ᤛᤠᤶᤕᤥᤌᤡᤶ ᤀᤡᤱ 18 - LIFOTNTᤏᤡᤱᤘᤠ᤹ᤑᤢᤛᤠᤶᤒᤧᤸᤗᤧ ᤁᤢᤄᤥᤔᤠ ᤗᤰ 1 ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤃ ᤗᤧᤒᤡ᤺ᤸᤗᤧ ᤁᤢᤎᤠ᤺ᤰᤁᤥᤒᤠᤛᤡᤖᤥ. ᤛᤧᤰᤂᤠᤀᤥ ᤁᤧᤖᤧᤰ ᤗᤧᤒᤡ ᤌᤠ᤺ᤰᤜᤠ᤹ᤖᤧ ᤀᤡᤛᤪᤠᤀᤡᤗᤡᤜᤠ᤹ᤗᤠᤶ ᤂᤢᤴᤇᤡ᤹ ᤗᤠᤈᤣ᤹ᤛᤡᤱᤒᤢᤱ ᤗᤰᤂᤥᤔᤠ ᤀᤡᤃᤪ ᤗᤰᤂᤥᤔᤠ ᤌᤣᤀᤠᤱ ᤜᤥᤵ॥ ᤕᤜᤘᤣ ᤍᤠᤱᤒᤠᤀᤥ ᤋᤥ᤺ᤶᤔᤏᤠᤒᤠ ᤁᤢᤈᤠ ᤛᤡᤍᤢᤱᤈᤓᤠᤜᤠ᤹ ᤔᤧᤈᤀᤠᤱ ᤂᤧᤱᤜᤠ᤹ ᤔᤧᤜᤡᤱᤛᤡᤱᤗ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤂᤥᤔᤠ ᤗᤰᤁᤡᤴ ᤜᤠᤒᤠ ᤂᤧᤴᤗᤥ॥ 2 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤑᤢ᤹ᤏᤢᤛᤠ᤹ ᤗᤢᤶᤔᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤂᤥᤔᤠ ᤗᤰ ᤌᤣᤀᤠᤱ ᤜᤥᤵ॥ ᤕᤜᤘᤣ ᤍᤠᤱᤒᤧᤸᤗᤧ ᤆᤥᤃᤢᤒᤠ ᤔᤠᤱᤜᤢᤵ ᤁᤢᤀᤡᤛᤡᤰ ᤀᤠᤶᤓᤠ ᤂᤢᤏᤧ᤹ᤀᤣ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤰᤂᤥᤔᤠ ᤗᤰᤗᤥ॥ 3 ᤐᤡᤳ ᤀᤡᤃᤪ ᤔᤧᤸᤗᤢᤰ ᤛᤡᤍᤢᤱᤈᤓᤠ ᤁᤧᤍᤥ᤺ᤶᤒᤠᤜᤠ᤹ᤗᤠᤶ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤥᤔᤠ ᤁᤧᤒᤥᤱᤒᤠ ᤗᤰᤁᤡᤴ ᤜᤠᤒᤠ ᤁᤴᤗᤥ—ᤛᤡᤍᤢᤱᤈᤓᤠ᤺ᤸᤗᤧ ᤁᤢᤓᤰᤋᤠᤱᤅᤡᤴ. ᤁᤢᤜᤠᤛᤡᤱᤒᤠ ᤏᤧᤵᤔᤠᤱ ᤗᤧᤵᤔᤠᤱᤒᤠ ᤗᤰᤜᤠ᤹ ᤏᤢ ᤁᤢᤜᤡᤍᤢᤳ ᤁᤧᤎᤧᤅᤠ᤺ᤱᤜᤠ᤹॥ 4 ᤐᤥᤃᤢᤃᤧᤴ ᤁᤢᤈᤠ. ᤁᤢᤒᤥᤰ ᤆᤧᤸᤗᤧᤰᤛᤣ᤹ ᤌᤡ. ᤆᤤᤋᤢᤏ ᤏᤡ᤺ᤱᤃᤣ᤹ ᤋᤃᤡ ᤁᤧᤍᤢᤶᤒᤠ ᤁᤢᤈᤠ ᤜᤧᤰᤁᤩᤠᤱ ᤔᤧᤸᤗᤢᤰᤁᤡᤸᤗᤧ ᤋᤃᤡᤒᤠ ᤁᤢᤶᤒᤪᤡᤰᤁᤡᤴ ᤂᤡᤏᤡ᤹ ᤂᤧᤱᤜᤠ᤹ ᤁᤧᤒᤡᤖᤢᤶᤛᤡᤶᤗ ᤐᤥᤱ᤹॥ 