Mathiu 26 - Nakaran ut te Jesu Kristo 1902

¹ An Iesu netereni petum nakaran min uk, netereni to tan ieremim min

² Nakarhinatin moma le nian kiu Napitean terepua, an Neri Ieremim tepauraipen to neruitan.

³ Loanian ka neremera le nuhwasigenan mene nerem asul te neremim netakarhwafugen le nimwa te ieremera le nuhwasigen ierem netigen Kaiafas.

⁴ Netakaru hinimilig ton moma takaros maniwan Iesu marhwapnin in.

⁵ Mero resolan moma le nauganan mero in ka to karol nakaran le neremim.

⁶ An Iesu ramamowata i Bethani le nimwa taha Saimon ierem ramakamis le leprosi.

⁷ An beravin ker neterua an neteros boks le alabaster ret le kaluk ut aken, an neteruipen le tenkapa iken ramowata mamaugan.

⁸ An tan iremim min netakaihm, an niehma neteretik ilar, netakani, Retol rametaken nar uk?

⁹ Mero in ka kaluk uk kamos nemrin ribor aken an kofen kam navantat.

¹⁰ Mero Iesu neterhinatin netereni to ilar, Retol nakamarol tipil kam beravin? Mero in ka ramol nar ut tonio.

¹¹ Mero in ka le nepenian min navantat kamairik kamiar min ilar, mero io iesarikan katar min kamiar le nepenian min.

¹² Mero in ka rakavipen kaluk uk le nubalakok an rakamol to nerenuman io.

¹³ Nuparhien tiakani to kamiar, iken nakaran ut uk tepausito iken le ten min petum, nar uk ramol tepausito mun le nimtatin ton.

¹⁴ An ker le ilar nerem katilum katilum mekiu, netigen Judas Iskariot, neteruan to neremera te nerem le nuhwasigenan, netereni,

¹⁵ Neta tenakarofa kam io an tiapauraipena in kam kamiar? An netakaim auker notakeri takeri 30 silver kam in.

¹⁶ An loanian ka neterahmpen mhinatin to nauraian in.

¹⁷ An nian aupan te nauganan taha bred leven rika lan, tan ieremim min netakarua to Iesu mamani, Petuan nakolkeikei moma kamar tiakarhwalh nelimin Napitean tonik tenekikin iken?

¹⁸ An netereni, moma, Aruan le nauanu maihm ieremim ker manipen ton, Ieremera tereni, Nian tahak reknua iwaket; tiakol Napitean le nimwa taham kamar tak ieremim min.

¹⁹ An tan ieremim min netakarol kama in ka Iesu rameni to ilar, an netakarhwalh petum nelimin Napitean.

²⁰ An lehnaiu neterua an neterowata le nauganan ilar tan ieremim min.

²¹ An netakamarkin an netereni, Nuparhien tiakani to kamiar moma ker le kamiar terepaurai io.

²² An nekin ilar neteramahmapuk an netakarwowun mamanipen ton ilar pusen pusen min, Ieremera, io wa?

²³ Mero neteraram meni, Ierem iamuel was nelimimlau le nevige nar ierem terepaurai io.

²⁴ Neri Ieremim terepuan kama in ka mene kamrai lan, mero awe to ieremim ka ierem Neri Ieremim kapaurai lan. Repavit to ieremim ka inen repesuaihan in.

²⁵ An Judas ierem teraurai in neteraram meni, Ieremera, io wa? Netereni ton, Ik nekneni.

²⁶ An ilar netakamarugan, an Iesu neteros bred, mamohwak, neteramarkahl, an neterofen kam tan ieremim min meni, Aros, markin, in uk nubalakok.

²⁷ An neteros nevige kap mamohwak, neterofen kam ilar meni,

²⁸ Aramnum lan kamiar muka, mero in ka in uk nitak to nimtatin kavi to neremim rapus to nositean tehwaga tat.

²⁹ An tiakani to kamiar, tiesamnuman mun le nowa nul uk meroatis nian ka tiepamnum vi katar min le niko te Tata.

³⁰ An netakaini nabuk, netakarier le touar Oliv min.

³¹ An Iesu netereni to ilar, kamiar muka tenepaipitetel lak lapin uk, mero in ka kamrai, Tiafo ierem ramasig ship, an ship min le nahuto teparmaslo.

³² Mero loanian tiapermig, an tiakaupan in kamiar muna i Kalili.

³³ Mero Piter neteraram menipen ton, Takama ilar min petum tepaipitetel lam, io tiesapitetelan lam.

³⁴ Iesu netereni ton, Nuparhien tiakani tonik moma lapin uk an menuk terapakaka an ik nepapnin io mau kisil.

³⁵ Piter netereni ton, Tiakama tiakakeikei memis tonik tiesapninan ik. An tan ieremim min petum netakani nar karena.

³⁶ An Iesu neterua ilar min le nar ker netigen Kethsemane. Netereni to tan ieremim min, Aaiwatok an io tiakuan ikenan an mohwak.

³⁷ An neterir Piter mene neri Zebedi mil netererwowun nekin mamtat an mamouloul.

³⁸ An netereni to ilar, Nanumok ramahmapuk to nemisan: aiwatok an mamarit katar min io.

³⁹ An neteruan isou tahman neteram merenum nemrin mamohwak, mameni, Tata, takama takapol pas nevige kap uk ruata tonio, mero resolan moma nar io iakolkeikei mero nar ik nakolkeikei.

⁴⁰ An neterua to tan ieremim mihlel neterahm ihlel kehnaipul. An netereni to Piter, Rol mok lan kamhiel neseisanenan to naitan katar min io le aur karena.

