ए़स्तर 10 - लिम्बुमोर्दकैःल्ले़ पयम् कुयम्मान् 1 अहासुरस हाङ्ङिल्ले़ खुने़ॽ कुहाङ्जुम्मो के़रे़क् नु वरःङ्ङिल्ले़ कुयाओ के़ने़बा लाजेॽहाॽओ थारिक् एःङ्याङ् हुङ्मा पाङ्घुसि॥ 2 हाङ्ङिल्ले़ कुयुक् नु मुक्साम्बा कुयाःम्बक्हाॽ हे़क्क्याङ् खुने़ॽ मोर्दकैन् पिरुबा मिङ्सो इङ्धाङ्हाॽ मादि नु फारसबा हाङ्हाॽरे़ खुन्छिॽ साप्मुःन्धुम्मो साप्ते़आङ् पत्॥ 3 यहुदि मोर्दकैन् हाङ्ङिन्नुःल्ले़ निसिगेक्पा योयोक्पा ताक्फाओ वये़॥ खुने़ॽ यहुदिहाॽओ यम्बा मना पोःक्खे़, हे़क्क्याङ् आप्फेक् लाजेॽबा यरिक् यहुदि कुम्भुॽ कुन्साॽहाॽओ खुन्छिॽ सिराॽ के़धाङ्बा पोःक्खे़, थेआङ्भे़ल्ले़ खुने़ॽ कुमनाहाॽ नुरिक् मे़त्तुसि, हे़क्क्याङ् के़रे़क् यहुदिहाॽरे़ खुन्छिॽ नुॽमा तामारे़ लागि खुने़ॽ पारे़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.