪ ᤛᤡᤔᤡᤕᤥᤏᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤌᤩᤧ॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠᤴ ᤕᤜᤢᤍᤠ᤺ᤸᤗᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠᤸᤗᤧ ᤁᤢᤗᤢᤶᤔᤥ ᤆᤢᤰᤋᤧ॥ 2 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤔᤧᤄᤥᤛᤢᤒᤠᤴ ᤜᤠᤒᤠ ᤁᤴᤜᤠ᤹ᤀᤣᤖᤥ—ᤒᤣᤷᤛᤣᤒᤠ (ᤀᤡᤃᤪ ᤛᤣᤒᤠ). ᤔᤥᤗᤠᤍᤠ. 3 ᤜᤛᤖ-ᤛᤢᤀᤠᤗ. ᤒᤠᤗᤠ. ᤀᤣᤛᤣᤔ. 4 ᤀᤣᤸᤋᤥᤗᤍ. ᤒᤋᤢᤗ. ᤜᤥᤷᤔᤠ. 5 ᤛᤡᤰᤗᤃ. ᤒᤣᤌ-ᤔᤷᤁᤠᤒᤥᤋ. ᤜᤛᤖ-ᤛᤢᤛᤠ. 6 ᤒᤣᤌ-ᤗᤒᤠᤀᤥᤋ ᤏᤢ ᤛᤠᤖᤢᤜᤣᤏ॥ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤌᤡᤒᤥᤱᤅᤠᤱ ᤛᤢᤶᤛᤡ ᤕᤧᤰᤕᤰᤜᤠ᤹ ᤏᤧᤛ᤻ᤛᤧ॥ 7 ᤀᤤᤏ. ᤖᤡᤶᤔᤥᤏ. ᤀᤣᤋᤣᤖ ᤏᤢ ᤀᤠᤛᤠᤴ॥ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤗᤡᤛᤡ ᤕᤧᤰᤕᤰᤜᤠ᤹ ᤏᤧᤛ᤻ᤛᤧ॥ 8 ᤜᤧᤰᤁᤩᤠᤱ ᤂᤧᤴ ᤕᤧᤰᤕᤰᤜᤠ᤹ᤀᤥᤒᤠ ᤁᤒᤪᤡᤱ ᤐᤡᤛᤠᤱᤒᤠ ᤁᤧᤖᤧᤰ ᤐᤠᤱᤓᤣ᤹ᤜᤠ᤹ ᤒᤠᤗᤠᤋ-ᤒᤣᤀᤖ. ᤀᤡᤃᤪ ᤏᤣᤃᤣᤘ ᤔᤧᤵᤔᤏᤠᤒᤠ ᤀᤡᤃᤪ ᤗᤠᤱᤃᤧᤳ ᤗᤧᤵᤔᤠᤱᤒᤠ ᤗᤠᤈᤣ᤹ ᤖᤠᤔᤠ ᤌᤠᤖᤡᤰᤁᤣ ᤏᤧᤛ᤻ᤛᤧᤖᤥ॥ ᤛᤡᤔᤡᤕᤥᤏᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠᤴ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤜᤠᤒᤠ ᤁᤴᤜᤠ᤹ᤀᤣᤖᤥ॥ 9 ᤕᤜᤢᤍᤠ᤺ᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤗᤰᤁᤥᤗᤠᤶᤒᤠᤀᤣ ᤛᤡᤔᤡᤕᤥᤏᤖᤧ ᤁᤢᤎᤠ᤺ᤰᤜᤠ᤹ᤖᤧ ᤗᤰᤂᤥᤔᤠ ᤔᤧᤄᤥᤛᤢᤀᤠᤱ ᤏᤧᤛ᤻ᤛᤧᤖᤥ. ᤌᤣᤀᤠᤱᤓᤧᤸᤗᤧ ᤕᤜᤢᤍᤠ᤺ᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤆᤠᤜᤠ ᤔᤧᤈᤥᤃᤧᤒᤠᤏᤢ᤺ᤸᤗᤧ ᤕᤖᤡᤰ ᤗᤰᤔᤧᤄᤥᤛᤢᤀᤠᤱ ᤏᤧᤛ᤻ᤛᤧ॥ ᤁᤸᤗᤧᤆᤥᤃᤢᤸᤗᤧ ᤛᤡᤔᤡᤕᤥᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤕᤜᤢᤍᤠ᤺ᤸᤗᤧ ᤁᤢᤗᤰᤁᤥᤀᤣ ᤗᤰᤂᤥᤔᤠ ᤕᤢᤰ ᤔᤧᤄᤥᤛᤢᤀᤠᤱ ᤏᤧᤛ᤻ᤛᤧᤖᤥ॥ ᤈᤒᤢᤗᤢᤏᤖᤧ ᤁᤢᤗᤰ 10 ᤛᤢᤶᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤡᤴ ᤈᤒᤢᤗᤢᤏᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤁᤶᤓᤗ᤹ᤖᤡᤰ ᤌᤩᤧ—ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤔᤧᤄᤥᤛᤢᤒᤠ ᤀᤡ᤺ᤴᤍᤥᤴ ᤛᤠᤖᤡᤍ ᤌᤠᤖᤡᤰ ᤏᤧᤛ᤻ᤛᤧᤖᤥ॥ 11 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤴ ᤔᤖᤗᤠ ᤌᤧᤶᤒᤠ ᤐᤥᤖᤧᤀᤠᤱ ᤍᤒ᤻ᤒᤣᤛᤣᤋ ᤌᤠᤖᤡᤰ ᤁᤧᤖᤧ ᤂᤶᤓᤩᤠᤱ ᤕᤥᤰᤏᤠᤔ ᤋᤃᤡᤒᤠ ᤕᤜ᤺ᤱ ᤌᤠᤖᤡᤰ ᤁᤧᤖᤧᤀᤠᤱ ᤏᤧᤛ᤻ᤛᤧ॥ 12 ᤂᤧᤴ ᤀᤡ᤺ᤴᤍᤥᤴ ᤛᤠᤖᤡᤍᤗᤠᤶ ᤕᤠᤶᤔᤥ ᤏᤠᤱᤃᤧᤴ ᤗᤧᤵᤔᤠᤱ ᤁᤡᤛ᤻ᤗᤥᤌᤒᤥᤖᤖᤧ ᤁᤀᤡ᤺ᤴᤍᤥᤴ ᤌᤠᤖᤡᤰ ᤏᤠᤱᤃᤧᤴ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤏᤧᤛ᤻ᤛᤧ॥ ᤂᤧᤴ ᤍᤠᤒᤖᤋᤀᤥ ᤗ᤺ᤴᤍᤧᤀᤠᤱ ᤕᤠᤐᤡ ᤌᤠᤖᤡᤰ ᤌᤥ᤺ᤰᤛᤡᤱᤒᤣᤀᤠᤱ ᤏᤧᤛ᤻ᤛᤧ॥ 13 ᤂᤧᤵᤔᤥᤗᤠᤶ ᤂᤧᤴ ᤏᤠᤱᤃᤧᤴ ᤗᤧᤵᤔᤠᤱ ᤐᤣᤀᤠᤱ ᤃᤠᤋ-ᤜᤣᤐᤣᤖ ᤏᤢ ᤀᤡᤌ-ᤁᤠᤛᤡᤏ ᤌᤠᤖᤡᤰ ᤗᤛ᤻ᤛᤢᤖ ᤖᤡᤶᤔᤥᤏ ᤌᤠᤖᤡᤰ ᤁᤧᤖᤧ ᤜᤧᤰᤁᤩᤠᤱ ᤏᤣᤀᤠ ᤗᤧᤵᤔᤠᤱ ᤐᤣᤀᤠᤱ ᤏᤧᤛ᤻ᤛᤧ॥ 14 ᤂᤧᤒᤩᤠᤱ ᤂᤧᤴ ᤀᤡ᤺ᤴᤍᤥᤴ ᤜᤴᤏᤋᤥᤏ ᤗᤧᤵᤔᤠᤱ ᤌᤠᤱᤃᤧᤳ ᤜᤡᤛᤡᤱᤅᤠᤱ ᤕᤡᤵᤋᤠᤜᤀᤣᤗᤒᤠ ᤏᤧᤏᤧᤒᤠᤍᤧᤴᤏᤥ ᤁᤧᤖᤧᤀᤠᤱ ᤏᤧᤛ᤻ᤛᤧᤖᤥ॥ 