ᤕᤜᤥᤛᤢ 16 - LIFOTNTᤀᤣᤑᤪᤠᤀᤡᤔ ᤏᤢ ᤏᤠᤶᤎᤠ ᤗᤧᤵᤔᤠᤱ ᤔᤏᤛ᤻ᤛᤣᤖᤧ ᤂᤢᤴᤇᤡ᤹ ᤗᤠᤈᤣ᤹ 1 ᤕᤥᤛᤣᤑᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤔᤧᤄᤥᤛᤢᤒᤠ ᤗᤰᤁᤡᤴ ᤜᤠᤒᤠ ᤁᤴᤗᤥ—ᤂᤧᤸᤗᤧ ᤁᤢᤀᤡ᤺ᤴᤍᤥᤴ ᤕᤖᤡᤜᤥ ᤏᤠᤱᤃᤧᤴ ᤗᤧᤵᤔᤠᤱᤒᤠ ᤆᤫᤠ᤺ᤳᤋᤡᤴ. ᤀᤡᤃᤪ ᤕᤖᤡᤜᤥ ᤏᤡ᤺ᤳᤋᤠᤱᤗᤠᤶ ᤜᤣ᤺ᤰᤛᤡᤱᤅᤠᤱ ᤌᤠᤶᤔᤠᤱ ᤗᤠᤶ ᤐᤣ᤺ᤰᤔᤠ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥ᤺ᤵᤐᤠᤍᤧᤴ ᤐᤥ᤺ᤰᤂᤧᤖ ᤒᤣᤌᤣᤗᤒᤠ ᤁᤥ᤺ᤰᤔᤠ ᤑᤠᤱᤈᤱᤒᤠ ᤗᤠᤈᤣ᤹ ᤌᤠᤖᤡᤰ ᤁᤧᤖᤧᤀᤠᤱ ᤏᤧᤛ᤻ᤛᤧ॥ 2 ᤕᤠᤶᤔᤥ ᤒᤣᤌᤣᤗᤗᤠᤶ ᤗᤢᤈᤀᤥ ᤗᤛ᤻ᤛᤢᤀᤠᤱ ᤀᤖᤁᤡᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤀᤥᤒᤠ ᤀᤋᤠᤖᤥᤋ ᤌᤠᤖᤡᤰᤁᤣ ᤁᤧᤖᤧᤀᤠᤱ ᤏᤧᤛ᤻ᤛᤧ॥ 3 ᤂᤧᤒᤩᤠᤱ ᤏᤠᤶᤎᤠ ᤗᤧᤵᤔᤠᤱ ᤕᤥ ᤌᤠᤛᤡᤱᤅᤠᤱ ᤕᤸᤐᤣᤋᤡᤒᤠ ᤀᤡ᤺ᤴᤍᤥ ᤐᤥ᤺ᤰᤂᤧᤖ ᤕᤥᤛᤔᤠ ᤒᤣᤌ-ᤜᤥᤖᤥᤏᤖᤧ ᤁᤢᤕᤠ ᤐᤥ᤺ᤰᤂᤧᤖ ᤐᤣ ᤜᤧᤰᤁᤩᤠᤱ ᤃᤣᤈᤣᤖ ᤌᤠᤖᤡᤰ ᤁᤧᤖᤧᤀᤠᤱ ᤗᤢᤶᤒᤠ ᤘᤖ᤺ᤱᤅᤥ ᤏᤢᤒᤧᤀᤠᤱ ᤏᤧᤛ᤻ᤛᤧ॥ 4 ᤁᤶᤓᤗ᤹ᤖᤡᤰ ᤕᤥᤛᤣᤑᤖᤧ ᤏᤧᤳᤇᤡ ᤁᤢᤔᤢ᤹ᤀᤡᤍᤠᤱᤛᤠ. ᤔᤏᤛ᤻ᤛᤣ ᤏᤢ ᤀᤣᤑᤪᤠᤀᤡᤔᤖᤧ ᤂᤢᤴᤇᤡ᤹ ᤗᤰᤂᤥᤔᤠᤴ ᤂᤥᤛᤧᤳᤇᤢᤖᤥ॥ ᤀᤣᤑᤪᤠᤀᤡᤔᤖᤧ ᤁᤢᤗᤰ 5 ᤀᤣᤑᤪᤠᤀᤡᤔᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤴ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤜᤠᤒᤠ ᤁᤴᤗᤥ— ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤁᤡᤸᤗᤧ ᤏᤠᤱᤃᤧᤴ ᤐᤡᤛᤠᤱᤒᤠ ᤀᤡ᤺ᤴᤍᤥᤴ ᤀᤋᤠᤖᤥᤋ-ᤀᤍ᤻ᤍᤠᤖᤗᤠᤶ ᤏᤠᤜᤠᤱᤒᤠ ᤒᤣᤌ-ᤜᤥᤖᤥᤏ ᤐᤥ᤺ᤰᤂᤧᤖ 6 ᤗᤢᤶᤒᤠ ᤘᤖ᤺ᤱᤅᤥ ᤌᤠᤖᤡᤰ ᤏᤧᤛ᤻ᤛᤧ॥ ᤂᤧᤴ ᤀᤡ᤺ᤴᤍᤥᤴ ᤌᤠᤱᤃᤧᤳ ᤔᤡᤰᤔᤋᤠᤋ ᤐᤥ᤺ᤰᤂᤧᤀᤠᤱ ᤏᤠᤱᤃᤧᤴ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤋᤠᤏᤋ-ᤛᤡᤗᤥ ᤁᤧᤖᤧ ᤂᤧᤒᤩᤠᤱ ᤁᤸᤗᤧ ᤁᤢᤕᤠ ᤁᤢᤕᤠ ᤐᤥ᤺ᤰᤂᤧᤖ ᤕᤠᤏᤥᤜ ᤌᤠᤖᤡᤰ ᤗᤛ᤻ᤛᤢᤀᤠᤱ ᤏᤧᤛ᤻ᤛᤧ॥ 7 ᤂᤧᤒᤩᤠᤱ ᤂᤧᤴ ᤕᤠᤏᤥᤜᤗᤠᤶ ᤀᤋᤠᤖᤥᤋ ᤏᤢ ᤏᤠᤖᤠ ᤌᤠᤖᤡᤰ ᤕᤥ ᤌᤩᤧᤖ ᤕᤖᤡᤜᤥ ᤁᤧᤖᤧᤀᤠᤱ ᤕᤷᤍᤏ ᤗ᤺ᤴᤍᤧᤀᤠᤱ ᤏᤧᤛ᤻ᤛᤧ॥ 8 ᤂᤧᤴ ᤀᤡ᤺ᤴᤍᤥᤴ ᤋᤵᤐᤢᤜᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤐᤣᤀᤠᤱ ᤁᤏᤠᤒᤠ ᤕᤠᤰᤛᤠᤱᤘᤠ ᤌᤠᤖᤡᤰ ᤌᤠᤛᤡᤱᤅᤠᤱ ᤗᤢᤶᤒᤠ ᤘᤖ᤺ᤱᤅᤥ ᤏᤢᤒᤧᤀᤠᤱ ᤏᤧᤛ᤻ᤛᤧ॥ ᤀᤣᤑᤪᤠᤀᤡᤔᤒᤠ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤜᤠᤒᤠ ᤁᤴᤗᤥ॥ 9 ᤁᤴᤏᤢ᤺ᤸᤗᤧ ᤘᤣ᤹. ᤔᤏᤛ᤻ᤛᤣᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠᤗᤠᤶ ᤀᤣᤑᤪᤠᤀᤡᤔᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤔᤧᤛᤧᤴᤍᤢᤀᤠᤱ ᤏᤧᤛ᤻ᤛᤧᤒᤠᤴ ᤁᤧᤖᤧᤰ ᤕᤧᤰᤕᤰᤜᤠ᤹ ᤏᤢ ᤂᤧᤵᤔᤥᤒᤠ ᤐᤠᤱᤓᤣ᤹ᤜᤠ᤹ᤀᤠᤱ ᤏᤧᤛ᤻ᤛᤧ॥ 10 ᤁᤖ ᤂᤧᤱᤜᤠ᤹ᤖᤧ ᤃᤣᤈᤣᤖᤀᤥ ᤁᤧᤕᤢᤱᤒᤠ ᤁᤏᤠᤏᤡᤜᤠ᤹ ᤔᤧᤴᤏᤠ᤺ᤳᤋᤢᤛᤡᤴ॥ ᤀᤠᤀᤡᤴᤒᤠ ᤕᤧᤴ ᤌᤠᤖᤡᤰ ᤁᤏᤠᤏᤡᤜᤠ᤹ ᤀᤣᤑᤪᤠᤀᤡᤔᤒᤠ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤔᤧᤕᤢᤱ. ᤁᤖ ᤂᤧᤱᤜᤠ᤹ᤖᤧ ᤕᤥᤰ ᤐᤥᤱᤔᤠᤀᤠᤱ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤧᤒᤥᤱᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.