᥇ ᤛᤠᤵᤔᤢ᤺ᤴᤎᤢᤶ 4 - LIFOTNTᤕᤜᤢᤍᤠ᤺ᤸᤗᤧ ᤁᤢᤎᤡᤴᤍᤠᤱ ᤛᤠᤕᤥᤒᤥᤖᤠᤜᤠ᤹ 1 ᤕᤜᤢᤍᤠ᤺ᤸᤗᤧ ᤁᤢᤎᤡᤴᤍᤠᤱ ᤛᤠᤕᤥᤒᤥᤖᤠᤜᤠ᤹— ᤑᤠᤖᤣᤛ. ᤜᤣᤛᤪᤥᤏ. ᤁᤷᤔᤡ. ᤜᤢᤖ ᤏᤢ ᤛᤥᤒᤠᤗ॥ 2 ᤛᤥᤒᤠᤗᤖᤧ ᤁᤢᤛ᤻ᤛᤠ ᤖᤠᤕᤠᤜᤴ ᤕᤜᤋᤖᤧ ᤁᤢᤶᤒᤠ ᤘᤕᤧ॥ ᤕᤜᤋᤧᤴ ᤀᤜᤢᤔᤤ ᤏᤢ ᤗᤜᤍᤖᤧ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ ᤘᤕᤧ॥ ᤛᤥᤖᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤜᤠᤒᤠ ᤁᤴᤜᤠ᤹ᤀᤣ ᤔᤧᤘᤕᤧ॥ 3 ᤀᤣᤋᤠᤔᤖᤧ ᤁᤢᤛ᤻ᤛᤠᤜᤠ᤹— ᤕᤡᤈᤖᤣᤗ. ᤕᤡᤛ᤻ᤔᤠ ᤏᤢ ᤕᤡᤍᤒᤛ॥ ᤁᤴᤜᤠ᤹ᤖᤧ ᤂᤢᤴᤇᤡ᤹ ᤏᤢᤛᤠ᤹ ᤔᤧᤴᤇᤢᤔᤠ᤺ᤸᤗᤧ ᤁᤢᤔᤡᤱ ᤜᤛ᤻ᤛᤗᤣᤗᤐᤥᤏᤡ ᤘᤕᤧ॥ 4 ᤐᤏᤢᤀᤣᤗᤧᤴ ᤃᤍᤥᤖᤖᤧ ᤁᤢᤶᤒᤠ ᤏᤢ ᤀᤣᤛᤣᤖ ᤜᤢᤛᤖᤧ ᤁᤢᤶᤒᤠ ᤘᤕᤧ॥ ᤀᤣᤐᤪᤠᤋᤖᤧ ᤁᤢᤛ᤻ᤛᤠ ᤋᤢᤶᤒᤠ ᤏᤢ ᤒᤣᤌᤗᤧᤜᤧᤔᤖᤧ ᤁᤢᤶᤒᤠ ᤜᤢᤖᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ 5 ᤋᤁᤥᤖᤧ ᤁᤢᤶᤒᤠ ᤀᤛ᤻ᤛᤢᤖᤖᤧ ᤁᤢᤔᤣᤳ ᤏᤧᤳᤇᤡ ᤜᤣᤗᤜ ᤏᤢ ᤏᤠᤖᤠ ᤘᤕᤧᤛᤡ॥ 6 ᤏᤠᤖᤠ᤺ᤸᤗᤧ ᤂᤢᤏᤧ᤹ ᤁᤢᤗᤠᤃᤡ ᤀᤜᤢᤈ᤻ᤈᤠᤔ. ᤜᤣᤐᤣᤖ. ᤋᤣᤔᤣᤏᤡ ᤏᤢ ᤜᤠᤜᤛᤋᤠᤖᤡ ᤛᤠᤃᤳᤋᤢᤛᤡ॥ ᤏᤠᤖᤠ᤺ᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤔᤧᤘᤕᤧ॥ 7 ᤜᤣᤗᤜᤖᤧ ᤁᤢᤛ᤻ᤛᤠᤜᤠ᤹— ᤛᤣᤖᤣᤌ. ᤛᤥᤜᤥᤖ. ᤀᤣᤋᤏᤠᤏ ᤏᤢ ᤁᤥᤛ॥ 8 ᤜᤧᤰᤁᤩᤠᤱ ᤁᤥᤛᤧᤴ ᤀᤠᤏᤢᤒ ᤏᤢ ᤜᤈ᤻ᤈᤥᤒᤣᤒᤠ ᤂᤶᤓᤩᤠᤱ ᤜᤠᤖᤢᤔᤖᤧ ᤁᤢᤶᤒᤠ ᤀᤜᤷᤜᤣᤗᤖᤧ ᤁᤢᤎᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ ᤘᤕᤧᤖᤥ॥ 9 ᤕᤠᤒᤣᤛᤧᤴ ᤂᤢᤏᤧ᤹ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ᤏᤢ᤺ᤸᤗᤧ ᤕᤖᤡᤰ ᤔᤡᤱᤛᤥᤍᤠᤱᤒᤠ ᤘᤕᤧ॥ ᤂᤢᤏᤧ᤹ ᤁᤢᤶᤔᤠᤖᤧ ᤂᤧᤴ ᤕᤠᤒᤣᤛ ᤑᤠ᤹ᤀᤠᤱ ᤔᤡᤱ ᤘᤠ᤺ᤳᤋᤢᤀᤠᤱ ᤘᤕᤧ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤶᤔᤠᤖᤧ ᤐᤠ᤺ᤳᤋᤢ. “ᤀᤠᤱᤃᤠ᤹ ᤛᤠ᤹ᤖᤡᤰ ᤋᤢᤰᤔᤠᤗᤠ᤺ᤰᤔᤠᤀᤥ ᤂᤧᤴ ᤛᤠᤃᤳᤋᤢᤱᤗᤥ॥” 10 ᤕᤠᤒᤣᤛᤖᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤐᤣᤗᤡ ᤑᤠᤰᤋᤢ. “ᤐᤣᤗᤡ ᤑᤠᤰᤏᤧ. ᤀᤠᤱᤃᤠ᤹ ᤜᤠᤱᤘᤠᤃᤧᤴ ᤕᤖᤡᤰ ᤔᤢ᤹ᤀᤡᤛᤠᤶ ᤐᤡᤖᤠᤱᤅᤧ᤹ᤀᤠᤱ ᤀᤠᤗᤠᤈᤣ᤹ ᤛᤡᤱᤒᤢᤱᤜᤠ᤹ ᤑᤥᤛᤠᤱ ᤐᤡᤖᤠᤱᤅᤧ᤹ᤀᤥ᥄ ᤀᤠᤍᤠᤱᤒᤠᤖᤧ ᤁᤢᤜᤢᤰᤁᤡᤴ ᤀᤠᤛᤶᤎᤠᤱ ᤐᤳᤗ. ᤜᤧᤰᤁᤩᤠᤱ ᤁᤧᤛᤠᤰᤐᤠᤗᤠᤶ ᤛᤧ᤺ᤵᤋᤠᤱᤅᤧ᤹ᤀᤥ. ᤜᤧᤰᤁᤣᤗ᤹ᤖᤡᤰ ᤀᤠᤰᤋᤱᤒᤠ ᤐᤖᤡᤰᤗᤧ ᤁᤠ᤺ᤴᤏᤠᤛᤠᤱ ᤔᤧᤍᤢᤰᤏᤧᤴᤗᤖᤥ॥” ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤸᤗᤧ ᤁᤢᤒᤣᤗᤡᤴ ᤁᤧᤳᤋᤢᤖᤥ॥ 