15 ᤂᤧᤴ ᤀᤡ᤺ᤴᤍᤥᤀᤥ ᤁᤠᤌᤠᤌ. ᤏᤜᤗᤗ. ᤛᤡᤔᤪᤥᤏ. ᤀᤡᤍᤗᤠᤜ ᤏᤢ ᤒᤣᤌᤗᤧᤜᤧᤶᤔᤡᤴᤏᤠᤱ ᤏᤧᤛ᤻ᤛᤧ॥ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤌᤡᤒᤥᤱᤅᤠᤱ ᤏᤧᤳᤇᤡ ᤕᤧᤰᤕᤰᤜᤠ᤹ ᤏᤧᤛ᤻ᤛᤧ॥ 16 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤈᤒᤢᤗᤢᤏᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤗᤰᤁᤥᤒᤠ ᤕᤧᤰᤕᤰᤜᤠ᤹ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤀᤡᤛ᤻ᤛᤠᤂᤠᤖᤖᤧ ᤁᤢᤗᤰ 17 ᤗᤡᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤡᤴ ᤀᤡᤛ᤻ᤛᤠᤂᤠᤖᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤀᤰᤂᤣᤗ᤹ᤖᤡᤰ ᤌᤩᤧᤖᤥ— 18 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤴ ᤕᤡᤈᤖᤣᤗ. ᤁᤛᤢᤸᤗᤥᤋ. ᤛᤢᤏᤣᤔ. 19 ᤜᤐᤖᤤᤔ. ᤛᤡᤀᤥᤏ. ᤀᤏᤠᤜᤠᤖᤋ. 20 ᤖᤒ᤻ᤒᤡᤋ. ᤁᤡᤛᤩᤥᤏ. ᤀᤣᤒᤣᤛ. 21 ᤖᤣᤔᤣᤋ. ᤀᤣᤏ-ᤃᤴᤏᤡᤔ. ᤀᤣᤏ-ᤜᤍ᤻ᤍᤠ ᤏᤢ ᤒᤣᤌ-ᤐᤛᤣᤛ ᤐᤥ᤺ᤰᤂᤧᤖ 22 ᤂᤧᤴ ᤀᤡ᤺ᤴᤍᤥᤴ ᤋᤒᤥᤖ. ᤛᤜᤛᤢᤔᤠ ᤏᤢ ᤒᤣᤌ-ᤛᤣᤔᤣᤛ ᤌᤠᤖᤡᤰ ᤁᤧᤖᤧᤀᤠᤱ ᤕᤷᤍᤏᤀᤥ ᤏᤢᤒᤧᤀᤠᤱ ᤏᤧᤛ᤻ᤛᤧ॥ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤌᤡᤒᤥᤱᤅᤠᤱ ᤋᤢᤰᤛᤡ ᤕᤧᤰᤕᤰᤜᤠ᤹ ᤏᤧᤛ᤻ᤛᤧᤖᤥ॥ 