᥇ ᤛᤠᤵᤔᤢ᤺ᤴᤎᤢᤶ 26 - LIFOTNTᤔᤠᤱᤜᤡᤶ ᤗᤠᤶᤎᤣᤳ ᤁᤧᤃᤥᤒᤠᤜᤠ᤹ 1 ᤗᤠᤶᤎᤣᤳ ᤁᤧᤃᤥᤒᤠ ᤔᤏᤠᤛᤢᤶᤜᤠ᤹— ᤁᤥᤖᤜᤡᤜᤠ᤹ᤗᤠᤶ—ᤁᤥᤖᤣᤖᤧ ᤁᤢᤛ᤻ᤛᤠ ᤔᤣᤛᤣᤗᤣᤔᤩᤠᤜ. ᤁᤥᤖᤧᤴ ᤀᤠᤛᤠᤐᤖᤧ ᤁᤢᤛ᤻ᤛᤠᤜᤠ᤹ᤀᤥ ᤌᤡᤰᤐᤠ ᤘᤕᤧ॥ 2 ᤔᤣᤛᤣᤗᤣᤔᤩᤠᤜᤖᤧ ᤁᤢᤛ᤻ᤛᤠᤜᤠ᤹— ᤋᤢᤶᤒᤠ ᤈᤁᤖᤡᤕᤠ. ᤛᤖᤢᤶᤒᤠ ᤕᤣᤍᤡᤀᤣᤗ. ᤜᤠᤱᤛᤖᤢᤶᤒᤠ ᤈᤒᤍᤡᤕᤠᤜ. ᤌᤠᤱᤛᤖᤢᤶᤒᤠ ᤕᤳᤏᤡᤀᤣᤗ. 3 ᤕᤳᤏᤡᤀᤣᤗᤖᤧ ᤁᤢᤛᤡ᤺ᤰᤋᤥᤒᤠ ᤀᤣᤗᤠᤔ. ᤀᤣᤗᤠᤔᤖᤧ ᤁᤢᤛᤡ᤺ᤰᤋᤥᤒᤠ ᤕᤣᤜᤥᤜᤠᤏᤠᤏ ᤏᤢ ᤑᤥ᤹ᤒᤠᤴ ᤀᤣᤗᤩᤜᤥᤀᤣᤏᤤ॥ 4 ᤀᤥᤒᤣᤍ-ᤀᤣᤍᤥᤔᤖᤧ ᤁᤢᤛ᤻ᤛᤠᤜᤠ᤹— ᤋᤢᤶᤒᤠ ᤛᤔᤠᤕᤠᤜ. ᤛᤖᤢᤶᤒᤠ ᤕᤜᤥᤈᤠᤒᤠᤍ. ᤜᤠᤱᤛᤖᤢᤶᤒᤠ ᤕᤥᤀᤠ. ᤌᤠᤱᤛᤖᤢᤶᤒᤠ ᤛᤠᤁᤠᤖ. ᤛᤠᤁᤠᤖᤖᤧ ᤁᤢᤛᤡ᤺ᤰᤋᤥᤒᤠ ᤏᤋᤏᤣᤗ. 5 ᤏᤋᤏᤣᤗᤖᤧ ᤁᤢᤛᤡ᤺ᤰᤋᤥᤒᤠ ᤀᤶᤔᤡᤀᤣᤗ. ᤀᤶᤔᤡᤀᤣᤗᤖᤧ ᤁᤢᤛᤡ᤺ᤰᤋᤥᤒᤠ ᤀᤡᤛ᤻ᤛᤠᤂᤠᤖ ᤏᤢ ᤑᤥ᤺ᤰᤘᤠᤒᤠ ᤐᤢᤸᤗᤋᤤ॥ ᤁᤶᤓᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤥᤒᤣᤍ-ᤀᤣᤍᤥᤔᤧᤴ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤐᤡᤖᤢᤀᤠᤱ ᤘᤕᤧᤖᤥ॥ 6 ᤀᤥᤒᤣᤍ-ᤀᤣᤍᤥᤔᤖᤧ ᤁᤢᤛ᤻ᤛᤠ ᤋᤢᤶᤒᤠ ᤛᤔᤠᤕᤠᤜᤖᤧ ᤁᤢᤛ᤻ᤛᤠᤜᤠ᤹ᤀᤠᤱ ᤔᤧᤘᤕᤧ॥ ᤂᤧᤱᤜᤠ᤹ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ᤺ᤸᤗᤧ ᤁᤢᤜᤡᤶᤛᤕᤱᤅᤥ ᤗᤠᤶᤗᤥᤒᤠ ᤔᤧᤘᤕᤧ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤛᤠ᤹ᤖᤡᤰ ᤁᤢᤛ᤻ᤛᤡᤃᤧᤕᤠ᤺ᤶᤒᤠ ᤔᤏᤠ ᤔᤧᤘᤕᤧ॥ 7 ᤛᤔᤠᤕᤠᤜᤖᤧ ᤁᤢᤛ᤻ᤛᤠᤜᤠ᤹—ᤀᤥᤳᤏᤡ. ᤖᤐᤠᤀᤣᤗ. ᤀᤥᤒᤣᤍ ᤏᤢ ᤀᤣᤸᤈᤠᤒᤠᤍ॥ ᤂᤧᤸᤗᤧ ᤁᤢᤃᤠ᤹ᤀᤡ ᤀᤣᤗᤡᤜᤢ ᤏᤢ ᤛᤔᤁᤩᤠᤜ᤺ᤴᤏᤠᤱ ᤁᤧᤍᤶᤒᤠ ᤛᤢᤶᤒᤥᤎᤠᤛᤠᤒᤠ ᤔᤏᤠ ᤘᤕᤧᤛᤡ॥ 8 ᤁᤴᤜᤠ᤹ ᤁᤧᤖᤧᤰ ᤀᤥᤒᤣᤍ-ᤀᤣᤍᤥᤔᤖᤧ ᤁᤢᤎᤡᤴᤍᤠᤱ ᤛᤠᤕᤥᤒᤥᤖᤠ ᤔᤧᤘᤕᤧ॥ ᤂᤧᤱᤜᤠ᤹ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤛᤠᤜᤠ᤹ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤠ᤹ᤀᤡᤜᤠ᤹ ᤁᤧᤍᤶᤒᤠ ᤁᤢᤛ᤻ᤛᤡᤃᤧᤕᤠ᤺ᤶᤒᤠ ᤔᤏᤠ ᤔᤧᤘᤕᤧ. ᤂᤶᤓᤩᤠᤱ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤂᤢᤴᤇᤡ᤹ ᤆᤠ᤹ᤖᤡᤰ ᤁᤧᤎᤢᤶᤒᤠ ᤔᤧᤈᤥᤃᤧ॥ ᤂᤧᤱᤜᤠ᤹ ᤁᤧᤖᤧᤰᤗᤧ ᥌᥈ ᤔᤏᤠ ᤔᤧᤘᤕᤧ॥ 9 ᤔᤣᤛᤣᤗᤣᤔᤩᤠᤜᤖᤧ ᤁᤢᤛ᤻ᤛᤠᤜᤠ᤹ ᤏᤢ ᤁᤢᤃᤠ᤹ᤀᤡᤜᤠ᤹ ᤁᤧᤖᤧᤰ ᤁᤧᤍᤶᤒᤠ ᥇᥎ ᤔᤏᤠ ᤛᤢᤶᤒᤥᤎᤠᤛᤠᤒᤠ ᤔᤧᤘᤕᤧᤖᤥ॥ 10 ᤔᤖᤠᤖᤡ ᤜᤥᤛᤠᤖᤧ ᤁᤢᤛ᤻ᤛᤠᤜᤠ᤹—ᤋᤢᤶᤒᤧᤴ ᤛᤡᤔᤪᤡ (ᤂᤢᤏᤧ᤹ ᤋᤢᤶᤒᤠ ᤔᤧᤘᤕᤧᤏᤧᤴ. ᤂᤢᤏᤧ᤹ ᤁᤢᤶᤒᤠᤖᤧ ᤂᤧᤴ ᤋᤢᤶᤒᤠ ᤆᤥᤃᤢᤀᤠᤱ ᤘᤕᤧ). 