ᤕᤠᤁᤢᤒ 5 - LIFOTNTᤕᤠᤱᤛᤠᤁᤢᤴᤎᤣᤛᤠᤒᤠᤜᤠ᤹ ᤛᤠᤶᤍᤡᤱ 1 ᤕᤠᤱᤛᤠᤁᤢᤴᤎᤣᤛᤠᤒᤠᤛᤣ. ᤏᤢᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤥ. ᤀᤠᤸᤗ ᤂᤡᤏᤡ᤹ ᤛᤶᤍᤠᤱ ᤁᤧᤍᤠᤒᤠᤖ ᤁᤧᤒᤵᤐᤠ ᤛᤠ᤹ᤖᤡᤰ ᤁᤧᤛᤠᤰᤐᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤸᤗᤧ ᤆᤥᤃᤢᤸᤗᤧ ᤜᤠᤒᤧᤶᤔᤧ᤹ ᤑᤡ᤺ᤰᤋᤧᤶᤔᤧ᤹ᤀᤥ॥ 2 ᤂᤡᤏᤡ᤹ ᤕᤠᤱᤛᤠᤁᤢᤴᤎᤣ᤺ᤱᤃ ᤕ᤺ᤵᤐᤣ᤺ᤰᤗᤥ. ᤜᤧᤰᤁᤩᤠᤱ ᤂᤡᤏᤡ᤹ ᤆᤠᤱ ᤋᤣᤳᤜᤠ᤹ ᤌᤰ ᤌᤠᤖᤥ॥ 3 ᤂᤡᤏᤡ᤹ ᤛᤠᤶᤔᤩᤠᤱ ᤕᤢᤵᤐᤠᤜᤠ᤹ ᤜᤏᤧᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ ᤜᤧᤰᤁᤩᤠᤱ ᤔᤡ᤺ᤸᤗᤧ ᤗᤠᤒᤢᤒᤠ ᤁᤢᤀᤡᤛᤡᤰ ᤋᤠ᤺ᤰᤐᤥ ᤁᤧᤈᤥᤃᤢᤶᤒᤠ ᤕᤠᤱᤛᤠᤁᤢᤴᤎᤣ᤺ᤸᤗᤧ ᤂᤡᤏᤡ᤹ ᤏᤧᤰᤛᤠᤴ ᤆᤖᤥ॥ ᤂᤡᤏᤡ᤹ ᤕᤖᤡᤰ ᤕᤠᤱᤃᤧᤄᤥ᤺ᤳᤋᤢᤶᤒᤠ ᤕᤠᤱᤛᤠᤁᤢᤴᤎᤣ᤺ᤱᤃ ᤋᤠ᤺ᤴᤍᤡ ᤂᤠᤛᤧᤴ ᤆᤥ᤺ᤰᤔᤠ ᤕᤧᤴᤏᤥ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤋᤥ᤺ᤴᤍᤡ ᤐᤥᤱᤗᤥ॥ 4 ᤀᤥᤔᤧᤳᤋᤧᤶᤔᤧ᤹ᤀᤥ᥄ ᤂᤡᤏᤡ᤹ ᤀᤡᤰᤋᤠᤵᤐᤥ ᤏᤠᤶᤕᤠᤰ ᤔᤧᤶᤒᤡᤀᤣ ᤕᤠ᤺ᤶᤒᤰᤁᤥ ᤁᤧᤓᤳᤇᤢᤶᤛᤡᤶᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤠᤶᤕᤠᤰᤁᤡᤴ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤀ᤺ᤰᤗᤥ॥ ᤂᤧᤴ ᤆᤠᤃᤧᤛᤢᤶᤒᤠᤜᤠ᤹ᤖᤧ ᤂᤢᤏᤡ᤹ ᤀᤡᤰᤗᤠ᤺ᤱᤃ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤵᤛᤢᤀᤠᤱ ᤘᤠ᤹ᤖᤥ॥ 