ᤕᤜᤥᤛᤢ 12 - LIFOTNT

ᤔᤥᤛᤠ᤺ᤸᤗᤧ ᤏᤠ᤺ᤴᤍᤢᤛᤡᤒᤠ ᤜᤠᤱᤜᤠ᤹

¹ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤕᤷᤍᤏ ᤏᤠᤎᤠ᤺ᤶᤒᤡ ᤏᤠᤱᤃᤧᤴ ᤀᤷᤏᤥᤏᤒᤠ ᤏᤧᤏᤧᤒᤠᤍᤧᤴᤗᤠᤶ ᤜᤣᤷᤔᤥᤏ ᤁᤥ᤺ᤰᤔᤠ ᤑᤠᤱᤈᤱ ᤌᤠᤖᤡᤰ. ᤜᤧᤰᤁᤩᤠᤱ ᤀᤖᤠᤒᤠ ᤏᤠᤱᤃᤧᤴ ᤗᤧᤵᤔᤠᤱᤒᤠ ᤁᤧᤖᤧᤰ ᤋᤧᤱᤃᤵᤜᤠ᤹ ᤔᤧᤏᤠ᤺ᤴᤍᤢᤛᤡᤀᤠᤱ ᤜᤢᤰᤁᤠᤵ ᤔᤧᤈᤥᤃᤢᤒᤠ ᤗᤠᤈᤣ᤹ᤜᤠ᤹ ᤏᤢ ᤂᤧᤱᤜᤠ᤹ᤖᤧ ᤔᤧᤛᤧᤖᤢᤛᤡᤒᤠ ᤜᤠᤱᤜᤠ᤹ ᤜᤠᤒᤠ ᤁᤴᤜᤠ᤹ᤖᤥ—

² ᤜᤣᤛ᤻ᤒᤥᤏ ᤁᤧᤕᤢᤱᤒᤠ ᤀᤣᤔᤥᤖᤡᤜᤠ᤹ᤖᤧ ᤂᤢᤴᤇᤡ᤹ ᤜᤠᤱ ᤛᤡᤜᤥᤏᤖᤧ ᤀᤷᤏᤥᤏ ᤘᤜ᤺ᤱᤅᤡᤸᤗᤧ ᤁᤢᤕᤠᤀᤥ ᤁᤧᤏᤧᤒᤠ ᤀᤖᤥᤀᤣᤖᤗᤠᤶ. ᤏᤧᤏᤧᤒᤠᤍᤧᤴᤏᤡᤸᤗᤧ ᤁᤢᤗᤢᤶᤔᤥᤗᤠᤶ ᤃᤡᤗᤠᤍᤧᤴ ᤁᤢᤓᤪᤧ᤺ᤱ ᤏᤢ ᤀᤶᤔᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤀᤥᤒᤠ ᤕᤒ᤻ᤒᤥᤁ ᤘᤜ᤺ᤱ ᤌᤠᤖᤡᤰ.

³ ᤜᤧᤰᤁᤩᤠᤱ ᤋ᤹ᤀᤡ ᤏᤠᤱᤃᤧᤴ ᤗᤧᤵᤔᤠᤱ ᤀᤖᤠᤒᤠ. ᤁᤡᤴᤏᤣᤖᤣᤋ ᤘᤖ᤺ᤱᤅᤥᤗᤠᤶ ᤀᤖᤠᤒᤠ ᤔᤧᤵᤔᤏᤠᤒᤠ ᤕᤢᤶᤗᤠ᤺ᤰᤂᤠᤱ ᤘᤖ᤺ᤱ ᤌᤠᤖᤡᤰ. ᤜᤧᤰᤁᤩᤠᤱ ᤒᤣᤌ-ᤕᤛᤡᤔᤥᤋ ᤏᤠᤱᤃᤧᤴ ᤐᤣ᤺ᤰᤔᤠ ᤗᤠᤶᤔᤥ ᤌᤠᤖᤡᤰ ᤏᤢ ᤕᤥ ᤗᤠᤱᤃᤧᤴ ᤐᤡᤛᤠᤱ ᤆᤤᤲ ᤐᤡᤛᤃᤠᤒᤠ ᤕᤠᤰᤁᤣ᤺ᤰᤁᤣ᤺ᤰᤐᤠ ᤋᤧᤴᤏᤡᤸᤗᤧ ᤁᤢᤛᤡᤱᤃᤠᤱᤒᤠ ᤗᤠᤈᤣ᤹ᤜᤠ᤹ᤀᤥ ᤌᤠᤖᤡᤰ ᤜᤠᤱᤕᤢᤰ ᤆᤥᤃᤢ॥

