ᤂᤠᤛᤧᤴᤗᤥ᤺ᤶᤒᤠ 2 - LIFOTNTᤒᤥᤁᤡᤔᤀᤥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠ 1 ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤴ ᤃᤡᤗᤃᤠᤗᤗᤠᤶ ᤒᤥᤁᤡᤔᤀᤥ ᤌᤥ᤺ᤰᤛᤡᤱ ᤐᤣ. ᤜᤧᤰᤁᤩᤠᤱ ᤐᤠ᤺ᤳᤋᤢ. “ᤀᤠᤱᤃᤠ᤹ ᤔᤡᤛᤪ ᤗᤠᤈᤣ᤹ᤗᤠᤶ ᤂᤡᤏᤡ᤹ ᤗ᤺ᤳᤏᤡᤱ ᤑᤧᤳᤏᤡᤱ. ᤂᤧᤒᤩᤠᤱ ᤀᤠᤱᤃᤠ᤹ ᤂᤡᤏᤡ᤹ ᤐᤠᤎᤧᤒᤠᤜᤠ᤹ ᤐᤡᤏᤡᤱ ᤔᤧᤳᤋᤢᤱᤛᤡᤱᤅᤠᤱ ᤔᤠᤱᤜᤧᤰ ᤆᤥᤃᤢᤱᤒᤠ ᤁᤴ ᤗᤠᤈᤣ᤹ᤀᤥ ᤂᤡᤏᤡ᤹ ᤁᤧᤳᤏᤡᤱ ᤑᤧᤳᤏᤡᤱ॥ ᤀᤠᤱᤃᤠ᤹ ᤐᤠ᤺ᤳᤋᤢᤱ. ‘ᤀᤠᤱᤃᤠ᤹ ᤂᤡᤏᤡ᤹ᤏᤢ ᤆᤥᤃᤢᤱᤅᤠᤱ ᤘᤕᤧᤒᤠ ᤔᤠᤱᤜᤢᤵᤐᤡᤴ ᤀᤠᤓᤧᤸᤗᤧᤀᤠᤱ ᤔᤧᤓᤣ᤺ᤴᤏᤠᤴ॥ 2 ᤂᤡᤏᤡ᤹ᤀᤠᤱ ᤁᤴ ᤗᤠᤈᤣ᤹ᤒᤠ ᤔᤏᤠᤜᤠ᤹ᤏᤢ ᤔᤠᤱᤜᤧᤰ ᤔᤧᤈᤥᤃᤧᤶᤔᤡᤴᤏᤧ᤹॥ ᤂᤡᤏᤡ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤜᤠ᤹ ᤗᤢ᤺ᤴᤍᤧᤶ ᤐᤡᤖᤧᤶᤛᤡᤶᤔᤧ᤹॥’ ᤁᤖ ᤂᤡᤏᤡ᤹ ᤀᤠᤱᤃᤠ᤹ ᤀᤠᤒᤠ᤺ᤴᤏᤡᤴ ᤁᤧᤱᤄᤧᤵᤛᤢᤶᤔᤡᤴ॥ ᤀᤥᤔᤧᤳᤋᤧᤶᤔᤧ᤹. ᤂᤡᤏᤡ᤹ ᤌᤧᤔᤠ ᤁᤧᤈᤥᤃᤢᤶ᥅ 3 ᤁᤸᤗᤧᤆᤥᤃᤢᤸᤗᤧ ᤀᤠᤱᤃᤠ᤹ ᤐᤠ᤺ᤳᤋᤢᤱ᤹. ‘ᤀᤠᤱᤃᤠ᤹ ᤂᤧᤱᤜᤠ᤹ ᤂᤡᤏᤡ᤹ ᤋᤃᤡᤗᤠᤶ ᤔᤧᤏᤠ᤺ᤳᤋᤢᤱᤛᤡᤱᤅᤡᤴ᤹॥ ᤂᤡᤏᤡ᤹ ᤗᤠᤃᤡ ᤂᤧᤱᤜᤠ᤹ ᤋᤡᤱ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤠᤱᤜᤠ᤹ ᤂᤡᤏᤡ᤹ ᤗᤠᤃᤡ ᤆᤧᤴ ᤔᤧᤒᤥᤱ᤹॥’” 4 ᤀᤠᤸᤗ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤠᤱᤗᤠᤀᤡᤱᤒᤧᤸᤗᤧ ᤁᤴ ᤐᤠ᤺ᤴᤜᤠ᤹ ᤀᤡᤛᤪᤠᤀᤡᤗᤡᤜᤠ᤹ ᤔᤧᤳᤋᤢᤛᤡᤸᤗᤧ. ᤂᤧᤱᤜᤠ᤹ ᤁᤧᤖᤧᤰ ᤘᤧ᤺ᤱᤅᤠᤱ ᤘᤧ᤺ᤱ ᤔᤧᤜᤠᤒᤧ॥ 5 ᤁᤸᤗᤧᤆᤥᤃᤢᤸᤗᤧ ᤂᤧᤴ ᤋᤧᤴᤏᤡᤸᤗᤧ ᤁᤢᤔᤡᤱ ᤒᤥᤁᤡᤔ ᤔᤧᤕᤢᤰᤂᤢ॥ ᤂᤧᤵᤔᤥ ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤗᤠᤃᤡ ᤛᤡᤍᤢᤱᤈᤓᤠᤜᤠ᤹ ᤔᤧᤍᤥᤴᤍᤢᤖᤥ॥ ᤕᤜᤥᤛᤢᤴ ᤔᤠᤛᤡᤱ 6 ᤕᤜᤥᤛᤢ᤺ᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤗᤠᤶᤔᤧᤳᤋᤢᤛᤡᤀᤠᤱ ᤂᤧᤱᤜᤠ᤹ ᤁᤧᤖᤧᤰ ᤂᤧᤴ ᤗᤠᤈᤣ᤹ᤀᤥ ᤂᤢᤴᤇᤡ᤹ ᤗᤰᤂᤥᤔᤠ ᤗᤰᤁᤥ ᤁᤧᤎᤠᤒᤠ ᤀᤠᤵᤑᤣᤰ ᤗᤠᤈᤣ᤹ᤜᤠ᤹ ᤕᤢᤰᤔᤠᤖᤧ ᤗᤠᤃᤡ ᤔᤧᤒᤣ॥ 7 ᤕᤜᤥᤛᤢᤴ ᤜᤡᤅᤧᤖ ᤌᤠᤖᤡᤰ ᤏᤢ ᤂᤢᤏᤧ᤹ ᤁᤢᤀᤣᤃᤠᤱᤒᤠ ᤗᤠᤶᤗᤥᤒᤠᤜᤠ᤹ ᤔᤧᤜᤡᤅᤧᤖ ᤌᤠᤖᤡᤰ. ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤆᤥᤃᤢᤒᤠ ᤁᤧᤖᤧᤰ ᤕᤶᤒᤕᤶᤒᤠ ᤕᤠ᤺ᤶᤒᤰᤜᤠ᤹ ᤔᤧᤏᤡᤛᤢᤀᤠᤱ ᤘᤕᤧ. ᤔᤏᤠᤜᤠ᤹ᤖᤧ ᤕᤜᤘᤣ ᤍᤠᤱᤒᤠᤀᤥ ᤔᤠᤱᤛᤧᤘᤠ ᤕᤠ᤺ᤶᤒᤰ ᤔᤧᤈᤥᤃᤢᤖ ᤔᤧᤘᤕᤧ॥ 8 ᤏᤢᤏᤖᤧ ᤁᤢᤛ᤻ᤛᤠ ᤕᤜᤥᤛᤢ. ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤧᤘᤠᤖᤥᤒᤧᤴ. ᤁᤡᤵ ᤌᤡᤰᤁᤠᤱ ᤌᤡᤒᤥᤱ ᤋᤱᤒᤣᤖᤧ ᤔᤠᤛᤡᤱ. 9 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤃᤠᤛ ᤁᤥ᤺ᤰᤔᤠ ᤌᤠᤱᤃᤧᤳ ᤗᤧᤵᤔᤠᤱ ᤀᤣᤑᤪᤠᤀᤡᤔᤒᤠ ᤁᤥ᤺ᤰᤔᤠ ᤑᤠᤱᤈᤱᤒᤠ ᤗᤠᤈᤣ᤹ᤀᤥ ᤁᤧᤏᤧᤒᤠ ᤂᤢᤏᤧ᤹ᤀᤣ ᤁᤢᤗᤰᤂᤥᤔᤠ ᤗᤰᤁᤥᤒᤠ ᤋᤡᤶᤏᤌ-ᤜᤣᤖᤣᤛᤒᤠ ᤀᤡ᤺ᤴᤍᤥᤀᤥ ᤔᤧᤈᤡᤰᤂᤢᤖᤥ॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤀᤡᤱᤈᤠᤱᤅᤡᤴ ᤀᤡᤛᤪᤠᤀᤡᤗᤖᤧ ᤔᤧᤀᤡ᤺ᤳᤋᤢᤴ 10 ᤂᤧᤴ ᤁᤠᤰ ᤌᤠ᤺ᤰᤁᤥᤒᤠ ᤁᤧᤖᤧᤰ ᤔᤏᤠᤜᤠ᤹ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤏᤢ ᤋᤱᤛᤡᤱᤛᤧ ᤔᤧᤒᤣ॥ ᤕᤠᤱᤛᤡ ᤘᤣ᤹ ᤌᤠ᤺ᤰᤜᤠ᤹ ᤔᤧᤃᤧᤖᤧ ᤔᤧᤎᤠᤅᤧ ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴ ᤜᤧᤰᤁᤩᤠᤱ ᤂᤢᤏᤧ᤹ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤗᤠᤃᤡ ᤆᤥᤃᤢᤀᤠᤱ ᤘᤕᤧᤒᤠ ᤕᤠ᤺ᤶᤒᤰᤜᤠ᤹ᤀᤠᤱ ᤔᤧᤴᤏᤡᤛᤢᤴ॥ 11 ᤀᤠᤳᤋᤡᤴ ᤐᤠ᤺ᤴᤏᤡᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤡᤔᤥ ᤋᤠᤵᤑᤧ᤺ᤶᤒᤠ ᤆᤥᤃᤧ. ᤀᤡᤛᤪᤠᤀᤡᤗᤡᤜᤠ᤹ᤖᤧ ᤜᤠᤒᤠ ᤂᤧᤴ ᤆᤥ᤺ᤰᤔᤠ ᤔᤧᤜᤣ᤺ᤰᤋᤢ. ᤜᤧᤰᤁᤩᤠᤱ ᤒᤠᤗ ᤔᤠᤱᤜᤠ᤹ ᤛᤧᤘᤠ ᤔᤧᤵᤔᤠ ᤔᤧᤜᤣ᤺ᤰᤋᤢᤛᤡ॥ 12 ᤔᤡᤛᤪᤗᤠᤶ ᤂᤢᤴᤇᤡ᤹ ᤁᤧᤗ᤺ᤵᤐᤠ ᤁᤧᤓᤧᤵᤐᤠ ᤀᤠᤵᤑᤣᤰ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤗᤧᤖᤢᤀᤠᤱ ᤂᤧᤱᤜᤠ᤹ ᤘᤣ᤹ ᤔᤠᤱᤜᤠ᤹ ᤔᤧᤏᤠ᤺ᤳᤋᤢ ᤔᤧᤍᤡᤶᤍᤢᤛᤡ ᤀᤡᤃᤪ ᤂᤢᤴᤇᤡ᤹ ᤁᤒᤪᤡᤱ ᤐᤡᤛᤠᤱ ᤁᤧᤕᤢᤱᤒᤠ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤴᤇᤡ᤹ ᤔᤠᤱᤜᤠ᤹ ᤔᤧᤍᤡᤶᤍᤢᤛᤡ॥ ᤂᤧᤱᤜᤠ᤹ ᤂᤧᤴ ᤔᤠᤱᤜᤠ᤹ᤖᤧ ᤂᤢᤴᤇᤡ᤹ ᤋᤃᤡ ᤛᤠᤒᤴ ᤔᤧᤓᤴᤇᤡᤱ. ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤴ ᤁᤢᤛᤡᤰ ᤐᤥᤃᤧᤖ ᤔᤧᤕᤠ᤺ᤴᤍᤢ॥ 13 ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤴ ᤔᤧᤗᤧᤖᤢᤀᤠᤱ ᤒᤠᤗ ᤏᤢ ᤀᤛ᤻ᤋᤥᤖᤣᤋ ᤔᤠᤱᤜᤠ᤹ ᤛᤧᤘᤠ ᤔᤧᤔᤧᤳᤋᤢᤛᤡ॥ 14 ᤕᤜᤘᤣ ᤍᤠᤱᤒᤧᤴ ᤀᤡᤛᤪᤠᤀᤡᤗᤡᤜᤠ᤹ᤏᤢ ᤁᤢᤛᤠᤰᤁᤧᤴ ᤐᤥᤃᤧ ᤂᤧᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ ᤑᤠ᤺ᤴᤍᤠᤜᤠ᤹ ᤏᤢ ᤀᤠᤏᤠᤵᤏᤠᤵᤐᤠᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤥ ᤌᤠᤛᤢᤛᤡᤀᤠᤱ ᤂᤧᤱᤜᤠ᤹ᤖᤧ ᤔᤧᤏᤠᤵᤋᤢᤛᤡᤖ ᤕᤠ᤺ᤴᤍᤢᤛᤡ॥ ᤂᤢᤏᤧ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤒᤪᤡᤱ ᤐᤡᤛᤠᤱᤒᤠ ᤏᤡᤱᤔᤡᤜᤠ᤹ᤀᤥ ᤛᤱᤄᤢᤍᤣᤛᤢᤛᤡ. ᤂᤧᤒᤩᤠᤱ ᤏᤡᤱᤔᤡᤜᤠ᤹ᤖᤧ ᤂᤢᤴᤇᤡ᤹ ᤋᤃᤡ ᤂᤧᤱᤜᤠ᤹ᤖᤧ ᤌ᤺ᤵᤔᤠ ᤔᤧᤴᤇᤢᤰᤋᤢᤴ॥ 15 ᤂᤧᤱᤜᤠ᤹ ᤌᤱᤅᤥ ᤌᤰᤛᤧ ᤔᤧᤗ᤺ᤴᤍᤧ ᤌᤰᤔᤠ ᤕᤜᤘᤣ ᤍᤠᤱᤒᤧᤸᤗᤧ ᤁᤧᤀᤠ᤺ᤵᤐᤠ ᤛᤠᤶᤍᤡᤱ ᤐᤡᤖᤢᤛᤡᤒᤠ ᤁᤢᤛᤡᤰ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤛᤶᤎᤠᤱ ᤋᤢᤰᤂᤣ ᤗᤠᤰᤂᤣᤜᤠ᤹ ᤋᤠᤖᤢ. ᤜᤧᤰᤁᤩᤠᤱ ᤂᤧᤱᤜᤠ᤹ ᤛᤠ᤹ᤖᤡᤰ ᤁᤧᤛᤠᤰᤐᤥ ᤔᤧᤎᤩᤧᤖᤥ॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤏᤠᤜᤠ᤹ ᤋᤠᤱᤛᤧ᤺ᤵᤋᤢᤛᤡ 16 ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ᤀᤥ ᤂᤠᤛᤧᤴᤗᤥ᤺ᤶᤒᤠᤜᤠ᤹ ᤗ᤺ᤳᤋᤢᤛᤡ. ᤂᤧᤱᤜᤠ᤹ᤖᤧ ᤁᤴ ᤀᤠᤏᤠᤵᤏᤠᤵᤐᤠᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤥᤗᤠᤶ ᤂᤧᤱᤜᤠ᤹ ᤔᤧᤛᤧ᤺ᤵᤋᤢᤛᤡ॥ 17 ᤁᤖ ᤂᤧᤱᤜᤠ᤹ᤖᤧ ᤁᤴ ᤂᤠᤛᤧᤴᤗᤥ᤺ᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤐᤠ᤺ᤴᤜᤠ᤹ᤀᤠᤱ ᤔᤧᤱᤄᤧᤵᤛᤢᤴ॥ ᤂᤧᤱᤜᤠ᤹ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤢᤀᤡᤛᤡᤰ ᤘᤣ᤹ ᤔᤠᤱᤜᤠ᤹ ᤛᤧᤘᤠ ᤔᤧᤵᤔᤠᤛᤡ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤋᤃᤡ ᤛᤠᤒᤴ ᤑᤴᤇᤡᤱᤔᤠ ᤔᤧᤜᤣ᤺ᤰᤋᤧ॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤠᤒᤠᤅᤣ ᤐᤠᤎᤧᤒᤠᤜᤠ᤹ᤖᤧ ᤔᤧᤏᤠ᤺ᤳᤋᤢ ᤔᤧᤍᤡᤶᤍᤢᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠᤱᤅᤥ ᤗᤠᤱᤄᤣ᤺ᤰᤔᤠ ᤗᤠᤶᤔᤡᤴ ᤜᤠᤖᤠᤀᤣ ᤔᤧᤗᤧᤖᤢ ᤔᤧᤍᤣᤛᤢ॥ 18 ᤀᤠᤵᤑᤠᤸᤗᤧᤛᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤂᤠᤛᤧᤴᤗᤥ᤺ᤶᤒᤠᤜᤠ᤹ ᤑᤥ᤺ᤰᤂᤢᤛᤡᤸᤗᤧ. ᤕᤜᤘᤣ ᤍᤠᤱᤒᤧᤴ ᤂᤧᤴ ᤂᤠᤛᤧᤴᤗᤥ᤺ᤶᤒᤠᤴᤏᤢ ᤘᤕᤧ. ᤜᤧᤰᤁᤩᤠᤱ ᤂᤧᤴ ᤁᤢᤜᤡᤱᤜᤡᤱ ᤂᤢᤏᤧ᤹ ᤂᤧᤱᤜᤠ᤹ ᤏᤡᤱᤔᤡᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤥᤗᤠᤶ ᤋᤠᤱᤛᤧ᤺ᤵᤋᤢᤛᤡᤀᤠᤱ ᤐᤳᤇᤧ॥ ᤀᤠᤓᤧᤸᤗᤧᤛᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤏᤡᤱᤔᤡᤜᤠ᤹ᤖᤧ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡ ᤜᤧᤰᤁᤩᤠᤱ ᤋᤢᤰᤂᤣ ᤔᤧᤈᤠ᤺ᤳᤋᤢᤛᤡᤀᤠᤱ ᤂᤧᤱᤜᤠ᤹ ᤔᤧᤕᤠᤖᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡ॥ 19 ᤁᤖ ᤂᤧᤴ ᤂᤠᤛᤧᤴᤗᤥ᤺ᤶᤒᤠᤴ ᤔᤠᤛᤡᤱᤏᤢᤔᤧ᤺ᤴᤏᤣ ᤀᤣᤕᤠᤱᤒᤠ ᤛᤠᤶᤔᤠᤱᤜᤠ᤹ ᤔᤧᤍᤡᤶᤍᤢᤛᤡ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤋᤃᤡ ᤛᤠᤶᤒᤥᤴ ᤔᤧᤓᤴᤇᤡᤱᤅᤠᤱ ᤛᤧᤘᤠ ᤔᤧᤔᤧᤳᤋᤢᤛᤡᤖ ᤂᤧᤱᤜᤠ᤹ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤏᤢ᤺ᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤑᤧᤳᤔᤧᤗᤠ᤹ᤖᤧ॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤋᤠᤵᤑᤧ᤺ᤶᤒᤠ ᤕᤧᤵᤗᤧᤰᤁᤡᤴ ᤏᤢ ᤜᤠᤍᤡᤱ ᤌᤰᤔᤠ ᤛᤢᤳᤏᤠ᤺ᤴ ᤗᤧᤵᤔᤠ ᤔᤧᤴᤍᤧᤴᤍᤧᤴ॥ 