᥇ ᤛᤠᤵᤔᤢ᤺ᤴᤎᤢᤶ 9 - LIFOTNTᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠᤗᤠᤶ ᤁᤧᤏᤢ᤺ᤱᤒᤠ ᤔᤏᤠᤜᤠ᤹ 1 ᤀᤡᤛᤪᤠᤀᤡᤗᤒᤠ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤁᤢᤀᤡᤛᤡᤰ ᤔᤧᤏᤡᤖᤢ॥ ᤁᤴ ᤐᤠ᤺ᤴᤏᤡᤴ ᤀᤡᤛᤪᤠᤀᤡᤗᤒᤠ ᤜᤠᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤛᤪᤠ ᤛᤠᤵᤐᤴᤏᤥ ᤔᤧᤓᤳᤇᤢᤀᤠᤱ ᤐᤳᤇᤧ॥ ᤕᤜᤢᤍᤠᤒᤠ ᤔᤏᤠᤜᤠ᤹ ᤏᤛᤠ᤺ᤴᤛᤠᤒᤠ ᤔᤧᤶᤒᤥ᤺ᤰᤂᤧᤴᤒᤠᤸᤗᤧ ᤆᤥᤃᤢᤸᤗᤧ ᤂᤢᤶᤍᤡᤱ ᤔᤧᤄᤥᤛᤢᤀᤠᤱ ᤗᤠᤈᤣ᤹ᤗᤠᤶ ᤔᤧᤗ᤺ᤳᤋᤢ ᤔᤧᤍᤣ᤹ᤖᤢᤛᤡᤀᤠᤱ ᤒᤣᤒᤡᤗᤥᤏᤀᤥ ᤔᤧᤘᤕᤧᤖᤥ॥ ᤕᤖᤢᤛᤗᤧ᤺ᤶᤔᤥᤒᤠ ᤔᤏᤠᤜᤠ᤹ 2 ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹. ᤀᤠᤵᤑᤣᤰ ᤂᤢᤴᤇᤡ᤹ ᤕᤧᤰᤕᤰᤜᤠ᤹ᤀᤥ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤏᤢ᤺ᤱᤒᤠ ᤁᤧᤓᤧᤶᤒᤠᤀᤠᤱ ᤁᤧᤕᤢᤱᤒᤠᤜᤠ᤹ᤃ ᤁᤢᤓᤠ ᤀᤡᤛᤪᤠᤀᤡᤗᤡᤜᤠ᤹. ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤗᤧᤒᤡᤜᤠ᤹ ᤏᤢ ᤔᤠᤱᤜᤡᤶᤔᤥᤒᤠ ᤛᤧᤘᤠᤖᤥᤒᤠᤜᤠ᤹ ᤔᤧᤘᤕᤧ॥ 3 ᤕᤖᤢᤛᤗᤧ᤺ᤶᤔᤥ ᤁᤧᤕᤢᤱᤒᤠ ᤕᤜᤢᤍᤠ. ᤒᤣᤏᤩᤠᤔᤡᤏ. ᤀᤣᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤒᤠ ᤔᤏᤠᤜᤠ᤹ ᤀᤠᤶᤓᤠ ᤁᤴᤜᤠ᤹ᤖᤥ— 4 ᤀᤢᤳᤋᤤ. ᤀᤢᤳᤋᤤᤴ ᤀᤶᤔᤡᤜᤢᤍᤖᤧ ᤁᤢᤛ᤻ᤛᤠ ᤘᤕᤧ. ᤀᤶᤔᤡᤜᤢᤍᤧᤴ ᤀᤥᤔᤪᤡᤖᤧ ᤁᤢᤛ᤻ᤛᤠ ᤘᤕᤧ. ᤀᤥᤔᤪᤡ᤺ᤴ ᤀᤡᤔᤪᤡᤖᤧ ᤁᤢᤛ᤻ᤛᤠ ᤘᤕᤧ. ᤀᤡᤔᤪᤡᤴ ᤒᤠᤏᤡᤖᤧ ᤖᤧ ᤁᤢᤛ᤻ᤛᤠ ᤘᤕᤧ. ᤒᤠᤏᤡᤴ ᤕᤜᤢᤍᤠᤖᤧ ᤁᤢᤛ᤻ᤛᤠ ᤘᤕᤧ. ᤕᤜᤢᤍᤠᤴ ᤑᤠᤖᤣᤛᤖᤧ ᤁᤢᤛ᤻ᤛᤠ ᤘᤕᤧ॥ 