11 ᤛᤖᤢᤶᤒᤠ ᤜᤡᤸᤁᤡᤕᤠᤜ. ᤜᤠᤱᤛᤖᤢᤶᤒᤠ ᤋᤒᤗᤡᤕᤠᤜ ᤏᤢ ᤑᤥ᤹ᤒᤠᤴ ᤈᤁᤖᤡᤕᤠ ᤘᤕᤧ॥ ᤜᤥᤛᤠᤖᤧ ᤁᤢᤛ᤻ᤛᤠᤜᤠ᤹ ᤏᤢ ᤁᤢᤃᤠ᤹ᤀᤡᤜᤠ᤹ ᤁᤧᤖᤧᤰᤗᤧ ᥇᥉ ᤘᤕᤧ॥ 12 ᤜᤡᤶᤛᤕᤱ ᤜᤡᤶᤛᤕᤱ ᤁᤢᤀᤡᤛᤡᤰ ᤁᤢᤗᤢᤵ ᤁᤢᤗᤢᤵᤐᤥ ᤔᤧᤛᤧᤴᤍᤢᤛᤡᤒᤠ ᤔᤠᤱᤜᤡᤶ ᤗᤠᤶᤎᤣᤳ ᤁᤧᤃᤥᤒᤠ ᤁᤴ ᤋᤢᤶ ᤗᤠᤶᤗᤥᤒᤠ ᤕᤧᤶᤒᤡᤳᤇᤠᤜᤠ᤹ ᤂᤢᤴᤇᤡ᤹ ᤁᤠ᤹ᤀᤡᤜᤠ᤹ ᤁᤢᤀᤡᤛᤡᤰ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥᤒᤠ ᤔᤠᤱᤛᤧᤘᤠ ᤕᤠ᤺ᤶᤒᤰᤗᤧ ᤗᤠᤃᤡ ᤔᤧᤛᤧᤴᤍᤢᤛᤡᤀᤠᤱ ᤘᤕᤧ॥ 13 ᤌᤠᤱᤒᤧᤴ ᤏᤢ ᤂᤍᤠᤰᤔᤡ ᤏᤧᤵᤔᤠᤱᤒᤠ ᤁᤧᤖᤧᤰᤗᤧ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤜᤡᤶᤛᤕᤱ ᤁᤢᤀᤡᤛᤡᤰ ᤕᤶᤒᤠ ᤗᤠᤶᤎᤣᤳ ᤌᤰᤔᤠᤖᤧ ᤗᤠᤃᤡ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢ॥ 14 ᤏᤠᤱᤃᤧᤴ ᤐᤡᤛᤠᤱᤒᤠ ᤗᤠᤶᤎᤣ᤺ᤳᤋᤡᤸᤗᤧ ᤗᤠᤃᤡ ᤛᤣᤗᤣᤔᤩᤠᤜᤖᤧ ᤁᤢᤔᤡᤱᤅᤥ ᤌᤩᤧ॥ ᤂᤧᤴ ᤀᤣᤃᤠᤱ ᤂᤢᤏᤧ᤹ ᤁᤢᤛ᤻ᤛᤠ ᤛᤡᤰᤁᤢᤶᤛᤠᤒᤠ ᤛᤢᤈᤠᤍᤠᤱᤒᤠ ᤈᤁᤖᤡᤕᤠ᤺ᤸᤗᤧ ᤁᤢᤔᤡᤱᤅᤥ ᤌᤠᤱᤃᤧᤳ ᤗᤧᤵᤔᤠᤱᤒᤠ ᤗᤠᤶᤎᤣ᤺ᤳᤋᤡᤴ ᤌᤩᤧ॥ 15 ᤀᤥᤒᤣᤍ-ᤀᤣᤍᤥᤔᤖᤧ ᤁᤢᤗᤠᤃᤡ ᤗᤠᤱᤃᤧᤳ ᤐᤡᤛᤠᤱᤒᤠ ᤗᤠᤶᤎᤣ᤺ᤳᤋᤡᤴ ᤌᤩᤧ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤛ᤻ᤛᤠᤜᤠ᤹ᤖᤧ ᤗᤠᤃᤡ ᤆᤠᤎᤠ᤺ᤱᤅᤡᤴ ᤌᤩᤧ॥ 