᥇ ᤛᤠᤵᤔᤢ᤺ᤴᤎᤢᤶ 24 - LIFOTNTᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤔᤧᤒᤡᤖᤢᤛᤡᤒᤠ ᤕᤠ᤺ᤶᤒᤰ 1 ᤜᤠᤖᤢᤏᤖᤧ ᤁᤢᤛ᤻ᤛᤠᤜᤠ᤹ ᤔᤧᤛᤧᤴᤍᤢᤛᤡᤒᤠ— ᤜᤠᤖᤢᤏᤖᤧ ᤁᤢᤛ᤻ᤛᤠᤜᤠ᤹ ᤏᤠᤍᤠᤒ. ᤀᤒᤡᤜᤢ. ᤀᤣᤗᤠᤈᤠᤖ ᤏᤢ ᤀᤡᤋᤠᤔᤠᤖ ᤔᤧᤘᤕᤧ॥ 2 ᤁᤖ ᤏᤠᤍᤠᤒ ᤏᤢ ᤀᤒᤡᤜᤢᤴ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠᤴ ᤔᤠᤛᤡᤱᤔᤠᤏᤢ᤺ᤸᤗᤧ ᤋᤃᤡᤀᤣ ᤂᤢᤴᤇᤡ᤹ ᤕᤧᤶᤒᤡᤇᤠᤛᤠ ᤔᤧᤴᤘᤠ᤹ᤀᤣ ᤔᤠᤏᤧᤛᤡ॥ ᤁᤸᤗᤧᤆᤥᤃᤢᤸᤗᤧ ᤀᤣᤗᤠᤈᤠᤖ ᤏᤢ ᤀᤡᤋᤠᤔᤠᤖᤖᤧ ᤏᤡᤱᤘᤠ᤹ᤑᤢᤛᤠᤶᤒᤠ ᤕᤠ᤺ᤶᤒᤰ ᤆᤥᤃᤧᤛᤢ॥ 3 ᤍᤠᤀᤢᤍᤖᤧ ᤀᤣᤗᤠᤈᤠᤖᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤛᤠᤍᤥᤁᤧᤴ ᤏᤢ ᤀᤡᤋᤠᤔᤠᤖᤖᤧ ᤁᤢᤎᤡᤴᤍᤠᤱ ᤛᤠᤕᤥᤒᤥᤖᤠ ᤀᤜᤡᤔᤣᤗᤣᤁᤧᤴ ᤛᤢᤈᤠᤐᤠᤴ ᤏᤠ᤺ᤰᤋᤢᤛᤡᤀᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤗᤰᤐᤧᤴ ᤁᤢᤀᤡᤛᤡᤰ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤁᤢᤗᤢᤵ ᤁᤢᤗᤢᤵ ᤆᤥᤃᤢᤛᤡ॥ 4 ᤀᤡᤋᤠᤔᤠᤖᤧᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤏᤢ᤺ᤸᤗᤧ ᤀᤣᤗᤠᤈᤠᤖᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤕᤖᤡᤰ ᤗᤠᤶᤗᤥᤒᤠᤜᤠ᤹ ᤔᤧᤃᤳᤋᤢᤛᤡ॥ ᤂᤧᤸᤗᤧᤆᤥᤃᤢᤸᤗᤧ ᤀᤣᤗᤠᤈᤠᤖᤖᤧ ᤁᤢᤜᤡᤶᤛᤕᤱᤜᤠ᤹ ᥇᥌ ᤗᤠᤶᤗᤥᤒᤠᤜᤠ᤹ᤀᤥ ᤁᤢᤗᤢᤵ ᤔᤧᤛᤧᤴᤍᤢᤛᤡᤀᤠᤱ ᤘᤕᤧ ᤁᤖ ᤀᤡᤋᤠᤔᤠᤖᤖᤧ ᤁᤢᤜᤡᤶᤛᤕᤱᤜᤠ᤹ ᥎ ᤗᤠᤶᤗᤥᤒᤠᤜᤠ᤹ᤀᤥ ᤁᤢᤗᤢᤵ ᤔᤧᤛᤧᤴᤍᤢᤛᤡᤀᤠᤱ ᤘᤕᤧ॥ 5 ᤂᤧᤱᤜᤠ᤹ᤖᤧ ᤂᤧᤱᤜᤠ᤹ ᤗᤢᤶᤔᤥ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢᤀᤠᤱ ᤀᤣ᤺ᤰᤐᤀᤣ᤺ᤰ ᤔᤧᤴᤈᤥ᤺ᤰᤛᤡᤱᤅᤣ ᤁᤢᤗᤢᤵ ᤁᤢᤗᤢᤵ ᤔᤧᤈᤥᤃᤢᤛᤡ. ᤌᤣᤀᤠᤱᤓᤧᤸᤗᤧ ᤀᤣᤗᤠᤈᤠᤖ ᤏᤢ ᤀᤡᤋᤠᤔᤠᤖ ᤏᤧᤵᤔᤠᤱᤗᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ᤀᤥ ᤛᤣᤛᤣᤍᤧᤴᤏᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤢᤜᤠᤱᤕᤢᤰᤐᤠᤜᤠ᤹ ᤔᤧᤘᤕᤧ॥ 6 ᤋ᤹ᤕᤠ᤺ᤴᤛᤥᤴ ᤁᤧᤔᤠ ᤕᤠ᤺ᤶᤒᤰᤁᤡᤴᤏᤠᤱ ᤀᤣᤗᤠᤈᤠᤖ ᤏᤢ ᤀᤡᤋᤠᤔᤠᤖᤖᤧ ᤂᤢᤴᤇᤡ᤹ ᤛᤠᤜᤠ᤹ᤖᤧ ᤐᤠ᤺ᤸᤗᤥᤒᤠ ᤔᤧᤈᤥᤃᤢ॥ ᤂᤧᤴ ᤀᤣᤃᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤏᤢ ᤕᤠ᤺ᤶᤒᤰᤜᤠ᤹ ᤗᤳᤇᤠ ᤗᤧᤒᤡ ᤛᤢᤜᤠᤱᤔᤡᤒᤠ ᤏᤋᤏᤣᤗᤖᤧ ᤁᤢᤛ᤻ᤛᤠ ᤛᤔᤠᤕᤠᤜ᤺ᤸᤗᤧ ᤛᤠᤵᤋᤢ॥ ᤜᤠᤱ. ᤜᤠᤱᤅᤡᤸᤗᤧ ᤁᤢᤛᤢᤜᤠᤱᤕᤢᤰᤐᤠᤜᤠ᤹. ᤏᤡᤱᤘᤠ᤹ᤑᤢᤛᤠᤶᤒᤠ ᤛᤠᤍᤥᤁ. ᤀᤒᤡᤕᤠᤌᤠᤖᤖᤧ ᤁᤢᤛ᤻ᤛᤠ ᤀᤜᤡᤔᤣᤗᤣᤁ. ᤗᤧᤒᤡ ᤜᤡᤶᤛᤕᤱ ᤏᤢ ᤏᤡᤱᤘᤠ᤹ᤑᤢᤛᤠᤶᤒᤠ ᤜᤡᤶᤛᤕᤱᤅᤥᤒᤠ ᤋᤢᤶ ᤗᤠᤶᤗᤥᤒᤠᤜᤠ᤹ ᤁᤧᤖᤧᤰ ᤋᤥ᤺ᤴᤍᤡ ᤔᤧᤕᤢᤅᤧ॥ 7 ᤌᤡᤰᤛᤡᤃᤣᤰᤐᤠ ᤋ᤹ᤕᤠ᤺ᤴᤛᤥᤴᤏᤧᤴ ᤕᤜᤥᤕᤠᤖᤡᤒᤖᤧ ᤁᤢᤔᤡᤱᤅᤥ. ᤏᤡᤛᤡᤃᤣᤰᤐᤠᤴ ᤕᤍᤠᤕᤠᤜᤖᤧ ᤁᤢᤔᤡᤱᤅᤥ. 