Mathiu 18 - Nakaran ut te Jesu Kristo 1902

¹ Loanian ka tan ieremim min netakarua to Iesu mani, An pehe iribor le niko le neai?

² An neteraunin kova ker ton an neterofen ilukan le ilar mameni,

³ Nuparhien tiakani to kamiar, takama tenesalelegan marol kama kova, tenesaruanan le niko le neai.

⁴ Mero in ka ierem terol nekin kama kova uk, ierem teribor le niko le neai.

⁵ An ierem teros kova ker rolmok lan le negitok ierem teros io.

⁶ Mero ierem terol ram kova ker ierem iresuas aken tereni nuparhienan lak, repavit ton moma takarupen kapiel asul le nemulkenuan an kapelakiatou in le tami tehe.

⁷ Awe to ten uk mero in ka nar ramol napitetelan! Mero in ka nar ramol napitetelan terakeikei mua, mero awe to ieremim ka terol nar ramol napitetelan.

⁸ An takama nelimam wa nelikam terol ik nakamapitetel, arak ru melakpenin isou tonik; ravit tonik nepuan le nemihwan le nelimam karena wa le nelikam karena, mero retat le nelimam kiten mil wa le nelikam kiten mil kapelakpenin ik le nekam lilen.

⁹ An takama nakanemram terol ik nakamapitetel, suliatou melakpenin isou tonik; ravit tonik nepuan le nemihwan le nemram karena, mero retat kapelakpenin ik le nekam asul le nemram kiu.

¹⁰ Tenakamaihm moma tenesanian tanipen le kova min uk iresuas ker; mero in ka tiakani to kamiar, le neai nagelo min tenilar kamaihm nemri Tata le neai le nian min petum.

¹¹ Mero in ka Neri Ieremim rava moma teros miuh nerem kamalue.

¹² Nekimiar rakahmo neta? Takama ieremim ker ramos ship 100, an ker le ilar ramelue, terapas ierem min ka 99 le touar, an teruan matkoigen ierem ramelue.

¹³ An takama terahm, nuparhien tiakani to kamiar, nekin ragien aken ena ton mero resolan moma ierem min ka 99 kasaluean.

¹⁴ Rol mun mok lan Remimiar le neai resolkeikeian moma iresuas uk ker teremis.

¹⁵ Mero takama piam terol tehwaga tat lam, uan meni ton tehwaga tat tahan kamilau pusenam; ama retelegin ik an neknol ut piam.

¹⁶ Mero ama reseteleganin ik, ir mun ieremim ker wa kiu muan ton, moma le hnulin ieremim kiu wa kisil nakaran petum tapol hninatinan.

¹⁷ An ama reseteleganin ilar, ani to nakalasia min; mero ama reseteleganin nakalasia min, pas in kama Jentail wa ierem le nuhwafugenan tonik.

¹⁸ Nuparhien tiakani to kamiar, naremnar tenakalis le ten uk takalis mun le neai; an naremnar nakaitubalakin le ten uk takatubalakin le neai.

¹⁹ Tiakani mun to kamiar, takama kamiar kiu kiaol nekin ilau karena le nar ker tukuahrapkin ton tokol to ilau le Tata le neai.

²⁰ Mero in ka iken ieremim kiu wa kisil kalhwafugen iken netigok, io iken le nekin ilar.

²¹ An Piter neterua menipen ton, Ieremera, piak teroletat mau kuhu lak an io tiakosita?

²² Mau katilum mekiu wa? Iesu netereni ton, Iesenian tonik mau katilum mekiu, mero katilum mekiu mau 70.

²³ Mero in ka niko le neai rol koma ieremera ker rama terero nerem kamarol atkokun nar tahan.

²⁴ An netererwowun mamero ilar, an netakarir ker irerem ramos apnapin 10,000 talent.

²⁵ An mero in ka remesosan tain ieremera tahan netereni moma takaurai in mene nuain mene nererin mene nauta tahan mos nemrin nar ramos ton.

²⁶ Mero iolatkokun nar ka neteram mamohwak kam in, moma, Ieremera, pas tahman io, an iepero petum lam.

²⁷ An ieremera te iolatkokun nar ka nekin neteravit ton, meteruata lan an neterapas nemrin nar tahan.

²⁸ Mero iolatkokun nar ka neterier atou neterahm ker mun iolatkokun nar ierem ramos apnapin am 100 peni ton, neterhiapatin in an mautetin nenro, moma, Ofa tain nar namos tonio.

²⁹ An iolatkokun nar ka neteram netererhapuk ton, moma, Pas tahman io an iepero ik.

³⁰ An in resolkeikeian; mero neteruan neterofen in le nimwa iakis loanian ka terofen tain nar ramos apnapin.

³¹ An nolatkokun nar min netakaihm nar ka kamol, nekin ilar ramahmapuk, netakaruan mani to ieremera tenilar nar min ka kamol.

³² An ieremera tahan neteraunin in ton, menipen ton, Ik iolatkokun tat nar, io iemapas petum nar ka namos apnapin mero in ka nemehrapuk tonio.

³³ An ik mun retol nekim restetan to iolatkokun nar ka kama io mene nekiuk remtat tonik?

³⁴ An niehma neteretik ieremera tahan neterofen kam nerem takarol nahmean kam in loanian ka rapofen tain petum nar ramos apnapin.

³⁵ Rol mok lan Tata le neai terepol le kamiar takama kamiar nesarositean netetan te piamiar le nekimiar.