ᤀᤡᤈᤁᤡᤀᤣᤗ 48 - LIFOTNTᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤌᤠᤱᤃᤧᤵᤐᤠ ᤗᤠᤈᤣᤴ ᤔᤧᤓ᤺ᤰᤂᤢ 1 “ᤀᤡᤛᤪᤠᤀᤡᤗᤒᤠ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤌᤠᤔᤡᤱᤜᤠ᤹ ᤏᤢ ᤂᤧᤱᤜᤠ᤹ ᤁᤧᤖᤧᤰᤗᤧ ᤔᤧᤄᤥᤛᤢᤒᤠ ᤗᤠᤈᤣ᤹ ᤗᤰᤜᤠ᤹ ᤁᤵᤔᤥ ᤐᤳ—ᤁᤧᤖᤧᤰᤏᤢ᤺ᤸᤗᤧ ᤌᤠᤱᤃᤧᤳ ᤗᤧᤵᤔᤠᤱ ᤍᤠᤏᤖᤧ ᤁᤢᤗᤰ ᤕᤠᤱᤄᤢ᤹॥ ᤁᤴ ᤜᤣᤋᤗᤥᤏ ᤗᤠᤶ ᤐᤥᤱᤗ ᤗᤧᤒᤥ-ᤜᤔᤠᤋ ᤗᤧᤵᤔᤠᤱ ᤐᤣᤰ॥ ᤜᤛᤖ-ᤀᤣᤏᤠᤏ ᤏᤢ ᤜᤔᤠᤋᤖᤧ ᤁᤢᤕᤠᤀᤥ ᤁᤧᤏᤧᤒᤠ ᤍᤔᤛ᤻ᤁᤛᤖᤧ ᤌᤠᤱᤃᤧᤳ ᤐᤡᤛᤠᤱᤒᤠ ᤁᤢᤀᤡ᤺ᤴᤍᤥᤴ ᤂᤧᤸᤗᤧ ᤁᤢᤀᤡ᤺ᤴᤍᤥ᤺ᤸᤗᤧ ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤗᤳᤇᤠ ᤁᤢᤗᤰ ᤐᤥᤱ᤹॥ 2 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤐᤡᤛᤠᤱ ᤍᤠᤏᤖᤧ ᤗᤠᤱᤃᤧᤳ ᤗᤧᤵᤔᤠᤱᤒᤠ ᤁᤢᤀᤡ᤺ᤴᤍᤥᤀᤥ ᤌᤠᤖᤡᤰ ᤁᤧᤍᤢᤶᤒᤠ ᤀᤠᤛᤣᤖᤖᤧ ᤁᤢᤗᤰ ᤐᤥᤱ᤹॥ 3 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤐᤡᤛᤠᤱ ᤀᤠᤛᤣᤖᤖᤧ ᤗᤠᤱᤃᤧᤳ ᤐᤡᤛᤠᤱᤒᤠ ᤁᤢᤀᤡ᤺ᤴᤍᤥᤀᤥ ᤌᤠᤖᤡᤰ ᤁᤧᤍᤢᤶᤒᤠ ᤏᤠᤵᤋᤠᤗᤡᤖᤧ ᤁᤢᤗᤰ ᤐᤥᤱ᤹॥ 4 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤏᤠᤵᤋᤠᤗᤡᤖᤧ ᤁᤢᤀᤡ᤺ᤴᤍᤥᤀᤥ ᤌᤠᤖᤡᤰ ᤁᤧᤍᤢᤶᤒᤠ ᤔᤏᤛ᤻ᤛᤣᤖᤧ ᤁᤢᤗᤰ ᤐᤥᤱ᤹॥ 