Mathiu 20 - Nakaran ut te Jesu Kristo 1902

¹ Mero in ka niko le neai rol koma ierem ramos nimwa, an lakapnipin aken rier moma teros neremim to nasuman to vain tahan.

² An netereni to neremim ka moma terofen kam ilar peni ker le nian ker, an neterhalipen ilar to nasuman to vain tahan.

³ An neterier le aur kisil neterahm nevin mun imaim kamailil mesaisuman.

⁴ Netereni to ilar, Kamiar mun aruan le nasuman to vain an tiapofena kam kamiar nemrin matu.

⁵ An netakaruan. An neterier mun le aur katilum mekarena mene le aur katilum mekuer an neterol am nar karena.

⁶ An le aur katilum katilum mekarena neterier neterahm nevin mun kamailil; an netereni to ilar, Retol nakamailil ikenuk le nian min petum mesaisuman?

⁷ Ilar netakani ton, mama, Mero in ka ieremim ker resosan kamar. Netereni to ilar, Kamiar mun aruan le nasuman to vain.

⁸ An lehnaiu neterua an ieremera te nasuman to vain netereni to iolatkkokun nar tahan, Aunin nerem kamaisum an mero ilar le nemrin, an merwowun le ierem ramoatisig an meroatis le ierem ramaupan.

⁹ An nerem remaunin ilar le aur katilum katilum mekarena netakarua, netakaros peni rauker le ilar.

¹⁰ An nerem kamaiupan karua, an nekin ilar neterakahmo moma takaros asul; an ilar mun karos peni rauker le ilar.

¹¹ An netakoras, an netakameitat ieremera, mama,

¹² Nerem uk kamaiuatisig kamaisum le aur karena am, an ik neknol ilar kama kamar mene iemaisum le nian min petum mene le nemenkuat asul.

¹³ Mero neteraram menipen to karena le ilar, Takiel, iesoletetan lam. Ik nemesenian moma tenakasum to peni?

¹⁴ Os taham nar mier. To iakolkeikei moma tiakaro iawatisig uk kama ik mene.

¹⁵ Resmatuan moma tiakol nar iakolkeikei le nar tahak? Wa nakanemram retat mero in ka io iakavit?

¹⁶ Rol mok lan nerem kamaiuatisig tepaiupan, an nerem kamaiupan tepaiuatisig.

¹⁷ An Iesu neteret muan Jerusalem, an neterir tan ieremim min katilum katilum mekiu ilar pusen am, netereni to ilar le suatu,

¹⁸ Ahm ru, tiakaret maruan Jerusalem, an Neri Ieremim tapauraipen kam neremera le nuhwasigenan mene nerem kamatikun, an tepani nemisan ton.

¹⁹ An tepaiuraipen in kam nerem Jentail mama takaiusan lan, an mamahro in, an mamaruit in, an le nepenian kisil terepermig.

²⁰ An inen neri Zebedi mil neterua ton ihlel neri mil, neterohwak kam in mamehrapkin pen ton nar ker.

²¹ An netereni ton, Nakolkeikei neta? Netereni ton, Ani moma in uk neruk mil kuowata ker le nelimam matu an ker le nelimam mul le niko taham.

²² Mero Iesu neteraram meni, Nakhatiktik am moma neta tenakheihrapkin. Nukuasanen muoma tenukuamnum le nevige kap io tiapamnum lan?

²³ Netukuani ton, Iakuasanen. Netereni to ilau, Tenukuamnum parhien le nevige kap tahak; mero nowatean le nelimok matu mene le nelimok mul, resolan moma tahak tiakofena, mero taha narem kenolita to ilar le Tata le neai.

²⁴ An ilar katilum katilum netakairo an niehma rametik ilar le ilau pian.

²⁵ Mero Iesu neteraunin pen ilar ton mameni, Kamiar nakarhinatin mama neremera te Jentail kamairemera atu le ilar, an nerem asul tenilar takani nowa to ilar.

²⁶ Tepesolan mok lan le kamiar. Mero ierem terama ribor le nekimiar terol atkokun nar to kamiar.

²⁷ An ierem rama teraupan le nekimiar iolatkokun nar temiar.

²⁸ Rolkoma Neri Ieremim remesuean moma takol atkokun nar ton, mero moma terol atkokun nar, an moma terofen nemihwan tahan nemrin neremim rapus.

²⁹ An netakarier le Jeriko, an nahuto puk netakairoupen.

³⁰ An ahm ru, iemnou kiu kamuowata le nikali suatu, an netakuaro muoma Iesu reknua makavan, netukuasak, muoma, Ieremera, asitu le kamlau, ik Neri Devid.

³¹ An nahuto netakameinhiau ilau, mama, Asuasakan: mero ilau netakamuasak apam mun, muoma, Ieremera, asitu le kamlau, ik Neri Devid.

³² An Iesu neterail maunin ilau, mameni, Neta nikiaolkeikei muoma tiakol kam kamilau?

³³ Netukuani ton, muoma, Ieremera, iakiaolkeikei muoma tekatita nakanemrimlau.

³⁴ An Iesu nekin netertat to liau, neteriap nemrin ilau, an ihwe am netukuahm mun nar, netakamuaraupen in.