᥇ ᤛᤠᤵᤔᤢ᤺ᤴᤎᤢᤶ 27 - LIFOTNTᤌᤰᤛᤢᤒᤠ ᤏᤢ ᤌᤰᤛᤢᤒᤠ ᤛᤢᤶᤜᤠ᤹ 1 ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤏᤠ᤺ᤳ—ᤜᤡᤶᤛᤕᤱ ᤜᤡᤶᤛᤕᤱᤜᤠ᤹ᤀᤥᤒᤠ ᤗᤠᤶᤗᤥᤒᤠᤜᤠ᤹ ᤜᤧᤰᤁᤩᤠᤱ ᤂᤢᤴᤇᤡ᤹ ᤛᤢᤜᤠᤱᤕᤢᤰᤐᤠᤜᤠ᤹ᤏᤢ ᤛᤥᤛᤥᤖᤡᤰᤐᤠ ᤜᤧᤴᤇᤡᤱ ᤏᤢ ᤁᤡᤵ ᤌᤡᤰᤁᤥᤒᤠ ᤌᤰᤔᤥᤒᤠᤜᤠ᤹. ᤀᤡᤛᤪᤠᤀᤡᤗᤡ ᤌᤰᤛᤢᤒᤠ ᤛᤢᤶᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤌᤡᤒᤥᤱᤅᤠᤱ ᤏᤧᤳᤇᤡ ᤗᤢᤵᤐᤥᤒᤠ ᤁᤢᤗᤰ ᤌᤰᤔᤠᤒᤠ ᥈᥊.᥆᥆᥆ ᤔᤏᤠᤜᤠ᤹ᤖᤧ ᤋᤱᤒᤣ ᤂᤠᤖᤠᤰ ᤗᤠ ᤌᤰᤔᤠ ᤜᤠᤱᤅᤡᤸᤗᤧ ᤁᤢᤗᤠᤃᤡ ᤐᤠ᤺ᤸᤗᤥᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤖᤥ॥ 2 ᤈᤒ᤻ᤍᤡᤀᤣᤗᤖᤧ ᤁᤢᤛ᤻ᤛᤠ ᤕᤠᤛᤠᤒᤠᤔᤧᤴ ᤌᤡᤰᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤌᤡᤰᤛᤡᤃᤣᤰᤐᤠ ᤗᤰᤁᤥᤒᤠ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 3 ᤂᤢᤏᤧ᤹ ᤑᤠᤖᤣᤛᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤘᤕᤧ. ᤜᤧᤰᤁᤩᤠᤱ ᤌᤡᤰᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤁᤧᤖᤧᤰ ᤌᤰᤛᤢᤒᤠᤜᤠ᤹ᤖᤧ ᤂᤢᤴᤇᤡ᤹ ᤛᤢᤜᤠᤱᤕᤢᤰᤐᤠᤜᤠ᤹ᤀᤥ ᤋᤢᤶ ᤗᤠᤶᤗᤥᤒᤠ ᤘᤕᤧ॥ 