8 ᤛᤢᤶᤛᤡᤃᤣᤰᤐᤠᤴ ᤜᤠᤖᤡᤔᤖᤧ ᤁᤢᤔᤡᤱᤅᤥ. ᤗᤡᤛᤡᤃᤣᤰᤐᤠᤴ ᤛᤥᤖᤡᤔᤖᤧ ᤁᤢᤔᤡᤱᤅᤥ. 9 ᤅᤠᤛᤡᤃᤣᤰᤐᤠᤴ ᤔᤸᤁᤡᤕᤠᤜᤖᤧ ᤁᤢᤔᤡᤱᤅᤥ. ᤋᤢᤰᤛᤡᤃᤣᤰᤐᤠᤴ ᤔᤡᤕᤠᤔᤡᤏᤖᤧ ᤁᤢᤔᤡᤱᤅᤥ. 10 ᤏᤢᤛᤡᤃᤣᤰᤐᤠᤴ ᤜᤰᤁᤥᤛᤖᤧ ᤁᤢᤔᤡᤱᤅᤥ. ᤕᤧᤳᤇᤡᤃᤣᤰᤐᤠᤴ ᤀᤒᤡᤕᤠᤖᤧ ᤁᤢᤔᤡᤱᤅᤥ. 11 ᤑᤠᤱᤛᤡᤃᤣᤰᤐᤠᤴ ᤕᤣᤛᤢᤀᤖᤧ ᤁᤢᤔᤡᤱᤅᤥ. ᤌᤡᤒᤥᤱᤃᤣᤰᤐᤠᤴ ᤛᤁᤏᤩᤠᤜᤖᤧ ᤁᤢᤔᤡᤱᤅᤥ. 12 ᤌᤡᤒᤥᤱᤅᤠᤱ ᤌᤡᤰᤛᤡᤃᤣᤰᤐᤠᤴ ᤀᤣᤗᤩᤠᤛᤡᤒᤖᤧ ᤁᤢᤔᤡᤱᤅᤥ. ᤌᤡᤒᤥᤱᤅᤠᤱ ᤏᤡᤛᤡᤃᤣᤰᤐᤠᤴ ᤕᤠᤁᤡᤔᤖᤧ ᤁᤢᤔᤡᤱᤅᤥ. 13 ᤌᤡᤒᤥᤱᤅᤠᤱ ᤛᤢᤶᤛᤡᤃᤣᤰᤐᤠᤴ ᤜᤢᤵᤐᤠᤖᤧ ᤁᤢᤔᤡᤱᤅᤥ. ᤌᤡᤒᤥᤱᤅᤠᤱ ᤗᤡᤛᤡᤃᤣᤰᤐᤠᤴ ᤕᤣᤛᤣᤒᤠᤒᤖᤧ ᤁᤢᤔᤡᤱᤅᤥ. 14 ᤌᤡᤒᤥᤱᤅᤠᤱ ᤅᤠᤛᤡᤃᤣᤰᤐᤠᤴ ᤒᤡᤸᤃᤠᤖᤧ ᤁᤢᤔᤡᤱᤅᤥ. ᤌᤡᤒᤥᤱᤅᤠᤱ ᤋᤢᤰᤛᤡᤃᤣᤰᤐᤠᤴ ᤀᤡᤶᤔᤣᤖᤖᤧ ᤁᤢᤔᤡᤱᤅᤥ. 15 ᤌᤡᤒᤥᤱᤅᤠᤱ ᤏᤢᤛᤡᤃᤣᤰᤐᤠᤴ ᤜᤣᤈᤡᤖᤖᤧ ᤁᤢᤔᤡᤱᤅᤥ. ᤌᤡᤒᤥᤱᤅᤠᤱ ᤕᤧᤳᤇᤡᤃᤣᤰᤐᤠᤴ ᤜᤵᤐᤡᤛᤣᤛᤖᤧ ᤁᤢᤔᤡᤱᤅᤥ. 16 ᤌᤡᤒᤥᤱᤅᤠᤱ ᤑᤠᤱᤛᤡᤃᤣᤰᤐᤠᤴ ᤐᤋᤜᤡᤕᤠᤜᤖᤧ ᤁᤢᤔᤡᤱᤅᤥ. ᤏᤡᤒᤥᤱᤃᤣᤰᤐᤠᤴ ᤕᤜᤣᤈᤁᤣᤗᤖᤧ ᤁᤢᤔᤡᤱᤅᤥ. 17 ᤏᤡᤒᤥᤱᤅᤠᤱ ᤌᤡᤰᤛᤡᤃᤣᤰᤐᤠᤴ ᤕᤠᤁᤡᤏᤖᤧ ᤁᤢᤔᤡᤱᤅᤥ. ᤏᤡᤒᤥᤱᤅᤠᤱ ᤏᤡᤛᤡᤃᤣᤰᤐᤠᤴ ᤃᤔᤢᤀᤣᤗᤖᤧ ᤁᤢᤔᤡᤱᤅᤥ. 18 ᤏᤡᤒᤥᤱᤅᤠᤱ ᤛᤢᤶᤛᤡᤃᤣᤰᤐᤠᤴ ᤍᤗᤠᤕᤠᤜᤖᤧ ᤁᤢᤔᤡᤱᤅᤥ ᤏᤢ ᤏᤡᤒᤥᤱᤅᤠᤱ ᤗᤡᤛᤡᤃᤣᤰᤐᤠᤴ ᤔᤠᤈᤩᤠᤜᤖᤧ ᤁᤢᤔᤡᤱᤅᤥ ᤌᤩᤧᤖᤥ॥ 