᥇ ᤛᤠᤵᤔᤢ᤺ᤴᤎᤢᤶ 6 - LIFOTNTᤔᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤛᤪᤠ 1 ᤗᤧᤒᤡ᤺ᤸᤗᤧ ᤁᤢᤛ᤻ᤛᤠᤜᤠ᤹— ᤃᤣᤷᤛᤥᤏ. ᤁᤜᤠᤋ ᤏᤢ ᤔᤖᤠᤖᤡ॥ 2 ᤁᤜᤠᤋᤖᤧ ᤁᤢᤛ᤻ᤛᤠᤜᤠ᤹— ᤀᤔᤪᤠᤔ. ᤕᤡᤛᤜᤠᤖ. ᤜᤣᤒᤪᤥᤏ ᤏᤢ ᤀᤢᤈ᤻ᤈᤡᤀᤣᤗ॥ 3 ᤀᤔᤪᤠᤔᤖᤧ ᤁᤢᤛ᤻ᤛᤠ ᤔᤧᤴᤇᤢᤔᤠᤎᤡᤰ ᤏᤢ ᤕᤧᤶᤒᤡᤳᤇᤠᤜᤠ᤹— ᤜᤠᤖᤢᤏ. ᤔᤥᤛᤠ ᤏᤢ ᤔᤡᤖᤡᤕᤔ॥ ᤜᤠᤖᤢᤏᤖᤧ ᤁᤢᤛ᤻ᤛᤠᤜᤠ᤹— ᤏᤠᤍᤠᤒ. ᤀᤒᤡᤜᤢ. ᤀᤣᤗᤠᤈᤠᤖ ᤏᤢ ᤀᤡᤋᤠᤔᤠᤖ॥ 4 ᤀᤣᤗᤠᤈᤠᤖᤧᤴ ᤐᤡᤏᤜᤠᤛᤖᤧ ᤁᤢᤶᤒᤠ ᤘᤕᤧ. ᤐᤡᤏᤜᤠᤛᤧᤴ ᤀᤒᤡᤛᤢᤖᤧ ᤁᤢᤶᤒᤠ ᤘᤕᤧ. 5 ᤀᤒᤡᤛᤢᤴ ᤒᤢᤰᤁᤡᤖᤧ ᤁᤢᤶᤒᤠ ᤘᤕᤧ. ᤒᤢᤰᤁᤡᤴ ᤀᤢᤈ᤻ᤈᤡᤖᤧ ᤁᤢᤶᤒᤠ ᤘᤕᤧ. 6 ᤀᤢᤈ᤻ᤈᤡᤴ ᤈᤖᤕᤠᤜᤖᤧ ᤁᤢᤶᤒᤠ ᤘᤕᤧ. ᤈᤖᤕᤠᤜᤴ ᤔᤖᤠᤕᤥᤋᤖᤧ ᤁᤢᤶᤒᤠ ᤘᤕᤧ. 7 ᤔᤖᤠᤕᤥᤋᤧᤴ ᤀᤔᤷᤕᤠᤜᤖᤧ ᤁᤢᤶᤒᤠ ᤘᤕᤧ. ᤀᤔᤷᤕᤠᤜᤴ ᤀᤜᤡᤋᤢᤒᤖᤧ ᤁᤢᤶᤒᤠ ᤘᤕᤧ. 8 ᤀᤜᤡᤋᤢᤒᤧᤴ ᤛᤠᤍᤥᤁᤖᤧ ᤁᤢᤶᤒᤠ ᤘᤕᤧ. ᤛᤠᤍᤥᤁᤧᤴ ᤀᤜᤡᤔᤠᤛᤖᤧ ᤁᤢᤶᤒᤠ ᤘᤕᤧ. 9 ᤀᤜᤡᤔᤠᤛᤧᤴ ᤀᤈᤷᤕᤠᤜᤖᤧ ᤁᤢᤶᤒᤠ ᤘᤕᤧ. ᤀᤈᤷᤕᤠᤜᤴ ᤕᤥᤜᤠᤏᤠᤏᤖᤧ ᤁᤢᤶᤒᤠ ᤘᤕᤧ. 10 ᤕᤥᤜᤠᤏᤠᤏᤧᤴ ᤀᤈᤷᤕᤠᤜᤖᤧ ᤁᤢᤶᤒᤠ ᤘᤕᤧ (ᤕᤖᤢᤛᤗᤧ᤺ᤶᤔᤥ ᤛᤥᤗᤥᤔᤏᤖᤧ ᤆᤥᤃᤢᤒᤠ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥ ᤜᤠᤒᤠ ᤂᤧᤴ ᤀᤈᤷᤕᤠᤜ᤺ᤸᤗᤧ ᤏᤡᤱᤘᤠ᤹ᤑᤢᤛᤠᤶᤒᤠ ᤕᤠ᤺ᤶᤒᤰ ᤆᤥᤃᤢ). 11 ᤀᤈᤷᤕᤠᤜᤴ ᤀᤔᤷᤕᤠᤜ᤺ᤸᤗᤧ ᤁᤢᤶᤒᤠ ᤘᤕᤧ. ᤀᤔᤷᤕᤠᤜᤴ ᤀᤜᤡᤋᤢᤒᤖᤧ ᤁᤢᤶᤒᤠ ᤘᤕᤧ. 12 ᤀᤜᤡᤋᤢᤒᤧᤴ ᤛᤠᤍᤥᤁᤖᤧ ᤁᤢᤶᤒᤠ ᤘᤕᤧ. ᤛᤠᤍᤥᤁᤧᤴ ᤛᤸᤗᤢᤔᤖᤧ ᤁᤢᤶᤒᤠ ᤘᤕᤧ. 13 ᤛᤸᤗᤢᤔᤧᤴ ᤜᤡᤸᤁᤡᤕᤠᤜᤖᤧ ᤁᤢᤶᤒᤠ ᤘᤕᤧ. ᤜᤡᤸᤁᤡᤕᤠᤜᤴ ᤀᤈᤷᤕᤠᤜᤖᤧ ᤁᤢᤶᤒᤠ ᤘᤕᤧ. 14 ᤀᤈᤷᤕᤠᤜᤴ ᤛᤖᤠᤕᤠᤜᤖᤧ ᤁᤢᤶᤒᤠ ᤘᤕᤧ. ᤛᤖᤠᤕᤠᤜᤴ ᤕᤜᤥᤛᤠᤍᤠᤁᤖᤧ ᤁᤢᤶᤒᤠ ᤘᤕᤧ॥ 15 ᤀᤠᤸᤗ ᤕᤜᤘᤣ ᤍᤠᤱᤒᤧᤸᤗᤧ ᤕᤜᤢᤍᤠ ᤏᤢ ᤕᤖᤢᤛᤗᤧ᤺ᤶᤔᤥᤒᤠ ᤔᤏᤠᤜᤠ᤹ ᤏᤒᤢᤁᤍᤏᤣᤛᤖᤖᤧ ᤁᤢᤜᤢᤰᤗᤠᤶ ᤗᤠᤈᤣ᤹ᤗᤠᤶ ᤗᤠ᤺ᤰᤁᤠᤳ ᤗ᤺ᤳᤋᤢᤍᤣᤛᤢᤛᤡᤸᤗᤧ ᤕᤜᤥᤛᤠᤍᤠᤁᤧᤴᤏᤠᤱ ᤔᤧᤍᤧᤶᤛᤢ ᤔᤧᤍᤣ᤹ᤖᤢᤖᤥ॥ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤘᤣ᤹ ᤔᤢ᤹ᤀᤡᤍᤠᤱᤛᤠᤜᤠ᤹ 16 ᤗᤧᤒᤡ᤺ᤸᤗᤧ ᤁᤢᤛ᤻ᤛᤠᤜᤠ᤹— ᤃᤣᤷᤛᤥᤏ. ᤁᤜᤠᤋ ᤏᤢ ᤔᤖᤠᤖᤡ॥ 17 ᤃᤣᤷᤛᤥᤏᤖᤧ ᤁᤢᤛ᤻ᤛᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤜᤠ᤹ ᤀᤠᤶᤓᤠ ᤁᤴᤜᤠ᤹ᤖᤥ— ᤗᤡᤒ᤻ᤏᤡ ᤏᤢ ᤛᤡᤔᤡ॥ 