⁴ ᤀᤛ᤻ᤋᤠᤖᤥᤋ ᤏᤢ ᤀᤣᤍᤪᤀᤡᤀᤥ ᤁᤧᤕᤢᤱᤒᤠ ᤖᤐᤠᤀᤡᤜᤠ᤹ᤖᤧ ᤂᤢᤴᤇᤡ᤹ ᤁᤧᤜᤡᤱᤒᤠ ᤁᤧᤕᤠ᤺ᤰᤐᤠ ᤒᤠᤛᤠᤏᤒᤠ ᤜᤠᤱ ᤀᤥᤃᤖᤧ

⁵ ᤜᤣᤷᤔᤥᤏ ᤁᤥ᤺ᤰᤔᤠ. ᤛᤗᤁᤠ ᤜᤧᤰᤁᤩᤠᤱ ᤁᤧᤖᤧᤰ ᤒᤠᤛᤠᤏᤀᤥ ᤃᤛᤢᤖᤡᤜᤠ᤹ ᤏᤢ ᤔᤠᤁᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥᤀᤥ ᤌᤠᤖᤡᤰ ᤏᤢ ᤜᤣᤛ᤻ᤒᤥᤏᤒᤠ ᤜᤠᤱ ᤛᤡᤜᤥᤏᤖᤧ ᤁᤢᤀᤡ᤺ᤴᤍᤥᤀᤥ ᤌᤠᤖᤡᤰ ᤂᤧᤒᤩᤠᤱ ᤃᤡᤗᤠᤍᤀᤥ ᤁᤢᤓᤪᤧ᤺ᤱ ᤜᤠᤱᤕᤢᤰ ᤆᤥᤃᤢᤀᤠᤱ ᤏᤧᤛ᤻ᤛᤧ॥

⁶ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤧᤘᤠᤖᤥᤒᤠ ᤔᤥᤛᤠᤴ ᤏᤢ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤧᤱᤜᤠ᤹ ᤔᤧᤏᤠ᤺ᤴᤍᤢᤛᤡ॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤧᤘᤠᤖᤥᤒᤠ ᤔᤥᤛᤠ᤺ᤸᤗᤧ ᤖᤢᤒᤣᤏᤡᤜᤠ᤹. ᤃᤠᤍᤡᤜᤠ᤹ ᤏᤢ ᤔᤏᤛ᤻ᤛᤣᤒᤠ ᤁᤢᤓᤪᤧ᤺ᤱ ᤌᤠ᤺ᤰᤜᤠ᤹ ᤕᤢᤰᤗᤧ ᤗᤠᤃᤡ ᤂᤧᤴ ᤐᤡᤖᤢᤛᤡᤖᤥ॥