16 ᤛᤢᤵᤐᤡᤔ ᤏᤢ ᤜᤥᤛᤠ᤺ᤸᤗᤧ ᤂᤢᤴᤇᤡ᤹ ᤗᤠᤃᤡ ᤏᤠᤶᤎᤠ ᤐᤡᤛᤠᤱᤒᤠ ᤗᤠᤶᤎᤣ᤺ᤳᤋᤡᤴ ᤏᤢ ᤌᤠᤶᤔᤠᤱ ᤁᤧᤜᤡᤛᤡᤱᤒᤠ ᤗᤠᤶᤔᤥᤒᤠ ᤛᤸᤁᤣᤋ ᤔᤧᤵᤔᤏᤠᤒᤠ ᤗᤠᤶᤎᤣ᤺ᤳᤋᤡᤴ ᤌᤩᤧ॥ ᤗᤠᤶᤎᤣᤳ ᤁᤧᤃᤥᤒᤠ ᤌᤡᤰᤁᤧᤴ ᤘᤣ᤹ ᤗᤠᤶᤎᤣᤳ ᤁᤧᤃᤥᤒᤠᤸᤗᤧ ᤁᤢᤏᤡ᤺ᤳᤋᤠᤱᤅᤣ ᤕᤧᤒᤧ॥ 17 ᤋᤢᤰᤛᤡ ᤗᤧᤒᤡᤜᤠ᤹ ᤌᤡᤰᤕᤠ᤺ᤴᤎᤰ ᤏᤠᤱᤃᤧᤴ ᤐᤡᤛᤠᤱ. ᤗᤡᤛᤡ ᤌᤠᤱᤃᤧᤳ ᤗᤧᤵᤔᤠᤱ. ᤗᤡᤛᤡ ᤗᤠᤱᤃᤧᤳ ᤐᤡᤛᤠᤱ ᤏᤢ ᤏᤧᤳᤇᤡ ᤏᤧᤳᤇᤡ ᤔᤏᤠ ᤆᤠᤎᤠ᤺ᤱᤜᤠ᤹ ᤁᤧᤃᤥᤒᤠ ᤔᤧᤕᤧᤒᤧ॥ 18 ᤜᤧᤰᤁᤩᤠᤱ ᤏᤠᤶᤎᤠ ᤗᤰᤂᤢᤶᤔᤥ ᤐᤣ᤺ᤰᤔᤠ ᤗᤠᤶᤔᤥ ᤗᤡᤛᤡ ᤏᤢ ᤗᤰᤂᤢᤶᤔᤥᤀᤣ ᤏᤧᤳᤇᤡ ᤔᤏᤠ ᤕᤧᤒᤧᤛᤡ॥ 19 ᤁᤥᤖᤜ ᤏᤢ ᤔᤖᤠᤖᤡ᤺ᤸᤗᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ᤀᤥᤒᤠ ᤗᤠᤶᤎᤣᤳ ᤁᤧᤃᤥᤒᤠᤜᤠ᤹ ᤁᤴᤜᤠ᤹ᤀᤣ ᤔᤧᤘᤕᤧᤖᤥ॥ ᤔᤠᤱᤜᤡᤶᤔᤥᤒᤠ ᤕᤠᤱᤛᤢᤶᤒᤠ ᤏᤢ ᤘᤣ᤹ ᤛᤢᤜᤠᤱᤕᤢᤰᤐᤠᤜᤠ᤹ 20 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤧᤒᤡ ᤋᤣ᤺ᤱᤈᤢᤶᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥᤒᤠ ᤌᤠ᤺ᤱᤜᤠ᤹ ᤏᤢ ᤔᤧᤍᤥᤴᤍᤢᤒᤠ ᤆᤡᤃᤰᤘᤠ ᤕᤢᤱᤔᤠ ᤌᤠ᤺ᤱᤜᤠ᤹ ᤀᤥᤔᤧᤵᤔᤠ ᤗᤰᤐᤧᤴ ᤔᤧᤒᤡᤖᤢᤛᤡᤀᤠᤱ ᤘᤕᤧ॥ 21 ᤗᤠᤍᤠᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤃ ᤗᤠᤍᤠᤏᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠ ᤃᤣᤷᤛᤥᤏᤡᤜᤠ᤹ ᤔᤧᤘᤕᤧ ᤜᤧᤰᤁᤩᤠᤱ ᤃᤣᤷᤛᤥᤏᤡ ᤗᤠᤍᤠᤏᤖᤧ ᤁᤢᤜᤡᤶᤛᤕᤱᤒᤠᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠ ᤔᤧᤘᤕᤧ— 22 ᤕᤜᤡᤀᤣᤗ ᤏᤢ ᤂᤢᤏᤧ᤹ ᤁᤢᤛ᤻ᤛᤠᤜᤠ᤹. ᤜᤧᤰᤁᤩᤠᤱ ᤈᤣᤋᤠᤔ ᤏᤢ ᤂᤢᤏᤧ᤹ ᤁᤢᤴᤛᤠ᤹ ᤕᤥᤀᤣᤗ॥ ᤂᤧᤱᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥᤒᤠ ᤌᤠ᤺ᤱᤜᤠ᤹ ᤀᤥᤃᤧᤔᤧᤵᤐᤠ ᤗᤰᤐᤧᤴᤛᤠᤒᤠ ᤔᤧᤘᤕᤧ॥ 23 ᤀᤔᤪᤠᤔᤡᤜᤠ᤹. ᤕᤡᤛᤜᤠᤖᤡᤜᤠ᤹. ᤜᤣᤒᤪᤥᤏᤡᤜᤠ᤹ ᤏᤢ ᤀᤢᤈ᤻ᤈᤡᤀᤣᤗᤡᤜᤠ᤹ᤗᤠᤶ— 24 ᤔᤥᤛᤠᤖᤧ ᤁᤢᤛ᤻ᤛᤠ ᤃᤣᤷᤛᤥᤔᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤛᤢᤒᤠᤀᤣᤗᤧᤴ ᤌᤠ᤺ᤱᤜᤠ᤹ᤀᤥᤒᤠ ᤛᤢᤜᤠᤱᤕᤢᤰᤐᤠ ᤘᤕᤧ॥ 25 ᤀᤣᤗᤡᤀᤣᤈᤖᤗᤠᤶ ᤂᤢᤏᤧ᤹ ᤁᤢᤃᤠ᤹ᤀᤡᤜᤠ᤹—ᤂᤢᤏᤧ᤹ ᤁᤢᤛ᤻ᤛᤠ ᤖᤜᤒᤩᤠᤜ. ᤖᤜᤒᤩᤠᤜᤖᤧ ᤁᤢᤛ᤻ᤛᤠ ᤕᤛᤕᤠᤜ. ᤕᤛᤕᤠᤜᤖᤧ ᤁᤢᤛ᤻ᤛᤠ ᤕᤥᤖᤠᤔ. ᤕᤥᤖᤠᤔᤖᤧ ᤁᤢᤛ᤻ᤛᤠ ᤈᤡᤁᤪᤡ. ᤈᤡᤁᤪᤡᤖᤧ ᤁᤢᤛ᤻ᤛᤠ ᤛᤗᤥᤔᤡᤋ ᤘᤕᤧ॥ 26 ᤍᤠᤀᤢᤍ ᤜᤠᤱᤅᤡᤴ ᤏᤢ ᤜᤡᤶᤛᤕᤱ ᤜᤡᤶᤛᤕᤱᤒᤠ ᤗᤠᤶᤗᤥᤒᤠᤜᤠ᤹. ᤜᤧᤴᤇᤡᤱ ᤜᤧᤴᤇᤡᤱ ᤏᤢ ᤁᤡᤵ ᤌᤡᤰ ᤁᤡᤵ ᤌᤡᤰ ᤌᤰᤛᤢᤒᤠᤜᤠ᤹ᤖᤧ ᤂᤢᤴᤇᤡ᤹ ᤛᤢᤜᤠᤱᤕᤢᤰᤐᤠ ᤁᤧᤘᤠ᤹ᤒᤠ ᤜᤧᤰᤁᤩᤠᤱ ᤘᤣ᤹ ᤌᤰᤔᤥᤒᤠᤜᤠ᤹ᤖᤧ ᤔᤧᤍᤥᤴᤍᤢᤒᤠ ᤜᤢᤰᤘᤠᤜᤠ᤹ ᤛᤗᤥᤔᤡᤋᤧᤴ ᤏᤢ ᤂᤢᤏᤧ᤹ ᤁᤢᤃᤠ᤹ᤀᤡᤜᤠ᤹ᤖᤧ ᤀᤥᤔᤧᤵᤔᤠ ᤁᤧᤒᤥᤱᤒᤠ ᤗᤰᤐᤧᤴ ᤘᤕᤧ॥ 27 ᤂᤧᤱᤜᤠ᤹ᤖᤧ ᤌᤱᤅᤥ ᤔᤧᤏᤠᤵᤋᤢᤛᤡᤒᤠ ᤁᤢᤓᤠ ᤆᤡᤃᤰᤘᤠ ᤛᤠᤔᤠᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤡᤴ ᤆᤠ᤺ᤱᤘᤠ ᤔᤧᤵᤔᤠᤖᤧ ᤗᤠᤃᤡ ᤂᤧᤱᤜᤠ᤹ᤖᤧ ᤔᤧᤍᤥᤴᤍᤢᤀᤠᤱ ᤘᤕᤧ॥ 28 ᤂᤠᤃᤧᤀᤡᤰᤐᤠ ᤛᤠᤔᤢᤀᤧᤗ. ᤁᤡᤛᤖᤧ ᤁᤢᤛ᤻ᤛᤠ ᤛᤠᤀᤢᤗ. ᤏᤣᤖᤖᤧ ᤁᤢᤛ᤻ᤛᤠ ᤀᤒᤏᤣᤖ ᤏᤢ ᤛᤖᤢᤕᤠᤜᤖᤧ ᤁᤢᤛ᤻ᤛᤠ ᤕᤥᤀᤠᤒᤛᤡᤖᤧ ᤔᤧᤍᤥᤴᤍᤢᤒᤠ ᤁᤧᤖᤧᤰ ᤛᤠᤔᤠᤜᤠ᤹. ᤜᤧᤰᤁᤩᤠᤱ ᤜᤢᤰᤘᤠ ᤔᤧᤍᤥᤴᤍᤢᤒᤠ ᤘᤣ᤹ ᤛᤠᤔᤠᤜᤠ᤹ ᤂᤰᤐᤧᤳ ᤛᤗᤥᤔᤡᤋ ᤏᤢ ᤂᤢᤏᤧ᤹ ᤁᤢᤃᤠ᤹ᤀᤡᤜᤠ᤹ᤖᤧ ᤂᤢᤴᤇᤡ᤹ ᤗᤰᤐᤧᤴᤏᤥ ᤘᤕᤧᤖᤥ॥ ᤘᤣ᤹ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤕᤠ᤺ᤶᤒᤰ 29 ᤕᤡᤛᤜᤠᤖᤡᤜᤠ᤹ᤗᤠᤶ—ᤁᤏᤏᤩᤠᤜ ᤏᤢ ᤂᤢᤏᤧ᤹ ᤁᤢᤛ᤻ᤛᤠᤜᤠ᤹ ᤔᤠᤱᤜᤡᤶᤔᤥᤒᤠ ᤕᤠ᤺ᤶᤒᤰᤏᤢ᤺ᤸᤗᤧ ᤘᤣ᤹ᤛᤔᤠ ᤕᤠ᤺ᤶᤒᤰᤁᤥ. ᤛᤢᤜᤠᤱᤕᤢᤰᤐᤠ ᤏᤢ ᤀᤡᤛᤪᤠᤀᤡᤗᤒᤠ ᤂᤠᤛᤧᤴᤗᤥ᤺ᤶᤒᤠ ᤜᤧᤰᤋᤱᤒᤠ ᤕᤠ᤺ᤶᤒᤰᤁᤥ ᤔᤢᤖᤠ ᤔᤧᤔᤧᤳᤋᤢᤛᤡᤀᤠᤱ ᤘᤕᤧ॥ 30 ᤜᤣᤒᤪᤥᤏᤡᤜᤠ᤹ᤗᤠᤶ—ᤜᤛᤒᤩᤠᤜ ᤏᤢ ᤂᤢᤏᤧ᤹ ᤁᤢᤃᤠ᤹ᤀᤡᤜᤠ᤹. ᥇.