11 ᤛᤢᤜᤜᤖᤧ ᤁᤢᤴᤛᤠ᤹ ᤁᤗᤢᤒᤧᤴ ᤔᤣᤜᤡᤖᤖᤧ ᤁᤢᤶᤒᤠ ᤘᤕᤧ. ᤜᤧᤰᤁᤩᤠᤱ ᤔᤣᤜᤡᤖᤧᤴ ᤀᤣᤛ᤻ᤋᤥᤏᤖᤧ ᤁᤢᤶᤒᤠ ᤘᤕᤧ॥ 12 ᤀᤣᤛ᤻ᤋᤥᤏᤧᤴ ᤒᤣᤌ-ᤖᤠᤐᤠ. ᤐᤛᤣᤜ ᤏᤢ ᤋᤜᤡᤴᤏᤠᤖᤧ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ ᤘᤕᤧ॥ ᤋᤜᤡᤴᤏᤴ ᤀᤡᤖ-ᤏᤠᤜᤛᤁᤖᤧ ᤁᤢᤶᤒᤠ ᤘᤕᤧ॥ ᤁᤴᤜᤠ᤹ ᤖᤣᤁᤠᤒᤠ ᤔᤏᤠ ᤔᤧᤘᤕᤧᤖᤥ॥ 13 ᤁᤏᤈᤖᤧ ᤁᤢᤛ᤻ᤛᤠᤜᤠ᤹— ᤀᤥᤳᤏᤡᤀᤣᤗ ᤏᤢ ᤛᤖᤠᤕᤠᤜ॥ ᤀᤥᤳᤏᤡᤀᤣᤗᤖᤧ ᤁᤢᤛ᤻ᤛᤠᤜᤠ᤹— ᤜᤋᤋ ᤏᤢ ᤔᤥᤏᤥᤋᤤ॥ 14 ᤔᤥᤏᤥᤋᤤᤴ ᤀᤥᤐᤪᤠᤖᤧ ᤁᤢᤶᤒᤠ ᤘᤕᤧ॥ ᤛᤖᤠᤕᤠᤜᤴ ᤕᤥᤀᤠᤒᤖᤧ ᤁᤢᤶᤒᤠ ᤘᤕᤧ. ᤜᤧᤰᤁᤩᤠᤱ ᤕᤥᤀᤠᤒᤧᤴ ᤃᤣ-ᤜᤛᤡᤔᤖᤧ ᤁᤢᤶᤒᤠ ᤘᤕᤧ॥ (ᤂᤧᤱᤜᤠ᤹ ᤆᤥᤒᤣᤃᤢ ᤔᤧᤘᤕᤧᤒᤧᤸᤗᤧ ᤆᤥᤃᤢᤸᤗᤧ ᤂᤧᤸᤗᤧ ᤁᤢᤔᤡᤱ ᤜᤠᤒᤠ ᤂᤧᤴ ᤔᤧᤕᤢᤰᤂᤢ॥) 15 ᤕᤐᤢᤴᤏᤣᤖᤧ ᤁᤢᤛ᤻ᤛᤠ ᤁᤠᤗᤣᤒᤖᤧ ᤁᤢᤛ᤻ᤛᤠ ᤕᤧᤶᤒᤡᤳᤇᤠᤜᤠ᤹— ᤀᤡᤖᤢ. ᤀᤣᤗᤠᤜ. ᤏᤢ ᤏᤀᤠᤔ॥ ᤀᤣᤗᤠᤜᤖᤧ ᤁᤢᤛ᤻ᤛᤠ— ᤁᤏᤈ॥ 16 ᤕᤜᤗᤗᤣᤗᤖᤧ ᤁᤢᤛ᤻ᤛᤠᤜᤠ᤹— ᤈᤡᤐ. ᤈᤡᤐᤠ. ᤋᤡᤖᤕᤠ ᤏᤢ ᤀᤛᤖᤣᤗ॥ 17 ᤀᤣᤈᤪᤜᤖᤧ ᤁᤢᤛ᤻ᤛᤠᤜᤠ᤹— ᤕᤣᤋᤣᤖ. ᤔᤣᤖᤣᤍ. ᤀᤣᤐᤣᤖ ᤏᤢ ᤕᤠᤗᤥᤏ॥ ᤔᤣᤖᤣᤍᤖᤧ ᤋᤧᤴᤎᤠᤶ ᤔᤣ᤺ᤰᤂᤡᤶ ᤗᤡ᤺ᤰᤂᤢᤔᤠ ᤑᤠᤖᤥᤸᤗᤧ ᤁᤢᤛ᤻ᤛᤠ ᤔᤧᤴᤇᤢᤔᤠ ᤒᤡᤋᤩᤠᤜ᤺ᤸᤗᤧ ᤁᤢᤛ᤻ᤛᤠ ᤕᤧᤶᤒᤡᤳᤇᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤔᤧᤘᤕᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤀᤠᤱ ᤔᤡᤖᤡᤕᤔ. ᤛᤶᤔᤤ ᤏᤢ ᤀᤣᤛ᤻ᤋᤔᤥᤖᤧ ᤐᤠᤏᤢᤍᤡᤱ ᤁᤢᤶᤒᤠ ᤕᤡᤛ᤻ᤒᤜᤴ ᤛᤠᤃᤳᤋᤢ॥ 