⁴¹ Tenakamarit mamehwak mero in ka moma tenesaruanan le nofenofenan: namumamiar rolkeikei mero nubalakamiar reknopo.

⁴² An mun ka neteruan manu kiu, mamohwak mameni, Tata, takama nevige kap uk to resuatean tonio mero tiakamnum pas nolkeikeian taham tapol.

⁴³ Neterua mun mahm ihlel kehnapul mero in ka nemrin ihlel repukam.

⁴⁴ Neterapas mun ihlel muan mamohwak mau kisil mameni mun nakaran karena.

⁴⁵ An neterua to tan ieremim mihlel netereni to ihlel, Haipul ra towek an hmaimig. Ahm ru, aur reknua iwaket an Neri Ieremim tepaurai le nelimin noletat.

⁴⁶ Hairmig, pas karuan: ahm ru, ierem teraurai io reknu iwaket.

⁴⁷ An ramameni ena Judas ierem in le katilum katilum mekiu, neterua ilar nahutopuk le nau apam mene nik, kamasipen le neremera le nuhwasigenan mene nerem asul te neremim.

⁴⁸ An ierem teraurai in reknamenita nimtatin to ilar mameni, Ierem tiakapai hnulin in un, arhiapatin in.

⁴⁹ An ihwe am neterua to Iesu meni, Eu, Ieremera, an neterapai hnulin.

⁵⁰ Mero Iesu netereni ton, Takiel, neta nar nakava ton? An netakarua mehlaupen nelimin ilar le Iesu marhiapatin in.

⁵¹ An ahm ru, ieremim ker le nerem kamairoupen Iesu neterhwatuin iatou nelimin, mosit nau apam tahan an moho iolatkokun nar te ieremera le nuhwasigenan an merai ita numatelegen.

⁵² An Iesu netereni ton, Ofen mun nau apam taham le niman, mero in ka nerem kamaros nau takaremis le nau.

⁵³ Wa nekim rakahmo moma to iesehrapukan to Tata an terhalipa towek nagelo min ribor aken kama lijion katilum katilum mekiu?

⁵⁴ An nawowa repetua met ka moma nar min uk terakeikei mol?

⁵⁵ Le aur ka Iesu netereni to nahuto min, kamiar nakarpuk nau mene nik mene marua tonio kama iakihla to nelesan io? Le nepenian min iemamowata le nimwa ahwak mametikun, an nemesarhiapatinan io.

⁵⁶ Mero nar min uk kamol moma reknet le nawowa taha profeta min. An tan ieremim min netakaipas in maikam.

⁵⁷ Mero netakarhiapatin Iesu marir in to Kaiafas ierema le nuhwasigenan, iken nerem kamatikun mene nerem asul karhwafugen ilar min iken.

⁵⁸ Mero Piter neteroupen in isou mua le nimwa te ieremera le nuhwasigenan, an neteruan imwa neteramowata ilar nolatkokun nar moma terahm naunin.

⁵⁹ An neremera le nuhwasigenan an nerem asul min netakamaitkoigen nausitoeiwean ker to Iesu moma takarhwapnin in.

⁶⁰ Mero to kasaihman ker, mero neremim ribor netakarua mamani neiwean am.

⁶¹ An oatisig kiu netikiava muani, Ierem uk rameni, Iakasanen moma tiakhwasesan nimwa ahwak te Wuhgin an mol le nepenian kisil.

⁶² An ieremera le nuhwasigenan neterermig menipen ton, Tonesaraman meni nar ker? Neta nar min nerem uk kamani lam? Mero Iesu resakaran,

⁶³ An ieremera le nuhwasigenan netereni ton. Tiakahrapuk tonik le netigen Wuhgin lilen moma tenakani to kamar, Ik Kristo Neri Wuhgin wa kapa?

⁶⁴ Iesu netereni ton, Ik nekneni. Mero itakani to kamiar, loanian uk tenapaihm Neri Ieremim terowata le nelimin matu te nesanenan an teratite le napua te neai.

⁶⁵ An ieremera le nuhwasigenan neterhapu nar rakava lan meni, Ramakar tat kam Wuhgin; retol kapaitkoigen mun nerem kamaiusito? Nemairo towek nakartetan reknol le Wuhgin.

⁶⁶ Nekimiar rakahmo neta? Ilar netakairam mamani, Ramol tehwaga te nemisan.

⁶⁷ An netakamaihg nemrin an netakamahro in, an netakamarep autauta, in mama,

⁶⁸ Ani to kamar, Kristo, pehe ierem ramep autauta ik?

⁶⁹ Mero Piter ramowata ilua le numatan nimwa, an beresuas ker neterua ton meni, An ik mun namamuavan kamilau Iesu te Kalili.

⁷⁰ Mero neterapun le nemrin ilar, moma, Iakatiktik nar nakameni.

⁷¹ An neteruan le nausilua an beresuas ker mun neterahm in netereni to nerem kamailil iken, In uk ierem kamamuavan ilua Iesu te Nazareth.

⁷² An neterapun mun le noanavel, moma, Iakatiktik ieremim un.

⁷³ An in am mun whaka nerem kamailil iwaket netakarua mani to Piter, Nuparhien ik mun ker le ilar, mero in ka nakaran taham retikun kamar lam.

⁷⁴ An netererwowun mametat an mamepawa, moma, Iatiktik ieremim un. An ihwe am menuk neterakaka.

⁷⁵ An nekin Piter neterho nar Iesu rameni, moma, An menuk terapakaka ik nepnapin io mau kisil. An neterier ilua mamasak apam.