Mathiu 21 - Nakaran ut te Jesu Kristo 1902

¹ An netakarua iwaket to Jerusalem, netakarua to Bethpej le touar Oliv min. An Iesu neterhalipen tan ieremim mil kiu, meni to ilau,

² Iavan to nauanu le ten levinpen to kamilau, an ihwe am tenepuahm as kameruatin ilau nerin. Tenekiaresin an miair miava tonio.

³ An ama ieremim ker tereni nar ker to kamilau, nukuani, muoma, Ieremera rolkeikei ilau; an ihwe am in terethalipa ilau.

⁴ Nar uk kenol moma reknet le nar kameni le profeta, moma,

⁵ Ani to beresuas neri Zaion, Ahm ru, Ieremera taham terua tonik, Meruk an mowata letui as, Mene letui as vi neri as.

⁶ An tan ieremim mil netikiavan miaol nar ka Iesu rameni to ilau, netikiair as mene nerin miava,

⁷ An netakaihlaupen lan nar kamarviu ilar in; neterowata lan.

⁸ An neremim ribor le nahuto netakareipin nar kamarviu ilar in le suatu, an nevin mun kameirai nelimin nik mamehlau le suatu.

⁹ An nahuto kamaiupan in an nerem kamaiuatisig netakamaisak, mama, Hosana le Neri Devid! Ierem keikei ierem rava le netigen Ieremera, Hosana iles aken.

¹⁰ An neterua Jerusalem, an neremim petum le nauanu nekin ilar ragien, moma, Pehe ena uk?

¹¹ An nahuto min netakani, In uk profeta Iesu te Nazareth i Kalili.

¹² An Iesu neteruan le nimwa ahwak, an neterhaliatou petum nerem kamaiurai in nar maros nemrin nar le nimwa ahwak, an neterahwin tebel te nerem kametain moni mene nar kamowata lan te nerem kamaiurai in menuk.

¹³ An netereni to ilar, Kamrai moma, Tahak nimwa tepeni moma nimwa ahwak, mero kamiar nemarol kama nepag kapiel te nakihla.

¹⁴ An netakarua ton nerem remrin ilar rou mene nerem nelikin ilar retat le nimwa ahwak: an neteramol ut ilar.

¹⁵ An neremera le nuhwasigenan mene nerem kamatikun netakaihm nar ut aken ena in ramol mairo kova min le nimwa ahwak kamaisak, mama, Hosana le Neri Devid: Netakarol niehma kam in;

¹⁶ An netakanipen ton, Ik nakamero nar nerem uk kamani? An Iesu netereni to Ilar, Ooh, kamiar nesaihman le nawowa, moma, Le hnulin nowasuas min mene kova kova min ik neknol kani vivi ik?

¹⁷ An neterapas ilar, neterier le nauanu asul neteruan i Bethani, mapul iken.

¹⁸ An lakapnipin neterelelegpen mun le nauanu asul, neteremek.

¹⁹ An neterahm nihm ker le suatu, neterua ton, neteresahman nar ker mero numalin am; an netereni ton, Pas nowam terika loanepenian uk mene le nian min petum. An ihwe am nihm riknimer.

²⁰ An tan ieremim min netakaihm netakamaisak, mama, Retol nihm riknimer hwaihwe am?

²¹ An Iesu neteraram menipen to ilar, Nuparhien tiakani to kamiar, takama tenakani nuparhienan lan, mesanian mun neiwean lan, tenesanian mama tenakarol am nar uk kamol le nihm, mero tenakani to touar uk, Tuklesit ik an kapelakpenin ik le tami tehe, an takol.

²² An naremnar min tenakaihrapkin le nahwakan mamani nuparhienan lan, teneparos.

²³ An neterua le nimwa ahwak neterametikun, an netakarua ton neremera le nuhwasigenan mene nerem asul te nermim mamani, Netige fe nakamol nar min uk lan? An, Pehe ramofena kam ik nesanenan uk?