5 ᤛᤡᤗᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ ᤗᤢᤶᤔᤥ—ᤋᤢᤶᤒᤠ ᤀᤛᤕᤠᤜ ᤏᤢ ᤂᤢᤏᤧ᤹ ᤁᤢᤛ᤻ᤛᤠᤜᤠ᤹॥ 6 ᤈᤣᤖᤜᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ᤗᤠᤶᤒᤠ— ᤕᤡᤀᤣᤗ॥ ᤕᤜᤢᤍᤠᤒᤠ ᤔᤏᤠᤜᤠ᤹ᤗᤠᤶ ᥌᥏᥆ ᤔᤧᤘᤕᤧ॥ 7 ᤒᤣᤏᤩᤠᤔᤡᤏ ᤔᤏᤠᤜᤠ᤹ᤗᤠᤶ— ᤛᤸᤗᤢ. ᤛᤸᤗᤢᤴ ᤔᤛᤢᤸᤗᤠᤔᤖᤧ ᤁᤢᤛ᤻ᤛᤠ ᤘᤕᤧ. ᤔᤛᤢᤸᤗᤠᤔᤧᤴ ᤜᤥᤍᤒᤡᤕᤠᤖᤧ ᤁᤢᤛ᤻ᤛᤠ ᤘᤕᤧ. ᤜᤥᤍᤒᤡᤕᤠᤴ ᤜᤛ᤻ᤛᤣᤏᤢᤀᤖᤧ ᤁᤢᤛ᤻ᤛᤠ ᤘᤕᤧ॥ 8 ᤕᤖᤥᤜᤠᤔᤖᤧ ᤁᤢᤛ᤻ᤛᤠ ᤕᤡᤒ᤻ᤏᤡᤕᤠᤜ ᤘᤕᤧ. ᤀᤣᤗᤠᤜᤴ ᤀᤢᤈ᤻ᤈᤡᤖᤧ ᤁᤢᤛ᤻ᤛᤠ ᤘᤕᤧ. ᤀᤢᤈ᤻ᤈᤡᤴ ᤔᤡᤁᤪᤡᤖᤧ ᤁᤢᤛ᤻ᤛᤠ ᤘᤕᤧ. ᤜᤧᤰᤁᤩᤠᤱ ᤔᤛᤢᤸᤗᤠᤔᤧᤴ ᤛᤐᤋᤩᤠᤜᤖᤧ ᤁᤢᤛ᤻ᤛᤠ ᤘᤕᤧ. ᤛᤐᤋᤩᤠᤜᤴ ᤖᤢᤀᤣᤗᤖᤧ ᤁᤢᤛ᤻ᤛᤠ ᤘᤕᤧ. ᤖᤢᤀᤣᤗᤧᤴ ᤕᤡᤒ᤻ᤏᤡᤕᤠᤖᤧ ᤁᤢᤛ᤻ᤛᤠ ᤘᤕᤧ॥ 9 ᤒᤡᤏᤩᤠᤔᤡᤏᤒᤠ ᤔᤏᤠᤜᤠ᤹ ᤂᤢᤴᤇᤡ᤹ ᤔᤡᤱᤛᤪᤠ ᤁᤢᤀᤡᤛᤡᤰ ᥏᥋᥌ ᤔᤧᤘᤕᤧ. ᤜᤧᤰᤁᤩᤠᤱ ᤁᤧᤖᤧᤰ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤜᤡᤶᤛᤕᤱᤜᤠ᤹ᤀᤥᤒᤠ ᤗᤠᤶᤗᤥᤒᤠ ᤔᤧᤘᤕᤧᤖᤥ॥ ᤕᤖᤢᤛᤗᤧ᤺ᤶᤔᤥ ᤁᤧᤕᤢᤱᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ 10 ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤗᤠᤶ— ᤕᤍᤠᤕᤠᤜ. ᤕᤜᤥᤕᤠᤖᤡᤒ ᤕᤠᤁᤡᤏ. 11 ᤀᤈᤷᤕᤠᤜ (ᤂᤢᤏᤧ᤹ ᤜᤡᤸᤁᤡᤕᤠᤜᤖᤧ ᤁᤢᤛ᤻ᤛᤠ ᤘᤕᤧ. ᤜᤡᤸᤁᤡᤕᤠᤜᤴ ᤔᤛᤢᤸᤗᤠᤔᤖᤧ ᤁᤢᤛ᤻ᤛᤠ ᤘᤕᤧ. ᤔᤛᤢᤸᤗᤠᤶᤔᤧᤴ ᤛᤠᤍᤥᤁᤖᤧ ᤁᤢᤛ᤻ᤛᤠ ᤘᤕᤧ. ᤛᤠᤍᤠᤁᤧᤴ ᤔᤖᤠᤕᤥᤋᤖᤧ ᤁᤢᤛ᤻ᤛᤠ ᤘᤕᤧ. ᤔᤖᤠᤕᤥᤋᤧᤴ ᤀᤜᤡᤋᤢᤒᤖᤧ ᤁᤢᤛ᤻ᤛᤠ ᤘᤕᤧ. ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶ ᤀᤥᤃᤧᤔᤧᤵᤐᤠ ᤗᤰᤐᤧᤴᤛᤠᤒᤠ ᤘᤕᤧ). 12 ᤀᤍᤠᤕᤠᤜ (ᤂᤢᤏᤧ᤹ ᤕᤖᤥᤜᤠᤔᤖᤧ ᤁᤢᤛ᤻ᤛᤠ ᤘᤕᤧ. ᤕᤖᤥᤜᤠᤔᤧᤴ ᤐᤛᤜᤢᤖᤖᤧ ᤁᤢᤛ᤻ᤛᤠ ᤘᤕᤧ. ᤐᤛᤜᤢᤖᤧᤴ ᤔᤸᤁᤡᤕᤠᤜᤖᤧ ᤁᤢᤛ᤻ᤛᤠ ᤘᤕᤧ. ᤜᤧᤰᤁᤩᤠᤱ ᤔᤠᤛᤤᤴ ᤀᤍᤡᤀᤣᤗᤖᤧ ᤁᤢᤛ᤻ᤛᤠ ᤘᤕᤧ. ᤀᤍᤡᤀᤣᤗᤧᤴ ᤕᤜᤈᤣᤖᤠᤖᤧ ᤁᤢᤛ᤻ᤛᤠ ᤘᤕᤧ. ᤕᤜᤈᤣᤖᤠᤴ ᤔᤛᤢᤸᤗᤠᤔᤖᤧ ᤁᤢᤛ᤻ᤛᤠ ᤘᤕᤧ. ᤔᤛᤢᤸᤗᤠᤔᤧᤴ ᤔᤛᤡᤗᤣᤔᤡᤋᤖᤧ ᤁᤢᤛ᤻ᤛᤠ ᤘᤕᤧ. ᤔᤛᤡᤗᤣᤔᤡᤋᤧᤴ ᤀᤡᤶᤔᤣᤖᤖᤧ ᤁᤢᤛ᤻ᤛᤠ ᤘᤕᤧ)॥ 13 ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤜᤡᤶᤛᤕᤱᤜᤠ᤹ᤀᤥᤒᤠ ᤗᤠᤶᤗᤥᤒᤠ ᤔᤧᤘᤕᤧ. ᤂᤧᤱᤜᤠ᤹ ᥇.᥍᥌᥆ ᤔᤧᤘᤕᤧ॥ ᤂᤧᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥ ᤔᤠᤱᤛᤧᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤛᤢᤶᤒᤥᤎᤠᤛᤠᤒᤠ ᤔᤏᤠ ᤔᤧᤘᤕᤧᤖᤥ॥ ᤕᤖᤢᤛᤗᤧ᤺ᤶᤔᤥ ᤁᤧᤕᤢᤱᤒᤠ ᤗᤧᤒᤡᤜᤠ᤹ 14 ᤗᤧᤒᤡᤜᤠ᤹ᤗᤠᤶ—ᤛᤔᤠᤕᤠᤜ (ᤂᤢᤏᤧ᤹ ᤜᤛ᤻ᤛᤢᤒᤖᤧ ᤁᤢᤛ᤻ᤛᤠ ᤘᤕᤧ. ᤜᤛ᤻ᤛᤢᤒᤧᤴ ᤀᤈᤪᤡᤁᤠᤔᤖᤧ ᤁᤢᤛ᤻ᤛᤠ ᤘᤕᤧ. ᤀᤈᤪᤡᤁᤠᤔᤧᤴ ᤜᤛᤒᤩᤠᤜᤖᤧ ᤁᤢᤛ᤻ᤛᤠ ᤘᤕᤧ. ᤔᤖᤠᤖᤡᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤔᤧᤘᤕᤧ). 15 ᤂᤧᤒᤩᤠᤱ ᤒᤰᤒᤰᤁᤖ. ᤜᤠᤖᤣᤛ. ᤃᤠᤗᤠᤗ. ᤔᤳᤋᤏᤩᤠᤜ (ᤂᤢᤏᤧ᤹ ᤔᤡᤁᤠᤖᤧ ᤁᤢᤛ᤻ᤛᤠ ᤘᤕᤧ. ᤔᤡᤁᤠᤴ ᤈᤡᤁᤪᤡᤖᤧ ᤁᤢᤛ᤻ᤛᤠ ᤘᤕᤧ. ᤈᤡᤁᤪᤡᤴ ᤀᤠᤛᤠᤐᤖᤧ ᤁᤢᤛ᤻ᤛᤠ ᤘᤕᤧ). 