5 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤔᤏᤛ᤻ᤛᤣᤖᤧ ᤁᤢᤀᤡ᤺ᤴᤍᤥᤀᤥ ᤌᤠᤖᤡᤰ ᤁᤧᤍᤢᤶᤒᤠ ᤀᤣᤑᤪᤠᤀᤡᤔᤖᤧ ᤁᤢᤗᤰ ᤐᤥᤱ᤹॥ 6 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤀᤣᤑᤪᤠᤀᤡᤔᤖᤧ ᤁᤢᤀᤡ᤺ᤴᤍᤥ ᤌᤠᤖᤡᤰ ᤁᤧᤍᤢᤶᤒᤠ ᤖᤢᤒᤣᤏᤖᤧ ᤁᤢᤗᤰ ᤐᤥᤱ᤹॥ 7 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤖᤢᤒᤣᤏᤖᤧ ᤁᤢᤀᤡ᤺ᤴᤍᤥ ᤌᤠᤖᤡᤰ ᤁᤧᤍᤢᤶᤒᤠ ᤕᤜᤢᤍᤠᤖᤧ ᤁᤢᤗᤰ ᤐᤥᤱᤗᤥ॥ ᤗᤠᤈᤣ᤹ᤗᤢᤶᤔᤥ ᤔᤧᤛᤧᤴᤍᤢᤒᤠ ᤗᤠᤈᤣ᤹ᤛᤡᤱᤒᤢᤱ 8 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤕᤜᤢᤍᤠᤖᤧ ᤁᤢᤀᤡ᤺ᤴᤍᤥᤀᤥ ᤌᤠᤖᤡᤰ ᤁᤧᤍᤢᤶᤒᤠ ᤁᤧᤛᤧᤴᤍᤢᤶᤒᤠ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤁᤢᤗᤰ ᤌᤡᤰ ᤔᤡᤰᤋᤥᤰ ᤁᤢᤀᤡᤛᤡᤰ ᤂᤡᤏᤡ᤹ ᤁᤧᤒᤡᤖᤢᤶᤛᤡᤶᤗ ᤐᤥᤱ᤹॥ ᤂᤧᤸᤗᤧ ᤁᤢᤓᤧᤖᤧ ᥈᥋.᥆᥆᥆ ᤜᤢᤰᤛᤡᤰ ᤋᤠᤶᤍᤠᤶᤒᤠ ᤐᤥᤱ᤹. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤏᤠᤱᤃᤧᤴᤗᤠᤶ ᤏᤠᤶᤎᤠ ᤌᤠᤖᤡᤰ ᤘᤣ᤹ ᤌᤠ᤺ᤰᤜᤠ᤹ ᤁᤧᤒᤡᤖᤢᤶᤛᤡᤶᤒᤠ ᤁᤢᤗᤰ ᤕᤠᤖᤡᤰᤁᤣ ᤐᤥᤱ᤹॥ ᤛᤣᤛᤣᤍᤧᤴᤏᤡᤴ ᤂᤧᤸᤗᤧ ᤁᤢᤗᤢᤶᤔᤥ ᤕᤢᤱᤛᤡᤱ᤹॥ 9 “ᤕᤜᤘᤣ ᤍᤠᤱᤒᤧᤴ ᤂᤡᤏᤡ᤹ ᤁᤧᤒᤡᤖᤢᤶᤒᤠ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤗᤰᤁᤡᤱᤃ ᥈᥋.