²⁴ An Iesu neteraram menipen to ilar, Io mun tiakahrapkin nar ker to kamiar, takama tenakani tonio, io mun tiakani to kamiar netige fe tiakol nar min uk lan.

²⁵ Nebaptisoan te Jon remsipeten, le neai wa le neremim? An netakamani to ilar min, mama, Takama tiakani, mama, Remsipe le neai, repeni to katar, Mero in ka retol nesanian nuparhienan lan?

²⁶ Mero takama tiakani, mama, Remsipe le ieremim, iakamarigin to nahuto, mero in ka neremim petum kama Jon profeta.

²⁷ An netakairam to Iesu mamani, Iakatiktik. An in netereni to ilar, An io mun tiesenian to kamiar netige fe tiakol nar min uk lan.

²⁸ Mero nekimiar rakahmo neta? Ieremim ker nerin kiu, an neterua to iraupan meni, Neruk, uan towe masum to vain.

²⁹ An neteraram meni, Io tiakuan, Ieremera: an resuanan.

³⁰ An neterua to iresuas meni nar karena, an neteraram meni, moma, Iakapas. An oatisig nekin netereleleg an neteruan.

³¹ Ierem peten le ilau ramol nowa remin? Netakani ton, Iresuas. Iesu netereni to ilar, Nuparhien tiakani to kamiar, moma, Neremim tat mene neberan kamaroletat takaiupan le kamiar maruan le niko te Wuhgin.

³² Mero in ka Jon rava to kamiar le suatu te tehwaga ut, an kamiar nesanian nuparhienan lan; mero neremim tat mene neberan kamaroletat netakani nuparhienan lan. An kamiar nakamaihm mero nakasalelegan maiuatisig mani nuparhienan lan.

³³ Airo hnoan nakaran ker mun. Ieremim ker ierem ramos nimwa ramsu vain le nasuman, neterol aparin, neteril nimil ton, neterol nimwa iakis ker, neterofen kam nerem kamaisum, mier muan le ten pusen ker.

³⁴ An nian te nowa nik reknua iwaket, an neterhalipen nolatkokun nar tahan to nerem kamaisum moma takaros nowa nik tahan.

³⁵ An nerem kamaisum ka netakaros nolatkokun nar tahan, netakahro ker, netakarhwapnin ker, an mamaru ker le kapiel.

³⁶ An neterhalipen mun nolatkokun nar nevin mun le nerem kamaiupan, netakarol nar karena to ilar.

³⁷ An oatisig neterhalipen nerin to ilar meni, Takaitelegin kam neruk.

³⁸ Mero nerem takaisum netakaihm nerin netakani to ilar min, Inuk ierem te nasuman, pas katar kahro maros nasuman tahan tetar.

³⁹ An netakaros in an netakailakiatou le nikali nasuman, marhwapnin in.

⁴⁰ An to nian ker ieremera te nasuman terua, neta terol to nerem kamaisum ka?

⁴¹ Netakani ton, Teraphwapnin aken neremim tat ka, an terepofen nasuman kam nasum pusen, nerem takarosipen nowa nik kam in le nepenian tahan.

⁴² Iesu netereni to ilar, Kamiar nesaihman le nawowa, moma, Kapiel nerem kamarol nimwa kamaipas Inuk kenol ieremera le nikali nimwa. In uk remsipe le Ieremera, An ravit aken le nemritar?

⁴³ Mero in ka tiakani to kamiar, Niko te Wuhgin taposita to kamiar an tapofen kam nerem takarol nowa tahan.

⁴⁴ An ierem teram le kapiel uk terepounasesan, mero ierem kapiel teram lan reperwasesan rivuk ivuk kama nemolul.

⁴⁵ An neremera le nuhwasigenan mene Farisi min netakairo hnoan nakran min tahan, an netakarhinatin moma rahmo nakaran le ilar.

⁴⁶ An netakarolkeikei mama tiakarhiapatin in, mero kamarigin to nahuto, mero in ka netakama in profeta.