18 ᤔᤣᤖᤣᤍᤖᤧ ᤁᤢᤔᤣᤳ ᤕᤜᤢᤍᤡ ᤔᤧᤴᤇᤢᤔᤠᤴ ᤃᤍᤥᤖᤖᤧ ᤁᤢᤶᤒᤠ ᤕᤣᤖᤣᤍ. ᤛᤥᤂᤥᤖᤧ ᤁᤢᤶᤒᤠ ᤜᤣᤒᤣᤖ ᤏᤢ ᤈᤠᤏᤥᤜᤖᤧ ᤁᤢᤶᤒᤠ ᤕᤁᤢᤋᤡᤀᤣᤗᤖᤧ ᤂᤢᤴᤇᤡ᤹ ᤔᤠᤏᤢᤍᤡᤱ ᤔᤠ ᤘᤕᤧ॥ 19 ᤜᤥᤍᤡᤕᤠᤜᤖᤧ ᤁᤢᤔᤣᤳ ᤏᤜᤔᤖᤧ ᤁᤢᤴᤛᤠ᤹ ᤔᤧᤴᤇᤢᤔᤠ᤺ᤸᤗᤧ ᤁᤢᤛ᤻ᤛᤠᤜᤠ᤹— ᤃᤣᤖᤣᤔᤡ ᤁᤡᤗᤠᤜ ᤏᤢ ᤔᤠᤁᤠᤋᤡ ᤀᤣᤛ᤻ᤋᤔᤥᤖᤧ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ ᤘᤕᤧᤛᤡ॥ 20 ᤛᤡᤔᤥᤏᤖᤧ ᤁᤢᤛ᤻ᤛᤠᤜᤠ᤹— ᤀᤔᤏᤥᤏ. ᤖᤡᤴᤏᤠ. ᤒᤣᤏ-ᤜᤠᤏᤠᤏ ᤏᤢ ᤋᤡᤗᤥᤏ॥ ᤕᤡᤛᤡᤖᤧ ᤁᤢᤛ᤻ᤛᤠᤜᤠ᤹— ᤈᤥᤜᤣᤋ ᤏᤢ ᤒᤣᤏ-ᤈᤥᤜᤣᤋ॥ 21 ᤕᤜᤢᤍᤠ᤺ᤸᤗᤧ ᤁᤢᤛ᤻ᤛᤠ ᤛᤣᤗᤜᤖᤧ ᤁᤢᤛ᤻ᤛᤠᤜᤠ᤹— ᤗᤣᤁᤠᤖᤧ ᤁᤢᤶᤒᤠ ᤀᤣᤖ ᤘᤕᤧ. ᤔᤠᤖᤣᤛᤠᤖᤧ ᤁᤢᤶᤒᤠ ᤗᤠᤍᤠ ᤘᤕᤧ. ᤜᤧᤰᤁᤩᤠᤱ ᤒᤣᤌ-ᤀᤛ᤻ᤒᤣᤕᤠᤀᤥ ᤐᤖᤠᤴᤗᤠ ᤆᤡᤖᤡᤰ ᤁᤧᤎᤠᤰᤐᤠᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤜᤠ᤹. 22 ᤕᤥᤁᤡᤔ. ᤁᤥᤈᤣᤒᤠᤒᤠ ᤔᤏᤠᤜᤠ᤹. ᤜᤧᤰᤁᤩᤠᤱ ᤕᤥᤀᤠᤛ ᤏᤢ ᤛᤠᤖᤠᤐ. ᤂᤧᤱᤜᤠ᤹ᤖᤧ ᤔᤥᤀᤠᤒ ᤏᤢ ᤕᤛᤢᤒᤡ-ᤗᤣᤜᤣᤔᤀᤥ ᤜᤠᤱᤕᤢᤰ ᤔᤧᤈᤥᤃᤢ. ᤁᤴᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤜᤠ᤹ ᤀᤢᤏᤠᤜᤢᤖᤡᤒᤠᤒᤠ ᤛᤠᤵᤗᤠᤀᤥ ᤔᤧᤛᤠᤵᤋᤢᤀᤠᤱ ᤏᤧᤖᤥ॥ (ᤁᤴ ᤋᤠ᤹ᤈᤧᤱ ᤐᤠ᤺ᤴᤏᤡᤴ ᤛᤠ᤹ᤖᤡᤰ ᤀᤢᤏᤠᤜᤢᤖᤡᤒᤠ ᤆᤥᤰ॥) 23 ᤁᤴᤜᤠ᤹ ᤁᤥ᤺ᤶᤓᤠᤗᤩᤠ ᤔᤧᤘᤕᤧ. ᤂᤧᤱᤜᤠ᤹ ᤏᤋᤤᤔ ᤏᤢ ᤃᤍᤣᤖᤠᤀᤥ ᤔᤧᤕᤢᤅᤧᤀᤠᤱ ᤜᤠᤱᤅᤡᤸᤗᤧ ᤁᤢᤗᤠᤃᤡ ᤕᤠ᤺ᤶᤒᤰ ᤔᤧᤈᤥᤃᤧᤖᤥ॥ ᤛᤡᤔᤡᤕᤥᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ 24 ᤛᤡᤔᤡᤕᤥᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤏᤔᤢᤀᤣᤗ. ᤕᤠᤔᤡᤏ. ᤕᤠᤖᤡᤒ. ᤈᤣᤖᤜ ᤏᤢ ᤛᤦᤗ॥ 25 ᤛᤦᤗᤖᤧ ᤁᤢᤛ᤻ᤛᤠ ᤛᤸᤗᤢᤔ ᤘᤕᤧ. ᤛᤸᤗᤢᤔᤖᤧ ᤁᤢᤛ᤻ᤛᤠ ᤔᤡᤒ᤻ᤛᤠᤔ ᤘᤕᤧ. ᤔᤡᤒ᤻ᤛᤠᤔᤖᤧ ᤁᤢᤛ᤻ᤛᤠ ᤔᤡᤛ᤻ᤔᤠ ᤘᤕᤧ॥ 26 ᤔᤡᤛ᤻ᤔᤠᤖᤧ ᤁᤢᤔᤢ᤹ᤀᤡᤍᤠᤱᤛᤠ— ᤔᤡᤛ᤻ᤔᤠᤖᤧ ᤁᤢᤛ᤻ᤛᤠ ᤜᤶᤔᤢᤀᤣᤗ. ᤜᤶᤔᤢᤀᤣᤗᤖᤧ ᤁᤢᤛ᤻ᤛᤠ ᤈᤰᤁᤢᤖ. ᤈᤰᤁᤢᤖᤖᤧ ᤁᤢᤛ᤻ᤛᤠ ᤛᤡᤔᤡ ᤘᤕᤧ॥ 27 ᤛᤡᤔᤡᤖᤧ ᤌᤡᤒᤥᤱᤅᤠᤱ ᤋᤢᤰᤛᤡ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤋᤢᤰᤛᤡ ᤁᤢᤛ᤻ᤛᤠ ᤔᤧᤴᤇᤢᤔᤠ ᤔᤧᤘᤕᤧ. ᤁᤖ ᤂᤧᤸᤗᤧ ᤁᤢᤴᤛᤠ᤹ᤖᤧ ᤛᤢ᤺ᤸᤗᤡᤰᤗᤰ ᤕᤧᤶᤒᤡᤳᤇᤠ ᤔᤧᤴᤇᤢᤔᤠ ᤁᤢᤛ᤻ᤛᤠ ᤔᤧᤘᤕᤧ॥ ᤁᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ ᤕᤜᤢᤍᤠ᤺ᤸᤗᤧ ᤁᤢᤎᤠ᤺ᤰᤜᤠ᤹ ᤕᤠᤖᤡᤰ ᤕᤖᤡᤰ ᤔᤧᤶᤒᤥᤖᤧᤴ॥ 