4 ᤀᤜᤥᤜᤡ ᤍᤥᤍᤤᤴ ᤏᤡᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤂᤧᤴ ᤗᤰᤁᤥᤒᤠ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥᤒᤠ ᤗᤠᤶᤗᤥᤒᤠ ᤔᤡᤰᤗᤥᤋᤧᤴ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 5 ᤏᤡᤱᤘᤠ᤹ᤑᤢᤛᤠᤶᤒᤠ ᤕᤜᤥᤕᤠᤍᤠᤖᤧ ᤁᤢᤛ᤻ᤛᤠ ᤒᤏᤠᤕᤠᤜᤴ ᤛᤢᤶᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤛᤢᤶᤛᤡᤃᤣᤰᤐᤠ ᤌᤰᤔᤥᤒᤠ ᤘᤕᤧ॥ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 6 ᤁᤱᤃ ᤂᤧᤴ ᤒᤏᤠᤕᤠᤜ᤺ᤴᤏᤣ ᤘᤕᤧ. ᤂᤧᤴ ᤛᤢᤶᤒᤥᤱ ᤔᤢᤰᤁᤧᤃᤢᤒᤠ ᤔᤏᤠᤜᤠ᤹ᤀᤥ ᤂᤢᤏᤧ᤹ ᤌᤡᤰᤐᤠ ᤘᤕᤧ॥ ᤂᤢᤏᤧ᤹ ᤁᤢᤛ᤻ᤛᤠ ᤀᤶᤔᤡᤈᤠᤒᤠᤍᤧᤴ ᤂᤧᤸᤗᤧ ᤁᤢᤗᤰᤁᤥᤒᤠ ᤗᤰᤐᤧᤴᤛᤠᤒᤠ ᤘᤕᤧ॥ 7 ᤗᤡᤛᤡᤃᤣᤰᤐᤠᤴ. ᤗᤡᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤕᤥᤀᤠᤒᤖᤧ ᤁᤢᤴᤛᤠ᤹ ᤀᤛᤠᤜᤣᤗᤧᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤧᤴ ᤀᤣᤃᤠᤱ ᤂᤢᤏᤧ᤹ ᤁᤢᤛ᤻ᤛᤠ ᤈᤒᤍᤡᤕᤠᤜᤴ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 8 ᤅᤠᤛᤡᤃᤣᤰᤐᤠᤴ. ᤅᤠᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤕᤡᤈᤩᤠᤜᤡ ᤛᤶᤜᤢᤋᤧᤴ ᤌᤰᤔᤥᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 9 ᤋᤢᤰᤛᤡᤃᤣᤰᤐᤠᤴ. ᤋᤢᤰᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤋᤁᤥᤒᤠ ᤔᤏᤠ ᤀᤡᤰᤁᤣᤛᤖᤧ ᤁᤢᤛ᤻ᤛᤠ ᤀᤡᤖᤠᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 