5 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤡᤏᤡ᤹ ᤕᤠᤶᤍᤠᤍᤠ ᤏᤢ ᤀᤠᤒᤠᤅᤣᤖᤰ ᤏᤡᤱᤘᤠ᤹ ᤋᤠᤍᤠ ᤁᤧᤘᤕᤡ᤹ᤀᤠᤱ ᤛᤧᤵᤔᤠ ᤕᤧᤴᤏᤥ ᤌᤠᤖᤡᤰ ᤌᤰᤛᤠᤴ ᤆᤠᤗᤢᤵᤔᤏᤠᤒᤠ ᤁᤢᤀᤡᤛᤡᤰ ᤂᤡᤏᤡ᤹ ᤆᤠᤃᤧᤗᤢᤵᤐᤠᤛᤡᤀᤠᤱ ᤁᤧᤘᤕᤡᤖᤥ॥ 6 ᤂᤡᤏᤡ᤹ ᤛᤠᤶᤕᤥᤒᤠ ᤔᤏᤠᤜᤠ᤹ ᤀᤠᤵᤋᤡᤰ ᤁᤧᤃᤢ᤺ᤳᤋᤢᤶᤛᤡᤶᤔᤠᤱ ᤁᤧᤛᤧᤖᤢᤶᤛᤡᤶᤛᤠᤱ ᤁᤧᤔᤧᤴᤀᤳᤋᤡᤴᤗᤥ॥ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤏᤠᤛᤡᤌ᤺ᤵᤔᤠ ᤐᤥᤱ 7 ᤂᤧᤸᤗᤧᤆᤥᤃᤢᤸᤗᤧ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠᤸᤗᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤶᤔᤡᤴ ᤁᤧᤜᤠᤱᤄᤢᤶᤔᤡᤸᤗᤧ ᤂᤡᤏᤡ᤹ ᤏᤠᤛᤡ ᤌ᤺ᤵᤔᤠᤀᤠᤱ ᤜᤠᤱᤔᤠᤀᤣ ᤐᤥᤱᤗᤥ॥ ᤀᤡᤰᤔ᤺ᤒᤠᤸᤗᤧ ᤁᤢᤀᤡᤰᤋᤠᤵᤐᤥ ᤀᤡᤔᤧᤸᤗᤢᤱᤒᤠ ᤁᤢᤈᤠ᤹ ᤏᤢ᤺ᤖᤡᤰᤁᤠᤱ ᤌᤥ᤺ᤰᤗ ᤑᤠ᤹ᤀᤠᤱ ᤜᤠᤱᤘᤠ᤺ᤶᤔᤠ ᤏᤢ ᤆᤢᤱᤘᤠ᤺ᤶᤔᤠᤀᤥ ᤐᤠᤱᤃᤧᤴᤍᤡᤱ ᤘᤠᤜᤡᤳᤔᤠᤴ ᤏᤠᤛᤡ ᤌ᤺ᤳᤋᤢᤀᤠᤱ ᤜᤠᤱᤄᤢᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ 8 ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ᤀᤠᤱ ᤏᤠᤛᤡ ᤁᤧᤎ᤺ᤵᤐᤠ ᤏᤢ ᤏᤡᤱᤛᤠᤱ ᤁᤧᤈᤥ᤺ᤰᤐᤠ ᤐᤥ᤺ᤰᤂᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤁᤢᤕᤢᤔᤠ ᤕᤧᤶᤔᤡᤱᤃ ᤏᤡ᤺ᤳᤋᤠᤱᤅᤣ ᤘᤠ᤹ᤖᤥ॥ 