Mathiu 24 - Nakaran ut te Jesu Kristo 1902

¹ An Iesu neterier le nimwa ahwak makavan, an tan ieremim min netakarua ton moma takatikun in le nimwa min te nimwa ahwak.

² Mero neteraram menipen to ilar, Nesaihman naremnar min uk? Nuparhien tiakani to kamiar, kapiel min tesaiwatean le ilar min mero tepelakhiau petum in.

³ An neterowata le touar Oliv min, an tan ieremim min netakarua ton ilar pusen am mamani, Ani to kamar moma tohnan nar min uk kapol? An neta nar pusupus teretikun le nuean taham mene naunin nian le ten uk?

⁴ An Iesu neteraram menipen to ilar, Tenakamaihmena moma ieremim ker tereseuhiatinan kamiar.

⁵ Mero in ka neremim ribor teparua le netigok mamani, Io Kristo, an takareuhiatin neremim ribor.

⁶ An tenepairo neluakenan mene nakaran te neluakenan, tenakamaihmena mama tenesariginan; mero in ka nar min uk terakeikei mua, mero resolan moma naunin nian.

⁷ Mero in ka nahuto mil tepiaho ilau min, an niko mil tepiaho ilau min, an noumus terapavan mene mig le ten nevin.

⁸ Mero naremnar min uk nerwowunan nahmean.

⁹ Loanian ka tepauraipen kamiar le nahmean, an teparhwapnin kamiar, an neremim petum tepaimakin kamiar mero in ka netigok.

¹⁰ Loanian ka neremim ribor tepaipitetel, an ker terepaurai ker, an ker terepomakin ker.

¹¹ An neremim ribor tepareiwa mama ilar profeta min, an tepareuhiatin neremim ribor.

¹² An mero in ka tehwaga tat teribor nolkeikeian te neremim rapus terepesuas.

¹³ Mero ierem terail tumutum le naunin kapos miuh in.

¹⁴ An nakaran uk te niko tepausito in le ten min petum to hninatinan to neremim petum, an loanian ka naunin terepua.

¹⁵ An takama tenakaihm nelikunan asul ramail le ten ausim, nar kameni le Daniel profeta (pas ierem ramahwin hrinatin).

¹⁶ Loanian ka pas nerem Judia kaikam marit le touar.

¹⁷ Ierem le hnagen nimwa pas rapas natitean moma teros nar ker le nimwa tahan.

¹⁸ An ierem le nasuman pas rapas nelelegpenan mun moma teros nar ituga tahan.

¹⁹ Mero awe to neberan kamasinen mene neberan kamamarofen nahmean loanian ka.

²⁰ Mero tenakaihwak moma nakaman temiar teresuean le nowa nelulu wa le nian ausim.

²¹ Mero in ka loanian ka nahmean asul terepua, nahmean rika rol mok lan le nerwowunan nar mua le nian uk, an ker mun rol mok lan teresuean.

²² An takama nian ka kamesolan rerparup, ieremim ker tepesosmiuhan. Mero in ka nerem kamahmpen ilar nepenian ka kamol rerparup.

²³ Loanian ka takama ker tereni to kamiar, Ahm ru, Kristo ikenuk, wa, Kristo ikenan, tenesanian nuparhienan lan.

²⁴ Mero in ka neremim tepairmig mamareiwa moma ilar Kristo min mene profeta min, an teparol nar pusupus ribor mene nar ut aken moma takareuhiatin asgavin nerem kamahmpen ilar.

²⁵ Ahm ru, iemaupan meni to kamiar.

²⁶ Mero in ka takama tepani to kamiar, Ahm ru, in leluan, tenesarieran; Ahm ru, in imwa, tenesanian nuparhienan lan.

²⁷ Mero in ka rolkoma nesiapumelan tersibat an kamahm in paha, rol mok lan nuean te Neri Ieremim.

²⁸ Iken nubalakin iken an iken kueria min teparhwafugen iken.

²⁹ An ihwe am nahmean te nian min un rua mua, mit repapinap, an mouk teresofenan hnakakan tahan, an mahau min tepeisas le neai, an nesanenan te neai repasiouh.

³⁰ An loanian ka kapahm nar pusupus te Neri Ieremim le neai, an loanian ka nahuto min petum le ten uk tepaisak an tepaihm Neri Ieremim rakava le napua le neai le nesanenan mene le navitan asul.

³¹ An terefhalipen nagelo min tahan le naiu asul, an teparhwafugen nerem kamahmpen ilar tahan le nemetag kuer le nuhiefin neai to takerin.

³² An le nihm airo hnoan nakaran. Takama nelimin terameravi an neteretik merukmeruk le numalin, nakarhinatin moma menkat iwaket.

³³ Rol mok lan kamiar mun takama tenakaihm naremnar min uk, tenakarhinatin moma in iwaket, le nausilua.

³⁴ Nuparhien tiakani to kamiar moma nerem uk tesarikean loanian naremnar min uk tapol.

³⁵ Neai ne ten tikiaka mero nakaran tahak teresikean.

³⁶ An ieremim ker reshinatinan nian ka mene aur ka, mene nagelo min le neai mene Nerin, mero in am Remin.

³⁷ Mero in ka rolkoma nian taha Noa, rol mok lan nuean taha Neri Ieremim.

³⁸ Mero in ka rolkoma ilar loanian ka paupan le iapiwan netakarkin maramnum, an kamairoe an mamaiviu beravin to nerikan mairoatis le nian noa neteruan le niko.

³⁹ An kamesarhinatinan mairoatis loanian ka iapiwan rua mapkita ilar, rol mok lan nuean te Neri Ieremim.

⁴⁰ Loanian ka ieremim mil kiu le nasuman ker kamosit an kapas ker.

⁴¹ Beravin kiu kamuoaiesesan le kapiel, ker kamosit an kapas ker.

⁴² Arit; mero in ka nakatiktik nian Ieremera temiar terua lan.

⁴³ Mero nakarhinatin nar uk moma takama ieremera le nimwa remhinatin lapin iakihla terua lan, ramemait an teresapasan tahan nimwa khapu.

⁴⁴ Mero in uk kamiar mun tenakamarit, mero in ka nian ker nekimiar reshoan Neri Ieremim terepua.

⁴⁵ An pehe iolatkokun ut nar mene ialbakau, ierem ieremera tahan ramol in reremera le neremim tahan moma teraugan ilar le nian min.

⁴⁶ Iolatkokun nar keikei ka ieremera tahan terepua an mahm in rakamol nar uk.

⁴⁷ Nuparhien tiakani to kamiar, terepol in reremera le naremnar min tahan.

⁴⁸ Mero takama iolatkokun tat nar ka tereni le nekin, Ieremera tahak ramamarik tahman;

⁴⁹ An netererwowun moho nolatkokun nar tahan, an mamaugan mamamnum ilar nerem mamaipus;

⁵⁰ Ieremera te iolatkokun nar ka terepua le nian in nekin reshoan mene le aur retiktik in lan,

⁵¹ An tereperai ita in an terepofen nemrin tahan le neki nerem kamaiusit ilar. Iken nasakan mene nikisan nelutil.