10 ᤏᤢᤛᤡᤃᤣᤰᤐᤠᤴ. ᤏᤢᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤀᤣᤑᤪᤠᤀᤡᤔᤒᤠ ᤐᤣᤗᤥᤏᤡ ᤜᤣᤗᤣᤛᤧᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 11 ᤕᤧᤳᤇᤡᤃᤣᤰᤐᤠᤴ. ᤕᤧᤳᤇᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤈᤣᤖᤜᤖᤧ ᤁᤢᤜᤡᤶᤛᤕᤱᤒᤠ ᤜᤢᤛᤠᤋᤡ ᤛᤡᤒ᤻ᤒᤁᤤᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 12 ᤑᤠᤱᤛᤡᤃᤣᤰᤐᤠᤴ. ᤑᤠᤱᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤒᤣᤏᤩᤠᤔᤡᤏ ᤀᤏᤠᤋᤥᤋᤡ ᤀᤒᤡᤀᤣᤈᤣᤖᤧᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 13 ᤌᤡᤒᤥᤱᤃᤣᤰᤐᤠᤴ. ᤌᤡᤒᤥᤱᤃᤣᤰᤐᤠ ᤗᤠᤖᤧ ᤗᤠᤃᤡ ᤈᤣᤖᤜᤖᤧ ᤁᤢᤜᤡᤶᤛᤕᤱᤒᤠ ᤏᤋᤥᤐᤠᤋᤡ ᤔᤜᤖᤤᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 14 ᤌᤡᤒᤥᤱᤅᤠᤱ ᤌᤡᤰᤛᤡᤃᤣᤰᤐᤠᤴ. ᤌᤡᤒᤥᤱᤅᤠᤱ ᤌᤡᤰᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤀᤣᤑᤪᤠᤀᤡᤔᤒᤠ ᤐᤡᤖᤠᤋᤥᤏᤡ ᤒᤏᤠᤕᤠᤜᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧ॥ 15 ᤌᤡᤒᤥᤱᤅᤠᤱ ᤏᤡᤛᤡᤃᤣᤰᤐᤠᤴ. ᤌᤡᤒᤥᤱᤅᤠᤱ ᤏᤡᤛᤡᤃᤣᤰᤐᤠ ᤗᤠᤖᤧ ᤗᤠᤃᤡ ᤀᤥᤳᤏᤡᤀᤣᤗᤖᤧ ᤁᤢᤜᤡᤶᤛᤕᤱᤒᤠ ᤏᤋᤥᤐᤠᤋᤡ ᤜᤣᤸᤍᤤᤴ ᤗᤰᤐᤧᤴᤛᤠᤒᤠ ᤘᤕᤧ॥ ᤂᤢᤏᤧ᤹ ᤁᤢᤗᤰᤁᤥ ᥈᥊.