᥆᥆᥆ ᤜᤢᤰᤛᤡᤰ ᤁᤣ᤺ᤶᤒᤠ ᤁᤢᤗᤠᤶᤋᤡ ᤏᤢ ᥇᥆.᥆᥆᥆ ᤜᤢᤰᤛᤡᤰ ᤁᤢᤓᤧᤖᤧᤒᤠ ᤐᤥᤱ᤹॥ 10 ᤁᤴ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤗᤳᤇᤠ ᤛᤣᤛᤣᤒᤠᤍᤧᤴ ᤐᤥᤱ᤹॥ ᤁᤸᤗᤧ ᤁᤢᤗᤰᤁᤡᤴ ᤌᤠᤱᤃᤧᤳ ᤗᤧᤵᤔᤠᤱ ᥈᥋.᥆᥆᥆ ᤜᤢᤰᤛᤡᤰ. ᤏᤠᤶᤎᤠ ᤗᤧᤵᤔᤠᤱ ᥇᥆.᥆᥆᥆ ᤜᤢᤰᤛᤡᤰ. ᤏᤠᤱᤃᤧᤴ ᤗᤧᤵᤔᤠᤱ ᥇᥆.᥆᥆᥆ ᤜᤢᤰᤛᤡᤰ ᤏᤢ ᤗᤠᤱᤃᤧᤳ ᤗᤧᤵᤔᤠᤱ ᥈᥋.᥆᥆᥆ ᤜᤢᤰᤛᤡᤰ ᤁᤧᤏᤧᤒᤠ ᤐᤥᤱ᤹॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤣᤛᤣᤍᤧᤴᤏᤡᤴ ᤂᤧᤸᤗᤧ ᤁᤢᤗᤢᤶᤔᤥ ᤕᤢᤱᤛᤡᤱ᤹॥ 11 ᤋᤥ᤺ᤶᤔᤏᤠᤛᤡᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤁᤴ ᤐᤥᤱ᤹॥ ᤂᤧᤱᤜᤠ᤹ᤃ ᤛᤠᤍᤥᤁᤖᤧ ᤁᤢᤔᤢ᤹ᤀᤡᤍᤠᤱᤛᤠᤛᤡᤖᤥ. ᤂᤧᤱᤜᤠ᤹ᤖᤧ ᤁᤢᤍᤥ᤺ᤵᤔᤠᤀᤠᤱ ᤀᤠᤱᤃᤠ᤹ ᤀᤠᤗᤠᤃᤡ ᤔᤠᤱᤛᤧᤘᤠ ᤕᤠ᤺ᤶᤒᤰ ᤔᤧᤈᤥᤃᤢ. ᤀᤡᤛᤪᤠᤀᤡᤗᤡᤜᤠ᤹ ᤋᤠᤵᤔᤧᤒᤧ᤹ᤖᤧᤀᤠᤱ ᤔᤠ᤺ᤱᤄᤠ ᤔᤧᤒᤣ᤺ᤸᤗᤧ ᤗᤧᤒᤡᤜᤠ᤹ᤀᤠᤱ ᤔᤠ᤺ᤱᤄᤠ ᤔᤧᤒᤣᤀᤠᤱ ᤔᤧᤘᤕᤧ. ᤁᤖ ᤂᤧᤴ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤃ ᤂᤧᤱᤜᤠ᤹ᤏᤢ ᤔᤠ᤺ᤱᤄᤠ ᤔᤧᤶᤒᤣᤏᤧᤴ॥ 12 ᤁᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤗᤧᤒᤡᤜᤠ᤹ᤖᤧ ᤔᤧᤄᤥᤛᤢᤒᤠ ᤗᤰᤁᤧᤸᤗᤧᤀᤣ ᤁᤢᤕᤠᤀᤥ ᤗᤳᤇᤠ ᤏᤢᤒᤠ ᤗᤰ ᤔᤧᤄᤥᤛᤢ᤹ ᤜᤧᤰᤁᤩᤠᤱ ᤂᤧᤴ ᤁᤧᤖᤧᤰᤏᤢ᤺ᤸᤗᤧ ᤛᤠ᤹ᤖᤡᤰ ᤛᤣᤛᤣᤒᤠ ᤗᤰ ᤐᤥᤱ᤹॥ 