23 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤀᤡᤛ᤻ᤛᤠᤂᤠᤖᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤗᤰᤁᤥᤒᤠ ᤕᤧᤰᤕᤰᤜᤠ᤹ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤀᤠᤛᤣᤖᤖᤧ ᤁᤢᤗᤰ 24 ᤅᤠᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤡᤴ ᤀᤠᤛᤣᤖᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤀᤰᤂᤣᤗ᤹ᤖᤡᤰ ᤌᤩᤧᤖᤥ— 25 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤴ ᤜᤣᤸᤁᤋ. ᤜᤗᤡ. ᤒᤣᤋᤣᤏ. ᤀᤇ᤻ᤕᤠᤐ. 26 ᤀᤸᤗᤶᤔᤣᤗᤣᤁ. ᤀᤔᤠᤍ. ᤔᤡᤛᤠᤗ ᤏᤢ ᤏᤠᤶᤎᤠ ᤁᤷᤔᤣᤗ ᤗᤧᤵᤔᤠᤱ ᤛᤡᤜᤥᤖ-ᤗᤡᤒ᤻ᤏᤠᤋ ᤌᤠᤖᤡᤰ ᤁᤧᤖᤧᤀᤠᤱ ᤏᤧᤛ᤻ᤛᤧ॥ 27 ᤜᤧᤰᤁᤩᤠᤱ ᤂᤧᤴ ᤏᤠᤱᤃᤧᤴ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤒᤣᤌ-ᤍᤠᤃᤥᤏ ᤗᤧᤵᤔᤠᤱ ᤐᤣᤀᤠᤱ ᤈᤒᤗᤢᤏ ᤏᤢ ᤕᤡᤵᤋᤠᤜᤀᤣᤗᤒᤠ ᤏᤧᤏᤧᤒᤠᤍᤧᤴ ᤌᤠᤖᤡᤰ ᤁᤧᤖᤧᤀᤠᤱ ᤏᤧᤛ᤻ᤛᤧ. ᤜᤧᤰᤁᤩᤠᤱ ᤒᤣᤌ-ᤀᤣᤔᤣᤁ ᤏᤢ ᤏᤡᤀᤣᤗ ᤌᤠᤱᤃᤧᤳ ᤗᤧᤵᤔᤠᤱ ᤐᤣᤀᤠᤱ ᤂᤧᤴ ᤑᤧᤱᤘᤠ ᤗᤧᤵᤛᤠᤱ ᤁᤠᤒᤢᤗᤀᤥ ᤗ᤺ᤴᤍᤧᤀᤠᤱ ᤏᤧᤛ᤻ᤛᤧ॥ 28 ᤂᤧᤴ ᤀᤡ᤺ᤴᤍᤥᤴ ᤀᤣᤒᤪᤥᤏ. ᤖᤜᤥᤒ. ᤜᤶᤔᤥᤏ ᤏᤢ ᤁᤏᤠ ᤐᤥ᤺ᤰᤂᤧᤀᤠᤱ ᤕᤶᤒᤠ ᤛᤡᤍᤥᤏ ᤌᤠᤖᤡᤰ ᤁᤧᤖᤧᤀᤠᤱ ᤏᤧᤛ᤻ᤛᤧ॥ 29 ᤜᤧᤰᤁᤩᤠᤱ ᤂᤧᤴ ᤀᤡ᤺ᤴᤍᤥᤴ ᤖᤠᤔᤠ ᤏᤢ ᤗᤢᤱᤎᤠᤰ ᤁᤧᤕᤧᤵᤐᤠ ᤋᤢᤖᤥᤛ ᤕᤧᤰᤕᤰ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤏᤧᤛ᤻ᤛᤧ॥ ᤂᤧᤴ ᤀᤡ᤺ᤴᤍᤥᤴ ᤕᤠᤶᤔᤥ ᤜᤥᤛᤠ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤀᤰᤈᤡᤒ. ᤀᤢᤶᤔᤠ. ᤀᤐᤣᤁ ᤏᤢ ᤖᤜᤥᤒ ᤏᤡ᤺ᤳᤋᤠᤱᤒᤠ ᤗᤢᤶᤒᤠ ᤘᤖ᤺ᤱᤅᤥ ᤏᤢᤒᤧᤀᤠᤱ ᤏᤧᤛ᤻ᤛᤧ॥ 30 ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤏᤡᤒᤥᤱᤅᤠᤱ ᤏᤧᤳᤇᤡ ᤕᤧᤰᤕᤰᤜᤠ᤹ ᤏᤧᤛ᤻ᤛᤧᤖᤥ॥ 