18 ᤁᤜᤠᤋᤖᤧ ᤁᤢᤛ᤻ᤛᤠᤜᤠ᤹— ᤀᤔᤪᤠᤔ. ᤕᤡᤛᤜᤠᤖ. ᤜᤣᤒᤪᤥᤏ ᤏᤢ ᤀᤢᤈ᤻ᤈᤡᤀᤣᤗ॥ 19 ᤔᤖᤠᤖᤡᤖᤧ ᤁᤢᤛ᤻ᤛᤠᤜᤠ᤹— ᤔᤜᤗᤡ ᤏᤢ ᤔᤢᤛᤡ॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤠᤒᤠᤅᤣ ᤀᤠᤒᤠᤅᤣ ᤜᤡᤶᤛᤕᤱ ᤁᤢᤀᤡᤛᤡᤰ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ ᤁᤴᤜᤠ᤹ᤀᤣᤖᤥ॥ 20 ᤃᤣᤷᤛᤥᤏᤖᤧ ᤁᤢᤎᤠ᤺ᤰᤜᤠ᤹— ᤂᤢᤏᤧ᤹ ᤀᤠᤵᤑᤣᤰ ᤁᤢᤛ᤻ᤛᤠ ᤗᤡᤒ᤻ᤏᤡ. ᤗᤡᤒ᤻ᤏᤡᤖᤧ ᤁᤢᤛ᤻ᤛᤠ ᤕᤣᤜᤠᤌ. ᤕᤣᤜᤠᤌᤖᤧ ᤁᤢᤛ᤻ᤛᤠ ᤈᤡᤶᤔᤠᤜ. 21 ᤈᤡᤶᤔᤠᤜᤖᤧ ᤁᤢᤛ᤻ᤛᤠ ᤕᤥᤀᤠ. ᤕᤥᤀᤠᤖᤧ ᤁᤢᤛ᤻ᤛᤠ ᤀᤡᤍ᤻ᤍᤥ. ᤀᤡᤍ᤻ᤍᤥᤖᤧ ᤁᤢᤛ᤻ᤛᤠ ᤈᤣᤖᤜ. ᤜᤧᤰᤁᤩᤠᤱ ᤈᤣᤖᤜᤖᤧ ᤁᤢᤛ᤻ᤛᤠ ᤕᤠᤋᤖᤤ॥ 22 ᤁᤜᤠᤋᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤂᤢᤏᤧ᤹ ᤀᤠᤵᤑᤣᤰ ᤁᤢᤛ᤻ᤛᤠ ᤀᤶᤔᤡᤏᤠᤍᤠᤒ. ᤀᤶᤔᤡᤏᤠᤍᤠᤒᤖᤧ ᤁᤢᤛ᤻ᤛᤠ ᤁᤥᤖᤜ. ᤁᤥᤖᤜᤖᤧ ᤁᤢᤛ᤻ᤛᤠ ᤀᤛ᤻ᤛᤡᤖ. 23 ᤀᤛ᤻ᤛᤡᤖᤖᤧ ᤁᤢᤛ᤻ᤛᤠ ᤀᤣᤸᤁᤠᤏᤠ. ᤀᤣᤸᤁᤠᤏᤠᤖᤧ ᤁᤢᤛ᤻ᤛᤠ ᤀᤣᤒᤩᤠᤛᤠᤐ. ᤀᤣᤒᤩᤠᤛᤠᤐᤖᤧ ᤁᤢᤛ᤻ᤛᤠ ᤀᤛ᤻ᤛᤡᤖ. 24 ᤀᤛ᤻ᤛᤡᤖᤖᤧ ᤁᤢᤛ᤻ᤛᤠ ᤋᤜᤋ. ᤋᤜᤋᤖᤧ ᤁᤢᤛ᤻ᤛᤠ ᤀᤢᤖᤡᤀᤣᤗ. ᤀᤢᤖᤡᤀᤣᤗᤖᤧ ᤁᤢᤛ᤻ᤛᤠ ᤀᤢᤈ᤻ᤈᤡᤕᤠᤜ. ᤜᤧᤰᤁᤩᤠᤱ ᤀᤢᤈ᤻ᤈᤡᤕᤠᤜᤖᤧ ᤁᤢᤛ᤻ᤛᤠ ᤛᤦᤗ॥ 25 ᤀᤣᤸᤁᤠᤏᤠᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤀᤔᤠᤛᤤ ᤏᤢ ᤀᤜᤡᤔᤥᤋ. 26 ᤀᤜᤡᤔᤥᤋᤖᤧ ᤁᤢᤛ᤻ᤛᤠ ᤀᤣᤸᤁᤠᤏᤠ. ᤀᤣᤸᤁᤠᤏᤠᤖᤧ ᤁᤢᤛ᤻ᤛᤠ ᤛᤥᤑᤤ. ᤛᤥᤑᤤᤖᤧ ᤁᤢᤛ᤻ᤛᤠ ᤏᤜᤋ. 27 ᤏᤜᤋᤖᤧ ᤁᤢᤛ᤻ᤛᤠ ᤀᤣᤗᤡᤀᤠᤒ. ᤀᤣᤗᤡᤀᤠᤒᤖᤧ ᤁᤢᤛ᤻ᤛᤠ ᤕᤖᤥᤜᤠᤔ. ᤕᤖᤥᤜᤠᤔᤖᤧ ᤁᤢᤛ᤻ᤛᤠ ᤀᤣᤸᤁᤠᤏᤠ. ᤜᤧᤰᤁᤩᤠᤱ ᤀᤣᤸᤁᤠᤏᤠᤖᤧ ᤁᤢᤛ᤻ᤛᤠ ᤛᤔᤢᤀᤣᤗ॥ 28 ᤛᤔᤢᤀᤣᤗᤖᤧ ᤁᤢᤛ᤻ᤛᤠᤜᤠ᤹— ᤁᤢᤛ᤻ᤛᤠ ᤋᤢᤶᤒᤠ ᤕᤥᤀᤣᤗ ᤏᤢ ᤁᤢᤛ᤻ᤛᤠ ᤑᤥᤰᤘᤠ ᤀᤒᤡᤕᤠ॥ 29 ᤔᤖᤠᤖᤡᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤂᤢᤏᤧ᤹ ᤀᤠᤵᤑᤣᤰ ᤁᤢᤛ᤻ᤛᤠ ᤔᤜᤗᤡ. ᤔᤜᤗᤡᤖᤧ ᤁᤢᤛ᤻ᤛᤠ ᤗᤡᤒ᤻ᤏᤡ. ᤗᤡᤒ᤻ᤏᤡᤖᤧ ᤁᤢᤛ᤻ᤛᤠ ᤛᤡᤔᤡ. ᤛᤡᤔᤡᤖᤧ ᤁᤢᤛ᤻ᤛᤠ ᤀᤢᤈ᤻ᤈᤠᤜ. 30 ᤛᤡᤔᤣᤀ. ᤜᤃ᤻ᤃᤡᤕᤠᤜ ᤏᤢ ᤀᤛᤠᤕᤠᤜ॥ ᤔᤠᤱᤜᤡᤶᤔᤥ ᤛᤠᤶᤃᤧᤗᤥᤒᤠ ᤏᤢ ᤔᤢᤰᤗᤠ ᤁᤧᤜᤡᤵᤐᤠ ᤔᤏᤠᤜᤠ᤹ 31 ᤔᤠᤱᤜᤢᤵ ᤛᤴᤍᤥᤰᤁᤡᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥ ᤔᤧᤕᤢᤰᤂᤢᤀᤠᤱ ᤀᤣᤃᤠᤱ ᤛᤠᤶᤗᤥ ᤛᤠᤶᤔᤧᤵᤔᤠ ᤕᤠ᤺ᤶᤒᤰᤁᤡᤴ ᤀᤥᤔᤧᤵᤔᤠᤖᤧ ᤗᤠᤃᤡ ᤍᤠᤀᤢᤍᤖᤧ ᤕᤢᤰᤋᤡᤱ ᤆᤥᤃᤢᤛᤡᤒᤠ ᤔᤏᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ 32 ᤛᤥᤗᤥᤔᤏᤖᤧ ᤕᤖᤢᤛᤗᤧ᤺ᤶᤔᤥ ᤔᤠᤱᤜᤡᤶ ᤔᤧ᤺ᤴᤈᤥ᤺ᤰᤁᤣ ᤌᤠᤖᤡᤰ ᤛᤣᤛᤣ ᤛᤠ᤺ᤱᤃᤠᤜᤡᤶ. ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶ ᤋᤃᤡ ᤂᤧᤱᤜᤠ᤹ᤖᤧ ᤛᤠᤰᤌᤡᤶ ᤁᤢᤀᤡᤛᤡᤰ ᤛᤠᤶᤗᤥ ᤛᤠᤶᤔᤧᤵᤔᤠ ᤕᤠ᤺ᤶᤒᤰ ᤔᤧᤈᤥᤃᤢ॥ 33 ᤔᤠᤱᤛᤧᤘᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤕᤢᤰᤋᤡᤱ ᤔᤧᤈᤥᤃᤢᤛᤡᤒᤠ ᤔᤏᤠᤜᤠ᤹ ᤏᤢ ᤂᤢᤴᤇᤡ᤹ ᤛᤠᤜᤠ᤹ ᤁᤴᤜᤠ᤹ᤀᤣ ᤔᤧᤘᤕᤧᤖᤥ— ᤁᤜᤠᤋᤡᤜᤠ᤹ᤗᤠᤶ— ᤛᤠᤶᤗᤥ ᤀᤡᤰᤗᤠ ᤁᤧᤗ᤺ᤵᤐᤠ ᤜᤣᤔᤠᤏ. ᤂᤢᤏᤧ᤹ ᤕᤥᤀᤣᤗᤖᤧ ᤁᤢᤛ᤻ᤛᤠ. ᤕᤥᤀᤣᤗᤧᤴ ᤛᤔᤢᤀᤣᤗᤖᤧ ᤁᤢᤛ᤻ᤛᤠ. 34 ᤛᤠᤔᤢᤀᤧᤗᤧᤴ ᤀᤣᤸᤁᤠᤏᤠᤖᤧ ᤁᤢᤛ᤻ᤛᤠ. ᤀᤣᤸᤁᤠᤏᤠᤴ ᤕᤖᤥᤜᤠᤔᤖᤧ ᤁᤢᤛ᤻ᤛᤠ. ᤕᤜᤥᤖᤠᤔᤧᤴ ᤀᤣᤗᤡᤀᤣᤗᤖᤧ ᤁᤢᤛ᤻ᤛᤠ. ᤀᤣᤗᤡᤀᤣᤗᤧᤴ ᤋᤥᤜᤖᤧ ᤁᤢᤛ᤻ᤛᤠ. 35 ᤋᤥᤜᤴ ᤛᤢᤐᤖᤧ ᤁᤢᤛ᤻ᤛᤠ. ᤛᤢᤐᤧᤴ ᤀᤣᤸᤁᤠᤏᤠᤖᤧ ᤁᤢᤛ᤻ᤛᤠ. ᤀᤣᤸᤁᤠᤏᤠᤴ ᤔᤜᤋᤖᤧ ᤁᤢᤛ᤻ᤛᤠ. ᤔᤜᤋᤧᤴ ᤀᤔᤠᤛᤤᤖᤧ ᤁᤢᤛ᤻ᤛᤠ. 36 ᤀᤔᤠᤛᤤᤴ ᤀᤣᤸᤁᤠᤏᤠᤖᤧ. ᤀᤣᤸᤁᤠᤏᤠ᤺ᤴ ᤕᤥᤀᤣᤗᤖᤧ ᤁᤢᤛ᤻ᤛᤠ. ᤕᤥᤀᤣᤗᤧᤴ ᤀᤈᤷᤕᤠᤜᤖᤧ ᤁᤢᤛ᤻ᤛᤠ. ᤀᤈᤷᤕᤠᤜᤴ ᤛᤐᤏᤩᤠᤜᤖᤧ ᤁᤢᤛ᤻ᤛᤠ. 37 ᤛᤐᤏᤩᤠᤜᤴ ᤋᤜᤋᤖᤧ ᤁᤢᤛ᤻ᤛᤠ. ᤋᤜᤋᤧᤴ ᤀᤛ᤻ᤛᤡᤖᤖᤧ ᤁᤢᤛ᤻ᤛᤠ. ᤀᤛ᤻ᤛᤡᤖᤧᤴ ᤀᤣᤒᤩᤠᤛᤠᤐᤖᤧ ᤁᤢᤛ᤻ᤛᤠ. ᤀᤣᤒᤩᤠᤛᤠᤐᤧᤴ ᤁᤥᤖᤜᤖᤧ ᤁᤢᤛ᤻ᤛᤠ. 38 ᤁᤥᤖᤜᤴ ᤕᤡᤛᤜᤠᤖᤖᤧ ᤁᤢᤛ᤻ᤛᤠ. ᤕᤡᤛᤜᤠᤖᤖᤧᤴ ᤁᤜᤠᤋᤖᤧ ᤁᤢᤛ᤻ᤛᤠ. ᤁᤜᤠᤋᤧᤴ ᤗᤧᤒᤡᤖᤧ ᤁᤢᤛ᤻ᤛᤠ. ᤗᤧᤒᤡᤴ ᤀᤡᤛᤪᤠᤀᤡᤗᤖᤧ ᤁᤢᤛ᤻ᤛᤠ ᤘᤕᤧ॥ 39 ᤜᤣᤔᤠᤏᤖᤧ ᤁᤢᤓᤠ᤹ᤒᤠᤱ ᤀᤠᤛᤠᤐᤧᤴ ᤂᤢᤏᤧ᤹ ᤁᤢᤈᤢᤰᤘᤠ ᤗᤧᤵᤔᤠᤱ ᤔᤠᤱᤛᤧᤘᤠ ᤆᤥ᤺ᤰᤔᤠᤖᤧ ᤗᤠᤃᤡ ᤕᤧᤒᤧ— ᤀᤠᤛᤠᤐᤧᤴ ᤒᤣᤖᤣᤁᤩᤠᤜᤖᤧ ᤁᤢᤛ᤻ᤛᤠ. ᤒᤣᤖᤣᤁᤩᤠᤜᤴ ᤛᤡᤔᤣᤀᤖᤧ ᤁᤢᤛ᤻ᤛᤠ. 40 ᤛᤡᤔᤣᤀᤴ ᤔᤡᤂᤠᤀᤣᤗᤖᤧ ᤁᤢᤛ᤻ᤛᤠ. ᤔᤡᤂᤠᤀᤣᤗᤧᤴ ᤒᤠᤛᤣᤕᤠᤜᤖᤧ ᤁᤢᤛ᤻ᤛᤠ. ᤒᤠᤛᤣᤕᤠᤜᤴ ᤔᤸᤁᤡᤕᤠᤜᤖᤧ ᤁᤢᤛ᤻ᤛᤠ. 41 ᤔᤸᤁᤡᤕᤠᤜᤴ ᤀᤣᤳᤏᤡᤖᤧ ᤁᤢᤛ᤻ᤛᤠ. ᤀᤣᤳᤏᤡᤴ ᤈᤣᤖᤜᤖᤧ ᤁᤢᤛ᤻ᤛᤠ. ᤈᤣᤖᤜᤴ ᤀᤍᤠᤕᤠᤜᤖᤧ ᤁᤢᤛ᤻ᤛᤠ. 42 ᤀᤥᤍᤠᤕᤠᤜᤴ ᤀᤣᤋᤠᤏᤖᤧ ᤁᤢᤛ᤻ᤛᤠ. ᤀᤣᤋᤠᤏᤧᤴ ᤈᤡᤶᤔᤠᤜᤖᤧ ᤁᤢᤛ᤻ᤛᤠ. ᤈᤡᤶᤔᤠᤜᤴ ᤛᤡᤔᤡᤖᤧ ᤁᤢᤛ᤻ᤛᤠ 43 ᤛᤡᤔᤡᤴ ᤕᤜᤋᤖᤧ ᤁᤢᤛ᤻ᤛᤠ. ᤕᤜᤋᤧᤴ ᤃᤣᤷᤛᤥᤏᤖᤧ ᤁᤢᤛ᤻ᤛᤠ. ᤃᤣᤷᤛᤥᤏᤧᤴ ᤗᤧᤒᤡ᤺ᤸᤗᤧ ᤁᤢᤛ᤻ᤛᤠ ᤘᤕᤧ॥ 