13 “ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤀᤡ᤺ᤴᤍᤥ᤺ᤸᤗᤧ ᤁᤢᤕᤠᤀᤥ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤗᤰ ᤐᤥᤱ᤹॥ ᤂᤧᤴ ᥈᥋.᥆᥆᥆ ᤜᤢᤰᤛᤡᤰ ᤁᤣ᤺ᤶᤒᤠ ᤁᤢᤗᤠᤶᤋᤡ ᤏᤢ ᥇᥆.᥆᥆᥆ ᤜᤢᤰᤛᤡᤰ ᤁᤢᤓᤧᤖᤧᤒᤠ ᤐᤥᤱ᤹॥ ᤂᤧᤸᤗᤧ ᤁᤧᤖᤧᤰ ᤁᤢᤗᤠᤶᤋᤡ ᥈᥋.᥆᥆᥆ ᤜᤢᤰᤛᤡᤰ ᤏᤢ ᤂᤧᤸᤗᤧ ᤁᤢᤓᤧᤖᤧᤴ ᥇᥆.᥆᥆᥆ ᤜᤢᤰᤛᤡᤰ ᤁᤧᤏᤧᤒᤠ ᤐᤥᤱ᤹॥ 14 ᤂᤧᤱᤜᤠ᤹ᤖᤧ ᤁᤴ ᤛᤱᤔᤠ ᤀᤡᤃᤪ ᤗᤧᤰᤔᤠ ᤔᤧᤏᤢ᤹ᤏᤧᤴ॥ ᤁᤱᤃ ᤗᤠᤈᤣ᤹ᤒᤠ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤗᤠᤈᤣ᤹ᤛᤡᤱᤒᤢᤱᤗᤥ. ᤜᤧᤰᤁᤩᤠᤱ ᤁᤴ ᤜᤠ᤺ᤳᤋᤠᤱ ᤐᤡᤔᤠ ᤔᤧᤏᤢ᤹ᤏᤧᤴ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤗᤠᤃᤡ ᤁᤴ ᤛᤣᤛᤣᤒᤠ ᤆᤥᤰᤗᤥ॥ 15 “ᤁᤧᤏᤶᤒᤠᤀᤠᤱ ᤁᤧᤏᤧᤒᤠ ᤗᤠᤈᤣ᤺ᤸᤗᤧ ᤁᤢᤗᤰᤁᤡᤴ. ᥋.᥆᥆᥆ ᤜᤢᤰᤛᤡᤰ ᤁᤢᤓᤧᤖᤧ ᤏᤢ ᥈᥋.᥆᥆᥆ ᤜᤢᤰᤛᤡᤰ ᤁᤣ᤺ᤶᤒᤠ ᤁᤢᤗᤠᤶᤋᤡ᤺ᤴ. ᤜᤡᤶᤎᤠ᤺ᤱᤜᤠ᤹ ᤏᤢ ᤌᤰᤛᤠ ᤆᤠᤖᤠᤶᤔᤠᤍᤧᤴ ᤕᤧᤰᤕᤰᤁᤥᤒᤠ ᤌᤧᤔᤠ ᤕᤠ᤺ᤶᤒᤰᤗᤧ ᤗᤠᤃᤡᤛᤠᤱ ᤐᤥᤱ᤹॥ ᤁᤸᤗᤧ ᤁᤢᤗᤢᤶᤔᤥ ᤕᤧᤰᤕᤰᤁᤡᤴ ᤆᤢᤰ 16 ᤜᤧᤰᤁᤩᤠᤱ ᤂᤧᤴ ᤗᤠᤈᤣ᤺ᤸᤗᤧ ᤁᤢᤗᤠᤶᤋᤡ ᤏᤢ ᤁᤢᤓᤧᤖᤧ ᤀᤰᤋᤱᤒᤠ ᤐᤥᤱ᤹—ᤌᤠᤱᤃᤧᤳ ᤗᤧᤵᤔᤠᤱ ᥊.