ᤜᤥᤛᤣ 3 - LIFOTNTᤜᤥᤛᤣᤴ ᤏᤢ ᤀᤡᤱᤗᤧᤰᤛᤫᤠᤔᤠ ᤔᤧᤴᤇᤢᤔᤠᤴ 1 ᤕᤜᤘᤣ ᤍᤠᤱᤒᤧᤸᤗᤧ ᤀᤠᤱᤃᤠ᤹ ᤔᤧᤳᤋᤠᤱ. “ᤂᤧᤏᤧ᤹ ᤁᤧᤔᤣ᤺ᤳᤋᤡᤴ ᤘᤣ᤹ ᤕᤧᤶᤒᤡᤳᤇᤠ᤺ᤸᤗᤧ ᤗᤢᤱᤔᤠ᤹ ᤋᤢᤰᤋᤢ᤹ ᤜᤧᤰᤁᤩᤠᤱ ᤂᤢᤏᤧ᤹ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤆᤥ᤺ᤰᤛᤠᤱ ᤂᤧᤏᤧ᤹ ᤐᤣᤃᤧ᤹ᤀᤠᤱ ᤂᤢᤏᤧ᤹ ᤗᤢᤱᤔᤠ᤹ ᤋᤢᤰᤋᤧ᤹॥ ᤀᤡᤛᤪᤠᤀᤡᤗᤡᤜᤠ᤹ ᤘᤣ᤹ ᤔᤠᤱᤜᤠ᤹ ᤗᤧᤵᤔᤠᤱ ᤔᤧᤜᤡᤛᤡᤱ᤹ ᤜᤧᤰᤁᤩᤠᤱ ᤂᤧᤴ ᤂᤧᤱᤔᤏᤠᤒᤠ ᤆᤧᤸᤗᤧᤰᤛᤣ᤹ ᤛᤣᤛᤣ ᤂᤖᤧ᤺ᤱᤜᤠ᤹ ᤂᤢᤴᤇᤡ᤹ ᤛᤡᤖᤠ᤹ᤌᤠᤱ᤹. ᤜᤧᤰᤁᤣᤛᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡᤒᤠ ᤁᤢᤀᤡᤛᤡᤰ ᤂᤧᤏᤧ᤹ ᤁᤧᤔᤣ᤺ᤳᤋᤡᤴ ᤗᤢᤱᤔᤠ᤹ ᤋᤢᤰᤋᤧ᤹॥” 2 ᤁᤸᤗᤧᤆᤥᤃᤢᤸᤗᤧ ᤌᤡᤒᤥᤱᤅᤠᤱ ᤅᤠᤛᤡ ᤛᤣᤁᤣᤗ ᤌᤠᤱᤔᤏᤠᤒᤠ ᤕᤢᤵᤐᤠ ᤏᤢ ᥇᥋᥆ ᤁᤡᤗᤥ ᤜ᤺ᤰᤛᤡᤖᤧ ᤀᤠᤱᤃᤠ᤹ ᤂᤧᤴ ᤀᤡᤅᤢᤱ॥ 3 ᤂᤧᤒᤩᤠᤱ ᤀᤠᤱᤃᤠ᤹ ᤂᤢᤏᤧ᤹ ᤔᤧᤳᤋᤢᤱ. “ᤂᤧᤏᤧ᤹ ᤕᤖᤡᤰ ᤕᤧᤴ ᤌᤠᤖᤡᤰ ᤀᤠᤱᤃᤠ᤹ᤏᤢ ᤁᤧᤘᤠ᤹ᤖ ᤐᤥᤱ᤹. ᤂᤧᤏᤧ᤹ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤏᤢ᤹ᤏᤧᤴ ᤜᤧᤰᤁᤩᤠᤱ ᤁᤢᤓᤠ ᤕᤧᤶᤒᤡᤳᤇᤠ᤺ᤴᤏᤢ ᤆᤡᤄᤡᤵ ᤂᤡᤶᤛᤡᤱᤔᤠ ᤔᤧᤏᤢ᤹ᤏᤧᤴ. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤏᤧ᤹ᤏᤢ ᤘᤠ᤹ᤀᤠ॥” 4 ᤌᤣᤀᤠᤱᤓᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤕᤖᤡᤰ ᤕᤧᤴ ᤌᤠᤖᤡᤰ ᤜᤠᤱ ᤏᤢ ᤗᤠᤶᤗᤥᤒᤠ ᤔᤣ᤺ᤴᤏᤣ. ᤛᤡᤍᤢᤱᤈᤓᤠ ᤏᤢ ᤛᤣᤛᤣ ᤗᤢᤱ ᤔᤣ᤺ᤴᤏᤣ ᤜᤧᤰᤁᤩᤠᤱ ᤀᤣᤐᤥᤍ ᤏᤢ ᤜᤡᤶᤛᤠᤶᤔᤠᤱ ᤔᤣ᤺ᤴᤏᤣ ᤔᤧᤘᤠ᤹॥ 5 ᤂᤧᤴ ᤀᤣᤃᤠᤱ ᤀᤡᤛᤪᤠᤀᤡᤗᤡᤜᤠ᤹ ᤔᤧᤏᤢ᤺ᤱ᤹. ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠ ᤂᤢᤴᤇᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤂᤢᤴᤇᤡ᤹ ᤜᤠᤱ ᤍᤠᤀᤢᤍᤧᤴ ᤔᤧᤃᤥ᤺ᤳᤋᤢᤛᤡ᤹॥ ᤕᤠᤱᤛᤡᤒᤠ ᤕᤧᤴᤜᤠ᤹ᤀᤥ ᤂᤧᤱᤜᤠ᤹ ᤔᤧᤃᤡᤀᤠᤱ ᤕᤜᤘᤣ ᤍᤠᤱᤒᤠᤀᤥ ᤏᤢ ᤂᤢᤏᤧ᤹ ᤁᤢᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤗᤧᤵᤔᤠᤱ ᤔᤧᤍᤠᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.