Mathiu 7 - Nakaran ut te Jesu Kristo 1902

¹ Nekimiar tereshoan nar retat le nerapusen, mama neki nerapusen reshoan nar retat le kamiar.

² Mero in ka rolkoma nekimiar rakahmo nar retat le nerapusen, nekin ilar terakahmo mun nar retat le kamiar. An rolkoma tenakarofen kapofena kam kamiar.

³ An retol nakamahm noanverin nar le nemrin piam, mero nekim reshoan iribor le taham nemram.

⁴ Wa tenakatueni to piam, Pas iakosita noanverin nar le nemram, mero ahm ru, iribor le nemram.

⁵ Ik iausit, paupan nakosita iribor le taham nemram, an nepahm hrakak nakosita iresuas le nemri piam.

⁶ Tenesarofenan neri ausim kam kuri, an teneseihlaupaupauan nar ut temiar le nepukas, mero tepailiwak lan le nelikin ilar an meparhwin an markis kamiar.

⁷ Eihrapkin an tapofena kam kamiar, aitkoigen an tenakaihm, atiti an kapetita to kamiar.

⁸ Mero in ka ierem tererhapkin teros, an ierem teratkoigen terahm, an ierem teratiti kapatita ton.

⁹ Wa pehe ieremim le kamiar nerin tererhapuk to bred rapofen kapiel kam in?

¹⁰ Wa repehrapkin nam rapofen tagalua kam in?

¹¹ Mero in ka takama kamiar neremim tat nakarhinatin nar ut tenakarofen kam nererimiar min, an kuhu mun Remimiar le neai terepofen nar ut kam nerem kamehrapkin?

¹² Mero in ka naremnar nakarolkeikei mama nerapusen takarol kam kamiar, kamiar nakarol mun maka lan kam ilar. Mero in ka inuk nowa asul mene profeta min.

¹³ Tenakaruan le nukulu asuas, mero in ka nukulu asul mene suatu asul ramir til to nemisan; an neremim ribor kamaruan iken.

¹⁴ Mero in ka nukulu asuas mene suatu asuas ramir til to nemihwan; an neremim noanevin am kamaihm.

¹⁵ Takamaihmena profeta aiwa nerem takarua to kamiar le nemami ship, mero le nekin ilar rolkoma iabakaru ramkin til.

¹⁶ Tenakarhinatin ilar le nowa nik tenilar. Neremim takarhwafugen nowa krep le nulkasik, wa nowa nihm le nar rol nihlin?

¹⁷ Rolmok lan nik ut min ramowa in nowa nik ut, mero nik tat min ramowa in nowa nik tat.

¹⁸ Nik ut to resowean in nowa nik tat, an nik tat to resowean in nowa nik ut.

¹⁹ Nik min resowean in nowa nik ut karatagatag an kafepen le nekam.

²⁰ Mero in ka le nowa nik tenilar tenakarhinatin ilar.

²¹ Rosolan moma nerem takani tonio, Ieremera, Ieremera, takaruan petum le niko le neai; mero ierem terol nowa te Tata le neai.

²² Neremim ribor tepani tonio le nepenian ka, Ieremera, Ieremera, iemesatikunan le netigam, an le netigam mahiliatou nanumun tat, an le netigam marol nar puk nevin?

²³ An tiapeni to ilar loanian ka, Iemeshinatinan kamiar, aruan isou tonio, kamiar nerem nakamarol tehwaga tat.

²⁴ Mero in ka ierem terero nakaran min uk tahak mamol rapol kama ialbakau ierem rametikhivin nimwa tahan letui kapiel.

²⁵ An nihin teratite an iapiwan teraih an nemetag neterail, an mamaikalulin nimwa ka, an ramesaman mero in ka kametikhivin le kapiel.

²⁶ An ierem terero nakaran min uk tahak mesolan terepol kama iapou ierem rametikhivin nimwa le nemaklakel.

²⁷ An nihin teratite an iapiwan teraih an nemetag neterail, mamaikalulin nimwa ka; an ramam, an naman tahan ramibor.

²⁸ An Iesu neterenita nakaran min uk, an nahuto min netakamaisak le netikunan tahan.

²⁹ Mero in ka rametikun ilar kama ierem ramesanen, an resolan kama nerem kamatikun tenilar.