9 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤆᤧ᤹ᤕᤠ ᤔᤧᤔᤧᤳᤋᤠᤛᤡᤶᤔᤡᤴᤏᤧ᤹ᤀᤥ॥ ᤔᤣ᤺ᤴᤏᤣ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤂᤠᤛᤧᤴ ᤆᤥᤃᤢᤖᤥ॥ ᤐᤕᤶ ᤕᤶᤒᤠ ᤂᤠᤛᤧᤴᤍᤠᤱᤒᤠᤴ ᤋᤠᤔᤠ ᤀᤡ᤺ᤳᤋᤧᤀᤠᤱ ᤘᤠ᤹ᤖᤥ᥄ 10 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤀᤢᤴᤇᤣ᤺ᤴᤒᤠ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠᤜᤠ᤹ ᤀᤥᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤂᤧᤱᤜᤠ᤹ᤖᤧ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤏᤠᤛᤡ ᤔᤧᤎ᤺ᤳᤋᤢᤀᤠᤱ ᤁᤢᤒᤡ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤖᤥ॥ 11 ᤀᤥᤔᤧᤳᤋᤧᤶᤔᤧ᤹. ᤀᤡᤏᤥᤃᤧᤴ ᤋᤢᤰᤂᤣᤀᤥ ᤏᤠᤛᤡ ᤁᤧᤎ᤺ᤵᤐᤠᤜᤠ᤹ᤃ ᤔᤢ᤹ᤀᤡᤛᤠᤒᤠᤛᤡ ᤑᤠ᤹ᤀᤠᤱ ᤀᤠᤀᤡ᤺ᤳᤋᤢᤶᤛᤡᤶᤗᤥ॥ ᤀᤕᤢᤒᤖᤧ ᤁᤢᤏᤠᤛᤡ ᤌ᤺ᤵᤔᤠᤱᤃ ᤂᤡᤏᤡ᤹ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. ᤜᤧᤰᤁᤩᤠᤱ ᤁᤢᤏᤢᤵᤔᤥ ᤍᤠᤱᤒᤠᤸᤗᤧ ᤏᤢᤒᤠ ᤐᤠ᤺ᤴᤜᤠ᤹ ᤋᤠᤖᤢ ᤐᤡᤖᤢᤒᤠᤴ ᤁᤧᤏᤡᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ ᤍᤠᤱᤒᤠᤱᤃ ᤔᤡ᤺ᤶᤈᤡ ᤏᤢ ᤗᤢᤱᤍᤢᤰ ᤁᤢᤎᤡᤶ ᤆᤥᤰᤗᤥ॥ ᤔᤠᤱᤜᤧᤰᤛᤡᤱᤔᤠ ᤔᤣ᤺ᤴ 12 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤸᤗ ᤛᤠᤱᤃᤪᤠᤶᤐᤣᤍᤠᤱ ᤀᤡᤃᤪ ᤀᤡᤰᤛᤠᤍᤡᤱ ᤂᤠᤶᤒᤣᤰ ᤜᤧᤰᤁᤩᤠᤱ ᤘᤣ᤹ ᤌᤣ ᤐᤠ᤺ᤴᤏᤥᤀᤠᤱ ᤔᤠᤱᤔᤧᤜᤧᤰᤁᤠᤛᤡᤶᤔᤧᤴᤏᤧ᤹ᤀᤥ॥ ᤜᤠᤖᤠ᤹ ᤂᤡᤏᤡ᤹ ᤐᤠ᤺ᤴᤏᤡᤴ ᤀᤥᤏᤧ ᤑᤠ᤹ᤃᤪ “ᤀᤥ” ᤔᤣ᤺ᤴᤏᤣ ᤑᤠ᤹ᤃᤪ “ᤔᤣ᤺ᤴ” ᤐᤥᤱᤗᤖᤥ. ᤔᤧ᤺ᤱᤃᤪ ᤂᤡᤏᤡ᤹ ᤂᤢᤶᤍᤡᤱᤅᤥ ᤁᤧᤎᤩᤧ᤹ᤀᤡᤖᤥ॥ ᤏᤛᤠᤴ ᤁᤢᤎᤡᤶᤒᤠ ᤋᤢᤘᤠ 13 ᤂᤡᤏᤡ᤹ᤀᤥ ᤜᤠᤳ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤘᤠ᤹ᤒᤣ᥅ ᤜᤠᤖᤠ᤹ ᤂᤧᤸᤗᤧ ᤋᤢᤘᤠ ᤆᤥᤃᤢᤖᤖᤥ॥ ᤜᤠᤳ ᤀᤥᤔᤢᤗ᤹ᤔᤠᤀᤥ ᤘᤠ᤹᥅ ᤜᤠᤖᤠ᤹ ᤂᤧᤸᤗᤧ ᤍᤠᤱᤒᤠᤸᤗᤧ ᤁᤢᤏᤠᤖᤠ ᤑᤥᤔᤠ ᤛᤠᤶᤗᤥᤴ ᤛᤠᤶ ᤔᤧᤳᤋᤢᤖᤖᤥ॥ 14 ᤜᤧᤰᤁᤩᤠᤱ ᤂᤡᤏᤡ᤹ᤀᤥ ᤜᤠᤳ ᤋᤢᤰᤐᤣ᥅ ᤜᤠᤖᤠ᤹ ᤂᤧᤸᤗᤧ ᤛᤣᤛᤣᤜᤢᤵᤗᤰᤁᤥᤒᤠ ᤋᤢᤶ ᤗᤠᤶᤗᤥᤒᤠ ᤋᤢᤶᤓᤠᤰᤛᤠᤜᤠ᤹ ᤀᤢ᤺ᤳᤋᤢᤛᤡᤖᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤘᤣ᤺ᤳᤗ ᤑᤠ᤹ᤀᤠᤱ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤏᤡ᤺ᤱᤃᤣ᤺ᤴ ᤔᤧᤜᤢ᤺ᤳᤋᤢᤀᤠᤱ ᤋᤢᤘᤠ ᤔᤧᤈᤥᤃᤢᤖᤖᤥ॥ 15 ᤜᤧᤰᤁᤩᤠᤱ ᤏᤛᤠ᤺ᤴᤗᤠᤶᤒᤠ ᤆᤥ᤺ᤰᤔᤏᤠᤒᤠ ᤋᤢᤘᤠ᤺ᤸᤗᤧ ᤂᤧᤴ ᤁᤧᤍᤢᤰᤐᤧᤴ ᤘᤣ᤺ᤳᤗᤥ॥ ᤍᤠᤱᤒᤠᤸᤗᤧ ᤂᤧᤴ ᤘᤣ᤺ᤴᤍᤢ᤹ᤖᤥ॥ ᤂᤧᤸᤗᤧ ᤗᤠᤕᤥ ᤆᤥᤃᤢᤀᤠᤱ ᤘᤕᤧᤛᤠᤱ. ᤍᤠᤱᤒᤠᤸᤗᤧ ᤂᤧᤴ ᤗᤧᤵᤔᤡ ᤐᤡᤖᤢ᤹ᤖᤥ॥ 16 ᤂᤧᤸᤗᤧᤆᤥᤃᤢᤸᤗᤧ ᤂᤡᤏᤡ᤹ ᤗᤠᤕᤥᤜᤠ᤹ ᤔᤧᤳᤋᤠᤛᤡᤶᤔᤧ᤹ᤀᤠᤱ ᤜᤡᤴᤍᤧᤶᤔᤧ᤹ᤀᤥ. ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤧᤘᤣ᤺ᤴᤍᤡᤖ ᤑᤠ᤹ᤀᤠᤱ ᤋᤢᤘᤠ ᤆᤥ᤺ᤰᤁᤠ ᤐᤡᤀᤠᤛᤡᤶᤔᤧ᤹ᤀᤥ॥ ᤛᤠᤶᤕᤥᤒᤠ ᤔᤏᤠ᤺ᤸᤗᤧ ᤁᤢᤍᤢᤘᤠᤴ ᤔᤢᤰᤛᤠᤶᤒᤠ ᤆᤥ᤺ᤰᤁᤠᤱ ᤕᤶᤒᤠ ᤕᤠ᤺ᤶᤒᤰ ᤆᤥᤃᤢ᤹ᤖᤥ॥ 17 ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤀᤣᤗᤡᤕᤠᤴᤏᤠᤱ ᤀᤠᤏᤡ᤹ ᤜᤧᤰᤋᤱᤒᤠ ᤔᤏᤠᤀᤣ ᤆᤥᤃᤧᤖᤥ॥ ᤂᤢᤏᤧ᤹ ᤐᤠᤱᤃᤧᤴᤍᤡᤱ ᤘᤠᤜᤡᤳᤔᤠᤴ ᤔᤧᤎᤠᤏᤧᤴᤗ ᤑᤠ᤹ᤀᤠᤱ ᤋᤢᤘᤠ ᤆᤥᤃᤢᤸᤗᤧ ᤂᤧᤴ ᤗᤠᤈᤣ᤹ᤀᤥ ᤋᤱᤒᤣ ᤛᤢᤶᤛᤡᤀᤠᤱ ᤋᤢᤰᤛᤡ ᤗᤠ ᤌᤠᤖᤡᤰ ᤘᤠᤜᤡᤳᤔᤠᤴ ᤔᤧᤎᤩᤧᤴᤏᤧᤴᤗᤥ॥ 18 ᤕᤠᤶᤔᤥ ᤂᤧᤸᤗᤧ ᤋᤢᤘᤠ ᤆᤥᤃᤢ. ᤜᤧᤰᤁᤩᤠᤱ ᤋᤠᤱᤛᤠᤰᤐᤥᤗᤠᤶ ᤘᤠᤜᤡᤳᤔᤠᤴ ᤌᤩᤧᤀᤠᤱ ᤂᤠᤶᤒᤣ᤺ᤰᤔᤠᤀᤥ ᤐᤥᤃᤢᤃᤧᤴ ᤁᤢᤈᤠ ᤌᤥ᤺ᤰᤋᤧᤖᤥ॥ ᤏᤛᤠ᤺ᤴᤗᤠᤶᤒᤠ ᤋᤠᤵᤁᤧᤒᤧ᤹ᤒᤠᤜᤠ᤹ ᤏᤢ᤺ᤰᤔᤠ ᤋᤠ᤺ᤵᤔᤠᤛᤡ 19 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤛᤧᤰᤂᤠᤗᤠᤶ ᤋᤠᤵᤁᤧᤒᤧ᤹ᤒᤠᤀᤠᤱ ᤁᤧᤒᤣ᤺ᤰᤐᤧᤴ ᤏᤢ᤺ᤰᤋᤧᤶ ᤋᤠᤖᤧᤶᤔᤧ᤹ᤀᤥ॥ 20 ᤁᤴ ᤐᤠ᤺ᤴᤏᤥ ᤏᤢᤖᤡᤰᤁᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ ᤀᤠᤳᤋᤡᤸᤗᤧ ᤗᤠᤕᤥᤒᤠᤴ ᤋᤠᤵᤑᤧ᤺ᤶᤒᤠ ᤁᤢᤗᤠᤶᤔᤥᤗᤠᤶ ᤏᤢ᤺ᤰᤋᤢ ᤋᤠᤖᤢ᤹. ᤂᤧᤸᤗᤧᤃ ᤂᤧᤴᤏᤡᤴ ᤛᤡᤔᤧᤴᤗᤠᤶ ᤋᤠᤱᤛᤧ᤺ᤵᤋᤢᤀᤠᤱ ᤕᤖᤡᤰ ᤗᤠᤕᤥᤜᤠ᤹ᤖᤧᤴ ᤗᤧᤵᤔᤡ ᤁᤧᤄᤥᤒᤠ ᤆᤥᤃᤢ᤹ᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.