ᤕᤜᤥᤛᤢ᤺ᤸᤗᤧ ᤏᤠ᤺ᤴᤍᤢᤛᤡᤒᤠ ᤜᤠᤱᤜᤠ᤹

⁷ ᤕᤷᤍᤏ ᤏᤠᤶᤎᤠ ᤐᤡᤛᤠᤱ ᤁᤳᤏᤠᤜᤠᤱᤍᤠᤱ ᤗᤣᤒᤏᤠᤏ ᤏᤧᤏᤧᤒᤠᤍᤧᤴᤏᤥᤒᤠ ᤒᤠᤗ-ᤃᤠᤍᤗᤠᤶ ᤛᤣᤀᤡᤖ ᤌᤠᤱᤔᤠᤱᤅᤥ ᤁᤧᤏᤧᤒᤠ ᤜᤠᤗᤠᤁ ᤁᤥ᤺ᤰᤔᤠ ᤌᤠᤖᤡᤰᤐᤠ ᤗᤠᤈᤣ᤹ᤜᤠ᤹ ᤕᤜᤥᤛᤢᤴ ᤏᤢ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤔᤧᤏᤠ᤺ᤴᤍᤢᤛᤡ. ᤜᤧᤰᤁᤩᤠᤱ ᤂᤧᤴ ᤜᤠᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹ᤜᤠ᤹ ᤕᤜᤥᤛᤢ᤺ᤸᤗᤧ ᤀᤡᤛᤪᤠᤀᤡᤗᤒᤠ ᤌᤠ᤺ᤰᤜᤠ᤹ ᤗᤰᤂᤥᤔᤠᤖᤧ ᤗᤠᤃᤡ ᤁᤢᤗᤰ ᤁᤢᤗᤰ ᤑ᤺ᤰᤂᤢ ᤐᤡᤖᤢᤛᤡᤀᤠᤱ ᤏᤧᤛ᤻ᤛᤧᤒᤠᤜᤠ᤹ ᤜᤠᤒᤠ ᤁᤴᤜᤠ᤹ᤖᤥ—

⁸ ᤁᤥ᤺ᤰᤔᤠ ᤑᤠᤱᤈᤱᤒᤠ ᤗᤠᤈᤣ᤹. ᤋᤧᤶᤒᤣ᤹. ᤀᤖᤠᤒᤠ. ᤁᤥ᤺ᤰᤔᤠ. ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥ᤺ᤵᤐᤠᤍᤧᤴ ᤏᤢ ᤏᤣᤃᤣᤘ ᤔᤧᤵᤔᤏᤠᤒᤠ ᤕᤥ ᤗᤧᤵᤔᤠᤱᤒᤠ ᤗᤠᤈᤣ᤹. ᤀᤡᤃᤪ ᤜᤡᤳᤋᤡ. ᤀᤣᤔᤥᤖᤡ. ᤁᤏᤠᤏᤡ. ᤐᤖᤡᤈ᤻ᤈᤡ. ᤜᤡᤒ᤻ᤒᤡ ᤏᤢ ᤕᤒᤢᤛᤡᤜᤠ᤹ ᤔᤧᤕᤢᤅᤧᤒᤠ ᤗᤠᤈᤣ᤹ᤜᤠ᤹ᤀᤥ ᤁᤧᤕᤢᤱᤒᤠ ᤜᤠᤱᤜᤠ᤹ ᤁᤴᤜᤠ᤹ᤀᤣᤖᤥ—

⁹ ᤕᤖᤡᤜᤥᤒᤠ ᤗᤳᤇᤠ ᤜᤠᤱ. ᤒᤣᤌᤣᤗ ᤏᤡ᤺ᤳᤋᤠᤱᤒᤠ ᤀᤤ ᤕᤧᤰᤕᤰᤁᤥᤒᤠ ᤗᤳᤇᤠ ᤜᤠᤱ.

¹⁰ ᤕᤖᤢᤛᤗᤧᤔᤒᤠ ᤗᤳᤇᤠ ᤜᤠᤱ. ᤜᤣᤒᤪᤥᤏᤒᤠ ᤗᤳᤇᤠ ᤜᤠᤱ.

¹¹ ᤕᤷᤔᤢᤋᤒᤠ ᤗᤳᤇᤠ ᤜᤠᤱ. ᤗᤠᤁᤡᤛᤒᤠ ᤗᤳᤇᤠ ᤜᤠᤱ.