᥋᥆᥆ ᤜᤢᤰᤛᤡᤰ. ᤗᤠᤱᤃᤧᤳ ᤗᤧᤵᤔᤠᤱ ᥊.᥋᥆᥆ ᤜᤢᤰᤛᤡᤰ ᤏᤠᤱᤃᤧᤴ ᤗᤧᤵᤔᤠᤱ ᥊.᥋᥆᥆ ᤜᤢᤰᤛᤡᤰ ᤏᤢ ᤏᤠᤶᤎᤠ ᤗᤧᤵᤔᤠᤱ ᥊.᥋᥆᥆ ᤜᤢᤰᤛᤡᤰ॥ 17 ᤕᤧᤰᤕᤰᤁᤥᤒᤠ ᤌᤰᤛᤠ ᤆᤠᤖᤠᤶᤔᤠᤍᤧᤴᤗᤧ ᤗᤠᤃᤡ ᤌᤠᤱᤃᤧᤳ ᤗᤧᤵᤔᤠᤱ ᥈᥋᥆ ᤜᤢᤰᤛᤡᤰ. ᤗᤠᤱᤃᤧᤳ ᤗᤧᤵᤔᤠᤱ ᥈᥋᥆ ᤜᤢᤰᤛᤡᤰ. ᤏᤠᤱᤃᤧᤴ ᤗᤧᤵᤔᤠᤱ ᥈᥋᥆ ᤜᤢᤰᤛᤡᤰ ᤏᤢ ᤏᤠᤶᤎᤠ ᤗᤧᤵᤔᤠᤱ ᥈᥋᥆ ᤜᤢᤰᤛᤡᤰ ᤁᤧᤏᤧᤒᤠ ᤐᤥᤱ᤹॥ 18 ᤛᤣᤛᤣᤍᤧᤴ ᤗᤰᤁᤡᤸᤗᤧ ᤁᤢᤀᤡ᤺ᤴᤍᤥ᤺ᤸᤗᤧ ᤛᤢᤛᤢᤒᤠ ᤁᤧᤏᤶᤒᤠ ᤋᤧᤱᤃᤵᤐᤡᤴ ᤏᤠᤱᤃᤧᤴ ᤗᤧᤵᤔᤠᤱ ᥇᥆.᥆᥆᥆ ᤜᤢᤰᤛᤡᤰ ᤏᤢ ᤏᤠᤶᤎᤠ ᤗᤧᤵᤔᤠᤱ ᥇᥆.᥆᥆᥆ ᤜᤢᤰᤛᤡᤰ ᤁᤧᤏᤧᤒᤠ ᤐᤥᤱ᤹॥ ᤁᤵᤔᤥ ᤁᤧᤎᤥ᤺ᤰᤐᤠ ᤁᤢᤈᤠᤴ ᤕᤧᤰᤕᤰᤁᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤗᤠᤃᤡ ᤂᤢᤴᤇᤡ᤹ ᤆᤠᤔᤠ ᤁᤢᤈᤠ ᤐᤥᤱ᤹॥ 19 ᤀᤡᤛᤪᤠᤀᤡᤗᤡ ᤌᤠ᤺ᤰᤌᤰᤔᤠ ᤁᤧᤍᤠᤒᤠ ᤔᤏᤠᤜᤠ᤹ᤖᤧ ᤂᤧᤵᤔᤥ ᤕᤠ᤺ᤶᤒᤰ ᤆᤥ᤺ᤰᤔᤠ ᤆᤠᤔᤠ ᤔᤧᤄᤥᤛᤢ᤹॥ 20 ᤂᤧᤴ ᤁᤧᤖᤧᤰ ᤗᤰᤁᤡᤴ ᤁᤠᤰ ᤐᤡᤛᤠᤱᤅᤣ ᥈᥋.᥆᥆᥆ ᤜᤢᤰᤛᤡᤰ ᤁᤢᤗᤠᤶᤋᤡ ᤏᤢ ᤁᤢᤓᤧᤖᤧ ᤁᤧᤏᤧᤒᤠ ᤐᤥᤱ᤹॥ ᤕᤧᤰᤕᤰᤁᤥᤒᤠ ᤗᤠᤈᤣ᤺ᤴᤏᤢ ᤛᤥᤛᤥᤖᤡᤰ ᤂᤧᤴ ᤛᤣᤛᤣ ᤗᤰᤁᤡᤴ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤔᤡᤰᤋᤥᤰ ᤀᤡ᤺ᤳᤋᤧᤶᤔᤧ᤹ᤀᤠᤱ ᤀᤣ᤺ᤰ ᤛᤧᤴᤍᤠᤶᤔᤧ᤹॥ 21 “ᤛᤣᤛᤣ ᤗᤰᤁᤡᤸᤗᤧ ᤏᤠᤜᤠᤱ ᤁᤳᤏᤠᤜᤠᤱᤒᤠ ᤋᤧᤴᤜᤠ᤹ ᤏᤢ ᤕᤧᤰᤕᤰᤁᤥᤒᤠ ᤗᤠᤈᤣ᤹ᤗᤠᤶ ᤁᤧᤗ᤺ᤶᤒᤠ ᤋᤧᤱᤃᤵᤐᤥ ᤁᤧᤏᤶᤒᤠ ᤗᤰᤁᤡᤴ ᤜᤠᤱᤅᤡᤸᤗᤧᤴ ᤐᤥᤱ᤹॥ ᤂᤧᤴ ᤁᤢᤗᤰᤁᤡᤴ ᤏᤠᤱᤃᤧᤴ ᤗᤧᤵᤔᤠᤱ ᤛᤣᤛᤣ ᤗᤰᤁᤥᤒᤠ ᥈᥋.᥆᥆᥆ ᤜᤢᤰᤛᤡᤰ ᤋ᤹ᤀᤡ ᤏᤠᤱᤃᤧᤴ ᤀᤡ᤺ᤴᤍᤥ ᤗᤧᤵᤔᤠᤱ ᤏᤢ ᤏᤠᤶᤎᤠ ᤗᤧᤵᤔᤠᤱ ᥈᥋.᥆᥆᥆ ᤜᤢᤰᤛᤡᤰ ᤏᤠᤶᤎᤠ ᤀᤡ᤺ᤴᤍᤥ ᤗᤧᤵᤔᤠᤱ ᤐᤥᤒᤣᤰ॥ ᤁᤴ ᤏᤧᤵᤔᤠᤱ ᤋᤧᤱᤃᤵᤜᤠ᤹ᤖᤧ ᤁᤢᤗᤠᤶᤋᤡᤜᤠ᤹ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤰ ᤕᤠ᤺ᤵᤐᤠ ᤐᤥᤱ᤹. ᤜᤧᤰᤁᤩᤠᤱ ᤂᤧᤱᤜᤠ᤹ ᤜᤠᤱᤅᤡᤸᤗᤧᤴ ᤐᤥᤱ᤹॥ ᤔᤠᤱᤜᤡᤶᤔᤥᤒᤠ ᤛᤣᤛᤣᤍᤧᤴᤏᤡᤴᤏᤢ ᤛᤥᤖᤡᤰ ᤆᤰᤂᤥᤒᤠ ᤗᤰᤁᤡᤴ ᤂᤧᤸᤗᤧ ᤁᤢᤗᤢᤶᤔᤥ ᤆᤢᤰ॥ 22 ᤜᤧᤰᤁᤣᤗ᤹ᤖᤡᤰ ᤜᤠᤱᤅᤡᤸᤗᤧ ᤁᤢᤍᤧ᤺ᤱᤃᤵᤐᤡᤸᤗᤧ ᤁᤢᤗᤢᤶᤔᤥ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹ ᤏᤢ ᤕᤧᤰᤕᤰᤁᤥᤒᤠ ᤗᤠᤈᤣ᤹ ᤐᤥᤱ᤹॥ ᤜᤠᤱᤅᤡᤸᤗᤧ ᤁᤢᤍᤧ᤺ᤱᤃᤵᤐᤡᤱᤃ ᤕᤜᤢᤍᤠ ᤏᤢ ᤒᤣᤏᤩᤠᤔᤡᤏᤖᤧ ᤂᤢᤴᤇᤡ᤹ ᤀᤡ᤺ᤴᤍᤥ᤺ᤸᤗᤧ ᤁᤢᤗᤢᤶᤔᤥ ᤐᤥᤱᤗᤥ॥ ᤘᤣ᤹ ᤌᤠ᤺ᤰᤜᤠ᤹ᤖᤧ ᤗᤠᤃᤡ ᤗᤠᤱᤃᤧᤳᤐᤠ ᤗᤠᤈᤣ᤹ᤛᤡᤱᤒᤢᤱ 23 “ᤁᤧᤏᤶᤒᤠ ᤘᤣ᤹ ᤌᤠ᤺ᤰᤜᤠ᤹ᤖᤧ ᤗᤠᤃᤡ ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤌᤠᤖᤡᤰ ᤁᤧᤒᤥᤒᤠᤎᤡᤰ ᤒᤣᤏᤩᤠᤔᤡᤏᤖᤧ ᤁᤢᤗᤰ ᤐᤥᤱ᤹॥ 24 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤒᤣᤏᤩᤠᤔᤡᤏᤖᤧ ᤁᤢᤀᤡ᤺ᤴᤍᤥ ᤌᤠᤖᤡᤰ ᤁᤧᤛᤢᤒᤠᤎᤡᤰ ᤛᤡᤔᤡᤕᤥᤏᤖᤧ ᤁᤢᤗᤰ ᤐᤥᤱ᤹॥ 