16 ᤜᤧᤰᤁᤩᤠᤱ ᤀᤥᤒᤍᤡᤕᤠ (ᤂᤢᤏᤧ᤹ ᤛᤔᤠᤕᤠᤜᤖᤧ ᤁᤢᤛ᤻ᤛᤠ ᤘᤕᤧ. ᤛᤔᤠᤕᤠᤜᤴ ᤃᤠᤗᤠᤗᤖᤧ ᤁᤢᤛ᤻ᤛᤠ ᤘᤕᤧ. ᤃᤠᤗᤠᤗᤧᤴ ᤕᤍᤢᤋᤢᤏᤖᤧ ᤁᤢᤛ᤻ᤛᤠ ᤘᤕᤧ). ᤂᤶᤓᤩᤠᤱ ᤒᤣᤖᤣᤁᤩᤠᤜ. (ᤂᤢᤏᤧ᤹ ᤀᤠᤛᤠᤖᤧ ᤁᤢᤛ᤻ᤛᤠ ᤘᤕᤧ. ᤀᤠᤛᤠᤴ ᤀᤧᤸᤁᤠᤏᤠ᤺ᤸᤗᤧ ᤁᤢᤛ᤻ᤛᤠ ᤘᤕᤧ. ᤀᤣᤸᤁᤠᤏᤠᤴ ᤏᤋᤥᤐᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤐᤠᤱᤓᤣ᤹ᤜᤠ᤹ᤀᤥ ᤕᤢᤅᤧᤖᤥ॥) ᤕᤖᤢᤛᤗᤧ᤺ᤶᤔᤥ ᤁᤧᤕᤢᤱᤒᤠ ᤔᤠᤱᤜᤡᤶ ᤗᤠᤶᤎᤣᤳ ᤁᤧᤃᤥᤒᤠᤜᤠ᤹ 17 ᤗᤠᤶᤎᤣᤳ ᤁᤧᤃᤥᤒᤠᤜᤠ᤹— ᤛᤸᤗᤢᤔ. ᤀᤰᤁᤢᤒ. ᤋᤸᤔᤥᤏ. ᤀᤜᤡᤔᤏ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤠ᤹ᤀᤡᤜᤠ᤹॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤑᤢ᤹ ᤛᤸᤗᤢᤔᤧᤴ ᤋᤢᤶ ᤗᤠᤶᤗᤥᤒᤠ ᤘᤕᤧ॥ 18 ᤁᤴ ᤕᤧᤶᤔᤥ ᤌᤠᤖᤡᤰ ᤂᤧᤱᤜᤠ᤹ ᤏᤠᤱᤃᤧᤴ ᤐᤡᤛᤠᤱᤒᤠ ᤜᤠᤱᤅᤡᤸᤗᤧ ᤕᤶᤒᤠ ᤁᤢᤗᤠᤶᤎᤣ᤺ᤳᤋᤥ ᤗᤠᤶᤎᤣᤳ ᤁᤧᤃᤥᤒᤠ ᤔᤧᤕᤧᤒᤧ॥ ᤂᤧᤱᤜᤠ᤹ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤛᤠ᤺ᤱᤃᤠᤜᤡᤶᤜᤠ᤹ᤀᤥᤒᤠ ᤗᤠᤶᤎᤣᤳ ᤁᤧᤃᤥᤒᤠ ᤔᤧᤘᤕᤧ॥ 19 ᤛᤸᤗᤢᤔ (ᤂᤢᤏᤧ᤹ ᤁᤥᤖᤣᤖᤧ ᤁᤢᤛ᤻ᤛᤠ ᤘᤕᤧ. ᤁᤥᤖᤧᤴ ᤀᤣᤒᤩᤠᤛᤠᤐᤖᤧ ᤁᤢᤛ᤻ᤛᤠ ᤘᤕᤧ. ᤀᤣᤒᤩᤠᤛᤠᤐᤧᤴ ᤁᤥᤖᤜᤖᤧ ᤁᤢᤛ᤻ᤛᤠ ᤘᤕᤧ). ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤃᤠ᤹ᤀᤡᤜᤠ᤹ (ᤁᤥᤖᤜᤖᤧ ᤁᤢᤎᤠ᤺ᤰᤜᤠ᤹) ᤛᤠ᤺ᤱᤃᤠᤜᤡᤶᤔᤥ ᤗᤠ᤺ᤵᤔᤠ ᤗᤠᤶᤎᤣᤳ ᤁᤥᤔᤠ ᤁᤶᤒᤪᤠᤱ ᤕᤠ᤺ᤶᤒᤰᤁᤥ ᤗᤰᤐᤧᤴᤛᤠᤒᤠ ᤔᤧᤘᤕᤧ. ᤜᤧᤰᤁᤣᤗ᤹ᤖᤡᤰᤁᤣ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤛᤢᤎᤧᤒᤠ ᤋᤠᤰᤌᤧᤒᤠᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤕᤠᤱᤎᤥ᤺ᤰᤔᤠᤍᤧᤴᤏᤥ ᤗᤠ᤺ᤵᤔᤠ ᤗᤠᤶᤎᤠ᤺ᤳᤋᤧᤴ ᤁᤶᤒᤪᤠᤱ ᤔᤧᤵᤔᤠ ᤕᤠ᤺ᤶᤒᤰ ᤔᤧᤈᤥᤃᤢᤀᤠᤱ ᤔᤧᤘᤕᤧ॥ 