᥆᥆᥆ ᤔᤏᤠᤜᤠ᤹ ᤔᤧᤘᤕᤧᤖᤥ॥ ᤌᤠ᤺ᤰᤜᤠ᤹ᤀᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ 16 ᤀᤡᤛᤪᤠᤀᤡᤗᤒᤠ ᤛᤢᤘᤠᤱᤜᤠ᤹ᤀᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤔᤧᤘᤕᤧᤖᤥ— ᤖᤢᤒᤣᤏᤖᤧ ᤁᤢᤎᤠ᤺ᤰᤁᤥᤗᤠᤶ—ᤈᤡᤁᤪᤡᤖᤧ ᤁᤢᤛ᤻ᤛᤠ ᤀᤣᤗᤡᤀᤣᤈᤖᤧᤴ ᤋᤢᤶ ᤛᤢᤜᤠᤱᤕᤢᤰᤐᤠ ᤘᤕᤧ॥ ᤛᤡᤔᤡᤕᤥᤏ ᤌᤠ᤺ᤰᤁᤥᤗᤠᤶ—ᤔᤠᤁᤠᤖᤧ ᤁᤢᤛ᤻ᤛᤠ ᤛᤐᤋᤩᤠᤜ. 17 ᤗᤧᤒᤡ ᤌᤠ᤺ᤰᤁᤥᤗᤠᤶ—ᤁᤔᤢᤀᤣᤗᤖᤧ ᤁᤢᤛ᤻ᤛᤠ ᤜᤛᤒᤩᤠᤜ. ᤜᤠᤖᤢᤏᤖᤧ ᤁᤢᤎᤠ᤺ᤰᤁᤥᤗᤠᤶ—ᤛᤠᤍᤥᤁ. 18 ᤕᤜᤢᤍᤠ ᤌᤠ᤺ᤰᤁᤥᤗᤠᤶ—ᤍᤠᤀᤢᤍᤖᤧ ᤁᤢᤶᤓᤢ᤹ ᤀᤣᤗᤡᤜᤢ. ᤀᤡᤛ᤻ᤛᤠᤂᤠᤖ ᤌᤠ᤺ᤰᤁᤥᤗᤠᤶ—ᤔᤡᤂᤠᤀᤣᤗᤖᤧ ᤁᤢᤛ᤻ᤛᤠ ᤀᤥᤔᤪᤡ. 19 ᤈᤒᤢᤗᤏ ᤌᤠ᤺ᤰᤁᤥᤗᤠᤶ—ᤀᤥᤒᤍᤡᤕᤠᤖᤧ ᤁᤢᤛ᤻ᤛᤠ ᤕᤡᤛ᤻ᤔᤠᤕᤠᤜ. ᤏᤵᤋᤠᤗᤡ ᤌᤠ᤺ᤰᤁᤥᤗᤠᤶ—ᤀᤈᤪᤡᤀᤣᤗᤖᤧ ᤁᤢᤛ᤻ᤛᤠ ᤕᤖᤡᤔᤥᤋ. 20 ᤀᤣᤑᤪᤠᤀᤡᤔ ᤌᤠ᤺ᤰᤁᤥᤗᤠᤶ—ᤀᤈᤈᤩᤠᤜᤖᤧ ᤁᤢᤛ᤻ᤛᤠ ᤜᤥᤛᤡᤕᤠ. ᤏᤠᤶᤎᤠ ᤔᤏᤛ᤻ᤛᤣᤒᤠ ᤁᤢᤓᤪᤧ᤺ᤱ ᤌᤠ᤺ᤰᤁᤥᤗᤠᤶ—ᤐᤍᤠᤕᤠᤜᤖᤧ ᤁᤢᤛ᤻ᤛᤠ ᤕᤥᤀᤣᤗ. 21 ᤏᤠᤱᤃᤧᤴ ᤔᤏᤛ᤻ᤛᤣᤒᤠ ᤁᤢᤓᤪᤧ᤺ᤱ ᤌᤠ᤺ᤰᤁᤥᤗᤠᤶ—ᤈᤁᤖᤡᤕᤠᤖᤧ ᤁᤢᤛ᤻ᤛᤠ ᤀᤡᤍ᤻ᤍᤥ. ᤒᤣᤏᤩᤠᤔᤡᤏ ᤌᤠ᤺ᤰᤁᤥᤗᤠᤶ—ᤀᤒᤏᤣᤖᤖᤧ ᤁᤢᤛ᤻ᤛᤠ ᤕᤠᤛᤡᤀᤣᤗ. 22 ᤍᤠᤏ ᤌᤠ᤺ᤰᤁᤥᤗᤠᤶ—ᤕᤖᤥᤜᤠᤔᤖᤧ ᤁᤢᤛ᤻ᤛᤠ ᤀᤈᤪᤣᤗ॥ ᤀᤡᤛᤪᤠᤀᤡᤗᤒᤠ ᤌᤠ᤺ᤰᤜᤠ᤹ᤀᤥᤒᤠ ᤋᤢᤶ ᤛᤢᤜᤠᤱᤕᤢᤰᤐᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤔᤧᤘᤕᤧᤖᤥ॥ 