25 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤛᤡᤔᤡᤕᤥᤏᤖᤧ ᤁᤢᤀᤡ᤺ᤴᤍᤥ ᤌᤠᤖᤡᤰ ᤁᤧᤛᤢᤒᤠᤎᤡᤰ ᤀᤡᤛ᤻ᤛᤠᤂᤠᤖᤖᤧ ᤁᤢᤗᤰ ᤐᤥᤱ᤹॥ 26 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤀᤡᤛ᤻ᤛᤠᤂᤠᤖᤖᤧ ᤁᤢᤀᤡ᤺ᤴᤍᤥ ᤌᤠᤖᤡᤰ ᤁᤧᤛᤢᤒᤠᤎᤡᤰ ᤈᤒᤢᤗᤢᤏᤖᤧ ᤁᤢᤗᤰ ᤐᤥᤱ᤹॥ 27 “ᤏᤠᤱᤃᤧᤴᤗᤠᤶ ᤏᤠᤶᤎᤠ ᤗᤧᤵᤔᤠᤱ ᤈᤒᤢᤗᤢᤏᤖᤧ ᤁᤢᤀᤡ᤺ᤴᤍᤥ ᤌᤠᤖᤡᤰ ᤁᤧᤛᤢᤒᤠᤎᤡᤰ ᤃᤠᤍᤖᤧ ᤁᤢᤗᤰ ᤐᤥᤱ᤹॥ 28 “ᤃᤠᤍᤖᤧ ᤗᤠᤱᤃᤧᤳ ᤗᤧᤵᤔᤠᤱᤒᤠ ᤁᤢᤀᤡ᤺ᤴᤍᤥᤴ ᤋᤠᤔᤠᤖᤗᤠᤶ ᤔᤣᤖᤡᤒᤠ-ᤁᤠᤍᤣᤛᤒᤠ ᤆᤫᤠ᤺ᤳᤜᤠ᤹ ᤌᤠᤖᤡᤰ ᤏᤢ ᤔᤡᤛᤪᤒᤠ ᤘᤜ᤺ᤱᤅᤡᤸᤗᤧ ᤁᤢᤕᤠ ᤁᤢᤕᤠ ᤐᤥᤱᤗ ᤐᤕᤶ ᤕᤶᤒᤠ ᤘᤖ᤺ᤱ ᤌᤠᤖᤡᤰ ᤁᤧᤳ॥ 29 “ᤀᤡᤛᤪᤠᤀᤡᤗᤒᤠ ᤌᤠ᤺ᤰᤜᤠ᤹ ᤜᤠᤒᤠ ᤁᤴ ᤗᤠᤈᤣᤴ ᤂᤡᤏᤡ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤁᤢᤀᤡᤛᤡᤰ ᤁᤧᤓ᤺ᤰᤂᤢᤶ ᤁᤧᤒᤡᤖᤢᤶᤛᤡᤶᤗ ᤐᤥᤱ᤹. ᤜᤧᤰᤁᤩᤠᤱ ᤁᤴᤜᤠ᤹ᤀᤣ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰ ᤐᤥᤱ᤹.” ᤔᤢᤰᤛᤠᤶᤍᤠᤱᤒᤠ ᤕᤜᤘᤣ ᤍᤠᤱᤒᤧᤸᤗᤧ ᤐᤠ᤺ᤳᤋᤢᤖᤥ॥ ᤕᤖᤢᤛᤗᤧᤔ ᤕᤧᤰᤕᤰᤁᤥᤒᤠ ᤕᤶᤒᤠ ᤗᤠᤶᤎᤣ᤺ᤵᤐᤠᤜᤠ᤹ 30 “ᤕᤧᤰᤕᤰᤁᤥᤗᤠᤶ ᤗᤠ᤺ᤰᤁᤠᤳ ᤗ᤺ᤶᤔᤠᤍᤧᤴᤜᤠ᤹ ᤀᤠᤶᤓᤠ ᤁᤴᤜᤠ᤹ᤀᤣ ᤐᤥᤱᤗᤥ—ᤌᤠᤱᤃᤧᤳ ᤗᤧᤵᤔᤠᤱᤗᤠᤶ ᤁᤧᤜᤣ᤺ᤰᤛᤡᤱᤒᤠ. ᤂᤧᤴ ᤁᤢᤗᤰᤁᤡᤴ ᥊.