19 ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠ ᤜᤠᤖᤢᤏᤖᤧ ᤁᤴ ᤀᤡᤱᤈᤠᤱᤅᤡᤴ ᤕᤜᤘᤣ ᤍᤠᤱᤒᤠ ᤀᤡᤛᤪᤠᤀᤡᤗᤒᤠ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤂᤥᤛᤢᤀᤠᤱ ᤘᤕᤧ॥ ᤂᤢᤏᤧ᤹ ᤏᤡ᤺ᤴᤎᤥ ᤆᤥᤃᤢᤒᤠ ᤁᤴ ᤌᤡᤶᤜᤠ᤹ ᤁᤢᤀᤡᤛᤡᤰ ᤀᤠᤸᤗ ᤂᤧᤱᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥ ᤂᤢᤴᤇᤡ᤹ ᤔᤠᤱᤛᤧᤘᤠ ᤆᤥ᤺ᤰᤛᤧ ᤔᤧᤒᤣ᤺ᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤠ᤺ᤶᤒᤰ ᤜᤠᤒᤠ ᤁᤴᤜᤠ᤹ ᤘᤕᤧᤖᤥ॥ ᤁᤧᤏᤶᤒᤠ ᤗᤧᤒᤡᤜᤠ᤹ 20 ᤗᤧᤒᤡ᤺ᤸᤗᤧ ᤘᤣ᤹ ᤁᤧᤏᤶᤒᤠ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤗᤠᤶ— ᤀᤔᤪᤠᤔᤖᤧ ᤁᤢᤛ᤻ᤛᤠᤜᤠ᤹ᤗᤠᤶ—ᤛᤢᤒᤠᤀᤣᤗ. ᤛᤢᤒᤠᤀᤣᤗᤖᤧ ᤁᤢᤛ᤻ᤛᤠᤜᤠ᤹ᤗᤠᤶ—ᤕᤣᤜᤍᤕᤠᤜ॥ 21 ᤖᤜᤒᤩᤠᤜᤖᤧ ᤁᤢᤛ᤻ᤛᤠᤜᤠ᤹— ᤕᤡᤛᤡᤕᤠᤜ. ᤂᤢᤏᤧ᤹ ᤖᤜᤒᤩᤠᤜᤖᤧ ᤁᤢᤛ᤻ᤛᤠᤜᤠ᤹ᤀᤥ ᤋᤢᤶᤒᤠ ᤘᤕᤧ॥ 22 ᤕᤡᤛᤜᤠᤖ ᤌᤠ᤺ᤰᤁᤥᤒᤠ ᤛᤗᤥᤔᤥᤋ. ᤛᤗᤥᤔᤥᤋᤖᤧ ᤁᤢᤛ᤻ᤛᤠᤜᤠ᤹—ᤕᤜᤋ॥ 23 ᤜᤣᤒᤪᤥᤏᤖᤧ ᤁᤢᤛ᤻ᤛᤠᤜᤠ᤹—ᤕᤖᤡᤕᤠᤜᤴ ᤋᤢᤶᤒᤠ. ᤏᤡᤛᤡᤃᤣᤰᤐᤠᤴ ᤀᤔᤷᤕᤠᤜ. ᤛᤢᤶᤛᤡᤃᤣᤰᤐᤠᤴ ᤕᤜᤠᤛᤣᤗ. ᤗᤡᤛᤡᤃᤣᤰᤐᤠᤴ ᤕᤁᤔᤠᤔ॥ 24 ᤀᤢᤈ᤻ᤈᤡᤀᤣᤗᤖᤧ ᤁᤢᤛ᤻ᤛᤠᤜᤠ᤹—ᤔᤡᤁᤠ. ᤔᤡᤁᤠᤖᤧ ᤁᤢᤛ᤻ᤛᤠᤜᤠ᤹ᤗᤠᤶ—ᤛᤠᤔᤡᤖ॥ 25 ᤔᤡᤁᤠᤖᤧ ᤁᤢᤴᤛᤠ᤹—ᤕᤡᤛᤩᤠᤜ. ᤕᤡᤛᤩᤠᤜᤖᤧ ᤁᤢᤛ᤻ᤛᤠᤜᤠ᤹ᤗᤠᤶ—ᤈᤁᤖᤡᤕᤠ॥ 26 ᤔᤖᤠᤖᤡᤖᤧ ᤁᤢᤛ᤻ᤛᤠᤜᤠ᤹—ᤔᤜᤗᤡ ᤏᤢ ᤔᤢᤛᤡ॥ ᤕᤠᤈᤡᤕᤠᤜᤖᤧ ᤁᤢᤛ᤻ᤛᤠ—ᤒᤏᤥ॥ 