निङ्वाॽफु साम्लोसुम् 150 - लिम्बुयहवे दाङ्बे़ल्ले़ कुनारा फोमा 1 यहवे दाङ्बे़ल्ले़ कुनारा फोसे़म्मे़ॽओ! निङ्वाॽफुमाङ्ङिन् कुसेसेदे़न्नो खुने़ॽ कुनारा फोसे़म्मे़ॽओ, मिमिदिङ्गे़न् ताङ्साक्पो कुनारा फोसे़म्मे़ॽओ॥ 2 खुने़ॽ चोगुबा मुक्साम्बा कुयाःम्बक्हाॽओ खुने़ॽ कुनारा फोसे़म्मे़ॽओ॥ खुने़ॽ के़रे़क्नुःल्ले़ पयम् यम्बा चोःक्पाल्ले़ चोगुल्ले़ कुनारा फोसे़म्मे़ॽओ॥ 3 थुत्तुरिःप्पा मुक्खे़म्मे़ॽर खुने़ॽ कुनारा फोसे़म्मे़ॽओ, तुःङ्गे नु कङ्नि मुक्खे़म्मे़ॽर खुने़ॽ कुनारा फोसे़म्मे़ॽओ॥ 4 के हिप्नु लाःक्खे़म्मे़ॽर खुने़ॽ कुनारा फोसे़म्मे़ॽओ॥ तुःङ्गे नु मुफ्रामा हिप्ते़म्मे़ॽर कुनारा फोसे़म्मे़ॽओ॥ 5 छिङ्छिङ् के़लॽबा मुक्ला हिप्ते़म्मे़ॽर कुनारा फोसे़म्मे़ॽओ, साॽरिक् लागे़इक्पा खित्चिङ् खित्चिङ् के़लॽबा मुक्ला मुक्खे़म्मे़ॽर खुने़ॽ कुनारा फोसे़म्मे़ॽओ॥ 6 कुसक्मा के़याक्पा के़रे़क्ले़ यहवे दाङ्बे़ल्ले़ कुनारा फोसे़म्मे़ॽओ, हल्लेलुयाह! |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.