20 ᤀᤢ᤺ᤴᤇᤥ᤺ᤴᤒᤠ ᤕᤧᤶᤔᤥ ᤀᤣᤗᤠᤈᤠᤖᤖᤧ ᤁᤢᤛ᤻ᤛᤠ ᤐᤡᤏᤜᤠᤛᤧᤴ ᤂᤧᤱᤜᤠ᤹ ᤀᤥᤃᤧᤔᤧᤵᤐᤠ ᤋᤢᤶ ᤕᤢᤰᤛᤠᤒᤠ ᤘᤕᤧ. ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤴ ᤂᤢᤏᤧ᤹ᤏᤢ ᤛᤥᤛᤥᤖᤡᤰ ᤘᤕᤧ॥ 21 ᤔᤣᤛᤣᤗᤣᤔᤩᤠᤜᤖᤧ ᤁᤢᤛ᤻ᤛᤠ ᤈᤁᤖᤡᤕᤠᤴ ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶᤔᤥᤒᤠ ᤗᤠᤶᤎᤣᤳ ᤁᤧᤃᤥᤒᤠ ᤘᤕᤧ॥ 22 ᤗᤠ᤺ᤵᤔᤠ ᤗᤠᤶᤎᤣ᤺ᤳᤋᤥᤒᤠ ᤕᤠ᤺ᤶᤒᤰᤁᤥ ᤔᤧᤛᤣᤃᤢᤛᤡᤒᤠᤜᤠ᤹ ᥈᥇᥈ ᤂᤠᤏᤡ᤺ᤳ ᤔᤧᤕᤥᤖᤧ॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤠᤵᤑᤣᤰ ᤐᤠᤱᤓᤣ᤹ ᤐᤠᤱᤓᤣ᤹ ᤁᤢᤀᤡᤛᤡᤰ ᤐᤠᤱᤓᤣ᤹ᤜᤠ᤹ᤀᤥᤒᤠ ᤔᤡᤱᤛᤪᤠ ᤔᤡᤱᤏᤠ᤺ᤳᤋᤥ ᤔᤧᤛᤠᤵᤋᤢᤀᤠᤱ ᤐᤳᤇᤧ॥ ᤍᤠᤀᤢᤍᤧᤴ ᤏᤢ ᤂᤠᤃᤧᤀᤡᤰᤐᤠ ᤛᤔᤢᤀᤣᤗᤖᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ ᤂᤧᤴ ᤕᤠ᤺ᤶᤒᤰᤁᤥ ᤐᤳᤇᤧᤛᤡ ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤏᤠᤛᤠ᤹ᤔᤠ ᤛᤢᤰᤁᤧᤍᤧᤵᤐᤠ ᤔᤧᤘᤕᤧ॥ 23 ᤂᤧᤱᤜᤠ᤹ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤏᤡ᤹ ᤗᤰᤐᤧᤴᤏᤥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥᤒᤠ ᤕᤶᤒᤠ ᤗᤠᤶᤎᤣ᤺ᤵᤐᤠᤜᤠ᤹ᤀᤥ ᤗᤠᤶᤎᤣᤳ ᤁᤥᤔᤠ ᤕᤠ᤺ᤶᤒᤰ ᤘᤕᤧ. ᤂᤧᤴ ᤜᤡᤶᤔᤡᤴ ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶ ᤔᤧᤔᤧᤳᤋᤢ॥ 