᥋᥆᥆ ᤜᤢᤰᤛᤡᤰ ᤁᤣ᤺ᤶᤒᤠ ᤁᤢᤗᤠᤶᤋᤡ ᤆᤥᤰ॥ 31 ᤕᤧᤰᤕᤰᤁᤥᤒᤠ ᤕᤶᤒᤠ ᤗᤠᤶᤎᤣ᤺ᤳᤜᤠ᤹ᤖᤧ ᤁᤢᤔᤡᤱ ᤀᤡᤛᤪᤠᤀᤡᤗᤒᤠ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤜᤠ᤹ ᤁᤢᤀᤡᤛᤡᤰ ᤐᤥᤱ᤹॥ ᤌᤠᤱᤃᤧᤳ ᤗᤧᤵᤔᤠᤱᤒᤠ ᤛᤢᤶᤛᤡ ᤕᤶᤒᤠ ᤗᤠᤶᤎᤣ᤺ᤳᤜᤠ᤹ ᤁᤢᤒᤧᤖᤧ ᤁᤢᤗᤠᤶᤎᤣᤳ. ᤕᤜᤢᤍᤠᤖᤧ ᤁᤢᤗᤠᤶᤎᤣᤳ ᤏᤢ ᤗᤧᤒᤡᤖᤧ ᤁᤢᤗᤠᤶᤎᤣᤳ ᤐᤥᤱ᤹॥ 32 “ᤏᤠᤱᤃᤧᤴ ᤗᤧᤵᤔᤠᤱ. ᥊.᥋᥆᥆ ᤜᤢᤰᤛᤡᤰ ᤁᤣ᤺ᤶᤒᤠ ᤁᤢᤗᤠᤶᤋᤡ ᤁᤧᤒᤵᤐᤧᤴ. ᤛᤢᤶᤛᤡ ᤕᤶᤒᤠ ᤗᤠᤶᤎᤣ᤺ᤳᤜᤠ᤹ ᤐᤥᤱ᤹—ᤕᤥᤛᤣᤑᤖᤧ ᤁᤢᤗᤠᤶᤎᤣᤳ. ᤒᤣᤏᤩᤠᤔᤡᤏᤖᤧ ᤁᤢᤗᤠᤶᤎᤣᤳ ᤏᤢ ᤍᤠᤏᤖᤧ ᤁᤢᤗᤠᤶᤎᤣᤳ॥ 33 “ᤗᤠᤱᤃᤧᤳ ᤗᤧᤵᤔᤠᤱ. ᤂᤧᤴ ᥊.᥋᥆᥆ ᤜᤢᤰᤛᤡᤰ ᤁᤢᤛᤡ᤺ᤰᤔᤠ ᤐᤳ. ᤛᤢᤶᤛᤡ ᤕᤶᤒᤠ ᤗᤠᤶᤎᤣ᤺ᤵᤐᤠᤜᤠ᤹ ᤐᤥᤱ᤹॥ ᤛᤡᤔᤡᤕᤥᤏᤖᤧ ᤁᤢᤗᤠᤶᤎᤣᤳ. ᤀᤡᤛ᤻ᤛᤠᤂᤠᤖᤖᤧ ᤁᤢᤗᤠᤶᤎᤣᤳ ᤏᤢ ᤈᤒᤢᤗᤢᤏᤖᤧ ᤁᤢᤗᤠᤶᤎᤣᤳ॥ 34 “ᤏᤠᤶᤎᤠ ᤗᤧᤵᤔᤠᤱ. ᤂᤧᤴ ᥊.᥋᥆᥆ ᤜᤢᤰᤛᤡᤰ ᤁᤣ᤺ᤶᤒᤠ ᤁᤢᤗᤠᤶᤋᤡ ᤐᤳ. ᤛᤢᤶᤛᤡ ᤕᤶᤒᤠ ᤗᤠᤶᤎᤣ᤺ᤳᤜᤠ᤹ ᤐᤥᤱ᤹—ᤃᤠᤍᤖᤧ ᤁᤢᤗᤠᤶᤎᤣᤳ. ᤀᤠᤛᤣᤖᤖᤧ ᤁᤢᤗᤠᤶᤎᤣᤳ ᤏᤢ ᤏᤵᤋᤠᤗᤡᤖᤧ ᤁᤢᤗᤠᤶᤎᤣᤳ॥ 35 “ᤁᤧᤖᤧᤰ ᤐᤡᤛᤠᤱᤒᤠ ᤔᤠ᤺ᤱᤗᤡᤰᤁᤡᤴ ᥇᥎.᥆᥆᥆ ᤜᤢᤰᤛᤡᤰ ᤐᤥᤱ᤹॥ “ᤜᤧᤰᤁᤩᤠᤱ ᤂᤧᤴ ᤕᤧᤶᤔᤠᤱᤎᤥ ᤂᤧᤴ ᤕᤧᤰᤕᤰᤁᤡᤸᤗᤧ ᤁᤢᤔᤡᤱ ᤕᤜᤘᤣ ᤍᤠᤱᤒᤠᤴ ᤂᤧᤵᤔᤥᤀᤣ ᤘᤠ᤹” ᤐᤥᤱᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.