᥍᥆᥆ ᤁᤧᤍᤶᤒᤠ ᤛᤢᤶᤒᤥᤎᤠᤛᤠᤒᤠ ᤔᤏᤠᤜᤠ᤹ ᤕᤷᤍᤏ ᤘᤜ᤺ᤱ ᤗᤠᤶᤒᤠ ᤏᤠᤶᤎᤠ ᤗᤧᤵᤔᤠᤱᤒᤠ ᤀᤡᤛᤪᤠᤀᤡᤗᤀᤥ ᤕᤜᤘᤣ ᤍᤠᤱᤒᤧᤸᤗᤧ ᤁᤧᤖᤧᤰ ᤁᤢᤕᤠ᤺ᤶᤒᤰ ᤏᤢ ᤜᤠᤱᤅᤡᤸᤗᤧ ᤁᤢᤛᤧᤘᤠ ᤕᤠ᤺ᤶᤒᤰ ᤀᤥᤃᤧᤔᤧᤵᤐᤠ ᤁᤧᤈᤥ᤺ᤰᤐᤠ ᤔᤧᤘᤕᤧ॥ 31 ᤜᤣᤒᤪᤥᤏᤒᤠ ᤜᤡᤶᤛᤕᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤛᤪᤠ ᤁᤢᤀᤡᤛᤡᤰ ᤕᤖᤡᤕᤠᤜ᤺ᤴ ᤋᤢᤶ ᤗᤠᤶᤗᤥᤒᤠ ᤘᤕᤧ॥ ᤍᤠᤀᤢᤍᤖᤧ ᤜᤠᤱᤕᤢᤰ ᤆᤥᤃᤢᤒᤠ ᤗᤡᤒᤥᤱᤃᤣᤰᤐᤠ ᤋᤱᤒᤣᤀᤥ ᤜᤣᤒᤪᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤛᤪᤠᤀᤥ ᤔᤧᤃᤥ᤺ᤳᤋᤢ ᤔᤧᤜᤰᤛᤢ. ᤜᤧᤰᤁᤩᤠᤱ ᤃᤡᤗᤠᤍᤒᤠ ᤕᤠᤈᤣᤖᤀᤥ ᤂᤧᤱᤜᤠ᤹ᤖᤧ ᤁᤧᤍᤶᤒᤠ ᤛᤢᤶᤒᤥᤛᤠᤎᤠᤒᤠ ᤔᤏᤠᤜᤠ᤹ ᤔᤧᤄᤥᤛᤢᤛᤡ॥ 32 ᤕᤖᤡᤕᤠᤜᤒᤠ ᥈.᥍᥆᥆ ᤁᤧᤍᤶᤒᤠ ᤛᤢᤶᤒᤥᤛᤠᤎᤠᤒᤠ ᤁᤠ᤹ᤀᤡᤜᤠ᤹ ᤔᤧᤘᤕᤧ. ᤂᤧᤱᤜᤠ᤹ ᤜᤡᤶᤛᤕᤱ ᤜᤡᤶᤛᤕᤱᤜᤠ᤹ᤀᤥᤒᤠ ᤗᤠᤶᤗᤥᤒᤠ ᤔᤧᤘᤕᤧ॥ ᤁᤴᤜᤠ᤹ ᤍᤠᤀᤢᤍ ᤜᤠᤱᤅᤡᤸᤗᤧ ᤖᤢᤒᤣᤏᤡᤜᤠ᤹. ᤃᤠᤍᤡᤜᤠ᤹ ᤏᤢ ᤔᤏᤛ᤻ᤛᤣᤖᤧ ᤁᤢᤓᤪᤧ᤺ᤱ ᤁᤢᤎᤠ᤺ᤰᤜᤠ᤹ᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤁᤧᤖᤧᤰ ᤐᤠ᤺ᤴᤜᤠ᤹ ᤏᤢ ᤜᤠᤱᤕᤠ᤺ᤶᤒᤰ ᤀᤥᤃᤧᤔᤧᤵᤐᤠ ᤁᤧᤈᤥ᤺ᤰᤐᤠ ᤆᤥᤃᤢᤛᤡᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.