5 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤔᤡᤱᤅᤥ ᤕᤧᤵᤔᤠᤀᤠᤱ ᤀᤠᤵᤑᤠᤸᤗᤧᤛᤠᤱ ᤂᤢᤏᤧ᤹ ᤁᤢᤛᤧᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤖᤧᤰ ᤌᤠ᤺ᤰᤜᤠ᤹ᤀᤥᤗᤠᤶ ᤗᤧᤒᤡ ᤌᤠ᤺ᤰᤜᤠ᤹ᤀᤣ ᤂᤢᤏᤧ᤹ ᤛᤣᤃᤢᤛᤡᤀᤠᤱ ᤘᤠ᤹॥ 6 ᤀᤡᤛᤪᤠᤀᤡᤗᤒᤠ ᤁᤢᤓᤠ ᤕᤧᤰᤕᤰᤁᤥ ᤁᤧᤕᤢᤱᤒᤠ ᤗᤧᤒᤡ᤺ᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤎᤡᤰ ᤗ᤺ᤴᤏᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤛᤣᤃᤢᤒᤠᤍᤧᤴᤏᤥ ᤁᤢᤛᤡᤖᤠ᤹ ᤐᤎᤠᤱ ᤌᤠᤱᤗ ᤋᤠᤏᤧᤓᤃᤪ. 7 ᤂᤧᤵᤔᤥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤍᤃᤡ ᤔᤠᤱᤛᤧᤘᤠ ᤁᤧᤈᤥ᤺ᤰᤐᤠ ᤁᤧᤖᤧᤰ ᤗᤧᤒᤡ᤺ᤸᤗᤧ ᤁᤢᤎᤠ᤺ᤰᤁᤥᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤁᤢᤀᤡᤛᤡᤰ ᤂᤧᤸᤗᤧᤀᤠᤱ ᤕᤜᤘᤣ ᤍᤠᤱᤒᤠ ᤂᤢᤏᤧ᤹ ᤁᤢᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤥ ᤔᤠᤱᤛᤧᤘᤠ ᤕᤠ᤺ᤶᤒᤰ ᤆᤥᤃᤢᤖ॥ 8 ᤂᤢᤏᤧ᤹ ᤁᤢᤜᤡᤶᤛᤕᤱᤅᤥᤒᤠ ᤕᤠᤱᤛᤠᤁᤢᤴᤎᤣ ᤛᤱᤄᤢᤒᤠ ᤕᤠᤱ ᤂᤥᤛᤢᤛᤠᤱ ᤂᤢᤏᤧ᤹ ᤂᤧᤱᤜᤠ᤹ᤏᤢ ᤁᤢᤍᤱᤒᤠ ᤔᤡᤰᤋᤥᤰ ᤂᤥᤛᤢᤖ ᤐᤥᤱᤗᤥ॥ ᤀᤡ᤺ᤳᤗᤠ ᤛᤧᤘᤠ ᤔᤧᤵᤔᤠᤸᤗᤧ ᤁᤢᤍᤰᤗᤧᤱᤘᤠᤀᤥ ᤛᤠᤶᤍᤡᤱ 9 ᤕᤜᤘᤣ ᤍᤠᤱᤒᤧᤸᤗᤧ ᤂᤡᤏᤡ᤹ ᤐᤡᤔᤠ ᤁᤧᤀᤡ᤺ᤳᤋᤡᤒᤠ ᤗᤠᤈᤣ᤹ᤀᤥ ᤂᤡᤏᤡ᤹ ᤁᤧᤃᤧᤖᤡ ᤁᤧᤍᤩᤧ᤹ᤀᤡᤀᤠᤱ ᤂᤧᤵᤔᤥ ᤁᤧᤕᤢᤱᤒᤠ ᤛᤢᤘᤠᤱᤜᤠ᤹ᤖᤧ ᤂᤢᤴᤇᤡ᤹ ᤛᤡᤰᤁᤧᤗᤧ᤺ᤱᤒᤠ ᤌᤡᤶ ᤛᤠᤰᤌᤡᤶᤜᤠ᤹ ᤆᤥ᤺ᤰᤔᤠ ᤔᤧᤜᤢ᤹ᤀᤠᤛᤡᤶᤔᤡᤴᤏᤧ᤹॥ 