28 ᤂᤧᤱᤜᤠ᤹ ᤒᤣᤷᤛᤣᤒᤠ. ᤔᤥᤗᤠᤍᤠ. ᤜᤛᤖ-ᤛᤢᤀᤠᤗ. 29 ᤒᤡᤸᤜᤠ. ᤀᤣᤛᤣᤔ. ᤋᤥᤗᤍ. 30 ᤒᤋᤢᤀᤣᤗ. ᤜᤥᤷᤔᤠ. ᤛᤡᤰᤗᤃ. 31 ᤒᤣᤌ-ᤔᤷᤁᤠᤒᤥᤋ. ᤜᤛᤖ-ᤛᤛᤡᤔ. ᤒᤣᤌ-ᤒᤡᤖᤡ ᤏᤢ ᤛᤠᤖᤤᤔᤧᤴ ᤂᤢᤴᤇᤡ᤹ ᤕᤢᤰᤁᤥ ᤏᤧᤛ᤻ᤛᤧ॥ ᤍᤠᤀᤢᤍᤖᤧ ᤜᤠᤱᤕᤢᤰ ᤔᤧᤴᤈᤥ᤺ᤰᤁᤣ ᤌᤠᤖᤡᤰ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤧᤰᤕᤰᤜᤠ᤹ ᤀᤠᤶᤓᤠ ᤁᤴᤜᤠ᤹ᤀᤣ ᤏᤧᤛ᤻ᤛᤧ॥ 32 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤱᤓᤣ᤹ᤜᤠ᤹ ᤀᤣᤋᤠᤔ. ᤀᤤᤏ. ᤖᤡᤶᤔᤥᤏ. ᤋᤥᤁᤣᤏ ᤏᤢ ᤀᤠᤛᤠᤴ ᤁᤧᤖᤧᤰᤗᤧ ᤅᤠᤛᤡ ᤏᤧᤛ᤻ᤛᤧ॥ 33 ᤜᤧᤰᤁᤩᤠᤱ ᤂᤧᤱᤜᤠ᤹ ᤁᤴ ᤐᤠᤱᤈᤢᤶᤜᤠ᤹ᤖᤧ ᤁᤒᤪᤡᤱ ᤐᤡᤛᤠᤱ ᤏᤢ ᤒᤠᤗᤠᤋ ᤌᤠᤖᤡᤰᤁᤠᤱ ᤔᤧᤕᤢᤅᤧ॥ ᤂᤧᤱᤜᤠ᤹ ᤔᤧᤕᤢᤅᤧᤒᤠ ᤂᤢᤴᤇᤡ᤹ ᤕᤢᤱᤔᤠᤍᤧᤴᤜᤠ᤹ ᤀᤠᤶᤓᤠ ᤁᤴᤜᤠ᤹ᤀᤣ ᤏᤧᤛ᤻ᤛᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤗᤳᤇᤠ ᤔᤡᤱᤛᤪᤠ ᤔᤡᤱᤏᤠ᤺ᤳ ᤌᤡᤰᤁᤠᤱ ᤔᤧᤏᤧᤛ᤻ᤛᤢᤀᤠᤱ ᤏᤧᤛ᤻ᤛᤧᤖᤥ॥ 34 ᤁᤴᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤒᤠ ᤁᤢᤎᤧᤃᤣᤰ ᤔᤏᤠᤜᤠ᤹ ᤜᤠᤒᤠ ᤁᤴᤜᤠ᤹ ᤔᤧᤘᤕᤧ—ᤔᤧᤛᤥᤒᤠᤒ. ᤕᤶᤗᤣᤁ. ᤀᤔᤛᤩᤠᤜᤖᤧ ᤁᤢᤛ᤻ᤛᤠ ᤕᤥᤛᤠ. 