44 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤑᤠ᤹ᤒᤠᤱᤜᤠ᤹ ᤀᤣᤋᤠᤏᤖᤧ ᤁᤢᤓᤧᤴᤇᤠᤱ ᤗᤧᤵᤔᤠᤱ ᤁᤧᤕᤧᤵᤐᤠ ᤔᤖᤠᤖᤡᤜᤠ᤹— ᤀᤣᤋᤠᤏᤧᤴ ᤁᤡᤛᤡᤖᤧ ᤁᤢᤛ᤻ᤛᤠ. ᤁᤡᤛᤡᤴ ᤀᤒ᤻ᤍᤡᤖᤧ ᤁᤢᤛ᤻ᤛᤠ. ᤀᤒ᤻ᤍᤡᤴ ᤔᤸᤗᤢᤁᤖᤧ ᤁᤢᤛ᤻ᤛᤠ. 45 ᤔᤸᤗᤢᤁᤧᤴ ᤜᤛᤒᤩᤠᤜᤖᤧ ᤁᤢᤛ᤻ᤛᤠ. ᤜᤛᤒᤩᤠᤜᤴ ᤀᤔᤛᤩᤠᤜᤖᤧ ᤁᤢᤛ᤻ᤛᤠ. ᤀᤔᤛᤩᤠᤜᤴ ᤜᤡᤸᤁᤡᤕᤠᤜᤖᤧ ᤁᤢᤛ᤻ᤛᤠ. 46 ᤜᤡᤸᤁᤡᤕᤠᤜᤴ ᤀᤶᤛᤡᤖᤧ ᤁᤢᤛ᤻ᤛᤠ. ᤀᤶᤛᤡᤴ ᤒᤠᤏᤡᤖᤧ ᤁᤢᤛ᤻ᤛᤠ. ᤒᤠᤏᤡᤴ ᤛᤣᤔᤣᤖᤖᤧ ᤁᤢᤛ᤻ᤛᤠ. 47 ᤛᤣᤔᤣᤖᤖᤧᤴ ᤔᤜᤗᤡᤖᤧ ᤁᤢᤛ᤻ᤛᤠ. ᤔᤜᤗᤡᤴ ᤔᤢᤛᤡᤖᤧ ᤁᤢᤛ᤻ᤛᤠ. ᤔᤢᤛᤡᤴ ᤔᤖᤠᤖᤡᤖᤧ ᤁᤢᤛ᤻ᤛᤠ. ᤔᤖᤠᤖᤡᤴ ᤗᤧᤒᤡ᤺ᤸᤗᤧ ᤁᤢᤛ᤻ᤛᤠ ᤘᤕᤧ॥ 48 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤠ᤹ᤀᤡ ᤗᤧᤒᤡᤜᤠ᤹ ᤛᤣᤛᤣᤍᤧᤴ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥᤒᤠ ᤁᤧᤖᤧᤰ ᤕᤠ᤺ᤶᤒᤰᤜᤠ᤹ᤖᤧ ᤗᤠᤃᤡ ᤔᤧᤓᤴᤇᤡᤱᤅᤠᤱ ᤔᤧᤘᤕᤧᤖᤥ॥ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ 49 ᤁᤖ ᤜᤠᤖᤢᤏ ᤏᤢ ᤂᤢᤏᤧ᤹ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤛᤢᤰᤐᤠ ᤜᤠ᤺ᤶᤔᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤥ ᤛᤢᤰᤐᤠ ᤏᤢ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤥ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ ᤔᤧᤍᤥᤴᤍᤢ॥ ᤂᤧᤱᤜᤠ᤹ᤖᤧ ᤁᤧᤖᤧᤰᤏᤢ᤺ᤸᤗᤧ ᤛᤠ᤹ᤖᤡᤰ ᤛᤣᤛᤣᤒᤠᤍᤧᤴᤏᤥ ᤆᤥ᤺ᤰᤔᤠ ᤁᤧᤒᤥᤱᤒᤠ ᤕᤠ᤺ᤶᤒᤰ ᤏᤢ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤗᤧᤵᤔᤡ ᤏᤠ᤺ᤰᤔᤠᤖᤧ ᤗᤠᤃᤡ ᤆᤠᤜᤠ ᤁᤧᤈᤥ᤺ᤰᤐᤠ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤔᤡᤎᤡᤱᤔᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ ᤋᤥ᤺ᤶᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤧᤒᤥᤱᤒᤠ ᤘᤕᤧ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤘᤠᤖᤥᤒᤠ ᤔᤥᤛᤠ᤺ᤸᤗᤧ ᤐᤡᤖᤢᤛᤡᤒᤠ ᤀᤡᤱᤈᤠᤱ ᤁᤢᤀᤡᤛᤡᤰ ᤂᤧᤱᤜᤠ᤹ᤖᤧ ᤁᤧᤖᤧᤰ ᤕᤠ᤺ᤶᤒᤰᤜᤠ᤹ ᤔᤧᤈᤥᤃᤢ॥ 