20 ᤁᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤧᤴ ᤀᤡᤛᤪᤠᤀᤡᤗᤡᤜᤠ᤹ᤏᤢ ᤜᤠᤱᤃᤧᤴ ᤛᤡᤰᤆᤠ ᤗᤥᤖᤧᤀᤠᤱ ᤐᤠ᤺ᤳᤋᤢ. “ᤀᤠᤱᤃᤠ᤹ ᤁᤴᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤏᤢ ᤆᤥᤃᤢᤱᤒᤠ ᤔᤠᤱᤜᤢᤵᤐᤡᤴ ᤁᤴ ᤛᤢᤘᤠᤱᤒᤠ ᤔᤏᤠᤜᤠ᤹ᤖᤧ ᤔᤧᤓᤣ᤺ᤴᤍᤢᤒᤠ ᤏᤢ ᤀᤠᤱᤃᤠ᤹ ᤀᤠᤀᤡᤱᤈᤠᤱᤅᤡᤴ ᤔᤧᤱᤄᤧᤵᤛᤢᤶᤒᤠᤸᤗᤧ ᤆᤥᤃᤢᤸᤗᤧ. 21 ᤀᤠᤸᤗ ᤕᤜᤥᤛᤢ᤺ᤸᤗᤧ ᤁᤢᤛᤡᤔᤠ ᤕᤧᤶᤔᤥ ᤗᤧᤖᤢᤎᤛᤡᤒᤠ ᤁᤴ ᤁᤧᤖᤧᤰ ᤛᤢᤘᤠᤱᤜᤠ᤹ᤗᤠᤶ ᤗᤳᤇᤠ ᤀᤠᤳᤋᤡᤴ ᤛᤢᤘᤠᤱᤅᤡᤴᤏᤠᤱ ᤀᤡᤛᤪᤠᤀᤡᤗᤗᤠᤶ ᤀᤠᤱᤃᤠ᤹ ᤔᤧᤏᤠ᤺ᤳᤋᤠᤴ ᤔᤧᤍᤣᤀᤠᤴ॥ 22 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤜᤧᤰᤁᤣᤀᤣ ᤂᤧᤱᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤗᤠᤶᤔᤥ ᤁᤢᤍᤥ᤺ᤵᤔᤠ ᤗᤠᤱᤔᤧᤄᤣ᤺ᤰᤐᤡ ᤜᤠᤃ ᤑᤠ᤹ᤀᤠᤱ ᤀᤥᤔᤧᤵᤔᤠᤛᤡᤖᤧ ᤗᤠᤃᤡ ᤁᤴ ᤛᤢᤘᤠᤱᤜᤠ᤹ᤗᤠᤶᤒᤠᤀᤣ ᤀᤠᤱᤃᤠ᤹ ᤀᤡᤛᤪᤠᤀᤡᤗᤡᤜᤠ᤹ ᤛᤠ᤹ᤖᤢᤱᤛᤡᤱ᤹॥” 23 ᤁᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤴ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤜᤏᤧ ᤂᤧᤵᤔᤥ ᤕᤢᤱᤔᤠ ᤑᤠ᤺ᤰᤋᤢᤛᤡᤀᤠᤱ ᤘᤕᤧ. ᤜᤧᤰᤁᤩᤠᤱ ᤂᤢᤏᤧ᤹ ᤕᤜᤥᤛᤢ᤺ᤸᤗᤧ ᤁᤢᤜᤢᤰᤁᤥ ᤔᤧᤎᤠᤛᤢᤛᤡᤴᤏᤠᤱ ᤂᤧᤱᤜᤠ᤹ ᤜᤠᤖᤠ ᤔᤧᤏᤠ᤺ᤳᤋᤢᤴ ᤔᤧᤍᤣᤛᤢᤛᤡᤴᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.