Mathiu 5 - Nakaran ut te Jesu Kristo 1902

¹ An neterahm nahuto neteret muan le touar, an neteramowata an tan ieremim min netakarua ton.

² An neteroag mametikun ilar, moma,

³ Nerem keikei nerem kasaiusitan ilar, mero in ka niko le neai tenilar.

⁴ Nerem keikei nerem kamaisak, mero in ka tapol nekin ilar ragien.

⁵ Nerem keikei nerem nekin ilar remeruk, mero in ka teparos ten uk.

⁶ Nerem keikei nerem kamaimek an mamewawa to tehwaga ut, mero in ka teparhepus.

⁷ Nerem keikei nerem nolkeikeian tenilar ribor, mero in ka teparos nolkeikeian.

⁸ Nerem keikei nerem nekin ilar hrahlel, mero in ka tepaihm Wuhgin.

⁹ Nerem keikei nerem kamehlau nemelinuan, mero in ka tafin ilar nereri Wuhgin.

¹⁰ Nerem keikei nerem kamol nahmean kam ilar le tehwaga ut, mero in ka niko le neai tenilar.

¹¹ Kamiar nerem keikei takama neremim tepeitat kamiar, an teparol nahmean kam kamiar, an tepani nar retat min le kamiar mamareiwa tonio,

¹² Nekimiar ravit magienipus, mero in ka nemrin temiar ribor le neai; mero in ka rolmaka lan kamarol nahmean le profeta min kamaiupan in kamiar.

¹³ Kamiar nigal to ten uk; mero takama nigal terier lan, kapetol raute? Resavitan mun to nar ker mero tepelakin an kapaliwak lan.

¹⁴ Kamiar hnakakan to ten uk; Nauanu kamehlau le touar to resemelakenan.

¹⁵ An neremim tesaluan nisia an marofen le nevigen nar, mero le nar nisia ramail lan, an repasikapun petum nar imwa.

¹⁶ Mok lan pas nisia temiar rasia le nemrin neremim, mero in ka moma takaihm tehwaga ut temiar an mani vivi Remimiar le neai.

¹⁷ Nekimiar reshoan moma iakava tiakalakin nowa asul wa profeta min; iemesuean moma tiakalakin mero tiakuit.

¹⁸ Mero in ka nuparhien tiakani to kamiar, reroatis nepenian neai mene ten tikiaka noanverin wa nemusmusin ker teresikean le nowa asul, mero naremnar min tapol petum.

¹⁹ Mero in ka ierem repetaken noanverin nakaran ierem iresuas aken le ilar min mametikun neremim maka lan, ierem tepeni ierem iresuas aken le niko le neai. Mero ierem terol mametikun ilar, ierem tepeni ribor le niko e neai.

²⁰ Mero in ka tiakani to kamiar, Takama tehwaga ut temiar teresiboran kama tehwaga ut te Farisi min mene nerem kamatikun, tenesaruanan e niko le neai.

²¹ Neknamairo kameni to ilar nanuhu aken, Teneshoa til, an ierem terama terho til rapos netetan.

²² Mero io tiakani to kamiar, ierem teremakin pian ierem terepos netetan; an ierem terepeni to pian, Ioletat, ierem terepos netetan to nerem asul; an ierem terepeni, Tanipen, ierem rapos netetan le nekam asul.

²³ Mero in ka takama tenakofen nofenan taham le nar kamehlau nuhwasigenan iken, an iken nekim terho moma piam ramos niehma ker tonik,

²⁴ Pas iken nofenan taham paupan le nar kamehlau nuhwasigenan iken, an muan maupan mol niel ut le piam, an mapua mofen nofenan taham.

²⁵ Mol hwaihwai niel le ierem ramol niehma lam le nuanan temilau le suatu, mero in ka moma teresofenan ik kam ieremera, an ieremera rapofen ik kam iolatkokun nar, an kapofen ik imwa.

²⁶ Nuparhien tiakani tonik, tenesieran iken mero tenakos petum nemrin nar.

²⁷ Neknamairo moma kameni, Tenesolan tehwaga tat le beravin.

²⁸ Mero io tiakani tonik, ierem terahm beravin an molkeikei to nolan tehwaga tat lan ierem reknolita tehwaga tat lan le nekin.

²⁹ Takama nakanemram matu ramol ik nakampitetel, suliatou melakin ita tonik; mero in ka ravit tonik moma noanverin nubalakam teremis mero nubalakam petum teselakpenan in le nekam asul.

³⁰ An takama nelimam matu ramol ik nakamapitetel, arakru melakin ita tonik; mero in ka ravit tonik moma noanverin nubalakam teremis mero le nubalakam petum tenesuanan le nekam asul.

³¹ An kameni mun, Ierem rafaliatou nuain pas rofen kam in neraian le nawowa to hnaliatouan.

³² Mero io tiakani to kamiar, Ierem terhaliatou nuain mero remesolan tehwaga tat; an ierem terepir mun ierem kahmaliatou rapol tehwaga tat lan.

³³ Neknamairo mun kameni to nerem nuhu, moma, Tenesosan noanavel le nakaran taham an mesolan, mero ik tenakol to Ieremera noanavel taham.

³⁴ Mero io tiakani to kamiar, Tenesosan noanavel le nar ker; tenesosan le neai, mero in ka thron taha Wuhgin.

³⁵ Tenesosan le ten uk, mero in ka nar kamehlau it nelikin tahan lan. Tenesosan le Jerusalem, mero in ka nauanu taha Ieremera asul.

³⁶ An ik tenesosan noanavel le tamkapa, mero in ka nesesanenan to nolan noanum ker retuan wa rapin.

³⁷ Mero pas nakaran taham tereni, Ooh, ooh; kapa, kapa; an neremnar min nevin mun remsipe le ieremitat.

³⁸ Neknamairo kameni, Nemritil to nemritil, nelutil to nelutil.

³⁹ Mero io tiakani to kamiar, Teneshoan ieremim tat; mero ierem terepnikapum neutain matu hwin mun neutain kam in.

⁴⁰ An ierem terama terir ik muan to ieremera an terosita taham niuh imwa, ofen mun kam in niuh ilua taham.

⁴¹ Ierem rapol ik nakaliwak le mail karena, aroupen kamilau min miavan le mail kiu.

⁴² Ierem tererhapkinpena nar ker, ofen kam in; an ierem terama teros am nar taham, teneshwinan ik ton.

⁴³ Neknamairo Kameni, moma, Olkeikei tamiel, an momakin ierem ramomakin ik.

⁴⁴ Mero io tiakani to kamiar, Arolkeikei nerem kamaimakin kamiar, an mehwak to nerem kamarol nahmean kam kamiar.

⁴⁵ Mero in Ka moma tapol kamiar nereri Remimiar le neai; mero in ka terol mit tahan teret le neremim tat mene le neremim ut, an terhalipa nihin kam neremim tehwaga tenilar rikoiko mene neremim tehwaga tenilar retuatu.

⁴⁶ Mero in ka takama nakarolkeikei nerem karolkeikei kamiar, nemrin neta to kamiar? Pablikan min kamarol mun nar un.

⁴⁷ An takama tenakaikar kam piamiar am, neta nakamarolpukmun kama neremim petum? Jentail min kamarol mun maka lan.

⁴⁸ Mero in ka nar uk kamiar teneparut petum rolkoma Remimiar le neai ravit petum.