¹² ᤀᤣᤃ᤻ᤗᤥᤏᤒᤠ ᤗᤳᤇᤠ ᤜᤠᤱ. ᤃᤣᤈᤣᤖᤒᤠ ᤗᤳᤇᤠ ᤜᤠᤱ.

¹³ ᤍᤒᤡᤖᤒᤠ ᤗᤳᤇᤠ ᤜᤠᤱ. ᤃᤣᤍᤣᤖᤒᤠ ᤗᤳᤇᤠ ᤜᤠᤱ.

¹⁴ ᤜᤥᤷᤔᤠᤒᤠ ᤗᤳᤇᤠ ᤜᤠᤱ. ᤀᤠᤖᤠᤍᤒᤠ ᤗᤳᤇᤠ ᤜᤠᤱ.

¹⁵ ᤗᤡᤒ᤻ᤏᤠᤒᤠ ᤗᤳᤇᤠ ᤜᤠᤱ. ᤀᤍᤢᤸᤗᤠᤔᤒᤠ ᤗᤳᤇᤠ ᤜᤠᤱ.

¹⁶ ᤔᤰᤁᤣᤍᤠᤒᤠ ᤗᤳᤇᤠ ᤜᤠᤱ. ᤒᤣᤌᤣᤗᤒᤠ ᤗᤳᤇᤠ ᤜᤠᤱ.

¹⁷ ᤋᤵᤐᤢᤜᤒᤠ ᤗᤳᤇᤠ ᤜᤠᤱ. ᤜᤣᤐᤣᤖᤒᤠ ᤗᤳᤇᤠ ᤜᤠᤱ.

¹⁸ ᤀᤐᤣᤁᤒᤠ ᤗᤳᤇᤠ ᤜᤠᤱ. ᤗᤛ᤻ᤛᤠᤖᤥᤏᤒᤠ ᤗᤳᤇᤠ ᤜᤠᤱ.

¹⁹ ᤔᤠᤍᤥᤏᤒᤠ ᤗᤳᤇᤠ ᤜᤠᤱ. ᤜᤠᤛᤥᤖᤒᤠ ᤗᤳᤇᤠ ᤜᤠᤱ.

²⁰ ᤛᤡᤔᤪᤥᤏ-ᤔᤥᤖᤏᤒᤠ ᤗᤳᤇᤠ ᤜᤠᤱ. ᤀᤇ᤻ᤕᤠᤐᤒᤠ ᤗᤳᤇᤠ ᤜᤠᤱ.

²¹ ᤋᤠᤏᤠᤁᤒᤠ ᤗᤳᤇᤠ ᤜᤠᤱ. ᤔᤃᤡᤍ᤻ᤍᤥᤒᤠ ᤗᤳᤇᤠ ᤜᤠᤱ.

²² ᤁᤠᤍᤣᤛᤒᤠ ᤗᤳᤇᤠ ᤜᤠᤱ. ᤕᤥᤰᤏᤠᤔᤒᤠ ᤗᤳᤇᤠ ᤜᤠᤱ.

²³ ᤍᤥᤖ ᤁᤥ᤺ᤰᤔᤠᤀᤥᤒᤠ ᤗᤳᤇᤠ ᤜᤠᤱ. ᤃᤡᤗᤃᤠᤗᤀᤥᤒᤠ ᤃᤕᤡᤔᤒᤠ ᤗᤳᤇᤠ ᤜᤠᤱ.

²⁴ ᤜᤧᤰᤁᤩᤠᤱ ᤋᤡᤷᤛᤠᤒᤠ ᤗᤳᤇᤠ ᤜᤠᤱ॥ ᤁᤴᤜᤠ᤹ ᤁᤧᤖᤧᤰᤗᤧ ᤛᤢᤶᤒᤥᤱᤅᤠᤱ ᤌᤡᤰ ᤜᤠᤱᤜᤠ᤹ ᤔᤧᤘᤕᤧᤖᤥ॥