10 ᤀᤠᤵᤑᤣᤰ ᤕᤧᤶᤒᤡᤳᤇᤠ ᤀᤡᤃᤪ ᤔᤧᤴᤇᤢᤔᤠ ᤛᤠᤜᤠ᤹ ᤔᤡᤀᤥ ᤛᤡᤍᤢᤱᤈᤓᤠ ᤁᤧᤈᤥ᤺ᤰᤐᤠ. ᤋ᤹ᤕᤠᤴ ᤏᤢ᤹ᤔᤠ ᤑᤧᤶᤔᤠ ᤀᤥᤃᤧᤔᤧᤵᤐᤠ. ᤌᤢᤶᤕᤠ ᤁᤧᤀᤡᤒᤠ. ᤁᤡᤳᤆᤠᤰ ᤁᤧᤈᤥ᤺ᤰᤐᤠ. 11 ᤛᤠᤶᤔᤠᤱᤆᤩᤠ᤺ᤱ ᤔᤢᤖᤠ ᤁᤧᤔᤧᤵᤐᤠ. ᤂᤧᤔᤠᤕᤱᤛᤱ ᤛᤢᤈᤠ ᤁᤧᤏᤠ᤺ᤰᤐᤠ ᤕᤧᤒᤠ ᤀᤡᤃᤪ ᤑᤧᤍᤠᤱᤔᤠ ᤂᤡᤏᤡ᤹ ᤗᤢᤶᤔᤥ ᤜᤠ᤺ᤳᤋᤠᤱ ᤔᤧᤴᤘᤠ᤹ᤏᤧᤴᤗ॥ 12 ᤀᤰᤋᤱᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤔᤏᤠᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤍᤃᤡ ᤕᤠᤶᤃᤧᤛᤡᤱᤒᤠ ᤆᤥᤰ॥ ᤁᤴ ᤕᤠᤶᤃᤧᤛᤡᤱᤒᤠ ᤌᤡᤶ ᤛᤠᤰᤌᤡᤶᤜᤠ᤹ᤖᤧ ᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤂᤡᤏᤡ᤹ ᤋᤃᤡᤗᤠᤶ ᤗ᤺ᤳᤋᤢᤍᤣᤛᤢᤛᤡ᤹॥ 13 ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤂᤡᤏᤡ᤹ ᤀᤠᤵᤋᤡᤰ ᤔᤣ᤺ᤴᤏᤣᤒᤠ ᤁᤢᤍᤥ᤺ᤵᤔᤠ ᤐᤥᤱᤔᤠ ᤐᤥᤱᤗᤥ॥ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤐᤠᤱᤔᤠ ᤔᤠᤱᤜᤢᤵ 14 ᤂᤡᤏᤡ᤹ ᤕᤢᤰ ᤆᤥ᤺ᤰᤔᤠᤛᤡ ᤁᤧᤒᤥᤱᤒᤠ ᤛᤢᤘᤠᤱᤜᤠ᤹ᤖᤧ ᤌᤢᤶᤕᤠ ᤔᤧᤀᤡᤛᤢ ᤜᤧᤰᤁᤩᤠᤱ ᤁᤡᤳᤆᤠᤰ ᤔᤧᤈᤥᤃᤢ᤹॥ ᤁᤖ ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤀᤰᤂᤣ ᤆᤥ᤺ᤰᤔᤠ ᤁᤧᤶᤓᤠ᤺ᤰᤋᤡᤴ᤹॥ 