Mathiu 27 - Nakaran ut te Jesu Kristo 1902

¹ An lakapnipin neterua an neremera le nuhwasigenan an nerem asul te neremim netakaru hnimilig mamekar to Iesu moma takarhwapnin in.

² An netakalis in marir maruan marofen kam Pailet ieremera.

³ An Judas ierem ramaurai in neterahm moma netakanipen nemisan ton, an nekin neterakamleleg, neteros notakeri takeri 30 silver muan to neremera le nuhwasigenan mene nerem asul min, moma,

⁴ Iamol tehwaga tat maurai nita ieremim ut. Mero netakani, Neta tiakarol le nar uk? It tenakahm.

⁵ An neterelakpenin moni le nimwa ahwak neterier an neteruan an matil atu in.

⁶ Mero neremera le nuhwasigenan netakaros moni ka netakani, Resmatuan takaihlaupen nar uk le nofenan te nimwa ahwak, mero in ka nemrin nita til.

⁷ Netakamekar to netakaros nemrin ten te ierem ramol nevige nar lan, mama tukrenum nerapusen iken.

⁸ Mero in ka ten ka kameni netigen, Ten te nita til, rolkoma in uk towe mene.

⁹ Loanian ka reknet nakaran kameni le Jeramaia profeta, moma, An netakaros notakeri nemrin lan, ierem netakani nemrin lan to Nereri Israel:

¹⁰ an netakaros lan nemri ten te ierem ramol nevige nar, iolkoma Ieremera rameni tonio.

¹¹ An Iesu neterail le nemri ieremera, an ieremera neterarhapuk ton, moma, Ik Ieremera te Ju min wa kapa? An Iesu netereni, Ik nekneni.

¹² An neremera le nuhwasigenan mene nerem asul netakameitat Iesu, mero resaraman nar ker.

¹³ An Pailet netereni ton, Neseroan naremnar kuhu kamani tonik?

¹⁴ An resaraman ton, resolan moma nakaran karena, an ieremera neterasakepuk ton.

¹⁵ An le nauganan ka le nowa nu min ieremera rakamresin kam nahuto pehe ieremim karolkeikei le nimwa iakis.

¹⁶ An loanian ka kamehlau ieremim asul ker le nimwa iakis netigen Barabas.

¹⁷ An ilar netakarhwafugen, an Pailet netereni to ilar, Nakarolkeikei moma tiakresin pehe to kamiar, Barabas wa Iesu ierem netigen Kristo?

¹⁸ Mero in ka rhinatin moma kamaiurai in to nereran.

¹⁹ An neterowata le nar kamowata lan te nuhwapraian, an beravin tahan neterhalipen ieremim ker ton, moma, Asolan nar ker le ieremim ut un, mero in ka iamos nahmean ribor lan towek le nemelaitan.

²⁰ An neremera le nuhwasigenan mene nerem asul min netakani to nahuto moma takaihrapkinpen Barabas an marwapnin Iesu.

²¹ Mero ieremera neteraram menipen to ilar, Ierem petuan le ilan nakarolkeikei moma tiakresin to kamiar? An netakani, mama, Barabas.

²² Pailet netereni to ilar, Mero in ka tiakol neta to Iesu ierem netigen Kristo? Ilar petum netakani, moma, Takaruit.

²³ Mero netereni, Mero in ka netat tehwaga tat ramol? Mero netakamaisak apam, mama, Takaruit.

²⁴ An Pailet neterahm moma resausikausikan, mero nakaran reknakamibor, an neteros nu mametauilumin le nelimin le nemri nahuto, meni, Resolan moma nita ieremim ut uk lak; kamiar tenepaihm.

²⁵ An neremim min netakairam ton, mamani, Nitan terua le kamar mene nererimar min.

²⁶ An netereresin Barabas kam ilar, mero neterho Iesu mofen kam nerem takaruit in.

²⁷ An soldier min te ieremera netakarir Iesu maruan le nimwa asul, marhwafugen ton nahuto petum.

²⁸ Netakarosita nar rakava lan marviu in le nar reloulou.

²⁹ An netakailel nul kasik an malis tenkapa lan an netakaihlaupen nuig le nelimin matu, marenum noulin ilar ton, netakaiusan lan, mama, Agien, Ieremera te Ju min!

³⁰ An netakamaihg in, netakaros nuig mamahro tenkapa.

³¹ An netakaiusan lan, an netakarosita nar kamarviu in ka, mamarviu in le tahanena, an netakarir iato in to neruitan.

³² An netakarier netakaihm ierem Sairini ker netigen Saimon, netakamaikeikei kam in mama teros tahan nik aluauin.

³³ Netakaruan le ten netigen Kolkotha, kameni mok lan, ten in nevigkuhla, netakarofen kam in wain kamol pilpil le kal mama teramnum:

³⁴ An neterapaih am mesamnuman.