31 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤀᤠᤛᤣᤖᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤗᤰᤁᤥᤒᤠ ᤕᤧᤰᤕᤰᤜᤠ᤹ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤏᤵᤋᤠᤗᤡᤖᤧ ᤁᤢᤗᤰ 32 ᤋᤢᤰᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤡᤴ ᤏᤵᤋᤠᤗᤡᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤀᤰᤂᤣᤗ᤹ᤖᤡᤰ ᤌᤩᤧᤖᤥ॥ 33 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤴ ᤜᤣᤗᤣᤐ ᤏᤢ ᤛᤠᤏᤴᤏᤡᤔᤀᤥ ᤁᤧᤕᤢᤱᤒᤠ ᤕᤶᤒᤠ ᤛᤡᤱᤒᤢᤱᤅᤥᤗᤠᤶ. ᤀᤍᤠᤔᤡ-ᤏᤣᤁᤣᤒ ᤏᤢ ᤕᤒ᤻ᤏᤣᤗ ᤗᤛ᤻ᤛᤢᤀᤠᤱ ᤗᤰᤁᤢᤔ ᤌᤠᤖᤡᤰ ᤐᤥ᤺ᤰᤂᤧᤖ ᤕᤷᤍᤏᤀᤥ ᤏᤢᤒᤧᤀᤠᤱ ᤏᤧᤛ᤻ᤛᤧ॥ 34 ᤜᤧᤰᤁᤩᤠᤱ ᤂᤧᤴ ᤀᤡ᤺ᤴᤍᤥᤴ ᤏᤠᤶᤎᤠ ᤗᤧᤵᤔᤠᤱ ᤀᤈ᤻ᤏᤥᤌ-ᤋᤒᤥᤖ ᤐᤡᤛᤠᤱ ᤜᤡᤛᤡᤱ. ᤂᤧᤵᤔᤥᤗᤠᤶ ᤜᤢᤰᤁᤥᤁᤀᤥ ᤗ᤺ᤴᤍᤧᤀᤠᤱ ᤏᤧᤛ᤻ᤛᤧ. ᤜᤧᤰᤁᤩᤠᤱ ᤂᤧᤴ ᤗᤠᤱᤃᤧᤳ ᤗᤧᤵᤔᤠᤱ ᤈᤒᤢᤗᤢᤏ ᤌᤠᤖᤡᤰ. ᤏᤠᤶᤎᤠ ᤗᤧᤵᤔᤠᤱ ᤀᤠᤛᤣᤖ ᤌᤠᤖᤡᤰ ᤏᤢ ᤏᤠᤱᤃᤧᤴ ᤗᤧᤵᤔᤠᤱ ᤕᤷᤍᤏ ᤌᤠᤖᤡᤰ ᤁᤧᤖᤧᤀᤠᤱ ᤏᤧᤛ᤻ᤛᤧ॥ 35 ᤗᤢᤱᤎᤠᤰ ᤁᤧᤕᤧᤵᤐᤠ ᤕᤧᤰᤕᤰᤜᤠ᤹ ᤛᤡᤍ᤻ᤍᤡᤔ. ᤛᤣᤖ. ᤜᤶᤔᤋ. ᤖᤰᤁᤋ. ᤁᤡᤴᤏᤖᤣᤋ. 36 ᤀᤍᤠᤔᤠ. ᤖᤠᤔᤠ. ᤜᤠᤛᤥᤖ. 37 ᤁᤣᤍᤣᤛ. ᤀᤣᤍᤪᤀᤡ. ᤀᤣᤏ-ᤜᤠᤛᤥᤖ. 38 ᤕᤡᤖᤥᤏ. ᤔᤡᤃ᤻ᤍᤗ-ᤀᤣᤗ. ᤜᤥᤖᤣᤔ. ᤒᤣᤌ-ᤀᤏᤠᤋ ᤏᤢ ᤒᤣᤌ-ᤛᤣᤔᤣᤛ ᤏᤧᤛ᤻ᤛᤧ॥ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤌᤡᤒᤥᤱᤅᤠᤱ ᤑᤠᤱᤛᤡ ᤕᤧᤰᤕᤰᤜᤠ᤹ ᤏᤧᤛ᤻ᤛᤧᤖᤥ॥ 