50 ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤖᤥ— ᤂᤢᤏᤧ᤹ ᤁᤢᤛ᤻ᤛᤠ ᤀᤣᤗᤠᤈᤠᤖ ᤘᤕᤧ. ᤀᤣᤗᤠᤈᤠᤖᤖᤧ ᤁᤢᤛ᤻ᤛᤠ ᤐᤡᤏᤜᤠᤛ ᤘᤕᤧ. ᤐᤡᤏᤜᤠᤛᤖᤧ ᤁᤢᤛ᤻ᤛᤠ ᤀᤒᤡᤛᤢ ᤘᤕᤧ. 51 ᤀᤒᤡᤛᤢᤖᤧ ᤁᤢᤛ᤻ᤛᤠ ᤒᤢᤰᤁᤡ ᤘᤕᤧ. ᤒᤢᤰᤁᤡᤖᤧ ᤁᤢᤛ᤻ᤛᤠ ᤀᤢᤈ᤻ᤈᤡ ᤘᤕᤧ. ᤀᤢᤈ᤻ᤈᤡᤖᤧ ᤁᤢᤛ᤻ᤛᤠ ᤈᤖᤠᤕᤠᤜ ᤘᤕᤧ. 52 ᤈᤖᤠᤕᤠᤜᤖᤧ ᤁᤢᤛ᤻ᤛᤠ ᤔᤖᤠᤕᤥᤋ ᤘᤕᤧ. ᤔᤖᤠᤕᤥᤋᤖᤧ ᤁᤢᤛ᤻ᤛᤠ ᤀᤔᤷᤕᤠᤜ ᤘᤕᤧ. ᤀᤔᤷᤕᤠᤜᤖᤧ ᤁᤢᤛ᤻ᤛᤠ ᤀᤜᤡᤋᤢᤒ ᤘᤕᤧ. 53 ᤀᤜᤡᤋᤢᤒᤖᤧ ᤁᤢᤛ᤻ᤛᤠ ᤛᤠᤍᤥᤁ ᤘᤕᤧ ᤜᤧᤰᤁᤩᤠᤱ ᤛᤠᤍᤥᤁᤖᤧ ᤁᤢᤛ᤻ᤛᤠ ᤀᤜᤡᤔᤠᤛ ᤘᤕᤧᤖᤥ॥ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤕᤢᤱᤔᤠᤍᤧᤴ 54 ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤁᤜᤠᤋᤡ ᤌᤠ᤺ᤰᤜᤠ᤹ ᤔᤧᤛᤧᤴᤍᤢ ᤔᤧᤒᤡᤖᤢᤛᤡᤒᤠ ᤋᤧᤱᤃᤵᤐᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤱᤓᤣ᤹ᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ (ᤌᤣᤀᤠᤱᤓᤧᤸᤗᤧ ᤁᤜᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤥᤀᤣ ᤌᤡᤰᤛᤡᤃᤣᤰᤐᤠ ᤋ᤹ᤕᤠ᤺ᤴᤏᤡᤴ ᤌᤩᤧᤀᤠᤱ ᤘᤕᤧᤖᤥ)— 55 ᤂᤧᤱᤜᤠ᤹ᤖᤧ ᤕᤜᤢᤍᤠᤒᤠ ᤜᤣᤒᤪᤥᤏᤧᤴ ᤏᤢ ᤂᤧᤴ ᤁᤒᤪᤡᤱ ᤐᤡᤛᤠᤱᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ ᤔᤧᤄᤥᤛᤢ॥ 56 ᤁᤖ ᤕᤐᤢᤴᤏᤣᤖᤧ ᤁᤢᤛ᤻ᤛᤠ ᤁᤠᤗᤣᤒᤖᤧ ᤂᤧᤴ ᤜᤣᤒᤪᤥᤏ ᤁᤒᤪᤡᤱ ᤐᤡᤛᤠᤱᤒᤠ ᤐᤠᤱᤓᤣ᤹ᤀᤡᤴ ᤏᤢ ᤀᤡᤰᤋᤠᤵᤜᤠ᤹ ᤂᤥᤛᤢ॥ 57 ᤁᤸᤗᤧᤆᤥᤃᤢᤸᤗᤧ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤜᤣᤒᤪᤥᤏ (ᤗᤳᤇᤠ ᤛᤧ᤺ᤵᤛᤡᤱᤔᤠᤍᤧᤴ ᤕᤧᤰᤕᤰ). ᤗᤡᤒ᤻ᤏᤠ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤕᤳᤋᤡᤖ. ᤀᤣᤛ᤻ᤋᤔᤥ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 58 ᤜᤡᤗᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴᤜᤠ᤹. ᤍᤒᤡᤖ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 59 ᤀᤠᤛᤠᤴ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤍᤧᤴ ᤗᤠᤈᤣ᤹ᤜᤠ᤹. ᤕᤢᤳᤋᤠ ᤏᤢ ᤒᤣᤌ-ᤛᤣᤔᤣᤛ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤀᤠᤱ ᤔᤧᤒᤡᤖᤢ॥ 