Mathiu 22 - Nakaran ut te Jesu Kristo 1902

¹ An Iesu neteraram mun menipen to ilar le hnoan nakaran, moma,

² Niko le neai rolkoma ieremera ker ierem ramol nauganan to nerin moma tereroe,

³ An neterhalipen nolatkokun nar tahan, tepaiaunin to nerem kamaunin ilar teparua to nauganan to neroean: an teresuean.

⁴ An neterhalita mun nolatkokun nar nevin meni, Ani to nerem kamaunin ilar, Ahm ru, iaknol etahun nauganan tahak, tahak kurumatau mene kurumatau min kamaugan vi ilar kahmo, an naremnar kenol petum: arua to nauganan te neroean.

⁵ Mero netakaipas an maruan, ker le nasuman tahan, an ker to nauta tahan.

⁶ An ilar mun nevin netakarhiapatin nolatkokun nar tahan, mamahro ilar marhwapnin.

⁷ An niehma neteretik iremera ka, neterhalipen soldier min tahan, an neterhwapnin nerem ka kamahro til an netervan nauanu tenilar.

⁸ An netereni to nolatkolun nar tahan, Nauganan te neroean kenol petum, an nerem kamaunin ilar kasarutan.

⁹ Mero in ka auruan le suatu asul min an maiunin nerem tenakamaihm ilar to nauganan te neroean.

¹⁰ An nolatkokun nar ka netakaruan le suatu min, mamarhwafugen neremim petum takaihm ilar, neremim ut mene neremim tat. An neroean reknet le nerem kamaunin ilar.

¹¹ Mero ieremera neterua moma terahm nerem kamaunin ilar, an neterahm iken ieremim ker reselkauhan in nar to neroean.

¹² An netereni ton, Takiel, nemetol mua mesosan kalkauh taha neroean? Mero neterapnapin am.

¹³ An ieremera netereni to nolatkokun nar, Alis nelikin mene nelimin an meilakiatou in le napinapan ilua. Iken nasakan mene nikisan nelutil.

¹⁴ Mero in ka neremim rapus kamaunin ilar, mero neremim noanevin am kamahmpen ilar.

¹⁵ An Farisi min netakarier mamekar kam ilar min mama takaihlau nalik to nakaran tahan.

¹⁶ Netakahilipen ton tenilar ieremim min mene neremim taha Herod mamani, Ieremera, iakarhinatin mama ik nakaparhien an nakametikun suatu taha Wuhgin le nuparhienan, an neseniapkisan til mero in ka ik nesahmpenan le nemritil.

¹⁷ Ani to kamar neta nekim rakahmo, rematu tokofen moni kam Sisar wa kapa?

¹⁸ Mero Iesu neterhinatin tehwaga tat tenilar netereni, Retol nakamarofenofen kam io kamiar nerem nakamaiusit kamiar? Aros marua tonio moni kamhwafugen.

¹⁹ An netakaros marua ton peni ker.

²⁰ An netereni to ilar, Nanumu fe uk? An netige fe kamrai lan? Netakani, mama, Taha Sisar.

²¹ An netereni to ilar, Mero in ka arofen kam Sisar nar taha Sisar, an marofen kam Wuhgin nar taha Wuhgin.

²² An netakairo, an netakamaisak, an netakaipas in mamaruan.

²³ Loanian ka Sadiusi min netakarua ton, nerem kamani, mama nermigan mun rika.

²⁴ An netakaihrapuk ton, mama, Ieremera, Moses rameni, Takama ieremim ker teremis an nerin rika, pian terir beravin tahan meples tain pian.

²⁵ Neremim katilum mekiu nereri ieremim karena kamairik kamar min ilar; an ierem aupan remir beravin neteremis, an tain rika, neterapas tahan beravin to pian.

²⁶ An ierem reroupen ramol nar karena, an ierem rol kisil, an meroatis ierem rol katilum mekiu.

²⁷ An beravin repemis oatisig aken le ilar.

²⁸ Le nermigan mun pehe le ilar katilum mekiu terol nuain lan? Mero in ka ilar petum kamamaros in.

²⁹ Mero Iesu neteraram menipen to ilar, Namarol ahwohwapuk nar, mero in ka nesarhinatinan nawowa mene nesanenan taha Wuhgin.

³⁰ Mero in ka le nermigan mun tesairoean an kasofenan neroean, mero takarol am kama nagelo min le neai.

³¹ An le nermigan mun le neki nerem kamaremis nesaihman le nawowa nar kameni to kamiar le Wuhgin, moma.

³² Io Wuhgin taha Ebraham, an io Wuhgin taha Iisak, an io Wuhgin taha Jekob. Resolan moma Wuhgin te nerem kamaremis mero Whugin te nerem kamarmiuh.

³³ An nahuto min netakairo netakamaisak le netikunan tahan.

³⁴ Mero Farisi min netakairo moma ramepau Sadiusi min netakarhwafugen ilar min to nar karena.

³⁵ An ker le ilar, ietikun, netererhapuk mamofenofen kam in, moma,

³⁶ Ieremera, ierem petuan ierem ribor le nekin nowa asul?

³⁷ Iesu netereni ton, Ik nakolkeikei Ieremera taham Wuhgin le nekim etahun, an le nanumam etahun, an le hninatinan etahun taham.

³⁸ In uk nowa ierem ribor mene iraupan.

³⁹ An ieroupen rolkoma in, Tenakolkeikei ierapusen kama ik atu mene.

⁴⁰ Le nowa mil uk nowa asul petum kamarkilpen le ilau mene profeta min.

⁴¹ Mero Farisi min netakarhwafugen ilar min, an Iesu netererhapuk to ilar, moma, Nekimiar rakahmo neta le Kristo?

⁴² Neri fe?

⁴³ Netakani ton, Neri Devid. Netereni to ilar, Mero in ka Devid remetueni le Nanumun moma in Ieremera, meni,

⁴⁴ Ieremera rameni to Ieremera tahak, Awata le nelimok matu an, Io tiakahlau nerem kamaimakin ik lahau le nelikam.

⁴⁵ Mero in ka takama Devid rama in Ieremera mero teretua moma nerin?

⁴⁶ An ieremim ker resesanenan to naraman nakaran ker ton, an neremim netakarignin loanian ka to nehrapukan mun in le nar ker.