27 ᤔᤖᤠᤖᤡᤖᤧ ᤁᤢᤛ᤻ᤛᤠᤜᤠ᤹— ᤕᤈᤡᤕᤠᤜᤗᤠᤶ—ᤒᤏᤥ. ᤛᤥᤜᤔ. ᤈᤰᤁᤢᤖ ᤏᤢ ᤀᤡᤒᤪᤡ॥ 28 ᤔᤜᤗᤡᤗᤠᤶ—ᤀᤣᤗᤠᤈᤠᤖ. ᤂᤧᤸᤗᤧ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤜᤠ᤺ᤳᤋᤠᤱ ᤔᤧᤜᤥ᤺ᤵᤋᤧ॥ 29 ᤁᤡᤛᤗᤠᤶ—ᤁᤡᤛᤖᤧ ᤁᤢᤛ᤻ᤛᤠ— ᤕᤖᤜᤔᤣᤗ॥ 30 ᤜᤧᤰᤁᤩᤠᤱ ᤔᤢᤛᤡᤖᤧ ᤁᤢᤛ᤻ᤛᤠᤜᤠ᤹—ᤔᤜᤗᤡ. ᤀᤣᤍᤣᤖ ᤏᤢ ᤕᤖᤡᤔᤥᤋ॥ ᤗᤧᤒᤡᤜᤠ᤹ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤜᤡᤶᤛᤕᤱ ᤁᤢᤀᤡᤛᤡᤰ ᤜᤠᤒᤠ ᤁᤴᤜᤠ᤹ᤀᤣ ᤔᤧᤘᤕᤧ॥ 31 ᤜᤠᤱ ᤍᤠᤀᤢᤍ. ᤛᤠᤍᤥᤁ. ᤀᤜᤡᤔᤣᤗᤣᤁ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤛᤠᤶᤒᤠ ᤏᤢ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤗᤠᤶᤗᤥᤒᤠᤜᤠ᤹ ᤋᤃᤡ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤠ᤹ᤀᤡ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤁᤢᤀᤡᤛᤡᤰ ᤁᤴᤜᤠ᤹ᤖᤧᤀᤠᤱ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢᤖᤥ॥ ᤋᤢᤶᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤜᤠ᤹ ᤐᤠ᤺ᤰᤐᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤛᤕᤱᤜᤠ᤹ ᤁᤢᤀᤡᤛᤡᤰ ᤏᤢᤖᤡᤰ ᤔᤧᤔᤧᤳᤋᤢᤛᤡ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.