24 ᤂᤧᤴ ᤏᤠᤱᤃᤧᤴ. ᤏᤠᤶᤎᤠ. ᤗᤠᤱᤃᤧᤳ ᤏᤢ ᤌᤠᤱᤃᤧᤳ ᤁᤧᤜᤡᤛᤡᤱᤒᤠ ᤗᤠᤶᤎᤣ᤺ᤳᤜᤠ᤹ᤀᤥ ᤗᤳᤗᤳᤇᤠ ᤗᤠᤶᤎᤣᤳ ᤁᤧᤃᤥᤒᤠ ᤕᤢᤱᤔᤠ ᤁᤧᤒᤥᤱᤒᤠ ᤘᤕᤧ॥ 25 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤠ᤹ᤀᤡᤜᤠ᤹ ᤂᤢᤴᤇᤡ᤹ ᤐᤠᤱᤓᤣ᤹ᤜᤠ᤹ᤀᤥᤗᤠᤶ ᤂᤢᤴᤇᤡ᤹ᤏᤢ ᤛᤥᤖᤡᤰ ᤌᤡᤰᤗᤧᤱ ᤌᤡᤰᤁᤥ ᤏᤢᤛᤡ ᤕᤧᤴ ᤌᤠᤖᤡᤰ ᤗᤧᤰᤛᤡᤱᤔᤠᤖ ᤕᤠ᤺ᤶᤒᤰᤁᤥ ᤋᤠᤔᤠ ᤁᤧᤒᤥᤱᤒᤠ ᤘᤕᤧ॥ 26 ᤁᤖ ᤕᤶᤒᤠ ᤗᤠᤶᤎᤣᤳ ᤁᤧᤃᤥᤒᤠ ᤕᤶᤒᤠ ᤗᤡᤛᤡᤜᤠ᤹ᤃ ᤗᤧᤒᤡᤜᤠ᤹ ᤔᤧᤘᤕᤧ. ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥ ᤁᤧᤏᤧᤒᤠ ᤌᤠ᤺ᤱᤜᤠ᤹ ᤀᤥᤃᤧᤔᤧᤵᤐᤠ ᤗᤰᤐᤧᤴᤛᤠᤒᤠ ᤔᤧᤒᤥ᤺ᤰᤂᤧ॥ 27 ᤂᤧᤱᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶ ᤁᤒᤪᤡᤱ ᤛᤧᤴᤍᤡᤰ ᤔᤧᤏᤧᤛ᤻ᤛᤧ. ᤌᤣᤀᤠᤱᤓᤧᤸᤗᤧ ᤁᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤠ᤺ᤶᤒᤰ ᤘᤕᤧ॥ ᤜᤧᤰᤁᤩᤠᤱ ᤋᤠᤏᤠᤶ ᤌᤰᤔᤠ ᤕᤶᤒᤠ ᤗᤠᤶᤎᤣ᤺ᤳᤜᤠ᤹ ᤜᤶᤔᤠ ᤁᤧᤒᤥᤱᤒᤠ ᤘᤕᤧᤖᤥ॥ ᤘᤣ᤹ ᤗᤧᤒᤡᤜᤠ᤹ 28 ᤗᤧᤒᤡᤜᤠ᤹ᤀᤥᤒᤠ ᤁᤢᤓᤠᤖᤧ ᤔᤠᤱᤜᤡᤶᤔᤥᤒᤠ ᤔᤠᤱᤛᤧᤘᤠ ᤕᤠ᤺ᤶᤒᤰᤁᤥ ᤕᤠᤱᤔᤏᤠᤒᤠ ᤂᤵᤐᤩᤠ ᤛᤠᤔᤠᤜᤠ᤹ ᤀᤥᤔᤧᤵᤔᤠ ᤕᤠ᤺ᤶᤒᤰᤁᤡᤴ ᤔᤧᤔᤧᤳᤇᤡᤱ॥ ᤂᤧᤱᤜᤠ᤹ᤖᤧ ᤂᤧᤴ ᤂᤵᤐᤩᤠ ᤛᤠᤔᤠᤜᤠ᤹ ᤛᤡᤃᤠᤱ ᤏᤢ ᤗᤠ᤺ᤰᤁᤠᤳ ᤔᤧᤍᤣ᤹ᤖᤢᤸᤗᤧ ᤏᤡ᤺ᤵᤔᤠᤀᤠᤱ ᤕᤢᤱᤔᤠ ᤁᤧᤒᤥᤱᤒᤠ ᤘᤕᤧ॥ 29 ᤂᤧᤱᤜᤠ᤹ᤀᤥᤒᤠ ᤁᤢᤓᤠ ᤘᤣ᤹ ᤛᤠᤔᤠᤜᤠ᤹ ᤜᤧᤰᤁᤩᤠᤱ ᤛᤣᤛᤣᤍᤧᤴᤏᤥᤒᤠ ᤘᤣ᤹ ᤁᤧᤖᤧᤰ ᤂᤵᤐᤩᤠ ᤛᤠᤔᤠᤜᤠ᤹ ᤏᤢ ᤑᤣ᤹ᤍᤢᤶ. ᤆᤧᤸᤗᤧᤰᤛᤣ᤹ ᤛᤣᤈ᤺ᤱᤘᤠ. ᤆᤤᤋᤢᤏ ᤏᤡ᤺ᤱᤃᤣ᤹. ᤛᤢᤰᤐᤠ ᤏᤢ ᤔᤠᤖᤢᤰᤜᤠ᤹ ᤀᤥᤔᤧᤵᤔᤠᤖᤧ ᤗᤠᤃᤡ ᤔᤢᤖᤠ ᤔᤧᤔᤧᤳᤋᤢᤛᤡᤀᤠᤱ ᤔᤧᤘᤕᤧ॥ 