निङ्वाॽफु साम्लोसुम् 133 - लिम्बुफुॽनुसाॽहाॽ थिक्हुप् पोङ्मा लाम्दिक् चोःक्मा दाउदरे़ कुसाम्लो 1 ओमे़त्ते़म्मे़ॽओ, फुॽनुसाॽहाॽ थिक्हुप्पो तङ्माआङ् वाॽमाग चाॽरिक् नुबा चोक्लो, हे़क्क्याङ् कङ्ग साॽरिक् सिक्के़सम्बा पाःन्लो॥ 2 कङ्ग थे़गेःक्को हुःप्मनाबा इमे़ल्लुङ्बा निःङ्गेॽ हे़क्के लॽरो, खे़ङ्ग हारुनरे़ कुधे़गेःक्पोलाम्बा कुम्धोॽओ थारिक् वासिःप्सिङ् थारो, हे़क्क्याङ् कुलगेःत्तिल्ले़ कुसुक्पो थारिक्के के़त्लो॥ 3 खे़ङ्ग हर्मोन कोःक्माओ के़धाबा सेःक्वान् सियोन कोःक्माओ थाबा कुइसिक् चोक्लो॥ थेआङ्भे़ल्ले़ हाबा खे़प्मोए यहवे दाङ्बे़ल्ले़ हाङ्वागे़न् मुॽइसाम् थासुआङ् वाॽरो, हे़क्क्याङ् आप्फाल्ले़आङ् मे़न्नुप्मनाबा हिङ्मन् पिमा माङ्हुप् चोगुआङ् वाॽरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.