निङ्वाॽफु साम्लोसुम् 14 - लिम्बुमनाहाॽरे़ खुन्छिॽ कुइभे़म्मा साम्लो के़हुॽबाल्ले़ लागि दाउदरे़ कुसाम्लो 1 अदङ् निङ्वाॽ के़गप्पाहाॽरे़ मे़बाःत्तु, “निङ्वाॽफुमाङ् होप्लो” खे़ङ्हाॽ फे़त्मे़लाॽरे़आङ् मे़वाॽरो॥ हे़क्क्याङ् खे़ङ्हाॽरे़ सिक्के़ले़ःङ्बा याःम्बक् मे़जोगुरो, खे़ङ्हाॽरे़ खुनिॽ नुबा याःम्बक् के़जोःक्पा आत्तिन्नाङ् होप्लो॥ 2 यहवे दाङ्बे़ल्ले़ साङ्ग्राम्पेदाङ्लाम्बा मे़न्छाम्साहाॽ ओमे़त्तुसिरो॥ सिक्कुम्साबा नु निङ्वाॽफुमाङ्ङिन् के़गोःप्पाहाॽ मे़वाॽबि फाॽआङ् कोःत्तुसिरो॥ 3 के़रे़क् मनाहाॽ निङ्वाॽफुमाङ्लाम्बा माःङ्घा मे़बोःक्खे़आङ् मे़वाॽरो, खे़ङ्हाॽ सोसोरिक् फे़त्मे़लाॽरे़आङ् मे़वाॽरो॥ नुबा के़जोःक्पा थिक्काङ् होप्लो, आहाॽ, लत्थिक्काङ् होप्लो॥ 4 ताप्फे़ःम्बा याःम्बक् के़जोःक्पाहाॽ आभे़ल्ले़आङ् मे़न्हुॽसिङ्ङिन्बि? खे़ङ्हाॽरे़ खरे़ःङ् मे़जबा हे़क्के आमनाहाॽ मे़जसिरो, हे़क्क्याङ् खे़ङ्हाॽरे़ निङ्वाॽफुमाङ्ङिन् आभे़ल्ले़आङ् पेलि मे़म्भाक्तुल्लो॥ 5 खे़प्मो किमा यङ्मा के़बोङ्बा होःप्ते़साङ् खे़ङ्हाॽ किमाल्ले़ युम्सुङ्मा मे़बोःक्खे़रो, थेआङ्भे़ल्ले़ साम्योबाहाॽनु निङ्वाॽफुमाङ्ङिन् वाॽरो॥ 6 याङ्गे़साॽबाहाॽरे़ चोःक्मा मे़गोःत्तुबा पाःन्हाॽ कुॽइके़भे़म्बाहाॽरे़ चोःक्मा मे़म्भाःक्तुसिन्लो, कर यहवे दाङ्बे़ल्ले़ याङ्गे़साॽबाहाॽ नाङुसि से़ःप्तुसिरो॥ 7 इस्राइलबा मनाहाॽरे़ खुनिॽ से़न्लप्पिन् निङ्वाॽफुमाङ्ङिल्ले़ कुगोःक्मा सियोनलाम् ताररो॥ निङ्वाॽफुमाङ्ङिल्ले़ कुमनाहाॽ याम्मो नुॽमादामा तारु पिरुसिल्ले़ याकुबे़न् सःत्लो, हे़क्क्याङ् इस्राइलबा मनाहाॽ हाङ्हाङ् मे़लॽरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.