³⁵ An netakaruit in an maroti nar rakava lan, netakarol hninainan ton.

³⁶ An netakaimaiwata an mamaimrikam lan iken.

³⁷ An netakaihlaupen iken tenkapa rakavan iken nar kamrai lan, In uk Iesu, Ieremera te Ju min.

³⁸ An netakaruit ihlel iakihla kiu, ker le tan matu an ker le tan mul.

³⁹ An nerem karua mamaipita netakameitat in an mamarutin nemrin ilar kam in, mamani,

⁴⁰ Ik ierem nakamhwasesan nimwa ahwak makamol le nepenian kisil, os miuh tau ik. Takama ik Neri Wuhgin, atite le nik aluauin.

⁴¹ Rol mok lan neremera le nuhwasigenan netakaiusan lan, ilar nerem kamaitikun mene nerem asul min, netakani, nerapusen, mero to resos miuh atu an in.

⁴² Ramos miuh in Ieremera te nerem Israel, pas ratite towek le nik aluauin, an tiepani nuparhienan lan.

⁴³ Ramateta le Wuhgin, pas teros miuh in towek takama rolkeikei in. Mero in ka rameni, moma, Io Neri Wuhgin.

⁴⁴ An iakihla mil ierem mil kamaruit ilau ihlel Iesu netakamuokar tat kam n mamuani nar karena.

⁴⁵ An le aur katilum mekarena neterapinapasun petum ten meroatis aur katilum mekuer.

⁴⁶ An le aur katilum mekuer Iesu neterasak le nakarapahman, moma, Eloi, Eloi, lama sabaktani? Nar kameni mok lan, Tahak Wuhgin, Tahak Wuhgin, tona namapas io?

⁴⁷ An nevin kamamailil iken netakairo netakani, mama, Wus uk ramaunin Ilaija.

⁴⁸ An ihwe am ker le ilar neteraietkin mos spanj neteret le vinekar neterol pen le nuig mofen kam in moma teramnum.

⁴⁹ Mero nevin netakani, Pas ru kamaihma moma Ilaija terua mos miuh in wa kapa.

⁵⁰ An Iesu neterasak apam mun mauraipen nanumun.

⁵¹ An ahm ru, napin le nimwa ahwak rahmapu iles mekiu mua le noukarin, an nemapten remkiukiu an kapiel rahmapu.

⁵² An nepag kapiel kenatita an nubalakin min rapus te neremim us nerem kenaipul netakarmiuh mun.

⁵³ An loanian ka Iesu reknemiuh mun netakarier la nepag kapiel marua to nauanu ausim, an neremim ribor kamaihm ilar.

⁵⁴ An sentiurion mene nerem kamaimrikam le Iesu ilar min netakaihm mig mene nar min kamol netakamariginepus, mama, Nuparhien wus uk Neri Wuhgin.

⁵⁵ An neberavin nevin iken kamaimrikam lan isou, ilar kamamairoupen Iesu masipen i Kalili mamarol atkokun nar ton.

⁵⁶ Le nekin ilar Meri Makdalini mene Meri inen Jems mene Joses mene inen neri Zebedi mil.

⁵⁷ Au lehnaiu neterua an ieremim ker te Arimathia nauta tahan ribor neterua netigen Josef an in mun ieremim taha Iesu.

⁵⁸ Wus ka neteruan to Pailet mamehrapuk to nubalakin Iesu.

⁵⁹ An Pailet netereni moma tapofen. An Josef ramos nubalakin netereviu in le nar ituga irvi.

⁶⁰ An neterhlau in le nepag kapiel vi tahan in ramerai le kapiel, neterhwinpen kapiel hmarigpen in le nepag kapiel, an neteruan.

⁶¹ An Meri Makdalini mene Meri pusen kamuowata iken le nausilua te nepag kapiel.

⁶² An lauk in nian oatisig le nepinean neremera le nuhwasagenan mene Farisi min netakarhwafugen to Pailet, mama,

⁶³ Ieremera, nekimar rakahmo moma wus uk ierem rameiwa rameni loanian ramamemiuh, moma, Le nepenian kisil tiapemiuh mun.

⁶⁴ Ani moma nepag kapiel takahmesas lan meroatis nian kisil, mero in ka takamol tan ieremim min karua maikihla in an mani to neremim, Reknermig le neki nerem kamaremis, an neiwean oatisig repibor aken kama ierem iraupan.

⁶⁵ Pailet netereni to ilar, Aros soldier maruan an maihmesas lan rolkoma kamiar nakarhinatin.

⁶⁶ Netakaruan maihmesas le nepag kapiel an marol nimtatin le kapiel ilar soldier min.