39 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤏᤵᤋᤠᤗᤡᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤕᤧᤰᤕᤰᤜᤠ᤹ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤁᤴᤜᤠ᤹ᤀᤣᤖᤥ॥ ᤍᤠᤏᤖᤧ ᤁᤢᤗᤰ 40 ᤏᤢᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤡᤴ ᤍᤠᤏᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤁᤶᤓᤗ᤹ᤖᤡᤰ ᤌᤩᤧᤖᤥ— 41 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤀᤡ᤺ᤴᤍᤥᤴ ᤛᤥᤖᤠ. ᤀᤣᤛ᤻ᤋᤥᤗ. ᤀᤡᤖ-ᤛᤣᤔᤣᤛ. 42 ᤛᤠᤗᤘᤡᤏ. ᤀᤕᤩᤠᤗᤥᤏ. ᤀᤡᤳᤗᤠ. 43 ᤀᤣᤗᤥᤏ. ᤋᤡᤶᤏᤠ. ᤀᤣᤁᤪᤥᤏ. 44 ᤀᤣᤸᤋᤁᤣ. ᤃᤡᤒ᤻ᤒᤋᤥᤏ. ᤒᤠᤗᤠᤋ. 45 ᤕᤜᤢᤍ. ᤒᤏᤣ-ᤒᤖᤁ. ᤃᤠᤋ-ᤖᤡᤶᤔᤥᤏ. 46 ᤔᤣ-ᤕᤖᤁᤥᤏ ᤏᤢ ᤖᤰᤁᤥᤏ ᤛᤥᤛᤥᤖᤡᤰ ᤕᤥᤵᤐᤠᤒᤠ ᤀᤡ᤺ᤴᤍᤥ ᤌᤠᤖᤡᤰ ᤏᤧᤛ᤻ᤛᤧ॥ 47 ᤁᤖ ᤍᤠᤏᤒᤠ ᤜᤡᤶᤛᤕᤱᤜᤠ᤹ᤖᤧ ᤗᤠᤃᤡ ᤂᤢᤴᤇᤡ᤹ ᤗᤠᤈᤣ᤹ ᤛᤡᤱᤒᤢᤱᤜᤠ᤹ ᤕᤢᤰᤔᤠ ᤁᤧᤛᤠᤰᤐᤠ ᤔᤧᤍᤢᤔᤢᤀᤠᤱ ᤘᤕᤧ. ᤁᤸᤗᤧᤆᤥᤃᤢᤸᤗᤧ ᤍᤠᤏᤒᤠ ᤜᤡᤶᤛᤕᤱᤜᤠ᤹ ᤗᤧᤛᤣᤔ ᤔᤧᤒᤣᤀᤠᤱ ᤂᤧᤵᤔᤥ ᤋᤧᤴᤎᤱ ᤔᤧᤈᤥᤃᤧ ᤜᤧᤰᤁᤩᤠᤱ ᤂᤧᤵᤔᤥᤒᤠ ᤔᤏᤠᤜᤠ᤹ ᤋᤠᤓᤣ᤺ᤸᤗᤧ ᤔᤧᤔᤧᤰᤂᤢᤛᤡ. ᤂᤧᤒᤩᤠᤱ ᤂᤧᤵᤔᤥ ᤔᤧᤕᤢᤱᤛᤡᤱᤅᤠᤱ ᤗᤧᤛᤣᤶᤔᤧᤴ ᤂᤢᤴᤇᤡ᤹ ᤌᤠ᤺ᤰᤌᤧᤒᤠ ᤍᤠᤏᤖᤧ ᤁᤢᤔᤡᤱ ᤁᤢᤀᤡᤛᤡᤰ ᤍᤠᤏ ᤔᤡᤱ ᤔᤧᤘᤠ᤺ᤳᤋᤢᤖᤥ॥ 