60 ᤜᤧᤰᤁᤩᤠᤱ ᤒᤣᤏᤩᤠᤔᤡᤏᤖᤧ ᤁᤢᤎᤠ᤺ᤰᤁᤥᤗᤠᤶ—ᤃᤣᤒᤠ ᤏᤢ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤀᤠᤗᤧᤔᤣᤋ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤀᤏᤠᤋᤥᤋ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹ᤀᤠᤱ ᤔᤧᤒᤡᤖᤢᤛᤡ॥ ᤁᤜᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ ᤔᤧᤒᤡᤖᤢᤛᤡᤒᤠ ᤁᤴ ᤕᤧᤰᤕᤰᤜᤠ᤹ ᤁᤧᤖᤧᤰᤗᤧ ᤌᤡᤒᤥᤱᤅᤠᤱ ᤛᤢᤶᤛᤡ ᤏᤧᤛ᤻ᤛᤧ॥ 61 ᤁᤜᤠᤋᤒᤠ ᤁᤧᤏᤶᤒᤠ ᤔᤢ᤹ᤀᤡᤍᤠᤱᤛᤠᤜᤠ᤹ ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤱ ᤁᤢᤎᤠ᤺ᤰᤜᤠ᤹ᤗᤠᤶ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢᤀᤠᤱ ᤌᤡᤒᤥᤱ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 62 ᤃᤣᤷᤛᤥᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ ᤀᤡᤛ᤻ᤛᤠᤂᤠᤖ. ᤀᤠᤛᤣᤖ. ᤏᤵᤋᤠᤗᤡ ᤏᤢ ᤒᤠᤛᤠᤏᤀᤥ ᤁᤧᤏᤧᤒᤠ ᤏᤠᤱᤃᤧᤴᤒᤠ ᤔᤏᤛ᤻ᤛᤣᤖᤧ ᤁᤢᤜᤡᤶᤛᤕᤱᤗᤠᤶ ᤌᤡᤒᤥᤱᤅᤠᤱ ᤛᤢᤶᤛᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 63 ᤔᤖᤠᤖᤡᤖᤧ ᤁᤢᤎᤠ᤺ᤰᤜᤠ᤹ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ ᤖᤢᤒᤣᤏ. ᤃᤠᤍ ᤏᤢ ᤈᤒᤢᤗᤢᤏᤖᤧ ᤁᤢᤜᤡᤶᤛᤕᤱᤗᤠᤶ ᤌᤡᤒᤥᤱᤅᤠᤱ ᤏᤧᤳᤇᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡ॥ 64 ᤁᤶᤓᤗ᤹ᤖᤡᤰ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤗᤧᤒᤡᤜᤠ᤹ ᤁᤴ ᤕᤧᤰᤕᤰᤜᤠ᤹. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤔᤧᤒᤡᤖᤢᤛᤡ॥ 65 ᤌᤠ᤺ᤱ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤕᤧᤰᤕᤰᤜᤠ᤹ ᤕᤜᤢᤍᤠ. ᤛᤡᤔᤡᤕᤥᤏ ᤏᤢ ᤒᤣᤏᤩᤠᤔᤡᤏ ᤜᤡᤶᤛᤕᤱᤜᤠ᤹ᤗᤠᤶ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢᤀᤠᤱ ᤂᤧᤱᤜᤠ᤹ ᤔᤧᤒᤡᤖᤢᤛᤡᤀᤠᤱ ᤘᤕᤧ॥ 66 ᤁᤜᤠᤋᤒᤠ ᤁᤢᤓᤠ ᤌᤠ᤺ᤰᤜᤠ᤹ ᤀᤣᤑᤪᤠᤀᤡᤔᤒᤠ ᤜᤡᤶᤛᤕᤱᤗᤠᤶ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤋᤧᤱᤃᤵᤐᤡᤸᤗᤧ ᤗᤠᤃᤡ ᤕᤧᤰᤕᤰᤜᤠ᤹ ᤔᤧᤒᤡᤖᤢᤛᤡᤀᤠᤱ ᤏᤧᤛ᤻ᤛᤧ॥ 