15 ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤀᤠᤵᤑᤣᤰ ᤑᤢ᤹ᤏᤢᤛᤠ᤹ᤜᤠ᤹ᤀᤥᤗᤠᤶ ᤀᤠᤱᤃᤠ᤹ ᤜᤧᤰᤋᤱᤒᤠᤀᤣ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤌᤡᤰ ᤂᤡᤏᤡ᤹ ᤗᤠᤃᤡ ᤗ᤺ᤳᤋᤢ᤹॥ ᤂᤡᤏᤡ᤹ ᤂᤧᤸᤗᤧ ᤁᤢᤒᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹॥ 16 ᤌᤣᤀᤠᤱᤓᤧᤸᤗᤧ ᤜᤥᤖᤣᤒ ᤁᤥ᤺ᤰᤔᤠᤀᤥᤒᤠ ᤆᤢᤶᤓᤥ᤺ᤸᤗᤧ ᤕᤠ᤺ᤴᤍᤡᤰ ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤰᤂᤣᤗ᤹ᤖᤡᤰ ᤐᤣᤗᤡ ᤁᤧᤓᤠᤰᤋᤢᤶᤔᤠᤱ ᤘᤕᤧ. “ᤀᤠᤸᤗ ᤕᤠᤶᤔᤥ ᤕᤜᤘᤣ ᤍᤠᤱᤒᤠ ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤰᤗᤠᤴ ᤂᤧᤶᤔᤠ ᤔᤧᤒᤥᤱᤏᤧᤴᤗ ᤜᤧᤰᤁᤩᤠᤱ ᤁᤴ ᤁᤡᤵᤔᤠ ᤁᤧᤄᤢᤒᤠ ᤔᤡᤎᤢᤱᤍᤡᤱ ᤔᤡᤖᤠ᤺ᤰᤁᤡᤴ ᤀᤥᤔᤧᤵᤔᤠ ᤔᤧᤒᤥᤱᤏᤧᤴᤗ. ᤔᤣ᤺ᤴᤏᤧᤓᤃᤪ ᤀᤠᤏᤡᤃᤣ ᤛᤩᤧ᤹ᤀᤡᤃᤧᤖᤥ॥” 17 ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤀᤠᤱᤃᤠ᤹ ᤔᤧᤳᤋᤠᤱ. “ᤂᤧᤱᤜᤠ᤹ᤖᤧ ᤁᤢᤍᤥ᤺ᤵᤔᤠᤀᤣ ᤔᤧᤒᤠ᤺ᤳᤋᤢᤀᤠᤱ ᤘᤠ᤹॥ 18 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤡᤛᤪᤠᤀᤡᤗᤡ ᤑᤢ᤹ᤏᤢᤛᤠ᤹ᤜᤠ᤹ ᤗᤢᤶᤔᤥᤗᤠᤶ ᤂᤧᤏᤧ᤹ ᤜᤧᤰᤋᤱᤒᤠ ᤌᤡᤰ ᤀᤠᤱᤃᤠ᤹ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤌᤡᤰ ᤗ᤺ᤳᤋᤢᤱ᤹॥ ᤀᤠᤱᤃᤠ᤹ ᤀᤠᤒᤠ᤺ᤴᤈᤠ᤺ᤰᤁᤡᤴ ᤂᤧᤸᤗᤧ ᤁᤢᤶᤒᤪᤠᤀᤥ ᤁᤣ᤺ᤳᤋᤢᤱ ᤐᤡᤖᤢᤱ᤹. ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤡᤱᤈᤠᤱ ᤐᤡᤖᤢᤱᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤂᤧᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ᤹॥ 19 ᤂᤧᤴ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤧᤸᤗᤧ ᤀᤠᤱᤃᤠ᤹ ᤀᤠᤔᤡᤱᤅᤥ ᤐᤠ᤺ᤳᤋᤢᤒᤠ ᤀᤠᤒᤠ᤺ᤴᤈᤠ᤺ᤰᤜᤠ᤹ ᤔᤧᤱᤄᤧᤶᤔᤏᤠᤒᤠᤜᤠ᤹ ᤀᤠᤱᤃᤠ᤹ ᤔᤧᤗᤧᤖᤢᤱᤛᤡᤱᤅᤡᤴ᤹॥ 20 ᤁᤖ ᤀᤠᤱᤃᤠ᤹ ᤀᤡᤱᤈᤠᤱᤅᤣ ᤔᤧᤒᤡᤖᤢᤱᤛᤡᤱᤅᤡᤴᤒᤠ ᤐᤠ᤺ᤴᤈᤠ᤺ᤰᤁᤡᤴ ᤀᤠᤔᤡᤱᤅᤥ ᤁᤧᤒᤠ᤺ᤵᤐᤠ ᤀᤡᤃᤪ ᤘᤣ᤹ ᤔᤠᤱᤅᤡᤸᤗᤧ ᤁᤢᤔᤡᤱᤅᤥ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤧᤴ ᤛᤧᤵᤔᤠ ᤐᤥᤱ᤹॥” 21 ᤂᤡᤏᤡ᤹ ᤀᤠᤵᤑᤣᤰ ᤛᤧ᤺ᤴᤃᤧᤗᤠᤵᤐᤠᤛᤡᤒᤡᤗᤠ. “ᤕᤜᤘᤣ ᤍᤠᤱᤒᤧᤸᤗᤧ ᤁᤢᤒᤠ᤺ᤴᤈᤠᤰ ᤐᤡᤀᤡ ᤔᤣ᤺ᤶᤒᤡ ᤑᤠ᤹ᤀᤠᤱ ᤀᤠᤏᤡ᤹ ᤀᤠᤰᤂᤣᤗ᤹ᤖᤡᤰ ᤁᤢᤛᤡᤱ ᤏᤡ᤺ᤵᤔᤠᤒᤣ᥅” 22 ᤁᤢᤓᤠ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤡᤱᤅᤥ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤃᤧᤖᤧᤴ ᤀᤡᤃᤪ ᤛᤧᤰᤂᤠ ᤔᤧᤒᤥ᤺ᤰᤂᤧᤴᤏᤧᤓᤃᤪ. ᤕᤜᤘᤣ ᤍᤠᤱᤒᤧᤸᤗᤧ ᤂᤧᤴ ᤐᤠ᤺ᤳᤋᤢᤒᤠ ᤔᤣ᤺ᤴ॥ ᤂᤧᤱᤃ ᤜᤠᤒᤠ ᤂᤧᤴ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤧᤸᤗᤧ ᤀᤠᤵᤑᤣᤰ ᤁᤢᤏᤡᤱᤘᤠ᤹ ᤌᤠᤵᤌᤠᤵ ᤐᤠ᤺ᤳᤋᤢᤒᤠ ᤐᤠ᤺ᤴᤗᤥ॥ ᤂᤡᤏᤡ᤹ ᤂᤧᤴᤏᤢ ᤔᤧᤃᤡᤛᤧᤶᤔᤡᤴᤏᤧ᤹ᤀᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.