35 ᤕᤥᤀᤣᤗ. (ᤕᤥᤛᤡᤒᤩᤠᤜᤖᤧ ᤁᤢᤛ᤻ᤛᤠ ᤕᤣᤜᤢ. ᤂᤢᤏᤧ᤹ ᤛᤖᤠᤕᤠᤜᤖᤧ ᤁᤢᤶᤔᤧᤴᤇᤠ᤹ ᤏᤢ ᤀᤛᤡᤀᤣᤗᤖᤧ ᤁᤢᤈᤰᤔᤧᤴᤇᤠ᤹ ᤘᤕᤧ॥) 36 ᤀᤣᤗᤩᤥᤀᤣᤏᤤ. ᤕᤠᤁᤥᤒᤠ. ᤕᤠᤛᤥᤜᤠᤕᤠᤜ. ᤀᤛᤠᤕᤠᤜ. ᤀᤍᤡᤀᤣᤗ. ᤕᤛᤡᤔᤡᤀᤣᤗ. ᤒᤏᤠᤕᤠᤜ. 37 ᤜᤧᤰᤁᤩᤠᤱ ᤈᤡᤈᤠᤴ ᤛᤡᤐᤡᤖᤧ ᤁᤢᤛ᤻ᤛᤠ. ᤛᤡᤵᤐᤡᤴ ᤀᤸᤗᤥᤏᤖᤧ ᤁᤢᤛ᤻ᤛᤠ. ᤜᤧᤰᤁᤩᤠᤱ ᤀᤸᤗᤥᤏᤧᤴ ᤕᤍᤠᤕᤠᤜᤖᤧ ᤁᤢᤛ᤻ᤛᤠ. ᤕᤍᤠᤕᤠᤜᤴ ᤛᤡᤔᤪᤡᤖᤧ ᤁᤢᤛ᤻ᤛᤠ. ᤛᤡᤔᤪᤡᤴ ᤛᤔᤠᤕᤠᤜᤖᤧ ᤁᤢᤛ᤻ᤛᤠ ᤘᤕᤧᤖᤥ॥ 38 ᤌᤠ᤺ᤱ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤔᤏᤠᤜᤠ᤹ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤠᤶᤗᤥᤒᤠ ᤔᤧᤘᤕᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤜᤠ᤹ ᤆᤠ᤹ᤖᤡᤰ ᤕᤖᤡᤰ ᤔᤧᤒᤥ᤺ᤴᤍᤧ॥ 39 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤰᤛᤠ ᤗᤢᤵᤜᤠ᤹ᤖᤧ ᤗᤠᤃᤡ ᤆᤠᤖᤠᤶᤔᤠᤍᤧᤴ ᤔᤧᤃᤥ᤺ᤳᤋᤢᤖ ᤏᤧᤏᤧᤒᤠᤍᤧᤴᤏᤥᤒᤠ ᤏᤠᤱᤃᤧᤴ ᤗᤧᤵᤔᤠᤱ ᤃᤍᤥᤖ ᤁᤢᤒᤣᤛᤠᤱᤒᤠ ᤋᤧᤴᤏᤥ ᤌᤠᤖᤡᤰ ᤔᤧᤒᤣ॥ 40 ᤂᤧᤱᤜᤠ᤹ᤖᤧ ᤋᤠᤶᤍᤠᤶᤒᤠᤍᤧᤴᤏᤥᤒᤠ ᤏᤧᤏᤧᤒᤠᤍᤧᤴᤏᤥ ᤆᤠ ᤁᤧᤏᤢ᤹ᤒᤠᤍᤧᤴ ᤜᤧᤰᤁᤩᤠᤱ ᤏᤢᤒᤠ ᤌᤰᤛᤠ ᤆᤠᤖᤠᤶᤔᤠᤍᤧᤴ ᤕᤧᤶᤕᤧᤶ ᤏᤢ ᤆᤡᤈᤡ ᤂᤰᤂᤰ ᤏᤧᤛ᤻ᤛᤧᤒᤠ ᤔᤧᤄᤥᤛᤢ॥ ᤋᤃᤡ ᤂᤧᤴ ᤋᤧᤴᤏᤥ ᤜᤠᤔᤖᤧ ᤁᤢᤓᤠ ᤁᤢᤔᤏᤠᤜᤠ᤹ ᤔᤧᤕᤢᤅᤧ॥ 