67 ᤂᤧᤱᤜᤠ᤹ ᤀᤣᤑᤪᤠᤀᤡᤔᤒᤠ ᤁᤥ᤺ᤰᤔᤠ ᤗᤠᤈᤣ᤹ᤀᤥ ᤁᤧᤏᤧᤒᤠ ᤛᤁᤣᤔ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹ (ᤗᤳᤇᤠ ᤛᤧ᤺ᤵᤛᤡᤱᤔᤠᤍᤧᤴ ᤕᤧᤰᤕᤰ). ᤃᤣᤈᤣᤖ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 68 ᤕᤥᤰᤔᤠᤔ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤒᤣᤌ-ᤜᤥᤖᤥᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 69 ᤀᤕᤩᤠᤗᤥᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹ ᤜᤧᤰᤁᤩᤠᤱ ᤃᤠᤋ-ᤖᤡᤶᤔᤥᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤀᤠᤱ ᤔᤧᤒᤡᤖᤢᤛᤡ॥ 70 ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤱ ᤁᤢᤜᤡᤶᤛᤕᤱᤗᤠᤶ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤀᤠᤏᤣᤖ ᤏᤢ ᤒᤡᤗᤠᤔ. ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤏᤢ ᤛᤥᤛᤥᤖᤡᤰ ᤁᤜᤠᤋᤖᤧ ᤁᤧᤏᤶᤒᤠ ᤁᤧᤕᤠ᤺ᤰᤐᤠ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤒᤡᤖᤢᤛᤡ॥ 71 ᤃᤣᤷᤛᤥᤏᤡᤜᤠ᤹ ᤔᤧᤒᤡᤖᤢᤛᤡᤒᤠ ᤗᤠᤈᤣ᤹ ᤗᤰᤜᤠ᤹ ᤁᤴᤜᤠ᤹ᤀᤣᤖᤥ— ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤱ ᤜᤡᤶᤛᤕᤱᤗᤠᤶ—ᤒᤠᤛᤠᤏᤀᤥ ᤃᤥᤗᤠᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤜᤧᤰᤁᤩᤠᤱ ᤀᤛ᤻ᤋᤠᤖᤥᤋ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤂᤧᤴᤏᤢ ᤛᤥᤛᤥᤖᤡᤰ ᤂᤧᤵᤔᤥᤒᤠ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ᤀᤠᤱ ᤔᤧᤒᤡᤖᤢᤛᤡ॥ 72 ᤀᤡᤛ᤻ᤛᤠᤂᤠᤖᤖᤧ ᤁᤢᤜᤡᤶᤛᤕᤱᤗᤠᤶ— ᤁᤣᤍᤣᤛ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤍᤠᤒᤖᤋ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 73 ᤖᤠᤔᤥᤋ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤜᤧᤰᤁᤩᤠᤱ ᤀᤏᤣᤔ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹ᤀᤠᤱ ᤔᤧᤒᤡᤖᤢᤛᤡ॥ 