30 ᤁᤖ ᤁᤢᤓᤠ ᤁᤢᤓᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤔᤠᤖᤢᤰᤜᤠ᤹ ᤔᤧᤓ᤺ᤴᤍᤢᤀᤠᤱ ᤕᤠᤖᤡᤵ ᤔᤧᤈᤥᤃᤢ॥ 31 ᤁᤥᤖᤜ ᤌᤠ᤺ᤰᤁᤥᤒᤠ ᤛᤸᤗᤢᤔᤖᤧ ᤁᤢᤛ᤻ᤛᤠ ᤋᤢᤶᤒᤠ ᤗᤧᤒᤡ ᤔᤳᤋᤡᤋᤩᤠᤜᤖᤧ ᤁᤢᤗᤰᤐᤧᤴᤏᤥ ᤜᤢᤰᤘᤠᤀᤥᤒᤠ ᤆᤠᤖ᤺ᤵᤐᤠᤜᤠ᤹ ᤗᤧ᤺ᤱᤔᤠ ᤀᤥ᤹ᤔᤠ ᤕᤠ᤺ᤶᤒᤰ ᤘᤕᤧ॥ 32 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤢᤓᤠ ᤁᤥᤖᤜ ᤌᤠ᤺ᤰ ᤁᤠ᤹ᤀᤡᤜᤠ᤹ᤖᤧ ᤂᤢᤏᤡ᤹ ᤗᤰᤐᤧᤴᤏᤥ ᤛᤒᤠᤌ ᤕᤧᤴ ᤌᤰᤔᤠ ᤜᤢᤰᤘᤠᤀᤥᤒᤠ ᤂᤖᤧ᤺ᤱᤜᤠ᤹ ᤕᤠᤖᤡᤵ ᤆᤥ᤺ᤰᤔᤠ ᤁᤧᤒᤥᤱᤒᤠ ᤕᤠ᤺ᤶᤒᤰ ᤘᤕᤧ॥ 33 ᤂᤧᤴ ᤛᤠᤶᤗᤥ ᤀᤡᤰᤗᤠ ᤁᤧᤗ᤺ᤵᤐᤠᤜᤠ᤹. ᤗᤧᤒᤡ ᤜᤡᤶᤛᤕᤱ ᤜᤡᤶᤛᤕᤱᤒᤠ ᤗᤠᤶᤗᤥᤒᤠᤜᤠ᤹. ᤂᤢᤴᤇᤡ᤹ ᤗᤠᤃᤡ ᤀᤣ᤺ᤰ ᤏᤧᤔᤏᤠᤒᤠ ᤕᤠᤰᤑᤠᤱᤜᤠ᤹ᤀᤥ ᤔᤧᤕᤢᤅᤧ. ᤜᤧᤰᤁᤩᤠᤱ ᤘᤣ᤹ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤧᤒᤥᤱᤒᤠ ᤜᤥ᤺ᤵᤋᤧ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤗᤧᤴᤍᤡᤰ ᤛᤧᤴᤍᤡᤰ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤧᤒᤥᤱᤒᤠ ᤘᤕᤧ॥ 34 ᤁᤴᤜᤠ᤹ ᤁᤧᤖᤧᤰ ᤗᤧᤒᤡ ᤜᤡᤶᤛᤕᤱ ᤜᤡᤶᤛᤕᤱᤜᤠ᤹ᤀᤥᤒᤠ ᤗᤠᤶᤗᤥᤒᤠ ᤔᤧᤘᤕᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤛᤪᤠᤀᤥᤒᤠ ᤔᤡᤱᤏᤠ᤺ᤳᤋᤥ ᤔᤧᤛᤠᤵᤋᤢ ᤀᤡᤛᤡ᤺ᤰ ᤂᤧᤱᤜᤠ᤹ ᤕᤖᤢᤛᤗᤧ᤺ᤶᤔᤥ ᤔᤧᤕᤢᤅᤧᤖ ᤔᤧᤘᤕᤧᤖᤥ॥ ᤛᤠᤀᤢᤗ ᤜᤠᤱᤅᤡᤸᤗᤧ ᤁᤢᤔᤡᤱᤛᤪᤠ ( ᥇ ᤛᤠᤵᤔᤢ ᥎:᥈᥏-᥉᥎ ) 35 ᤃᤡᤒᤥᤏᤖᤧ ᤁᤢᤶᤒᤠ ᤕᤡᤀᤣᤗᤧᤱᤃ ᤃᤡᤒᤥᤏᤀᤥᤀᤣ ᤕᤢᤅᤧ॥ ᤂᤢᤏᤧ᤹ ᤁᤢᤔᤣ᤺ᤳᤋᤧᤸᤗᤧ ᤁᤢᤔᤡᤱ ᤔᤠᤁᤠ ᤘᤕᤧ॥ 36 ᤂᤢᤏᤧ᤹ ᤁᤢᤛ᤻ᤛᤠ ᤋᤢᤶᤒᤧᤴ ᤀᤒ᤻ᤍᤥᤏ ᤘᤕᤧ ᤂᤧᤸᤗᤧ ᤁᤢᤀᤣᤃᤠᤱ ᤛᤢᤖ. ᤁᤡᤛ. ᤒᤠᤗ. ᤏᤣᤖ ᤏᤠᤍᤠᤒ. 37 ᤃᤍᤥᤖ. ᤀᤜᤡᤕᤥ. ᤈᤁᤖᤡᤕᤠ ᤏᤢ ᤔᤡᤰᤗᤥᤋ ᤔᤧᤘᤕᤧ॥ 38 ᤔᤡᤰᤗᤥᤋᤧᤴ ᤛᤡᤔᤠᤔᤖᤧ ᤁᤢᤶᤒᤠ ᤘᤕᤧ॥ ᤂᤧᤱᤜᤠ᤹ ᤕᤖᤢᤛᤗᤧ᤺ᤶᤔᤥ ᤂᤢᤴᤇᤡ᤹ ᤀᤠᤵᤑᤣᤰ ᤁᤠ᤹ᤀᤡᤜᤠ᤹ᤖᤧ ᤂᤢᤏᤡ᤹ ᤏᤡ᤺ᤳᤋᤠᤱ ᤔᤧᤕᤢᤅᤧ॥ 39 ᤁᤡᤛᤖᤧ ᤁᤢᤶᤒᤠ ᤏᤣᤖ ᤘᤕᤧ. ᤜᤧᤰᤁᤩᤠᤱ ᤛᤠᤀᤢᤗᤖᤧ ᤁᤢᤶᤒᤠ ᤁᤡᤛ ᤘᤕᤧ॥ ᤛᤠᤀᤢᤗᤧᤴ ᤈᤥᤏᤠᤌᤏ. ᤔᤸᤁᤡᤛᤢᤀ. ᤀᤒᤡᤏᤠᤍᤠᤒ ᤏᤢ ᤀᤣᤛ᤻ᤒᤠᤗᤖᤧ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ ᤘᤕᤧ॥ 40 ᤈᤥᤏᤠᤌᤏᤖᤧ ᤁᤢᤛ᤻ᤛᤠ— ᤔᤖᤡᤒ᤻ᤒᤠᤗ. ᤔᤖᤡᤒ᤻ᤒᤠᤗᤧᤴ ᤔᤡᤁᤠᤖᤧ ᤁᤢᤶᤒᤠ ᤘᤕᤧ॥ 41 ᤔᤡᤁᤠᤖᤧ ᤁᤢᤛ᤻ᤛᤠᤜᤠ᤹— ᤐᤡᤋᤥᤏ. ᤔᤣᤗᤣᤁ. ᤋᤜᤖᤤ ᤏᤢ ᤀᤠᤜᤠᤈ॥ 42 ᤀᤠᤜᤠᤈᤧᤴ ᤕᤠᤍᤠᤜᤖᤧ ᤁᤢᤶᤒᤠ ᤘᤕᤧ. ᤜᤧᤰᤁᤩᤠᤱ ᤕᤠᤍᤠᤜᤴ ᤀᤠᤗᤧᤔᤣᤋ. ᤀᤈ᤻ᤔᤠᤘᤣᤋ ᤏᤢ ᤈᤡᤔᤪᤡᤖᤧ ᤂᤢᤴᤇᤡ᤹ ᤐᤠ ᤘᤕᤧ॥ ᤈᤡᤔᤪᤡᤴ ᤔᤥᤛᤖᤧ ᤁᤢᤶᤒᤠ ᤘᤕᤧ॥ 43 ᤜᤧᤰᤁᤩᤠᤱ ᤔᤥᤛᤧᤴ ᤒᤡᤏᤣᤖᤧ ᤁᤢᤶᤒᤠ ᤘᤕᤧ॥ ᤒᤡᤏᤣᤖᤧ ᤁᤢᤛ᤻ᤛᤠ ᤖᤐᤠᤕᤠᤜ ᤘᤕᤧ. ᤖᤐᤠᤕᤠᤜᤖᤧ ᤁᤢᤛ᤻ᤛᤠ ᤀᤣᤗᤠᤛᤠ ᤘᤕᤧ. ᤂᤶᤓᤩᤠᤱ ᤀᤣᤗᤠᤛᤠᤖᤧ ᤁᤢᤛ᤻ᤛᤠ ᤀᤠᤛᤣᤗ ᤘᤕᤧ॥ 44 ᤀᤠᤛᤣᤗᤖᤧ ᤁᤢᤛ᤻ᤛᤠ ᤋᤢᤰᤛᤡ ᤔᤧᤘᤕᤧ—ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ— ᤀᤈᤪᤡᤁᤠᤔ. ᤒᤥᤁᤖᤢ. ᤀᤡᤛ᤻ᤔᤠᤀᤣᤗ. ᤛᤠᤷᤕᤠᤜ. ᤀᤥᤒᤍᤡᤕᤠ ᤏᤢ ᤜᤠᤏᤠᤏ॥ ᤁᤴᤜᤠ᤹ ᤁᤧᤖᤧᤰ ᤀᤠᤛᤣᤗᤖᤧ ᤁᤢᤛ᤻ᤛᤠ ᤔᤧᤘᤕᤧᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.