48 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤍᤠᤏᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤗᤰᤁᤥᤒᤠ ᤕᤧᤰᤕᤰᤜᤠ᤹ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤏᤢ ᤛᤥᤛᤥᤖᤡᤰ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤁᤢᤏᤢᤵᤔᤠ ᤗᤰ 49 ᤁᤶᤓᤗ᤹ᤖᤡᤰ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠᤖᤧ ᤗᤠᤃᤡ ᤀᤡ᤺ᤴᤍᤥᤜᤠ᤹ ᤔᤧᤛᤧᤴᤍᤢᤀᤠᤱ ᤗᤠᤈᤣᤴ ᤔᤧᤓ᤺ᤰᤂᤢ ᤔᤧᤛᤢᤖᤢ॥ ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤏᤢᤏᤖᤧ ᤁᤢᤛ᤻ᤛᤠ ᤕᤜᤥᤛᤢᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤀᤡᤱᤈᤠᤱ ᤁᤢᤀᤡᤛᤡᤰ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤁᤢᤗᤰ ᤌᤡᤰ ᤗᤰᤂᤥᤔᤠ ᤔᤧᤒᤡᤖᤢ॥ 50 ᤂᤧᤱᤜᤠ᤹ᤖᤧ ᤂᤢᤏᤧ᤹ ᤏᤠ᤺ᤰᤋᤢᤒᤠ ᤁᤢᤀᤡᤛᤡ᤺ᤰᤁᤣ. ᤀᤣᤑᤪᤠᤀᤡᤔᤒᤠ ᤁᤥ᤺ᤰᤔᤠ ᤑᤠᤱᤈᤱ ᤗᤠᤈᤣ᤹ᤒᤠ ᤋᤡᤶᤏᤌ-ᤛᤣᤖᤜ ᤗᤠᤈᤣᤴ ᤔᤧᤒᤡᤖᤢ. ᤜᤧᤰᤁᤩᤠᤱ ᤂᤢᤏᤧ᤹ ᤕᤧᤰᤕᤰ ᤆᤥᤃᤢᤀᤠᤱ ᤂᤧᤵᤔᤥ ᤕᤢᤅᤧ॥ 51 ᤏᤡᤱᤘᤠ᤹ᤑᤢᤛᤠᤶᤒᤠ ᤀᤣᤗᤠᤈᤠᤖ. ᤏᤢᤏᤖᤧ ᤁᤢᤛ᤻ᤛᤠ ᤕᤜᤥᤛᤢᤴ ᤏᤢ ᤀᤡᤛᤪᤠᤀᤡᤗᤒᤠ ᤌᤠ᤺ᤰᤗᤠᤶᤗᤥᤒᤠᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤍᤃᤡ ᤛᤡᤗᤥᤒᤠ ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶ ᤗᤠ᤺ᤵᤔᤠᤍᤧᤴᤏᤥ ᤔᤧᤕᤢᤅᤧᤀᤠᤱ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢ ᤜᤧᤰᤁᤩᤠᤱ ᤁᤢᤗᤰ ᤔᤧᤓ᤺ᤰᤂᤢᤒᤠ ᤗᤰᤂᤥᤔᤠ ᤀᤡ᤺ᤴᤍᤥᤜᤠ᤹ ᤀᤠᤶᤓᤠ ᤁᤴᤜᤠ᤹ᤖᤥ॥ ᤁᤶᤓᤗ᤹ᤖᤡᤰ ᤂᤧᤱᤜᤠ᤹ᤖᤧ ᤗᤠᤈᤣ᤹ ᤑ᤺ᤱᤔᤠ ᤕᤠ᤺ᤶᤒᤰᤁᤡᤴ ᤔᤧᤛᤢᤖᤢᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.