41 ᤁᤴ ᤌᤠ᤺ᤱ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤔᤏᤠᤜᤠ᤹ ᤕᤜᤢᤍᤠᤒᤠ ᤜᤠᤱ ᤜᤡᤈᤁᤡᤕᤠ᤺ᤸᤗᤧ ᤜᤠᤱᤕᤢᤰ ᤆᤥᤃᤢᤒᤠ ᤕᤧᤶᤔᤥ ᤔᤧᤍᤩᤧᤀᤠᤱ ᤜᤠᤔᤖᤧ ᤁᤢᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤛᤠ᤺ᤱᤃᤠᤜᤡᤶᤜᤠ᤹ᤀᤥ ᤔᤧᤓᤳᤋᤢᤛᤡ ᤜᤧᤰᤁᤩᤠᤱ ᤂᤧᤵᤔᤥ ᤔᤧᤍᤢᤔᤢᤛᤡᤒᤠ ᤔᤥᤏᤡᤜᤠ᤹ ᤀᤠᤸᤗᤥ ᤌᤠᤖᤡᤰᤛᤠᤱ ᤂᤥᤔᤧᤴᤍᤧᤳᤋᤣ ᤘᤖᤧᤱᤗᤧᤱ ᤕᤢᤔᤪᤧᤰ ᤔᤧᤔᤧᤰᤂᤢᤛᤡ॥ ᤂᤧᤒᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤰᤛᤠ ᤗᤢᤵᤜᤠ᤹ᤖᤧ ᤗᤠᤃᤡ ᤆᤠᤖᤠᤶᤔᤠᤍᤧᤴ ᤏᤧᤛ᤻ᤛᤧᤒᤠᤸᤗᤧ ᤆᤥᤃᤢᤸᤗᤧ ᤗᤠᤈᤣᤴ ᤂᤢᤴᤇᤡ᤹ ᤜᤢᤰᤁᤠᤵ ᤔᤧᤈᤥᤃᤢ॥ 42 ᤁᤡᤵ ᤅᤠᤛᤡ ᤕᤠᤖᤡᤰ ᤛᤡᤔᤡᤕᤥᤏᤡᤜᤠ᤹ᤖᤧ. ᤕᤡᤛᤡᤖᤧ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤐᤗᤋᤩᤠᤜ. ᤏᤠᤷᤕᤠᤜ. ᤖᤐᤠᤕᤠᤜ ᤏᤢ ᤀᤢᤈ᤻ᤈᤡᤀᤣᤗᤖᤧ ᤂᤢᤴᤇᤡ᤹ ᤗᤠᤶᤗᤥᤔᤥ ᤛᤣᤀᤡᤖᤒᤠ ᤁᤥ᤺ᤰᤔᤠᤒᤠ ᤗᤠᤈᤣᤴ ᤌᤱᤅᤥ ᤔᤧᤓᤳᤋᤢ॥ 43 ᤂᤧᤱᤜᤠ᤹ᤖᤧ ᤁᤧᤜᤡᤱᤒᤠ ᤁᤧᤕᤠ᤺ᤰᤐᤠ ᤀᤔᤠᤗᤧᤁᤡᤜᤠ᤹ ᤁᤧᤖᤧᤰ ᤔᤧᤔᤧᤰᤂᤢᤛᤡ. ᤜᤧᤰᤁᤩᤠᤱ ᤀᤠᤀᤡᤴᤒᤠ ᤕᤧᤴ ᤌᤠᤖᤡᤰ ᤂᤧᤱᤜᤠ᤹ ᤂᤧᤵᤔᤥ ᤔᤧᤕᤢᤱᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.