74 ᤀᤠᤛᤣᤖᤖᤧ ᤁᤢᤜᤡᤶᤛᤕᤱᤗᤠᤶ—ᤔᤠᤛᤠᤗ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤀᤒ᤻ᤍᤥᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 75 ᤜᤢᤁᤥᤁ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤜᤧᤰᤁᤩᤠᤱ ᤖᤜᤥᤒ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹ᤀᤠᤱ ᤔᤧᤒᤡᤖᤢᤛᤡ॥ 76 ᤏᤵᤋᤠᤗᤡᤖᤧ ᤁᤢᤜᤡᤶᤛᤕᤱᤗᤠᤶ— ᤃᤠᤗᤡᤗᤀᤥ ᤁᤣᤍᤣᤛ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤜᤶᤔᤥᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤁᤡᤷᤕᤠᤋᤤᤔ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹ᤀᤠᤱ ᤔᤧᤒᤡᤖᤢᤛᤡᤖᤥ॥ 77 ᤔᤖᤠᤖᤡ ᤔᤢ᤹ᤀᤡᤍᤠᤱᤛᤠᤜᤠ᤹. ᤗᤧᤒᤡ ᤁᤧᤏᤶᤒᤠ ᤜᤡᤶᤛᤕᤱᤜᤠ᤹ ᤔᤧᤒᤡᤖᤢᤛᤡᤒᤠ ᤗᤠᤈᤣ᤹ ᤗᤰᤜᤠ᤹ ᤁᤴᤜᤠ᤹ᤀᤣᤖᤥ— ᤈᤒᤢᤗᤢᤏᤖᤧ ᤁᤢᤜᤡᤶᤛᤕᤱᤗᤠᤶ— ᤕᤥᤰᤔᤠᤔ. ᤁᤷᤋᤜ. ᤖᤡᤶᤔᤥᤏᤥ ᤏᤢ ᤋᤒᤥᤖ. ᤂᤧᤵᤔᤥᤒᤠ ᤁᤧᤖᤧᤰ ᤆᤠᤖᤠᤶᤍᤧᤴᤜᤠ᤹ᤀᤠᤱ ᤔᤧᤒᤡᤖᤢᤛᤡ॥ 78 ᤕᤷᤍᤏ ᤏᤠᤎᤠ᤺ᤶᤒᤡ ᤕᤖᤡᤜᤥ ᤏᤠᤱᤃᤧᤴ ᤗᤧᤵᤔᤠᤱ ᤖᤢᤒᤣᤏᤖᤧ ᤁᤢᤜᤡᤶᤛᤕᤱᤗᤠᤶ—ᤔᤢᤖᤧᤰ ᤂᤠᤖᤧᤰᤐᤠ ᤌᤣᤀᤠᤱ ᤁᤧᤜᤥᤵᤐᤠ ᤕᤧ᤺ᤱᤄᤠᤍᤧᤴᤏᤥ ᤁᤧᤏᤧᤒᤠ ᤒᤣᤛᤣᤖ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤕᤜᤛᤠᤜ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 79 ᤁᤍᤣᤔᤥᤋ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤜᤧᤰᤁᤩᤠᤱ ᤔᤣᤐᤠᤋ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹ᤀᤠᤱ ᤔᤧᤄᤥᤛᤢ॥ 80 ᤃᤠᤍᤖᤧ ᤁᤢᤜᤡᤶᤛᤕᤱᤗᤠᤶ— ᤃᤡᤗᤠᤍᤀᤥ ᤁᤧᤏᤧᤒᤠ ᤖᤠᤔᤥᤋ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤔᤜᤏᤥᤔ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. 81 ᤜᤣᤛ᤻ᤒᤥᤏ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤜᤧᤰᤁᤩᤠᤱ ᤕᤠᤈᤣᤖ ᤏᤢ ᤂᤧᤵᤔᤥᤒᤠ ᤆᤠᤖᤠᤶᤔᤠᤍᤧᤴ ᤗᤠᤈᤣ᤹ᤜᤠ᤹. ᤂᤧᤴᤏᤢ ᤛᤥᤛᤥᤖᤡᤰ ᤂᤧᤵᤔᤥ ᤁᤧᤏᤧᤒᤠ ᤆᤠᤖᤠᤶᤍᤧᤴᤜᤠ᤹ᤀᤠᤱ ᤔᤧᤄᤥᤛᤢᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.