Mathiu 16 - Nakaran ut te Jesu Kristo 1902

¹ An Farisi min mene Sadiusi min netakarua mamarofenofen kam in, netakaihrapuk moma teretikun ilar le nar pusupus ker le neai.

² Mero neteraram menipen to ilar, Lehnaiu tenakani terepemelinu mero in ka neai tereloulou.

³ An lakapnipin tenakani nian tertat towe mero in ka neai remloulou an mepukam. Nakamailbakau to hninatinan nemrin neai, mero nakatiktik nar pusupus te nepenian min uk.

⁴ Nerem retat mene nerem kamarol ouloul kamaitkoigen nar pusupus. Mero takasofenan nar pusupus kam ilar, mero nar pusupus te Jona. An neterapas ilar neterier.

⁵ An tan ieremim min netakarua le neutain mailuin nosan bred.

⁶ An Iesu netereni to ilar, Takamaihmena mamaihm leven taha Farisi min mene Sadiusi min.

⁷ An netakani to ilar min, mama, Mero in ka iesarosan bred.

⁸ Mero Iesu neterhinatin netereni, Kamiar nuparhienan temiar resuas aken, retol nakamani to kamiar min mero in ka nemesarosan bred?

⁹ Kamair nesarhinatinan towe mene? Nekimiar reshoan bred katilum le neremim 5,000, an karam kuhu nemaiuiak?

¹⁰ An bred katilum mekiu le neremim 4,000, an karam huhu nemaiuiak?

¹¹ Retol nesarhinatinan mama iemesenian nar uk le bred, mero tenakamaihmena leven taha Farisi min mene Sadiusi min.

¹² An ilar neterhinatin mama neteresenian to ilar netermaihm leven taha bred, mero tenetermaihmena netikunan taha Farisi min mene Sadiusi min.

¹³ An Iesu neterua le ten i Sesaria Filipai, netererhapuk to tan ieremim min, moma, Neremim kamani le Neri Ieremim moma pehe.

¹⁴ An ilar netakani, Neremim nevin kama Jon ierem ramol nebaptisoan, an nevin kama Ilaija, an nevin kama Jeremaia, wa profeta ker.

¹⁵ Netereni to ilar, Mero kamiar nakama io fe?

¹⁶ An Saimon Piter neteraram meni, ik Kristo, Neri Wuhgin lilen.

¹⁷ An Iesu neteraram menipen ton, Ik ierem keikei, Saimon Bar‐Jona; mero in ka ieremim resetikunan ik lan, mero Tata le neai.

¹⁸ An io tiakani mun tonik, moma, Ik netigam Piter, an le kapiel uk tiapol nimwa ahwak tahak; an tapin le nekam asul teresausikausikan ton.

¹⁹ Tiapofena ki le niko le neai kam ik; an neta ik tenakalis afugen le ten uk, an tepelis afugen le neai; an neta tenakatubalak lan le ten uk, an takatubalak lan le neai.

²⁰ An netereni to tan ieremim min moma tesanian to nar ker mama in Kristo.

²¹ Loanian ka Iesu netererwowun mametikun tan ieremim min, moma terakeikei muan Jerusalem mos nahmean ribor le nerem asul mene neremera le nuhwasigenan mene nerem kamatikun, an kafhwapnin, an le nepenian kisil repermig.

²² An Piter neteros in netererwowun mamenhiau in, moma, Pas nar uk ruan isou tonik, Ieremera; nar uk to tepesolan lam.

²³ Mero neterhwin meni to Piter, Uan le numatak, Setan; ik nar kamapitetel lan tonio; mero in ka nekim reshoan nar taha Wuhgin, mero nar taha neremim.

²⁴ An Iesu netereni to tan ieremim min, Takama ierem rolkeikei moma teroatisigin io, pas rapas tahan tehwaga, an mosit tahan nik aluauin, an maroupa io.

²⁵ Mero in ka ierem terama teros miuh in teriapatou in; an ierem teretigha in nemisan tonio teros nemihwan.

²⁶ Mero in ka ierem rama ramos petum ten ravit to neta terama teretaken tahan nemihwan? Wa neta ieremim terofen mos nemrin nemihwan tahan.

²⁷ Mero in ka Neri Ieremim terepua le navitan te Remin, ilar nagelo min tahan; an rapofen nemrin tehwaga tenilar kam neremin min.

²⁸ Nuparhien tiakani to kamiar, nerem uk nevin kamailil tesaremisan to nian ker tepaihm Neri Ieremim terua le niko tahan.