23 ᤍᤠᤀᤢᤍᤖᤧ ᤏᤡᤒᤥᤱ ᤋᤱᤒᤣᤀᤠᤱ ᤕᤥᤒᤠᤜᤠ᤹ ᤕᤠᤶᤏᤠ᤺ᤳᤏᤡ᤺ᤳ ᤔᤧᤈᤥᤃᤢᤛᤡᤴ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤋᤠᤱᤛᤠᤱᤒᤥᤒᤠ ᤂᤣ᤺ᤶᤛᤡᤰᤐᤠᤜᤠ᤹ ᤁᤢᤀᤡᤛᤡᤰ ᤕᤖᤡᤰ ᤆᤥᤃᤢᤱᤛᤡᤱ᤹ ᤑᤠ᤹ᤀᤠᤱ ᤔᤠᤱᤜᤢᤵ ᤆᤥᤃᤢᤀᤠᤱ ᤘᤕᤧ॥ 24 ᤛᤖᤢᤕᤠᤜᤖᤧ ᤁᤢᤛ᤻ᤛᤠ ᤕᤥᤀᤠᤒᤖᤧ ᤕᤧᤶᤒᤡᤳᤇᤠᤜᤠ᤹ ᤕᤠᤶᤏᤠ᤺ᤳᤏᤡ᤺ᤳ ᤆᤥ᤺ᤰᤔᤠ ᤜᤣ᤺ᤰᤋᤢᤛᤡᤀᤠᤱ ᤘᤕᤧ. ᤁᤖ ᤂᤢᤏᤧ᤹ ᤂᤧᤴ ᤕᤠ᤺ᤶᤒᤰᤁᤡᤴ ᤆᤥ᤺ᤰᤔᤠ ᤔᤧᤛᤢᤖᤢᤴ॥ ᤌᤣᤀᤠᤱᤓᤧᤸᤗᤧ ᤀᤡᤛᤪᤠᤀᤡᤗᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴᤏᤡᤴ ᤆᤢᤰᤋᤧ. ᤜᤧᤰᤁᤩᤠᤱ ᤁᤴ ᤕᤠᤶᤏᤠ᤺ᤳᤏᤡ᤺ᤳᤋᤧᤴ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤛᤠᤵᤔᤢ᤺ᤴᤎᤢᤶᤔᤥ ᤔᤧᤴᤇᤠᤵᤋᤢᤴᤗᤥ॥ ᤜᤠᤱ ᤕᤠᤱᤛᤠᤁᤢᤴᤎᤣ ᤕᤢᤰᤛᤠᤒᤠᤜᤠ᤹ 25 ᤜᤠᤱᤅᤡᤸᤗᤧ ᤁᤢᤎᤠ᤺ᤱᤜᤠ᤹ ᤀᤍᤡᤀᤣᤗᤖᤧ ᤁᤢᤛ᤻ᤛᤠ ᤀᤈ᤻ᤔᤠᤘᤣᤋᤖᤧ ᤁᤢᤗᤰᤐᤧᤴᤏᤥ ᤘᤕᤧ॥ ᤐᤠᤱᤈᤢᤶᤜᤠ᤹ᤀᤥᤒᤠ. ᤕᤧᤰᤕᤰᤜᤠ᤹ᤀᤥ. ᤐᤠᤱᤓᤣ᤹ᤜᤠ᤹ᤀᤥᤒᤠ ᤏᤢ ᤕᤰᤜᤠ᤹ᤀᤥᤒᤠ ᤌᤠ᤺ᤱᤜᤠ᤹ ᤀᤢᤈ᤻ᤈᤡᤕᤠᤜᤖᤧ ᤁᤢᤛ᤻ᤛᤠ ᤈᤥᤏᤠᤌᤏᤖᤧ ᤁᤢᤗᤰᤐᤧᤴᤏᤥ ᤘᤕᤧ॥ 26 ᤗᤠᤈᤣ᤹ᤀᤥ ᤀᤡᤰᤁᤧᤔᤒᤠᤜᤠ᤹ ᤁᤗᤢᤒᤖᤧ ᤁᤢᤛ᤻ᤛᤠ ᤀᤣᤛᤪᤡᤖᤧ ᤁᤢᤗᤰᤐᤧᤴᤏᤥ ᤔᤧᤘᤕᤧ॥ 27 ᤆᤧᤸᤗᤧᤰᤛᤣ᤹ ᤀᤡᤰᤋᤠᤵᤜᤠ᤹ ᤖᤠᤔᤠᤒᤠ ᤛᤡᤔᤡᤖᤧ ᤁᤢᤗᤰᤐᤧᤴᤏᤥ ᤏᤧᤛ᤻ᤛᤧ॥ ᤆᤧᤸᤗᤧᤰᤛᤣ᤹ ᤛᤣᤈ᤺ᤱᤘᤠ ᤕᤢᤱᤔᤠ ᤌᤠ᤺ᤱᤜᤠ᤹ᤖᤧ ᤗᤠᤃᤡ ᤆᤧᤸᤗᤧᤰᤛᤣ᤹ ᤁᤧᤎᤥ᤺ᤰᤐᤠ ᤁᤢᤈᤠ᤹ᤜᤠ᤹ ᤛᤣᤐᤣᤔᤒᤠ ᤈᤒ᤻ᤍᤡᤖᤧ ᤁᤢᤗᤰᤐᤧᤴᤏᤥ ᤘᤕᤧ॥ 28 ᤏᤠᤶᤎᤠ ᤐᤡᤛᤠᤱᤒᤠ ᤀᤢ᤺ᤰᤆᤶᤈᤶᤒᤠᤍᤧᤴᤏᤥ ᤁᤧᤕᤢᤱᤒᤠ ᤐᤧ᤺ᤱᤘᤠᤗᤡ᤺ᤳᤇᤣ᤹ ᤏᤢ ᤐ᤺ᤳᤇᤣ᤹ᤜᤠ᤹ ᤀᤥᤃᤧᤔᤧᤵᤐᤠ ᤁᤧᤈᤥ᤺ᤰᤐᤠ ᤃᤣᤍᤣᤖᤒᤠ ᤒᤠᤗ-ᤜᤠᤏᤠᤏᤧᤴ ᤘᤕᤧ॥ ᤐᤧ᤺ᤱᤘᤠᤗᤡ᤺ᤳᤇᤣ᤹ ᤏᤡ᤺ᤱᤃᤣ᤹ ᤕᤢᤱᤔᤠ ᤌᤠ᤺ᤱᤅᤡᤴ ᤕᤥᤀᤠᤛᤖᤧ ᤁᤢᤗᤰᤐᤧᤴᤏᤥ ᤘᤕᤧ॥ 29 ᤛᤠᤖᤥᤏᤀᤥ ᤆᤠᤃᤧᤖᤠᤶᤒᤠ ᤐᤡᤳᤜᤠ᤹ ᤛᤠᤖᤥᤏᤒᤠ ᤛᤡᤋᤪᤤᤖᤧ ᤁᤢᤗᤰᤐᤧᤴᤏᤥ ᤔᤧᤘᤕᤧ॥ ᤏᤧᤏᤧᤒᤠᤍᤧᤴᤏᤥ ᤐᤡᤳᤜᤠ᤹ ᤀᤍᤗᤤᤖᤧ ᤁᤢᤛ᤻ᤛᤠ ᤛᤠᤑᤠᤋᤖᤧ ᤁᤢᤗᤰᤐᤧᤴᤏᤥ ᤔᤧᤘᤕᤧ॥ 30 ᤀᤢᤔᤣᤜᤠ᤹ ᤀᤡᤛ᤻ᤔᤠᤀᤣᤗᤡ ᤀᤥᤒᤡᤗᤖᤧ ᤁᤢᤗᤰᤐᤧᤴᤏᤥ ᤔᤧᤘᤕᤧ॥ ᤀᤍᤱᤜᤠ᤹ ᤔᤣᤖᤥᤏᤥᤋᤡ ᤕᤣᤜᤍᤕᤠᤜᤖᤧ ᤁᤢᤗᤰᤐᤧᤴᤏᤥ ᤔᤧᤘᤕᤧ॥ 31 ᤔᤧᤸᤗᤢᤰ ᤔᤧ᤺ᤴᤍᤠᤜᤠ᤹ ᤜᤃᤪᤡ ᤕᤠᤈᤡᤈᤖᤧ ᤁᤢᤗᤰᤐᤧᤴᤏᤥ ᤔᤧᤘᤕᤧ॥ ᤍᤠᤀᤢᤍ ᤜᤠᤱᤅᤡᤸᤗᤧ ᤀᤠᤵᤑᤣᤰ ᤁᤢᤕᤠᤱᤛᤠ ᤁᤢᤴᤎᤣᤜᤠ᤹ ᤀᤠᤶᤓᤠ ᤁᤴ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤴᤇᤡ᤹ ᤗᤰᤐᤧᤴᤏᤥ ᤘᤕᤧᤖᤥ॥ ᤍᤠᤀᤢᤍᤖᤧ ᤀᤠᤵᤑᤣᤰ ᤁᤢᤛᤢᤈᤠᤛᤠᤒᤠᤜᤠ᤹ 32 ᤍᤠᤀᤢᤍᤖᤧ ᤁᤢᤶᤓᤅᤠ ᤈᤥᤏᤠᤌᤏᤧᤴ ᤗᤳᤇᤠ ᤛᤢᤈᤠᤛᤠᤒᤠ. ᤛᤡᤰᤁᤢᤶᤛᤠᤒᤠ ᤏᤢ ᤛᤠᤵᤗᤠ ᤁᤧᤛᤠᤵᤐᤠ ᤘᤕᤧ॥ ᤜᤰᤔᤥᤏᤡᤖᤧ ᤁᤢᤛ᤻ᤛᤠ ᤕᤜᤡᤀᤣᤗᤧᤴ ᤜᤠᤱᤅᤡᤸᤗᤧ ᤁᤢᤛ᤻ᤛᤠᤜᤠ᤹ ᤀᤥᤃᤧᤔᤧᤵᤐᤠ ᤁᤧᤈᤥ᤺ᤰᤐᤠ ᤘᤕᤧ॥ 33 ᤀᤜᤡᤋᤥᤐᤣᤗᤧᤴ ᤜᤠᤱᤅᤡᤸᤗᤧ ᤁᤢᤛᤢᤈᤠᤍᤠᤱᤒᤠ ᤘᤕᤧ॥ ᤀᤖᤁᤡ ᤜᤢᤛᤤ᤺ᤴ ᤜᤠᤱᤅᤡᤸᤗᤧ ᤁᤢᤴᤍᤣ᤺ᤱᤒᤠ ᤘᤕᤧ॥ 34 ᤀᤜᤡᤋᤥᤐᤣᤗᤖᤧ ᤁᤢᤀᤣᤃᤠᤱ ᤒᤏᤠᤕᤠᤜᤖᤧ ᤁᤢᤛ᤻ᤛᤠ ᤕᤜᤥᤕᤠᤍᤠᤴ ᤏᤢ ᤀᤒᤡᤕᤠᤌᤠᤖᤧᤴ ᤛᤢᤈᤠᤛᤠᤒᤠ ᤐᤥ᤺ᤰᤂᤧᤛᤡ॥ ᤜᤧᤰᤁᤩᤠᤱ ᤕᤥᤀᤠᤒᤧᤱᤃ ᤜᤠᤱᤌᤰᤔᤥᤒᤠ ᤐᤥ᤺ᤰᤂᤧᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.