Mathiu 17 - Nakaran ut te Jesu Kristo 1902

¹ An nepenian katilum mekarena neterua muan an Iesu neteros Piter mene Jems mene Jon nohran, neterir ihlel marit le touar apam ilar pusenam.

² An neterhwapen pusen to ihlel; an nemrin neteramselsel kama mit, an nar rakava lan neteretuan kama hnakakan.

³ An ahm ru, netakhaihm Moses mene Ilaija kahmekar ihlel Iesu.

⁴ An Piter neteraram menipen to Iesu, Ieremera, ravit to katar moma tiakamairik uk; takama ik nakolkeikei, io tiakol uk nimwa aulul kisil, ker taham, an ker taha Moses, an ker taha Ilaija.

⁵ An ramakameni ena an napua tuan rapua esun ilar; an ahm ru, nakaran netersipe le napua meni, moma, In uk Neruk keikei, ierem nekiuk ragienipus ton; aitelegin kam in.

⁶ An tan ieremim ihlel netakhairo an netakhalam hmaisin nemrin ihlel, an mamhaliginipus.

⁷ An Iesu neterua map ihlel meni, moma, Hairmig mesaliginan.

⁸ An netakhaletaget netakasaihman nar ker mero Iesu am.

⁹ An netakamaitite le touar, an Iesu neteramenhiau hmahma ihlel, moma, Teneshanian nar uk nehmaihm to nar ker, loanian Neri Ieremim terepermig le neki nerem kamaremis.

¹⁰ An tan ieremim ihlel netakaihrapuk ton, mama, An retol nerem kama Ilaija terekeikei maupan mua?

¹¹ An neteraram meni, Nuparhien Ilaija terua mamol ut naremnar min.

¹² Mero tiakani to kamhiel, Ilaija reknua ita, an ilar katiktik in, mero kamarol lan nar ilar karolkeikei. Rolmok lan Neri Ieremim mun terepos nahmean to ilar.

¹³ An tan ieremim ihlel netakhahlinatin mama rameni nar uk to ihlel le Jon ierem ramol nebaptisoan.

¹⁴ An netakarua to nahuto, an ieremim ner neterua ton, merenum noulin ton, mameni,

¹⁵ Ieremera, asitu le neruk, mero in ka nikavean rakahmo in, an nahmean tahan ribor; mero in ka le nepenian min rakamam pen le nekam, mene le nepenian min le nowa nu.

¹⁶ An iemir in mua to tam ieremim min, mero kasaisanenan to nolutan in.

¹⁷ An Iesu neteraram meni, Eu nerem nuparhienan temiar rika, kamiar nerem namaroletat, kamairik katar min io nahnan? Nahnan nekiuk ramahma to kamiar? Ir ua ietuk tonio.

¹⁸ An Iesu ramenhiau in, an nanumun tat neterier lan an wusuas kamol ut le aur ka.

¹⁹ An tan ieremim min netakarua to Iesu ilar pusenam mamani, Retol kamar iesaisanenan to hnaliatouan in?

²⁰ An netereni to ilar, Mero in ka nuparhienan temiar resuas. Mero in ka nuparhien tiakani to kamiar, takama nuparhienan temiar rol koma wiker i mastard, an takani to touar uk, Uata ikenuk muan an, an teruan; an nar ker repesiakisan to kamiar.

²¹ Mero nar uk to repesieran mero in am ka nahwakan mene nemekan.

²² An netakairik i Kalili, an Iesu netereni to ilar, Neri Ieremim tepaurai le nelimin neremim: an teparhwapnin: an le nepenian kisil tapos miuh mun.

²³ An nekin ilar neteramahmapuk.

²⁴ An netakarua Kaperneam, an nerem kamerhwafugen nofenan te nimwa ahwak netakarua to Piter mani, Ieremera temiar ramero nofenan te nimwa ahwak wa kapa?

²⁵ Netereni, Ooh. Neteruan imwa an Iesu neteraupan meni ton, moma, Nekim rakahmo neta, Saimon? Neremera le ten uk kamaros nuhwafugenan wa nofenan to fe? To nererin ilar wa to nerapusen?

²⁶ An netereni, To nerapusen. An Iesu netereni ton, Mero in ka nererin ilar min kamaivan am.

²⁷ Mero in ka moma tiesarolan ilar kaipitetel, ik uan irhe marum nowan metau an muvit nam teraupan met mua, an mautepiai nowan an nepahm shekel. Os in mofen kam ilar kam ik mene io.